في شراء الـ360 .

[Andrew X]

السلام عليكم ورحمة الله وبركاته ,,

كيف الحال ان شاءالله طيبن؟

نظرا لقدوم اجازة عيد الأضحى اكيد الأغلبية او (الكل) مجهز له قرش ولا قرشين لبعض الأجهزة او الألعاب (انا من القسم الأول ) (نصيحة خذوا اشيائكم قبل الأجازة ولا بيصلخونكم صلخ مب صاحي)

فحبيت استشيركم قبل ماقدم على خطوة ممكن اندم عليها بعدين (ماخاب من استشار) وتعرفون الأكس ومخاطره فهو من الأجهزة اللي يستحسن الواحد يفكر وينتبه قبل مايتهور /: ....المهم ..تراني نووووب والله نووووووب ..فتوقعوا اسئلة بسيطة وعبيطة نوعا ما (محد ولد من بطن امه متعلم:whistle: ) واسف من كل قلبي على الأسئلة الكثيرة :

1- بنسبة للجهاز نفسه..فأي نوع تنصحوني اخذ؟ انا ناوي على الأركيد بقوة..بس ودي اسمع رايكم..

2- مشكلة الأركيد (عدم وجود الهاردسك واللي هو ضروري لتخزين الديموز والعاب الأركيد..اي مشكلة ثانية بعد في الأركيد؟) ويين القاه الهاردسك نفسه..هل هو في محل الألعاب..ام في حقت الـPC والكمبيوتر..وبكم سعره؟ واي سعة او حجم تنصحوني اركب..

3- بنسبة للأونلاين..الكثير مسوي ضجة عليه..زي ماسمعت ان الأونلاين بفلوس ومب مجاني..وياليت تحطون لي مميزات الأونلاين بختصار..وطريقة اشتراكهم كيف (طريقة البوينتس اظن صح؟ ولاغير) وكم مدة الأشتراك..ووش الموجود في الأون لاين غير العاب الأركيد والديموز (الأفلام موجودة مثلا؟ )

4 - بنسبة لخرابات الجهاز والبهذله..الأخ حسين جزاه الله خير قد فتح موضوع بهالخصوص ونبه الأعضاء لطريقة ممتازة لتميز الجهاز الصالح من العاطل (وحفظت الأشياء اللي فيه بعد) السؤال هنا :هل الفالكون ينطبق على الأركيد؟ ولا بس البرميوم والأليت فقط ؟

4- هل يوجد وكيل لمايكرسوفت في الرياض (بلوتو اظن؟) ومن وين تنصحوني في مكان مليان اجهزة (ابغى ادور على الفالكون زييييييييين)

5 - لنفترض اني خذت واحد بدون ماتأكد انه فالكون ولالا....لاسمح الله الجهاز جته اللمبات الحمرا..وش بيفدني الضمان بظبط ؟ (يستبدلونه ولا يصلحونه مثلا؟) واذا خلص الضمان وجته اللمبات الحمرا..هل يتصلح ولا خلاص باي باي شوفلك واحد ثاني؟

6- مشكلة التلفزييييون..اللي عندهم SD ممكن الواحد يمشي حاله فيه..لكن المشكلة ماراح يعطيك الجودة المطلوبة..هل فيه طريقة معينة يمديني احسن الجودة على الـSD بدون اللجوء الى الـHD واخواتها ؟ واذا كان لا..ياليت تدلوني على مكان في الرياض يبيع التلفزيونات المستعملة..

7 - مشكلة الريجون فري والريجون لوك..وش السالفة بظبط؟ يعني لو خذت لعبة امريكية على جهاز اروبي (او العكس) ماراح تشتغل!! ياللهول :surprised: طيب انتم يالأعضاء وش تنصحوني فيه..الأروبي ولا الأمريكي؟ والألعاب تاخذونها اروبيه او امركية ؟

وشكرااااا مقدما (انا متأكد انكم دختم ) بس وش نسوي ): وياليت اللي عنده سؤال او شي يحطه هنا خصوصا للي يبون ياخذون الجهاز قريب..وبتوفيق للكل .

 

[hussien-11]

و عليكم السلام و رحمة الله

1 - البرو ، الهاردسك و الهيدست مهمين جدا ( إلا لو بتاخذ أركيد و بتشتريهم منفصلين بعدين )
2 - مايكرو نزلت باكيج فيه هاردسك60 جيجا + هيدست + اشتراك لايف3 شهور + بوينتس بـ100$ ، بدون هاردسك اللودنج بيصير أطول في الألعاب + ما بتقدر تحمل ديموز .
3 البوينتس علشان تشتري فيها ألعاب الأركيد أو ألعاب الإكس بوكس الأول من اللايف ، أو تشتري فيها ثيمز و صور شخصية للألعاب أو تستعير فيها أفلام من النتفليكس مع الأبديت الجديد ، أما الاشتراك نفسه بيجي ببطاقة ثانية بتدفع سعرها مستقل ( 3 شهور أو سنة ) ، و طريقة الاشتراك و الشراء سهللللللة جدا و رح تسويها لحالك بدون أي مشاكل :
4 - الله يخليك P: ، حاليا أغلب الأجهزة الجديدة فالكون ، سواء أركيد و لا برو و لا اليت
5 - استبدال خلال أول سنة ، و تصليح خلال السنتين اللاحقتين ، انت تأكد من تاريخ التصنيع و كل ما كان أجدد كل ما كان أفضل ، و حاليا أغلب الأجهزة الموجودة بالسوق سليمة بإذن الله
6 - في عندك حل ثاني ، بتقدر تشتري شاشة كمبيوتر HD ؟ سعرها أرخص بكثير من سعر التلفزيون و بتعطيك جودة ممتازة ، بس بتحتاج تشتري علشانها كيبل VGA إضافي على الجهاز
7 - لول يس P: ، الجهاز الأوروبي علشان الضمان ، بس الأمريكي أفضل بإصدار الألعاب بوقت مبكر


بالتوفيق حبيبي و عالبركة
​

 

[Zero]

(نصيحة خذوا اشيائكم قبل الأجازة ولا بيصلخونكم صلخ مب صاحي)

في المقابل: الأجانب الغير مسلمين تشوف عندهم أنواع التخفيضات قبل الأعياد علشان الكل يفرح بالعيد ، ولكن عندنا للأسف .. كل تاجر أطمع من الثاني .

1-بما أن البريميوم صار بأقل من 1000 ريال فاشتريه ، الأركيد كان ب900 وصار ب800 ، شخصيا شريته ب930 ولكني ندمت لما أستعجلت وما أخذت البريميوم ( حتى قبل التخفيض ) لأن أسعار الإكسسوارات غالية جدا وعلى رأسهم الهاردديسك اللي راح تحتاجه عاجلا أم آجلا .

