طلب : فيديو للساحر الأمريكي ديفد كوبرفيلد

[Humam]

شباب عندي طلب مدري اذا أحد يقدر يدبره, في فيديو للساحر الأمريكي ديفيد كوبرفيلد ( أفضل ساحر في العالم ) في أحد عروضه, يجي يحاول يقدم " الحركة " المطلوبة لكن في كل محاولة يفشل.. تستمر محاولاته بدون فائدة بعدين آخر شي يوقف وهو معصب ويقعد يفكر و كأنه يشاور أحد, شوية يطلب من الشخص الي جالس في الصف رقم كذة العمود رقم كذة إنه يطلع برة القاعة.. في النهاية يكتشفوا ان الشخص الي طلب كوبرفيلد مغادرته إنه كان يقرأ سورة الإخلاص !!

هل في أحد عنده هذا الفيديو ؟ أو قد سمع به ؟ يا ريت تدوروه لنا .. طبعا ديفيد كوبرفيلد أعظم ساحر في العالم, و أنا متأكد إنه يستخدم الجن في عروضه, من عروضه إنه أخفى تمثال الحرية بالكامل + أخفى طائرة إيرباص + طار فوق الجراند كانيون + مشي من وسط سور الصين العظيم.. هذا غير العرض الي قسم نفسه فيه لنصفين جزء علوي لين بطنه وجزء سفلي وقعد معلق في الهواء وهو يضحك وهذي شفتها بأم عيني ..

ورجاء لحد يجي يشكك ويقول هذا نصاب أو شي زي كذة محنا ناقصين عوار راس ( لول ).. كوبريفيلد لعنة الله عليه معروف .. هذي صورته:

بالمناسبة هل في أحد عنده علم اذا الDVDs الخاصة به تنباع في السوق عندنا ؟ ( لول ما اعتقد ..)

 

[Khalid-S]

همام ما حصلتها لك في youtube .. شكلها نصبه.

 

[Humam]

الان خالد موقع يو تيوب تلاقي فيه أي شي ؟ هممممم.. والله ما أستبعد يكون حقيقي.. هذا انسان خبيث مستحيل الي يسويه مجرد خدع..

btw خالد وينكم ؟ ياخي ادقدق رنات وانتظر واتكلم محد يرد.. خلاص جاني النوم بروح انام -_-

 

[Khalid-S]

همام اي فيديو بالدنيا تحصله فيه

خخخخخ ما كنت عند الكومبيوتر كنت العب 360 .. مخليه فاتح كل شي وخليته.

 

[sir KoRn]

ما أظن فيه ...
المرة الي كان يحاول كل شوي و يفشل ... كان بسبب ديفيد بلين...كان جالس بين الجمهور.

 

[عاشق فيديو جيمز]

واااو تدري أول مره ادري عنهم همام .. ماأتابع سحره ×__×

لكن تراني مت ضحك من هالمقطع :

كوبريفيلد لعنة الله عليه معروف .. هذي صورته

تراني تحمست معاك عشان المقطع هذا .. إن شاء الله تحصله

..

 

[Khalid-S]

David Blaine > Copperfield

 

[Soliden]

موجود عندي DVDين عنه, أخويا اشتراهم من أمازون, على كل حال أنا ما اهتميت له .. تقول لي قسم نفسه نصين وجلس يضحك؟ أعطيتني دافع أكبر إني ما أشوفه >.> ..

 

[Humam]

لول شباب الفيديو هذا بطلعه بطلعه وان شاء الله بحمله لكم بأي طريقة.. ولد خالتي يقول الفيديو عند واحد من أصحابه.. ان شاء الله اليوم أحاول أدبره.

 

[BioMario]

انا بعد ابي اشوفة ارفعة بليز ^^

 

[Az(e)z-N]

لووول سبحان الله..شفت للساحر هذا برنامج قبل يومين على قناة الحره,قدم بالبرنامج عروض مو صاحيه .. :jawDrop::
وقف بالشارع واختار احد الاشخاص الماره ثم رفعه عن الارض وابقاه معلق لمدة دقيقه..لا تشوفون الشخص المرفوع شكله شوي ويموت من التعجب.عرض آخر شفته ..حبس نفسه بكره زجاجيه مملوئه بالمياه..لمدة 7 ايام!

وعلى برنامج قديم شفته على قناة mbc طلب من الجمهور ان يختارون اي شخص بالعالم على شان يجيبه لأستيديو البرنامج فختارو شخص من جزيره بعيده..فجابه للاستيديو وخلال لحظات رجع لمكانه!

