عرض جديد لـ Monster Hunter: World و اعلان لبيتا ثالثه + معلومات اضافيه

[ifahadx]

اليوم كان فيه بث مباشر لـ
Monster Hunter: World

وطلعنا بتريلار جديد وبعض المعلومات


# بيتا ثالثه قادمة من 19-22 يناير وفيها كويست قتال ضد Nergigante لمدة 15 دقيقة

# تقدم تنظم لاصدقائك وسط الـكويست واذا كان الكويست بادي له اقل من 10 دقائق راح تحصل على كامل الجوائز

# فيه باندلز PS4 لليابان

بعض الصور المتحركة :

=====

=====

====

 

[sol-bad]

امبراطور النار و امبراطور الرياح من اكثر مفاجات

 

[The Praiseworthy]

بيتا ثالثه قادمة من 19-22 يناير وفيها كويست قتال ضد Nergigante لمدة 15 دقيقة

ياربي على حظي المنحوس مع اللعبة هذه!!

البيتا السابقة ماكان عندي اشتراك البلس لأني كنت مفلس و ناطر أجددها.... شفت عنوان الموضوع في الخارج استانست أن أخيرا راح يكون لي فرصة أجربها..... أدخل و لا بهالوقت أنا راح أكون فيه مسافر -_-"

 

[Sultan/X]

كابكوم وطريقة ترويجها حرق X حرق. البيتا الاول خلا اللي مو متحمس للعبة يتحمس مالة داعي بيتا ثاني حقيقة.

 

[sol-bad]

كابكوم وطريقة ترويجها حرق X حرق. البيتا الاول خلا اللي مو متحمس للعبة يتحمس مالة داعي بيتا ثاني حقيقة.

وين حرق ؟!

 

[Sultan/X]

وين حرق ؟!

اشكال الوحوش،المناطق،الاسلحة البعض يعتبرها حرق مو بالضرورة تكون عامل قصصي.

 

[sol-bad]

اشكال الوحوش،المناطق،الاسلحة البعض يعتبرها حرق مو بالضرورة تكون عامل قصصي.

:emoji_thumbsup:

 

[lightq8]

ياجماعه احد يعطيني فكرة عن قصة اللعبة لان هاللعبة هذي مجهول بالنسبة لي

 

[ifahadx]

ياجماعه احد يعطيني فكرة عن قصة اللعبة لان هاللعبة هذي مجهول بالنسبة لي

هذي من الالعاب اللي القصة فيها شي جانبي . اللعبة بأختصار تدور حول صيد الوحوش واللي يميزها هو عمق وتنوع الكومبات والتطويرات اللي تسويها للاسلحة بالاضافه الى ان السلسله مبنية على اللعب الجماعي ودخول الاعبين معاك في الكويست . فيه بيتا قادمة زي ماهو مكتوب في الموضوع وهي مجانية ولا تحتاج بلص . فيعني هي اقرب فرصة تجرب اللعبة وتشوف اذا ناسبتك اول لا

 

[sol-bad]

ياجماعه احد يعطيني فكرة عن قصة اللعبة لان هاللعبة هذي مجهول بالنسبة لي

دائما منستر هنتر هدفها تصطاد وحوش و القصه في الغالب في كل الاجزاء انك تحمي القريه من الوحوش و بس

 

[titanfall]

لقطات المعارك في التريلر :emoji_heart_eyes:
هاللعبة تخلي كل ألعاب صيد الوحوش في جيبها الصغير، انميشن خارق و نظام قتال صلب كالصخر و إحترافي جدا و تصميم وحوش في غاية الإتقان، كلها 20 يوم تقريبا :emoji_relieved:

 

[The Praiseworthy]

كابكوم وطريقة ترويجها حرق X حرق. البيتا الاول خلا اللي مو متحمس للعبة يتحمس مالة داعي بيتا ثاني حقيقة.

بكل بساطة الي ما يبي حرق لا يلعب البيتا!

البيتا حق الي يبي يبني انطباعه الشخصي عن اللعبة حتى يعرف اذا تناسبه و لا لأ ( مثلي أنا )... و لكن حظي المنحوس مع البيتا مو راضي يضبط

 

[Sultan/X]

بكل بساطة الي ما يبي حرق لا يلعب البيتا!

البيتا حق الي يبي يبني انطباعه الشخصي عن اللعبة حتى يعرف اذا تناسبه و لا لأ ( مثلي أنا )... و لكن حظي المنحوس مع البيتا مو راضي يضبط

بالنسبة لي البيتا الاولى لوحدها كانت كافية جدا انها تبيعلي اللعبة.