2- راح يجي باك قريبا فيه ( هارد 60 جيجا + سماعة لايف + ثلاثة أشهر إشتراك + يمكن في شيء رابع بس نسيته ) قيمته 100 دولار ويناسب اللي أشتروا أركيد مسبقا .. ولكن ! الله يعلم بكم بتبيعه محلاتنا أو إذا كانت بتجيبه من الأساس ! .. الهارد لحاله بدون باك ناصبين فيه وبزيادة وتوقع أنهم ما يجيبوا هذا أو يبيعوه بسعر فلكي ، الهاردديسك مهم ولو بتاخذ الأركيد الآن وأنت ما عندك جهاز سابق ( مخترب زي اللي شروا الأركيد مثلا .. أو "بالموت" تقدر تشتري جهاز وحالتك صعبة ) فما له داعي .

3- ببساطة في إشتراكين واحد للأيف وواحد بوينتز وتقدر تشتري اللي تبغاه ببطاقة تنباع في المحلات وفي أنواع وأسعار .. مثلا في إشتراك شهر وفي أكثر ، البوينتز تحمل منهم ( ألعاب ، ثيمز ، مواد قابلة للتحميل للألعاب .. إلخ ) ، وأول ما تشترك في اللأيف وتسوي جيمر تاج تلقائيا يصير عندك شهر لايف مجاني ( وبكذا أنت عندك اشتراك ذهبي ) ولما ينتهي اشتراكك يصير فضي ( ما تقدر تلعب أونلاين ، ما تقدر تحمل بعض الديموز اللي تتطلب إشتراك ذهبي ، ما تقدر تدخل البارتي مود اللي طلع مؤخرا مع التحديث والأفاترز .. إلخ ) ، وبعدها أنت محتاج بطاقة اشتراك لايف لو حبيت تلعب وحبيت تستخدم باقي الخدمات .. إلخ .

4- راجع موضوع حسين مرة ثانية ، الحمد لله أنت قرأته .. لأني كنت ببحث عنه ولكن وفرت علينا XD ، والفالكون طبعا ما ينطبق على الأركيد بس ! ، وبالنسبة للوكيل مادري .

5- يبدل خلال سنة ، صيانة خلال ثلاث سنوات ( آخر سنتين صيانة فقط .. المجموع ثلاثة ) حسب علمي .

6- لو ما كنت تقدر تشتري تلفزيون ، جرب تشتري شاشة كمبيوتر تقدر تعطيك رزلوشن عالي + تقدر تلعب من قريب وأوضح من التلفزيون العادي + أريح للعين .

7- على حسب اللعبة ، لما تنزل لعبة جديدة تأكد من النت قبل لا تشتريها ، ولو ما تأكدت .. بعض المحلات مثل بيت الكمبيوتر عندها قائمة وتقدر تقول له جهازي كذا وتشوف القائمة وتشوف لو اللعبة شغالة على جهاز لو لا .

في حالة ما وجدت فالكون ( برو أو إليت ) ، خذ أركيد ( يكون فالكون أيضا ) ، لو ما حصلت فالكون لا تشتري .. ابحث أكثر ، ولو أخذت أركيد تأكد أنك بتحتاج هاردديسك بعدين .



حبيت أجاوبك بشكل مفصل واتمنى أني أفدتك .


تعديل: حسين سبقني لول ..
زي ما قال: خذ بالك من سالفة تحميل الديموز بالأركيد .. أنت محتاج هارد لو حبيت تحملهم وإتصالك يساعد .

وبالنسبة للألعاب الأوروبية ، ما تطول وتنزل في وقت قريب من الأمريكية .. قريب جدا ، ما عدا بعض ألعاب الآر بي جي ، ولو حبيت تاخذها تقدر تاخذها أمريكية لو كانت ريجون فري ولكن عدا ذلك فلازم تنتظر ( نامكو والحركة البايخة اللي سوتها بتيلز .. تبا لهم طار حماسي للعبة واحتمال ما أشتريها :crying: ) .

 

[Lonely Heart]

اول شي مبروك مقدما ..

1- بنسبة للجهاز نفسه..فأي نوع تنصحوني اخذ؟ انا ناوي على الأركيد بقوة..بس ودي اسمع رايكم..

2- مشكلة الأركيد (عدم وجود الهاردسك واللي هو ضروري لتخزين الديموز والعاب الأركيد..اي مشكلة ثانية بعد في الأركيد؟) ويين القاه الهاردسك نفسه..هل هو في محل الألعاب..ام في حقت الـPC والكمبيوتر..وبكم سعره؟ واي سعة او حجم تنصحوني اركب..

الفرق بينها قليل ومع التحديث الجديد لازم تاخذ هارد ديسك !! وماتقدر تستخدم حق PC

3- بنسبة للأونلاين..الكثير مسوي ضجة عليه..زي ماسمعت ان الأونلاين بفلوس ومب مجاني..وياليت تحطون لي مميزات الأونلاين بختصار..وطريقة اشتراكهم كيف (طريقة البوينتس اظن صح؟ ولاغير) وكم مدة الأشتراك..ووش الموجود في الأون لاين غير العاب الأركيد والديموز (الأفلام موجودة مثلا؟ )

الاون لاين راح يعطيك تجربه فريده من نوعها .. الجهاز بدون لايف تروح 70% من حلاته .. الاشتراك باللايف مجاني (تحميل عروض ديمو إلخ..) لكن عشان تلعب لازم تدفع .. 230 ريال بالسنه .. والنقاط هذي عباره عن رصيد تشحنه لشراء العاب آركيد + ثيمات إلخ...
الافلام للاسف محجوبه عندنا

اللعب على الاونلاين = المتعه الحقيقيه

4 - بنسبة لخرابات الجهاز والبهذله..الأخ حسين جزاه الله خير قد فتح موضوع بهالخصوص ونبه الأعضاء لطريقة ممتازة لتميز الجهاز الصالح من العاطل (وحفظت الأشياء اللي فيه بعد) السؤال هنا :هل الفالكون ينطبق على الأركيد؟ ولا بس البرميوم والأليت فقط ؟

الخرابات ان شاء الله امرها بسيط .. اول سنه تشمل كل شي وسنتين بعدها تشم الريد لايت (لمبات الديسكو) .. نقول بعد سنه ونص جاك خراب في العدسه .. الحل مالك غير تكرف الجهاز لما يجيك ريد لايت .. وباذن الله الاجهزه كلها فيها فالكون (بس الافضل ان تاريخ الصنع 2008) تلقاه على الكرتون