طبعا شباب كل هذا السحر..مجرد استعانه بالجن لا اكثر!,ومن يتفكر بآيات القرآن راح يلقى ان هذه الامثله من الاستعانه بالجن بسيطه مقارنة بالأمثله التي ذكرها القرآن

 

[ZiZ]

... ما تتوقعون يكون خداع بصر + تمثيل؟

 

[DREAM]

... ما تتوقعون يكون خداع بصر + تمثيل؟

والله يا يوشي أنت يعني تتوقع ها الشيء وها اليومين يا كثر السحره الله يلعنهم،، شفت حق ها
الساحر كم عرض خلاني أنصدم وبالذات في حركه خرافيه أغمى على كم شخص من اللي شافوها
بالصج؟؟!! ألي هي جاب دجاجه وشال راسها وقام وراه الجماهير ألي بالشارع وبعدين رجعه أنا ما صدقت؟؟؟!!
لكن فيه ناس بالشارع أغمى عليهم فقلت أكيد ها الساحر يستعين بالجن وما شابه.....

 

[Leon]

هممم صراحة أول مرة أدري عن هذا الفيديو رغم اني تابعته كثير .., على العموم بحاول اسألك ولد عمتي ( مجنون كوبرفيلد ) عن الفيديو واذا لقيته راح أبلغك انشالله...

 

[Uzumaki Naruto]

مثل ما قال يوشي ..

صعبه تخش المخ انه استعان بجن .. من الجني الي بيقعد يسوي نفسه جورج كلوني ويبي يطلع بالتلفزيون ؟

 

[Bounty]

David Blaine > Copperfield

Criss Angel >>>>>>>>>>>>>>>>>>>>>>>> all


اذا تحب اتشوف هالاشياء خالد سو search بموقع you tube عن اسم Criss Angel و صدقني ما راح تندم ^_^

 

[BioMario]

ياليت لو تعطوني اسم الساحر بالأنجليزي

 

[NSider]

ياليت لو تعطوني اسم الساحر بالأنجليزي

David Copperfield ..

ممتعة مشاهدة كوبرفيلد لأنه يضيف الكوميديا بشكل جيد في عروضه.

 

[Mr.3B]

مثل ما قال يوشي ..

صعبه تخش المخ انه استعان بجن .. من الجني الي بيقعد يسوي نفسه جورج كلوني ويبي يطلع بالتلفزيون ؟

ترى الجن تسمع كلام صاحبها .. تلفزيون ولا لأ .. الساحر يتقرب للجن عشان تلبي طلباته معروفة الشغلة ذي .. ومعظم الأشياء الي تصير مهي حقيقة .. مثلا انه انقسم نصين .. هذا من عمل الجن .. الجن يسحرون العين ويوهموك انه فعلا انقسم في حين في الواقع ما صار شي ..

 

[الــخــــارق]

صعبه تخش المخ انه استعان بجن .. من الجني الي بيقعد يسوي نفسه جورج كلوني ويبي يطلع بالتلفزيون ؟

لأن الجني هذا يعتبر خادم للساحر هذا ..
هو يسوي اللي يطلبونه منه كبار الجن وهم يخلون الجن خدم عنده ..

يعني ما سووها عشان سواد عيونه ..

 

[NSider]

شباب هي غالباً لا جن ولا شي .. ديفيد كوبرفيلد مثلاً انكشفت كثير من خدع عروضه ومنها اختفاء تمثال الحرية والطيران. عنده كتاب يكتبون له سكريبت الخدع وطريقتها (منهم الكاتب المعروف جيم ستاينماير اللي كتب اختفاء تمثال الحرية).

أحياناً الكتاب أو السحرة يكشفون الخدع بنفسهم .. وأحياناً ناس متخصصين يكشفونها.

 

[Lunar Poet]

وعلى برنامج قديم شفته على قناة mbc طلب من الجمهور ان يختارون اي شخص بالعالم على شان يجيبه لأستيديو البرنامج فختارو شخص من جزيره بعيده..فجابه للاستيديو وخلال لحظات رجع لمكانه!

هذي انا شاك فيها .. يعني معقولة الجمهور كلهم يجمعون على شخص واحد ؟! ( لول لهالدرجة هالشخص مشهور ؟! ) <-- ما شفت الجزء اللي اختارو فيه "الشخص" .. شفته بعد ما أحضرو " الشخص" الى الاستوديو ..

أتوقع ان المقطع اللي صوروه في الجزيرة تم تصويره مسبقاً بعدين عرضوه على الشاشة اللي في المسرح ..أما عن اختفاءهم من عن المسرح فهذا أتوقع له علاقة بالجن ..

 

[Humam]

إذا كوبرفيلد ما يستخدم الجن.. أبغى واحد يفسر لي كيف قسم نفسه نصفين وقعد يمشي بهم وكيف طار فوق القراند كانيون وخلى الناس تطير.. ياخي شي ما يدخل المزاج.. حكاية الخدع هذي السحرة من الدرجة الثانية والثالثة أما كوبرفيلد أصلا وجهه تحسه نحس وخبيث.. إلا ما يجي يوم نعرف حقيقته.