 

[الرئيسي]

الفيديو كان مفاجئة وحرق للاسف .. اتخيل نفسي انصدم وسط اللعب وانا اشوف الelder dragons من الاصدارات الاولية هني ! كانت بتكون مفاجئة ولا في الاحلام

عالعموم اذا يسمحلي صاحب الموضوع هاي بعض المعلومات عن اللعبة بدون حرق ولكنها مفيدة قبل ما تبدأون بها

 

[sol-bad]

الفيديو كان مفاجئة وحرق للاسف .. اتخيل نفسي انصدم وسط اللعب وانا اشوف الelder dragons من الاصدارات الاولية هني ! كانت بتكون مفاجئة ولا في الاحلام

عالعموم اذا يسمحلي صاحب الموضوع هاي بعض المعلومات عن اللعبة بدون حرق ولكنها مفيدة قبل ما تبدأون بها

الله يجزاك خير على الشرح الطيب
حسنوها كثير عن الاجزاء السابقه بذات سالفه الاونلاين انك تقدر تدخل اي وقت حتى لو باقي 10 دقايق !

 

[Evil Ryu]

سؤال
ما الفرق بين طور الاستكشاف و الكور اللي يعطوك 50 دقيقة لقتل الوحش ؟
يعني هل الجوائز ستختلف ام ماذا ؟

 

[الرئيسي]

سؤال
ما الفرق بين طور الاستكشاف و الكور اللي يعطوك 50 دقيقة لقتل الوحش ؟
يعني هل الجوائز ستختلف ام ماذا ؟

طور الاستكشاف مافيه مهمة .. انته تتفقد الخريطة على راحتك و تسوي اللي تبيه .. تبا تقاتل الوحوش الموجود .. تبا تصيد سمك او تجمع موارد او حشرات .. تبا تستمتع بالطبيعة و البيئة التفاعلية و تغييرات الجو وتقلباته .. كله بدون وقت وماشي اي جوايز لانك تستكشف مب في مهمة
اما المهمة طبعا انته مقيد ب ٥٠ دقيقة لتنهي الهدف المطلوب منك و تحصل الجايزة

 

[Evil Ryu]

يعني أمشي ءلفل و أجمع ايتيمات و أسلح ثم أمشي للمهة اقتل الوحش و انا مجمع كل شيئ او ان كل اللي جمعته لا يمكن أخذه للمهمة ؟

 

[الرئيسي]

يعني أمشي ءلفل و أجمع ايتيمات و أسلح ثم أمشي للمهة اقتل الوحش و انا مجمع كل شيئ او ان كل اللي جمعته لا يمكن أخذه للمهمة ؟

هيه تجمع استمات و تفرم وتصنع اسلحة و بعدين تسير المهمة .. عادي .. بس اللعبة مافيها نظام ليفل .. الليفل مالك هو سلاحك و لبسك كل ماصنعت اسلحة اقوى قدرت تذبح وحوش اضعب

 

[Lyn]

جربت ديمو مونستر هنتر عال3DS من فترة وماحبيتها, بس هذا الجزء شكله ممتاز وطريقة اللعب شكلها تطورت, ان شالله يكون أول لعبة مونستر هنتر أعطيها فرصة حقيقية.

 

[persona]

السلسلة هي اهم شيء فيها الموارد، كيف تاخذ الموارد؟ عن طريقك بالاستكشاف، سابقاً ماكان فيه استكشاف وهالطور جديد وضافوه
طريقك صنعك للموارد تاثر على طريقة لعبك: اضافة عنصر جديد لسلاحك لاحداث ضرر اكبر على الوحش، صنع الافخاخ، صنع الاسهم والذخائر بعناصرها، صنع علاج قوي او شراب لعداد اللياقة ليكون اكبر من المعتاد، وغيرها الكثير، طبعاً مااتطرق انه القطط المساعدة تحتاج تطور منها وفيه بعض الادوات ماتظهر الا بوقت معين، "خريطة الثلج في المساء مثلاً تطيح لك الغرض الفلاني بنسبة كذا في المكان كذا".

 

[persona]

هيه تجمع استمات و تفرم وتصنع اسلحة و بعدين تسير المهمة .. عادي .. بس اللعبة مافيها نظام ليفل .. الليفل مالك هو سلاحك و لبسك كل ماصنعت اسلحة اقوى قدرت تذبح وحوش اضعب

اختيار موفق لموسيقى اللوبي في مونستر هنتر دبل كروس ، استمتعت بمشاهدة الفيديو، وتمت متابعة قناتك.

 

[sol-bad]

السلسلة هي اهم شيء فيها الموارد، كيف تاخذ الموارد؟ عن طريقك بالاستكشاف، سابقاً ماكان فيه استكشاف وهالطور جديد وضافوه
طريقك صنعك للموارد تاثر على طريقة لعبك: اضافة عنصر جديد لسلاحك لاحداث ضرر اكبر على الوحش، صنع الافخاخ، صنع الاسهم والذخائر بعناصرها، صنع علاج قوي او شراب لعداد اللياقة ليكون اكبر من المعتاد، وغيرها الكثير، طبعاً مااتطرق انه القطط المساعدة تحتاج تطور منها وفيه بعض الادوات ماتظهر الا بوقت معين، "خريطة الثلج في المساء مثلاً تطيح لك الغرض الفلاني بنسبة كذا في المكان كذا".

طور الاستكشاف كان موجود في جزء الرابع بس كان مصغر

 

[persona]

^ مالعبت الرابع للاسف، شكراً على التصحيح.