4- هل يوجد وكيل لمايكرسوفت في الرياض (بلوتو اظن؟) ومن وين تنصحوني في مكان مليان اجهزة (ابغى ادور على الفالكون زييييييييين)

بلوتو موزع فقط .. افضل مكانين بيت الكومبيوتر + العاب طوكيو

5 - لنفترض اني خذت واحد بدون ماتأكد انه فالكون ولالا....لاسمح الله الجهاز جته اللمبات الحمرا..وش بيفدني الضمان بظبط ؟ (يستبدلونه ولا يصلحونه مثلا؟) واذا خلص الضمان وجته اللمبات الحمرا..هل يتصلح ولا خلاص باي باي شوفلك واحد ثاني؟

الضمان 3 سنوات يعني راح يخلص بعد 2011 .. بيكون فيه وقتها بديل اكيد :razz::
وهم يستبدلون الجهاز بواحد جديد

6- مشكلة التلفزييييون..اللي عندهم SD ممكن الواحد يمشي حاله فيه..لكن المشكلة ماراح يعطيك الجودة المطلوبة..هل فيه طريقة معينة يمديني احسن الجودة على الـSD بدون اللجوء الى الـHD واخواتها ؟ واذا كان لا..ياليت تدلوني على مكان في الرياض يبيع التلفزيونات المستعملة..

ماتقدر .. وبخصوص المستعمل .. فيه عضو اسمه سنيك عارض تلفزيونه للبيع في موضوع البيع والشراء

7 - مشكلة الريجون فري والريجون لوك..وش السالفة بظبط؟ يعني لو خذت لعبة امريكية على جهاز اروبي (او العكس) ماراح تشتغل!! ياللهول طيب انتم يالأعضاء وش تنصحوني فيه..الأروبي ولا الأمريكي؟ والألعاب تاخذونها اروبيه او امركية ؟

الريجون لوك .. مشكله راح تواجهها من فتره لفتره .. لكن محلاتنا مايقصرون ويجيبون بال ..
هي اصلاً مساله "منطقه" احنا عندنا PAL وامريكا NTSC واليابان NTSC J .. الشركه اللي على حد علمي مستحيل تنزل لعبه ريجون فري هي EA لكن العابها موجده بال عندنا الا ميرورز ادج (مو متاكد اذا موجوده)

وشكرااااا مقدما (انا متأكد انكم دختم ) بس وش نسوي ): وياليت اللي عنده سؤال او شي يحطه هنا خصوصا للي يبون ياخذون الجهاز قريب..وبتوفيق للكل .

العفو اخوي :happy:

ملاحظه:

لاتضيع الفاتوره !!!

 

[G7Ga7]

1- بنسبة للجهاز نفسه..فأي نوع تنصحوني اخذ؟ انا ناوي على الأركيد بقوة..بس ودي اسمع رايكم..


ممتاز .. لكن راح تتبهذل مع الهارد ديسك ..
نصيحة اذا لقيت بريميوم , او إيليت اوروبي .. خذهم !!
2-
مشكلة الأركيد (عدم وجود الهاردسك واللي هو ضروري لتخزين الديموز والعاب الأركيد..اي مشكلة ثانية بعد في
الأركيد؟) ويين القاه الهاردسك نفسه..هل هو في محل الألعاب..ام في حقت الـPC والكمبيوتر..وبكم سعره؟ واي سعة او حجم تنصحوني اركب..

الهارد ديسك حق الاكس بوكس مختلف تماماً عن البي سي ..
وللأسف هنا تحصله دائماً غالي .. عشان كذا اقولك خذ البريميوم (معاه هارد ديسك) , أو إيليت .!! (هاردديسك اكبر بكثير ولونه اسود !)

3- بنسبة للأونلاين..الكثير مسوي ضجة عليه..زي ماسمعت ان الأونلاين بفلوس ومب مجاني..وياليت تحطون لي مميزات الأونلاين بختصار..وطريقة اشتراكهم كيف (طريقة البوينتس اظن صح؟ ولاغير) وكم مدة الأشتراك..ووش الموجود في الأون لاين غير العاب الأركيد والديموز (الأفلام موجودة مثلا؟ )
اوكي .. الاكس بوكس لايف خدمه وكوميونيتي ثوري في الفيديو جيمز .. تقدر تضيف اصدقاء , تدخل في برايفت تشات معاهم , والآن تدخل في party مكونة من من 7 أو 8 اشخاص .. بحيث انكم تسولفون مع بعض وبإمكانكم تلعبون مع بعض ..
عندك الماركيت بليس: ديموز , عروض , آركيد.
الافلام مو متوفرة بمنطقتنا !
ومميز في اللايف , سهولة لعب الاونلاين والخيارات كلها بسيطة وسهلة ..

بالنسبة للرسوم .. تقدر تروح للمحلات الكبيرة - بيت الكمبيوتر وغيره- وتشتري كرت اشتراك لايف ذهبي سنة (افضل شي سنة !).. يجيك حول الـ250 ريال (ما اعرف بالضبط !).
طبعاً لما تشتري الجهاز وتسوي أول جيمر تاج (بروفايل) راح يجيك شهر لايف مجاني !!
4 - بنسبة لخرابات الجهاز والبهذله..الأخ حسين جزاه الله خير قد فتح موضوع بهالخصوص ونبه الأعضاء لطريقة ممتازة لتميز الجهاز الصالح من العاطل (وحفظت الأشياء اللي فيه بعد) السؤال هنا :هل الفالكون ينطبق على الأركيد؟ ولا بس البرميوم والأليت فقط ؟
والله اعلم .. الظاهر انه موجود للكل ..
عموماً انت اصلاً لما تشتري جهاز اوروبي .. حط بعين الاعتبار انك راح تحصل 3 سنوات ضمان !!
4- هل يوجد وكيل لمايكرسوفت في الرياض (بلوتو اظن؟) ومن وين تنصحوني في مكان مليان اجهزة (ابغى ادور على الفالكون زييييييييين)


وكيل يبيع لك الجهاز مباشرة , ما اتوقع !!
لكن كل المحلات تبيع لك اوروبية من الوكيل , بنفس السعر .

5 - لنفترض اني خذت واحد بدون ماتأكد انه فالكون ولالا....لاسمح الله الجهاز جته اللمبات الحمرا..وش بيفدني الضمان بظبط ؟ (يستبدلونه ولا يصلحونه مثلا؟) واذا خلص الضمان وجته اللمبات الحمرا..هل يتصلح ولا خلاص باي باي شوفلك واحد ثاني؟

أول شي يحاولون يصلحونه .. اذا ما قدروا (وكثير ما يقدرون) .. راح يبدلونه لك .