 

[hussien-11]

إذا كوبرفيلد ما يستخدم الجن.. أبغى واحد يفسر لي كيف قسم نفسه نصفين وقعد يمشي بهم وكيف طار فوق القراند كانيون وخلى الناس تطير.. ياخي شي ما يدخل المزاج.. حكاية الخدع هذي السحرة من الدرجة الثانية والثالثة أما كوبرفيلد أصلا وجهه تحسه نحس وخبيث.. إلا ما يجي يوم نعرف حقيقته.

خخخ نفس الكلام ، البني ادم هذا يسوي شغلات مستحيل تكون مجرد خداع بصري ، لأنو الخداع البصري الو حدود معينة ما بيقدر يتخطاها .. أما هذا سوى العجايب .

 

[Lunar Poet]

إذا كوبرفيلد ما يستخدم الجن.. أبغى واحد يفسر لي كيف قسم نفسه نصفين وقعد يمشي بهم وكيف طار فوق القراند كانيون وخلى الناس تطير.. ياخي شي ما يدخل المزاج.. حكاية الخدع هذي السحرة من الدرجة الثانية والثالثة أما كوبرفيلد أصلا وجهه تحسه نحس وخبيث.. إلا ما يجي يوم نعرف حقيقته.

سواءً كان يستخدم الجن أو لأ .. الله يلعنه P:

 

[Mr Abod]

يمكن يكون الدجال ؟؟

 

[Lunar Poet]

:suspiciou

 

[ZiZ]

ياما شفت سحرة يقسمون ناس لنصفين...

والخدعة سهلة مرة لدرجة أني أنا أقدر أسويها...

ههههههههههههههههههههه...

طول عمري مسبب أزمة للسحرة...

يوم كان عمري 7 سنوات كان فيه ساحر يقدم عروض على مسرح في حديقة بأمريكا...

المهم هو كان يسوي حركات خفة ويحط كرات قطنية بيده اليمنى ويخليها تختفي أنا ما كنت أدري شلون بس كنت حاس أنه ينقلها ليده اليسرى... المهم وقفت بنص الجمهور وقعدت أزاعق "IT'S IN YOUR HAND" قام مد يده اليمنى وما فيها شي... قلت "NO, THE OTHER ONE!!" بس ما عطاني وجه... أشوى أن أهلي ما كانوا حولي...

 

[persona]

الامر مافيه لا خدع بصرية ولا شي ..

هذا نوع من الجن يتحدى الانس في إختبار يبرهن فيه ايهو اذكر واقوى قدرة انتم(الانس) او نحن

(الجن)

اذا الانس نجح في التفوق على الجن..في الاختبار المعين..

الجن يصير خادمه و مملوك له ويسوى اللي يبي منه

ومصيبه اذا كان الجني له مكانه في عالمه ، فيصير الانس ملك للجان ويأمرهم علي كيفه

كوبرفيلد وغيره من السحره يتعاملون مع هذا النوع من الجن.

صاحبي كان ملبوس من الجن الازرق بسبب انه كب ماي حار بفتره المغرب على نخله بيتهم

مات واحد من الجن بسبه الماي الحار فأنتقم منه اخوه ولبس بالولد..

تشوفه تقول مافيه شي ولا كأنه ملبوس بس..بيننا وبين اهله ..

كان يقلب عيونه، يطعن يده ويطلع منها دم وهو يضحك يسوي اشياء ماتتصورونها قدامنا ..

هذا ليما كان عمره ..13 سنه ..وماطلع منه الا بعد 6 سنين ..بعمر ال19 سنه..قبل تقريبا 3

سنين

الآثار الجانبيه بعد خروجه:

سببله صرع+ أعصاب دائم والاطباء يقول لازم ياخذ هالادويه طول حياته..

نهايه كوبير فيلد راح تكون ماسأويه ..تذكروا كلمتي هذي ..

 

[NSider]

كيف قسم نفسه نصفين وقعد يمشي بهم وكيف طار فوق القراند كانيون وخلى الناس تطير..

خدعة الطيران كتبها لكوبرفيلد John Gaughan وقدم طلب براءة اختراع لها:

U.S. Patent 5,354,238 describes the levitation apparatus Copperfield uses. The wires are attached on each side near his hips. If you examine the use of hoops in the video, you will see that the hoops are rotated under Copperfield in such a way as to avoid the wires. Copperfield never flies through a solid hoop. The box is a slightly more clever deception, but you can see that the lid is slid over the top again to avoid the wire. There is no evidence that the lid is disturbed by the wires during the performance.

وهنا شرح ممتاز ومنطقي جداً لكيف قسم نفسه نصفين:

http://www.faithnet.org.uk/Other%20Stuff/copperfield1.htm