عربيون--البديل الاسلامي للبوكيمون

[Zeyad]

طالبان من طلاب جامعة البترول ابتكروا لعبة عربيون على حد وصفهم ، والي اشوفه هو العكس نفس البوكيمون والاختلاف بالصور والاسماء خخخ

اممم لو يكون فيه ابتكار اكثر يكون احسن، مو مجرد قص ولزق مع تغيير اسماء الاوراق ...

http://www.3rbeon.com

ماذا عنكم ؟

 

[Xeno]

ههههههههههههههههه... وإذا تطورت الشاعرة وش تصير!؟

أوكي عموما الفكرة حلوة واجتهاد جميل وأعتقد اللعبة ثقافية أكثر شي.

 

[BioMario]

هههههههه شو هذا العبط ..!!

 

[Ash]

ههههههههههههههههه... وإذا تطورت الشاعرة وش تصير!؟

مغنية:cooool: .

 

[Lunar Poet]

هذي اللي الزير سالم يتضارب فيها مع بو عرادة P: ؟

 

[Zeyad]

على فكرة شباب ترى الخنساء شاعره مثل ماتعرفون وايضا صحابيه..

 

[Ash]

على فكرة شباب ترى الخنساء شاعره مثل ماتعرفون وايضا صحابيه..

ماكنت أقصدها بالخصوص أبدا , بس على كلمة شاعرة .

 

[Xeno]

صحيح ورجاءا لاحد يجي يتفلسف...

 

[fnh]

لول

 

[persona]

أبو حقب العضو المنسي ب قوريلز

 

[Humam]

ياخي انا ماعندي اعتراض على الفكرة.. بس أتمنى إنه مانطلق على كل شي " إسلامي " ..

كل شي صار يتستر خلف ستارة الدين, الناس صارت تاخذ الدين لعبة و تتكسب من وراه, يعني وصل الأمر ان بعض المتخلفين اتفقوا على افتتاح " محلات حلاقة إسلامية " تمنع القصات الغربية المنحرفة الي فيها تشبه بالكفار !!! يا سبحان الله ... ليه يعني بقية محلات الحلاقة كافرة وغير إسلامية وهذي فقط الإسلامية و الصحيحة والناس الي تروح لها ناس ماعندها دين ؟ ثم ليش تقسيم المجتمع المسلم لفئات بدل من توحيد شأنه ؟ أعوذ بالله من هذي الأشكال الي حاطة نفسها في عزلة عن المجتمع المسلم و تطالع لكل الناس بإنهم على ضلال عظيم وهم الصح..والله ما ضيعنا إلا هم.

 

[Naif]

أبو حقب العضو المنسي ب قوريلز

لوول

لووووووووووول .. انزين يسوون الارتوورك بنفسهم .. صراحة باتفاجئ اذا ما كانت باقي البطاقات بعد مسروقة ..

متوافقة مع توجيهات الشريعة الغراء و مجازة ومزكاة من العلماء ، مسـتوحاة من مجـتمعنا و تاريـخنا ، خير بديل لما يستورد من الخارج من ألعاب تمس العادات وتخدش التقاليد ولا تمت لواقعنا بصل

مش توجيهات الشريعة بعد اننا لازم ما نسرق !!!

 

[Mista Koo]

vs

معليش فكرة حلوة لكنها سرقة عيني عينك + اختيارهم للشخصيات :\

 

[Bounty]

لول صراحه صدمه .. المشكله اختيارهم للشخصيات من ناحية اذا تقاتلو ..

المفروض تكون على القصص او الاساطير او الخرافات العربيه القديمه و الكثيره .. ومو على شخصيات اسلاميه تتقاتل مع بعض >_<

 

[Torpedo]

غ
ب
ا
ء

(عشر حروف)

 

[persona]

vs

vs

تربيل تريث ماتش ..فور

ليثر بيلت



FIGHT

ايوا بو حقب حيو بو حقب لووول:yuck:

 

[king zell]

السؤال الفعلي هو.. ليش لازم كل شي يكون له بديل..

 

[Humam]

هههههههههههه نايف كفو والله .. أنا اقول وين شايف هذا الشكل قبل كدة.. لول لا تعليق.. العرق دساس.. كل شي نسرقه و ننسبه لنفسنا..