6- مشكلة التلفزييييون..اللي عندهم SD ممكن الواحد يمشي حاله فيه..لكن المشكلة ماراح يعطيك الجودة المطلوبة..هل فيه طريقة معينة يمديني احسن الجودة على الـSD بدون اللجوء الى الـHD واخواتها ؟ واذا كان لا..ياليت تدلوني على مكان في الرياض يبيع التلفزيونات المستعملة..

للأسف لازم اتش دي .. او مونيتور كمبيوتر محترمة !
محلات تبيع تلفزيونات مستخدمة ؟ .. اممم ما اعرف والله .


7 - مشكلة الريجون فري والريجون لوك..وش السالفة بظبط؟ يعني لو خذت لعبة امريكية على جهاز اروبي (او العكس) ماراح تشتغل!! ياللهول :surprised: طيب انتم يالأعضاء وش تنصحوني فيه..الأروبي ولا الأمريكي؟ والألعاب تاخذونها اروبيه او امركية ؟

أول شي انا انصحك بالاوروبي عشان الضمان .
مشكلة الريجون لوك ... مهي عامة على كل الالعاب بالمناسبة !!
فيه العاب (كثيرة) تكون ريجون فري .. فما يضر تشتريها امريكية او اوروبية .. وقليل من الالعاب تجيك ريجون لوكد .. هذي لازم تشتريها بحسب جهازك !!

سعيد بخدمتك ..
اي شي انا موجود

 

[Strider]

شباب ابغى اشتري لي اكس بوكس اركيد " الاكس بوكس حقي خرب" و سألت كم شخص قالوا لي انه ما يشغل كل الالعاب لان بعض الالعاب تحتاج للهاردسك هل الكلام هذا صحيح ؟

 

[G7Ga7]

شباب ابغى اشتري لي اكس بوكس اركيد " الاكس بوكس حقي خرب" و سألت كم شخص قالوا لي انه ما يشغل كل الالعاب لان بعض الالعاب تحتاج للهاردسك هل الكلام هذا صحيح ؟

والحل السحري انك تاخذ الهارد ديسك القديم وتركبه بالجديد ..

 

[Strider]

والحل السحري انك تاخذ الهارد ديسك القديم وتركبه بالجديد ..

يعني فعلا في العاب ما تشتغل الا بالهاردسك ؟

 

[Zero]

للمرة المليون ..

معلومة" الأركيد ما يشغل بعض الألعاب لأن بعضها يحتاج هاردديسك "خاطئة ×10"


عندي أركيد وشغلت عليه كل الألعاب اللي اشتريتها ، حتى اللي "يدعوا" أنها تحتاح هاردديسك .

 

[Yaz3D]

1- بنسبة للجهاز نفسه..فأي نوع تنصحوني اخذ؟ انا ناوي على الأركيد بقوة..بس ودي اسمع رايكم..

والله أخوي أنصحك تاخذ لك بريميوم .. علشان هو يجي معاه هارد ديسك 20 جيجا .. يكفي وزيادة

2- مشكلة الأركيد (عدم وجود الهاردسك واللي هو ضروري لتخزين الديموز والعاب الأركيد..اي مشكلة ثانية بعد في الأركيد؟) ويين القاه الهاردسك نفسه..هل هو في محل الألعاب..ام في حقت الـPC والكمبيوتر..وبكم سعره؟ واي سعة او حجم تنصحوني اركب..

لو أخذت لك بريميوم راح ترتاح من هالشغلة ..

عموما الهارد ديسك ينباع في محلات الفيديو جيمز .. وغالي بشكل ما يستاهل .. عشان كذا خذ لك بريميوم ترتاح

3- بنسبة للأونلاين..الكثير مسوي ضجة عليه..زي ماسمعت ان الأونلاين بفلوس ومب مجاني..وياليت تحطون لي مميزات الأونلاين بختصار..وطريقة اشتراكهم كيف (طريقة البوينتس اظن صح؟ ولاغير) وكم مدة الأشتراك..ووش الموجود في الأون لاين غير العاب الأركيد والديموز (الأفلام موجودة مثلا؟ )

الإشتراك صح بفلوس لكن اشتراكه مو غالي .. سنة كاملة اشتراك ذهبي ب 200 ريال

اللايف له ميزات كثيرة ... محادثات صوتية ومحادثات فيديو (تحتاج كاميرا) ببلاش

الأفلام موجودة عالماركيت بليس .. لكن حاولت أجرب كم مرة أحمل فلم يقولي إنه مو متوفر لمنطقتي

4 - بنسبة لخرابات الجهاز والبهذله..الأخ حسين جزاه الله خير قد فتح موضوع بهالخصوص ونبه الأعضاء لطريقة ممتازة لتميز الجهاز الصالح من العاطل (وحفظت الأشياء اللي فيه بعد) السؤال هنا :هل الفالكون ينطبق على الأركيد؟ ولا بس البرميوم والأليت فقط ؟

لا أعلم لول

4- هل يوجد وكيل لمايكرسوفت في الرياض (بلوتو اظن؟) ومن وين تنصحوني في مكان مليان اجهزة (ابغى ادور على الفالكون زييييييييين)

مانيب من الرياض .. لول

5 - لنفترض اني خذت واحد بدون ماتأكد انه فالكون ولالا....لاسمح الله الجهاز جته اللمبات الحمرا..وش بيفدني الضمان بظبط ؟ (يستبدلونه ولا يصلحونه مثلا؟) واذا خلص الضمان وجته اللمبات الحمرا..هل يتصلح ولا خلاص باي باي شوفلك واحد ثاني؟

شوف .. أنا ماخذ جهازي من بيت الكمبيوتر .. الضمان 3 سنوات حتى عاللمبات الحمر يبدلون لك الجهاز بالكامل

6- مشكلة التلفزييييون..اللي عندهم SD ممكن الواحد يمشي حاله فيه..لكن المشكلة ماراح يعطيك الجودة المطلوبة..هل فيه طريقة معينة يمديني احسن الجودة على الـSD بدون اللجوء الى الـHD واخواتها ؟ واذا كان لا..ياليت تدلوني على مكان في الرياض يبيع التلفزيونات المستعملة..

ما عندي علم

7 - مشكلة الريجون فري والريجون لوك..وش السالفة بظبط؟ يعني لو خذت لعبة امريكية على جهاز اروبي (او العكس) ماراح تشتغل!! ياللهول :surprised: طيب انتم يالأعضاء وش تنصحوني فيه..الأروبي ولا الأمريكي؟ والألعاب تاخذونها اروبيه او امركية ؟

فيه ألعاب ريجن فري .. الأمريكي يشتغل عالأوروبي والعكس .. مو مشكلة ..

لكن فيه بعض الألعاب تجيك ريجن لوكد .. الأمريكي يشتغل عالأمريكي بس والأوروبي يشتغل عالأوروبي بس ..


عموما .. أنت قبل ما تشتري اللعبة اسأل راعي المحل هل هي ريحن فري ولا ريجن لوكد لو ماكنت نفس نوع جهازك

زبالنسبة لنوع الجهاز فخذت لك أوروبي بدون ما تفكر .. عشان الضمان

وأحييك على اختيارك للجهاز الأعظم! :rockon:

 

[Dark Blader]

طبعا من بعد اذن الاخ Life بس عندي سؤال:
انا ايضا ناوي على الاكس بوكس بالعيد :و سؤالي: رح ينزل جهاز جديد من مكايروسوفت عن قريب او لأ ؟ لأن ما بدي اشتري الجهاز و بعد فترة ينزل جهاز جديد :whistle:

 

[hussien-11]

مايكروسوفت ما أعلنت عن جهازها القادم بشكل رسمي ، و توها منزلة التحديث الجديد NXE ، أعتقد الجهاز الجديد بيكون موعده بالـ2010 كأقرب موعد ممكن .. لذلك اشتري و انت مرتاح .
​

 

[Dark Blader]

^
اوكي , شكرا على الرد

 

[*legend*]

1- افضل سعر البريميوم حاليا باكسترا بـ 949 ريال فقط ,طبعاً فرق بسيط عن الاركيد لكن يستحقه بقوة , لو اخذت الهيدست و الهاردسك لحاله بيطلع عليك اكثر بكثير

و الباقي الشباب ما قصروا جاوبوك ...

 

[KOTSHY]

1- بنسبة للجهاز نفسه..فأي نوع تنصحوني اخذ؟ انا ناوي على الأركيد بقوة..بس ودي اسمع رايكم..

أنصحك بالPAL اولا سعره أرخص من الأمريكي ثانيا عليه ضمان
ولكن عيبه الوحيد ان ألعاب الPAL الي تكون ريجون لوك تتخر شوي عن الأمريكية ببعض الألعاب ولا بلوتو صارت تنزل اي لعبة بال على طول
وانا انصحك بالبريميوم وما انصحك بالأركيد لأن الاركيد من غير هاردسك
فخذ لك بريميوم ابو 60 جيجا اظن سعره ب 1050 ريال اما الأركيد ب 750 وانت احسبها الهاردسك الي يتباع لوحده غالي

2- مشكلة الأركيد (عدم وجود الهاردسك واللي هو ضروري لتخزين الديموز والعاب الأركيد..اي مشكلة ثانية بعد في الأركيد؟) ويين القاه الهاردسك نفسه..هل هو في محل الألعاب..ام في حقت الـPC والكمبيوتر..وبكم سعره؟ واي سعة او حجم تنصحوني اركب..

عشان كذا انا ما انصحك بالأركيد لأن الهارد اولا غالي لما تشتريه لوحده
اظن ابو 120 جيجا ب 600 ريال :whistle: وال20 الي يتباع لوحده ما راح تحصله بأقل من 300 إلا لو مستعمل فهذا شيء ثاني
وهارد البي سي ما يركب لازم هارد من مايكروسوفت الخاص بالجهاز
عموما انا انصحك تاخذ بريميوم ابو 60 جيجا لأنك بتحتاج المساحة بتخزين بعض ألعابك لأن اللعبة بتاخذ 7 جيجا تقريبا فتخزن اهم لعبتين او لعبة
وثانيا انت جديد على الاكس وناوي اون لاين فلو ما كنت مركب هاردسك ما راح يشتغل معاك الاون لاين لأن مساحة الابديت كبيرة والميموري كارد ما راح يكفي الا لو جبت ميموري 512 او 256 وما انصحك بهم ابدا

3- بنسبة للأونلاين..الكثير مسوي ضجة عليه..زي ماسمعت ان الأونلاين بفلوس ومب مجاني..وياليت تحطون لي مميزات الأونلاين بختصار..وطريقة اشتراكهم كيف (طريقة البوينتس اظن صح؟ ولاغير) وكم مدة الأشتراك..ووش الموجود في الأون لاين غير العاب الأركيد والديموز (الأفلام موجودة مثلا؟ )

الأون لاين وما ادراك ما الأون لاين أرهب ميزة بالجهاز حماس وعالم ثاني
اهم شيء لا يسحبك عن دروسك واهتماماتك الميزات صعب اني اتكلم عنها هنا لأنها كثيرة بإختصار حتتعرف على كثير من الشباب من المنتدى وراح تلعب وتنبسط
بالنسبة للإشتراك انت بما ان جهازك جديد راح يعطوك لأول 3 اكاونتات تسويهم اشتراك شهر مجاني فلا تشيل هم الاشتراك لأول شهر
بالنسبة للبوينتس هي عملة الاكس بوكس لايف تقدر تشتري فيها العاب اركيد وثيمات وصور و اضافات وافلام
على فكرة الأفلام غير متوفرة بالمنطقة فقط لأمريكا وبعض الدول الأخرى يشيكون بال ip
المهم وطريقة الاشتراك سهلة جدا روح اي محل واشتري اشتراك سنة تقريبا ب 200 ريال ولو عندك ماستركارد انا اعطيك موقع تشترك منه ويرسلون لك الكود على الايميل وما راح يكلفك إلا 165 ريال
ونفس الكلام للبوينتس
اهم شيء لا تشترك بالماستركارد لتجديد اشتراكك باللايف مباشرة من مايكروسوفت

4

- بنسبة لخرابات الجهاز والبهذله..الأخ حسين جزاه الله خير قد فتح موضوع بهالخصوص ونبه الأعضاء لطريقة ممتازة لتميز الجهاز الصالح من العاطل (وحفظت الأشياء اللي فيه بعد) السؤال هنا :هل الفالكون ينطبق على الأركيد؟ ولا بس البرميوم والأليت فقط ؟

الخرابات قلت بالاجهزة الجديدة والآن عليه ضمان استبدال للمبات الحمر اهم شيء خذ الجهاز من محل معروف مثل النسر او بيت الكمبيوتر او طوكيو
مدام معاك ضمان توكل على الله

4- هل يوجد وكيل لمايكرسوفت في الرياض (بلوتو اظن؟) ومن وين تنصحوني في مكان مليان اجهزة (ابغى ادور على الفالكون زييييييييين)