لول الآن هذي البطاقات مزكاة ومجازة من العلماء ؟ آسف بس هذا كلام مشكوك في صحته جملة و تفصيلا.. ثم فعلا الخنساء رضي الله عنها صحابية و فيه إهانة كبيرة إنه يتم تصويرها بهذا الشكل حتى تكون " بطاقة " يلعب بها.. أنا اقول لو ننصح هذولي الشباب بالكلمة الطيبة.. لأن مشروعم من وجهة نظري فيه تجاوزات ناهيك ان الفكرة ملطوشة والارت وورك ملطوش.. ههههههه والله شي يضحك.

 

[ZiZ]

بالله شباب من يباريني؟!!!

 

[x-virus]

لماذا يستخدمون آيات قرآنيه على ورق يُرمى ؟

 

[Huda]

يالللييييل على هالعرب
بصراحة خربوا ابو الفكرة
بعدين ياانهم يختارون شخصيات اسلاميه ولا شخصيات خرابيط اما خالطينهم كذا !
خخخخ كل مامسكوا شيء خربوه
الحين في سؤال يقرقع بقلبي من زمان هو صدق الحكي الي طلع على البيكمون ولا تأليف ؟
بعدين الصورة الي حاطينها حق الخنساء مو كنها صورة من بنات ممشى الملك عبدالله ؟!:yuck:​

 

[ZiZ]

الحين في سؤال يقرقع بقلبي من زمان هو صدق الحكي الي طلع على البيكمون ولا تأليف ؟

بسرعة حرري ردك قبل ما يشوفه أحد!!!!

 

[Huda]

بسرعة حرري ردك قبل ما يشوفه أحد!!!!

وراه ؟؟!! :normal:

بجد الى يومك ناس يسبون به وناس يقولوا مبالغه من باب سد الذرائع :slant:​

 

[persona]

وراه ؟؟!! :normal:​

بجد الى يومك ناس يسبون به وناس يقولوا مبالغه من باب سد الذرائع :slant:​

وراه قبايل

وراه فخوذ بن أش وبن ميستا يلحقونج على هالحجي :laugh:

 

[Huda]

وراه قبايل

وراه فخوذ بن أش وبن ميستا يلحقونج على هالحجي :laugh:

مافهمت :roll:​

 

[ZiZ]

باختصار أن كثار مننا كنا نلعب بوكيمون بذيك الأيام...

بعدين طلعت نصبة تمشي مليون تقول "بيكاتشو معناها أنا يهودي" وكم نصبة ثانية معها كل وحدة أغبى من الثانية...

وبهذا قامت الحرب على البوكيمون وعلى من يلعبها "أي نحن"...

لا تزال تراودني كوابيس فيها أنني أشرح لمدرس الفقه أن بيكاتشو ليس معناها أنا يهودي وكروت البوكيمون ليس بها قمار...

 

[Koshiro]

ههههههههههههههههههههه الله يستر على اصحاب العقول

 

[kid_icarus]

لا تزال تراودني كوابيس فيها أنني أشرح لمدرس الفقه أن بيكاتشو ليس معناها أنا يهودي وكروت البوكيمون ليس بها قمار...

انا مادري صراحة اذا اللعبة حرام بس ابنقل بعض الكلام الي سمعته، هي مافيها قمار بس البعض كان يقول لعبة البوكيمون "الكروت" محرمة بسبب انك تشتري لك مثلا مجموعة "الي بـ25 ريال كانت وفيها 12 كرت اظن" وبعدين ممكن يطلع لك كروت تبيها او ما تبيها "يعني تشتري شيء ما تدري وش فيه". غير كذا البعض كان يشتري كرت واحد بـ50ريال الى 100 ريال الى الف او اكثر P:

وبالنسبة لاسماء البوكيمونات والاشياء الثانية هذي خرط فاضي ما يبيلها كلام، اصلا استغرب من الي يصدقونها...

 

[Ash Storm]

فكرة جيدة بس تطبيق فااااااااااااااااااااشل !!!

 

[Mista Koo]

وراه فخوذ بن أش وبن ميستا يلحقونج على هالحجي :laugh:

صحيح أنا أحب ننتندو لكني مو فانبوي (&) << إذا كان هذا قصدك

يو أذكر أيام الكروت اللي تلمع والزحمة (أنا ما كنت أجمعها بس أضحك على اللي يجمعونها)
خخخ والفلة كان في ناس يطبعون تشاريزارد أبو طاقة 100000000 ويبيعها على إنها نادرة وزحمة.. في إشاعة تقول إنهم باعوها بألف ريال :\