الويكل موجود بالرياض وين الله اعلم يقولون بالفيصلية

5

- لنفترض اني خذت واحد بدون ماتأكد انه فالكون ولالا....لاسمح الله الجهاز جته اللمبات الحمرا..وش بيفدني الضمان بظبط ؟ (يستبدلونه ولا يصلحونه مثلا؟) واذا خلص الضمان وجته اللمبات الحمرا..هل يتصلح ولا خلاص باي باي شوفلك واحد ثاني؟

ياخذوا الجهاز اسبوع لو شافوا انه ما يتصلح يستبدلوه
واظن الضمان 3 سنين على اللمبات الحمر
مني متأكد

6- مشكلة التلفزييييون..اللي عندهم SD ممكن الواحد يمشي حاله فيه..لكن المشكلة ماراح يعطيك الجودة المطلوبة..هل فيه طريقة معينة يمديني احسن الجودة على الـSD بدون اللجوء الى الـHD واخواتها ؟ واذا كان لا..ياليت تدلوني على مكان في الرياض يبيع التلفزيونات المستعملة..

فيه حل انك تشتري شاشة كمبيوتر وتشبك الاكس بالVGA الشاشة اظن بحدود ال1000 ريال
بس صغيرة

7 - مشكلة الريجون فري والريجون لوك..وش السالفة بظبط؟ يعني لو خذت لعبة امريكية على جهاز اروبي (او العكس) ماراح تشتغل!! ياللهول :surprised: طيب انتم يالأعضاء وش تنصحوني فيه..الأروبي ولا الأمريكي؟ والألعاب تاخذونها اروبيه او امركية

الريجون لوك حسب اللعبة اغلب الألعاب فري ريجون يعني تاخذها امريكية او اوروبية ما تفرق
ولكن هناك بعض الألعاب بالذات الي من EA عليها ريجون لوك فلازم تاخذ النسخة الاوروبية لو جهازك اوروبي باختصار اسأل عن اللعبة قبل لا تشتريها المحلات عارفة




نصحية
اشتري الجهاز بال ابو 60 جيجا
اشتري 4000 مايكروسوفت بوينت
اشتري لعبة جيرز 2 وكول 5 وهالو 3 كبداية
ولما تشتري الجهاز لو حبيت اي مساعدة راسلني

 

[Andrew X]

تسلمون الله يعطيكم الف عافية (حسين - زيرو - لونلي هارت- جحجاح -دارك سايانو- ليجند - كوتشي ) تعبناكم معانا..جزاكم الله الف خير و شكرا على المساعدة الطيبة منكم..

اول والله العظيم احسني ضايع xD بس الحين اتضحت لي الصورة بشكل كبير..اعرف وش اختار ووش اسوي ..لمن عرفت سعر الهاردسك..غيرت راي 180 درجة..من جد سعر مرتفع..فقررت اخذ البرميوم ..سعر معقول وفي حدود قروشي..متحمس جدا وان شاءالله خلال اسبوع - اسبوعين يكون الجهاز عندي بأذن الله..مب مهم اخذه من الوكيل ولا لا..من كلامكم اهم شي الضمان يكون متوفر..وهذا الشي لحاله مطمئن..

شكرا لكم مرة اخرى واتمنى من كل قلبي تعم الفايدة للكل :rockon:

تحرير :

في شي لفت انتباهي :

اهم شيء لا تشترك بالماستركارد لتجديد اشتراكك باللايف مباشرة من مايكروسوفت

ممممم ليه في شي بيصير لاسمح الله اذا جددت اشتراكي عن طريق الماستر كارد او (الفيزا) بشكل مباشر؟

 

[ABUALI]

خذيت لي واحد قبل شهر وبعته أمس بسبب ان اللايف غير مجاني وانا ما اقدر اشتري أي شي اونلاين + مرتاح مع البس3
المهم بغيت افيد اللي بيشتري الجهاز هالايام،
*الكرتون مكتوب عليه من الخارج صناعة 2007 لكنه من الداخل 2008
*اشتراك اللايف المجاني الموجود مكتوب انه ثلاثة شهور لكن عند ما استخدمته صار المدة شهر واحد! :what:، كان الاشتراك GOLD
*

 

[KOTSHY]

*اشتراك اللايف المجاني الموجود مكتوب انه ثلاثة شهور لكن عند ما استخدمته صار المدة شهر واحد! :what:، كان الاشتراك GOLD
*

بالنسبة للإشتراك اللايف هو شهر لأول ثلاث اكونتات بالجهاز = ثلاث شهور يعني كل اسم تسويه يعطوك شهر عليه لحد ثالث اسم لما تسوي الرابع بيصير سيلفر
بالنسبة انك ما تقدر تشتري شيء اون لاين اشتراك اللايف يتباع بالمحلات اتوقع يتباع بالبحرين

تحرير :

في شي لفت انتباهي :

اقتباس:
اهم شيء لا تشترك بالماستركارد لتجديد اشتراكك باللايف مباشرة من مايكروسوفت
ممممم ليه في شي بيصير لاسمح الله اذا جددت اشتراكي عن طريق الماستر كارد او (الفيزا) بشكل مباشر؟

صحيح لا تعمل الغلطة الي يرتكبها الأغلبية
المشكلة رقم واحد
انك بمجرد ما تدخل الماستركارد ما تقدر تمسحها إلا لما تكلم مايكروسوفت بالتلفون وفوق كذا تطول الشغلة
ثاني مشكلة ما تقدر تشتري فيها بوينتس بس اشتراك لايف

المشكلة الثالثة انهم مرات يعرفون ان البطاقة من خارج امريكا وانت حاطا للبينج ادريس غلط مثلا انت بطاقتك سعودية وقلت لهم ان البطاقة امريكية لو كشفوك يقفلون حسابك اللايف ويروح كل تعبك من اتشيفمنت وفرند لست وتبدأ من الصفر باسم جديد ووقتها يتجمد اكاونتك ولا يقبل الكروت الي تتباع بالسوق فيصير كأنك بادئ من الصفر

احسن حل لو تملك بطاقة ائتمانية
انك تتعامل مع هذا الموقع
http://www.microsoftpointsxbox.com/
ميزته انه يرسل لك الكود عبر الإيميل فورا وبنفس سعر امريكا
اشتراك اللايف ب 165 ريال بالمحلات على 200 ريال
ال4000 نقطة ب 185 ريال بالمحلات ب 220 وبعضها يوصل 250 ريال

وشيء آخر مهم
لما تسوي اكاونت قبل لا تسوي
غير معلوماتك بإيميلك الإلكتروني وحط الدولة أمريكا
وحط عنوان امريكي وعمرك فوق 18
عشان لما تسجل باللايف بيطلب ايميلك والباس عشان يربط اكاونتك بالإيميل
فلو كنت حاط دولة غير امريكا راح يخيلي اكاونتك على حسب الدولة الي حاطها وهنا مشكلة لأن كروت النقاط الي بالسوق كلها امريكية
فما راح تستفيد منها وايضا افضل استور هو الأمريكي محتوياته الأكثر والأسرع نزولا

وبالنسبة للعمر لو حطيت عمرك تحت ال 18 بالايميل لما تسجل راح يطفشك
راح يقول لك دخل ظإيميل ثاني حق ابوك والباسورد حقه وشغلانة مرة
ويصير ما تقدر تضيف احد الا لما تدخل الإيميل الثاني كأنه يتحكم فيك ووقتها لازم تدخل على السيتنج وتكنس الفاملي سيتنج الي صارت لك بسبب عمرك تحت 18 فأحسن شيء بدل لا تحوس من البداية
كلمني لا جبت الجهاز برسالة خاصة او حتى اعلمني قبلها بيوم وانا ان شاء الله يأساعدك


انا صارتلي نفس المشكلة حقت الماستر انا من زمان ادخل لايف من ايام الاكس القديم فكان يتطلب وجود ماستركارد للدخول اللايف زمان
المهم استمريت بأكاونتي وفرحان إلا ان اكتشفوا ان اللبيلنج ادريس غلط وجمدوا حسابي ما قدرت وقتها اني اشحن بالبطائق الموجودة بالسوق
فسويت اكاونت جديد وبديت من ال0

 

[ABUALI]

^
لا بس مو مشكلة، ما حبيت الجهاز من اساسه.

 

[Still Alive]

بالنسبة للألعاب (ادري انك ما سألت عن الالعاب P: ), مبدئياً انصحك تاخذ 3 العاب مع الجهاز وهي: Gears of War 2 - Halo 3 - Fifa 09 ... وكلها العاب رح تعيش معاك عمر طويل..

إذا تفكر في العاب اكثر او تفضل نوعيات معينة خبرني وانا جاهز.. وعلى البركة الجهاز مقدما

 

[Andrew X]

صحيح لا تعمل الغلطة الي يرتكبها الأغلبية
المشكلة رقم واحد
انك بمجرد ما تدخل الماستركارد ما تقدر تمسحها إلا لما تكلم مايكروسوفت بالتلفون وفوق كذا تطول الشغلة
ثاني مشكلة ما تقدر تشتري فيها بوينتس بس اشتراك لايف

المشكلة الثالثة انهم مرات يعرفون ان البطاقة من خارج امريكا وانت حاطا للبينج ادريس غلط مثلا انت بطاقتك سعودية وقلت لهم ان البطاقة امريكية لو كشفوك يقفلون حسابك اللايف ويروح كل تعبك من اتشيفمنت وفرند لست وتبدأ من الصفر باسم جديد ووقتها يتجمد اكاونتك ولا يقبل الكروت الي تتباع بالسوق فيصير كأنك بادئ من الصفر

احسن حل لو تملك بطاقة ائتمانية
انك تتعامل مع هذا الموقع
http://www.microsoftpointsxbox.com/
ميزته انه يرسل لك الكود عبر الإيميل فورا وبنفس سعر امريكا
اشتراك اللايف ب 165 ريال بالمحلات على 200 ريال
ال4000 نقطة ب 185 ريال بالمحلات ب 220 وبعضها يوصل 250 ريال

وشيء آخر مهم
لما تسوي اكاونت قبل لا تسوي
غير معلوماتك بإيميلك الإلكتروني وحط الدولة أمريكا
وحط عنوان امريكي وعمرك فوق 18
عشان لما تسجل باللايف بيطلب ايميلك والباس عشان يربط اكاونتك بالإيميل
فلو كنت حاط دولة غير امريكا راح يخيلي اكاونتك على حسب الدولة الي حاطها وهنا مشكلة لأن كروت النقاط الي بالسوق كلها امريكية
فما راح تستفيد منها وايضا افضل استور هو الأمريكي محتوياته الأكثر والأسرع نزولا

وبالنسبة للعمر لو حطيت عمرك تحت ال 18 بالايميل لما تسجل راح يطفشك
راح يقول لك دخل ظإيميل ثاني حق ابوك والباسورد حقه وشغلانة مرة
ويصير ما تقدر تضيف احد الا لما تدخل الإيميل الثاني كأنه يتحكم فيك ووقتها لازم تدخل على السيتنج وتكنس الفاملي سيتنج الي صارت لك بسبب عمرك تحت 18 فأحسن شيء بدل لا تحوس من البداية
كلمني لا جبت الجهاز برسالة خاصة او حتى اعلمني قبلها بيوم وانا ان شاء الله يأساعدك

اوف لذي الدرجة مايكرسوفت معقدة و (ماينلعب عليها لول) فعلا اغلب الأيام افقش عليهم دولة مثل امريكا والوي البرازيل (الأغلبية كذا) لكن مايكرسوفت شكلها دقيقة فهل امور ولو انه مب من صالحنا /:

اهم نقطة نقطة الأميل...زييييين انك نبهتني عليها..خصوصا المعلومات اللي حاطها والحمد لله ان عمري 18 داخل في الـ19 في النقطة ذي ماعليها خوف ان شاءالله :

بس الموقع اللي حطيته..شكله كذا مب رسمي (من اعلانات جوجل) وافضل استخدم الفيزا حقتي عن طريق مايكروسفت نفسها لأني احسنه اضمن وامان اكثر..فشكلي بعتمد على شراء البطاقات من عندنا وخصوصا العيوب اللي ذكرتها بأستخدام الماستر كارد مباشرتا على الجهاز..الا اذا كنت مجرب وواثق من الموقع..ممن اغير تفكيري ...

بالنسبة للألعاب (ادري انك ما سألت عن الالعاب P: ), مبدئياً انصحك تاخذ 3 العاب مع الجهاز وهي: Gears of War 2 - Halo 3 - Fifa 09 ... وكلها العاب رح تعيش معاك عمر طويل..

إذا تفكر في العاب اكثر او تفضل نوعيات معينة خبرني وانا جاهز.. وعلى البركة الجهاز مقدما

لاعادي اخوي مافي اي مشاكل

بنسبة للأعاب ..شي حتمي افكر فيها..خصوصا الفيفا 2009 هذي انا متأكد اني بلقاها في البيت بدون ماشتريها انا بنفسي لول...وبيني وبينك ..ماحب الـFPS يعني هالو بغض النظر عنها شوي (خويي جاب لي المرض وهو يتكلم عنها..فممكن اعطيها فرصة) وجيرز اوف وار ماعندي خلفية كبيرة عنها..

اللي ابغاهم وحاط عيني عليهم :
(سايلنت هيل5 - اساسنز كريد - سونيك انليشيد - ميرور ايدج - تومب رايدر - برنس اوف بريشيا - جراند ثيفت اوتو )

 

[KOTSHY]

اوف لذي الدرجة مايكرسوفت معقدة و (ماينلعب عليها لول) فعلا اغلب الأيام افقش عليهم دولة مثل امريكا والوي البرازيل (الأغلبية كذا) لكن مايكرسوفت شكلها دقيقة فهل امور ولو انه مب من صالحنا /:

اهم نقطة نقطة الأميل...زييييين انك نبهتني عليها..خصوصا المعلومات اللي حاطها فيها اي كلام والحمد لله ان عمري 18 داخل في الـ19 في النقطة ذي ماعليها خوف ان شاءالله ..

بس الموقع اللي حطيته..شكله كذا مب رسمي (من اعلانات جوجل) وافضل استخدم الفيزا حقتي عن طريق مايكروسفت نفسها لأني احسنه اضمن وامان اكثر..فشكلي بعتمد على شراء البطاقات من عندنا وخصوصا العيوب اللي ذكرتها بأستخدام الماستر كارد مباشرتا على الجهاز..الا اذا كنت مجرب وواثق من الموقع..ممن اغير تفكيري ...

لا تخاف من الموقع والسبب ان الموقع يتعامل مع google checkout وهذا موقعهم
https://www.google.com/accounts/Ser...kPY&upgrade=true&hl=en_US&nui=1&ltmpl=default

وطريقتهم سهلة فقط تسوي حساب بجوجل وتحط معلومات بطاقتك
ولما تروح للموقع تشتري منه يحولك على جوجل وهم يخصمون منك يعني الموقع ما يتطلع على معلوماتك انا دايم اتعامل معاهم

وبالنسبة للعمر فيه شباب ما ينتبهون لما يسوون إيميل ويكتبوا اي شيء في تاريخ الميلاد عشان كذا نبهتك

 

[Andrew X]

Bookmarks > Bookmarkpage > Save

اوكي مدام كذا ان شاءالله كل شي بيكون تمام ..شكرا على النصائح الذهبية اخ كوتشي

وبالنسبة للعمر فيه شباب ما ينتبهون لما يسوون إيميل ويكتبوا اي شيء في تاريخ الميلاد عشان كذا نبهتك

عشان كذا قلتلك نقطة الأميل اهم نقطة ..لول (انا اولهم)

 

[Dante]

ماعندي شي اضيفك على كلام الشباب بس حبيت اكتب ملاحظتي عن الموقع الي حطه الاخ كوتشي , انا سبق وتعاملت مع الموقع والموقع مضمون حتى ولو شكله مايوضح هالشي , وفيه كثير من الاعضاء يتعاملون مع الموقع .

 

[Yaz3D]

عالبركة أخوي! ^^


لا تنسى تعطينا جيمر تاقك عشان نضيفك! :rockon:

 

[Life-Saver]

توضيح بالنسبة للألعاب التي لا تعمل على الأركيد ..

كل ألعاب الـ xbox 360 تشتغل على الأركيد .. الـ Loading يكون أطول أحيانا بسبب عدم وجود هارد ديسك ..

لكن إذا كنت تريد تلعب ألعاب الـ Xbox القديم .. الأركيد ما راح ينفعك .. ألعاب xbox القديم تعمل فقط على البرو والأيليت ..

 

[Zero]

لكن إذا كنت تريد تلعب ألعاب الـ Xbox القديم .. الأركيد ما راح ينفعك .. ألعاب xbox القديم تعمل فقط على البرو والأيليت ..

هذا الشيء أحزنني صراحة لأني أبغى ألعب كم لعبة من الجيل الماضي ، ولكن حسب ما عرفت أن هذه معلومة خاطئة أيضا .. كل اللي أحتاجه علشان تشيل ألعاب الإكس بوكس الأول أبديت\سوفتوير + هاردديسك ؟

اللي يعرف ومتأكد يعلمنا والله يجزاه خير .

 

[Mesharey]

العاب الأكس بوكس القديمة تشتغل على الأركيد، لكن تحتاج الهاردسك وابديت من الاكس بوكس لايف او تنزل الابديت من هنا

قرأت معلومة لكن مو متأكد منها، انك تقدر تشغل بعض الألعاب القديمة على الاركيد (مع تنزيل الابديت طبعا) ..

 

[KOTSHY]

لكن إذا كنت تريد تلعب ألعاب الـ Xbox القديم .. الأركيد ما راح ينفعك .. ألعاب xbox القديم تعمل فقط على البرو والأيليت ..

شباب ترى نحن ماخذين معلومات خطا عن الأأركيد
الأركيد نفس البريميوم اللهم من غير هارد
العاب الاكس الأول يبغالها أديت عشان تشتغل على الجهاز ولكن
مو كل الألعاب تشتغل على الإكس بوكس 360 فيه قائمة من الأألعاب موجودة بموقع مايكروسوفت تقول لك ايش الأألعاب الي تشتغل وكل ابديت يضيفون كم لعبة

اذكر مرة واحد قال لي جبت اركيد وتوهقت ما يركب عليه الهاردسك
ههههههههههه طليت على الجهاز ألاقي الجهاز مركب عليه الغطاء حق الهارد فساد فتحة الهارد فهو يحسبه انه ما يتفك

بس حط ببالك نقطة مهمة جدا جدا جدا
اولا
ألعاب الاكس بوكس الأول ريجون لوكد كلها
بحيث تبغى تلعب مثلا هالو 2 اذا اللعبة امريكية ما راح تلعبها غير بجهازك لو كان امريكي

ونفس الشيء للبال وحتى لو كانت بأيام الاكس 1 فري ريجون

 

[Life-Saver]

هذا الشيء أحزنني صراحة لأني أبغى ألعب كم لعبة من الجيل الماضي ، ولكن حسب ما عرفت أن هذه معلومة خاطئة أيضا .. كل اللي أحتاجه علشان تشيل ألعاب الإكس بوكس الأول أبديت\سوفتوير + هاردديسك ؟

اللي يعرف ومتأكد يعلمنا والله يجزاه خير .

كلام سليم .. أنا قصدي الأركيد كما هو لا يستطيع تشغيل ألعاب الجيل القديم .. أما بعد إضافة الهارد ديسك والأبديت .. ما عاد أركيد .. صار بريميوم :w00t: