طفل صيني يخلق بـ3 ايادي !! سبحان الله

[Khalid-S]

اليوم شفتها في جريدة الرياضية ( قبل شوي بالاصبح ) وحصلتها بالانترنت.

في الصين ولد طفل له ثلاث ايادي بدل يدين ,, واضح ان اليد الثالثه بدون عظام طبعا

http://www.local6.com/news/9290536/detail.html

سبحان الخالق ,, لووول والله اول ما شفته قلت هاذا جورو مدري موتارو حق مورتال كومبات !!

 

[Futrus]

لول لو كملوا أربع جان قدر يلعب بيدتين بدل وحده بتنحل مشكلة اللعب الجماعي p:
سبحان الله مثل اللي نشوفه تؤمين ملتصقين

 

[Jizasu]

سبحان الله

اعتقد لو اليد الثالثه من دون عظام فماراح يكون فيه لزمه لها..

يعني تنقطع >.<​

 

[Leon]

سبحان الله ,أنا أعرف واحد عندو ستة أصابع في كل يد بس الأصباع السادس بدون عظم وقريب راح يعمل عملية ازالة لها , كل ماأشوف أياديه قلبي يوجعني-_-

ولله في خلقه شؤون........

 

[The Sinner]

يووووه شالسالفة اليوم كله عن اشياء في اختباراتي فعلا هذي حالة نادرة قبل ايام زمان كانت شائعة عشان كانت فيه ادوية تعطى للامهات الحوامل تسبب هالاشياء بس الحين قلت وشباب لو تشوفوا صور تحصلوا واحد بست ايادي واشياء ما تتخيلوها

 

[Humam]

سبحان الخالق.. هذا يعتبر تشوه, الله يحفظنا ويحفظ ذريتنا.

 

[Double T]

يووووه شالسالفة اليوم كله عن اشياء في اختباراتي فعلا هذي حالة نادرة قبل ايام زمان كانت شائعة عشان كانت فيه ادوية تعطى للامهات الحوامل تسبب هالاشياء بس الحين قلت وشباب لو تشوفوا صور تحصلوا واحد بست ايادي واشياء ما تتخيلوها

لا والله محمد اشوفك مذاكر كويس .... اهم شي انشاء الله سويت كويس في الإمتحان

سبحان الله من خلال الدراسة شفنا عيوب خلقية لا تعد و لا تحصى .... لكن في النهاية بفضل الله هذي العيوب نسبة ظهورها قليل ..... قال تعالى : ( فصوركم فاحسن صوركم )

 

[NSider]

الحمدلله على النعمة .. الله لا يبلانا بمثل هذا ولا عيالنا.

سبحان الله من خلال الدراسة شفنا عيوب خلقية لا تعد و لا تحصى ...

أنت في جامعة البترول؟ لاحظت أن عندنا كثير عندهم تشوهات .. الله يشفيهم. وتلاقيهم أحسن الناس في الدراسة .. كان معي واحد معي في مختبر الفيزياء وعنده يدين .. لكن يده اليمين فيها تشوه وصغيرة .. وما يستفيد منها تقريباً. لكنه كان أحسن واحد في تنفيذ التجارب ما شاء الله عليه .. بيد وحدة يسوي اللي احنا نسويه بيدين.

 

[The Sinner]

لا انا بجامعة الملك فيصل ادرس طب عشان كذا اقولك من الدراسة

وفعلا الاعاقة احيانا تكسب الواحد قدرات احسن من الانسان العادي يعني سبحان الله ربي يعوضه بشي ثاني عن الاعاقة اللي هو فيها

 

[mario0o]

سبحان الله . الله يحفظنا ان شا الله

ليش البعض يظحك على خلقت ربه !!

 

[Naif]

مسكين ان شاء الله يقدرون يعالجونه و يعيش حياة طبيعية

الله يحفظ الجميع ..

 

[Bounty]

الله يشفيه من هالاعاقه يا رب .. و لله في خلقة شؤون

 

[Uzumaki Naruto]

الله يشفيه ويعينه ..

خلق الرحمن حسن .

 

[Nintendude]

شفت الصورة في الجريدة..

سبحان الله.. الله لا يبلانا

 

[*legend*]

لول نعمة طلعت له يد جديدة , يقدر يسوي أشياء كثير بنفس الوقت
لكنها تعتبر شذوذ و عيب خلقي ... فالحل الأمثل هو بتر اليد علشان يعيش كأي انسان طبيعي بدون ما ينظر له الآخرين كأنه مسخ ... الله يحفظنا و اهلنا من مثل هالعيوب

الحمدلله على النعمة .. الله لا يبلانا بمثل هذا ولا عيالنا.
أنت في جامعة البترول؟ لاحظت أن عندنا كثير عندهم تشوهات .. الله يشفيهم. وتلاقيهم أحسن الناس في الدراسة .. كان معي واحد معي في مختبر الفيزياء وعنده يدين .. لكن يده اليمين فيها تشوه وصغيرة .. وما يستفيد منها تقريباً. لكنه كان أحسن واحد في تنفيذ التجارب ما شاء الله عليه .. بيد وحدة يسوي اللي احنا نسويه بيدين.

ما شا الله ثاني تروجيماوي بترولي نكتشفه ... >> ( الأول Isaac )
واضح انك مخلص الأوريا لأن بالفيزيا عندنا مقيش معمل و لا تجارب .. ما عندنا إلا هالمصري بس كل يومين يخربط علينا , لول المصرية الانجليزية تحفة ....
بالنسبة للتشوهات اللي لاحظتها عندنا بالجامعة فأكثر شي لفت انتباهي اللي معاهم برص !! .... كثير اشوف الوانهم مبقعة ... الله لا يبلينا
أما عن التشوهات الجسدية فما شفت شي ملفت للنظر

 

[Isaac]

ما شا الله ثاني تروجيماوي بترولي نكتشفه ... >> ( الأول Isaac )
واضح انك مخلص الأوريا لأن بالفيزيا عندنا مقيش معمل و لا تجارب .. ما عندنا إلا هالمصري بس كل يومين يخربط علينا , لول المصرية الانجليزية تحفة ....

إنتا مين ؟!! <<< خاش بعين قوية ..

أنا يدرسني مصري (أحمد فتحي سالم) لو هذا اللي تقصده فحرام عليك يا أخي والله مبدع (من أفضل عشر معلمين درسوني في حياتي) ^^

على كل عندي اختبار *علوم طبيعية Physical Science* الأحد الجاي الله يوفق انشاء الله ... لو جبت 35 من 40 - ماهي بصعبة بالنظر إلى سهولة المادة - ان شاء الله باطلع من الكورس بـ A أو A+


-----------------------------

والله شباب الحمد لله عالنعمة بس ... لما أشوف كتب أخوي اللي بالطب ... والله أحمد ربي عالنعمة اللي حنا فيها ... الله لا يبتلينا بمثل هالمصايب ( وبالنسبة للمبتلى بإبن معاق أو مشوه تراه والله وفي أجر عظيم إذا صبر واحتسب .. ممكن يكون أبنه المعاق سبب في دخوله الجنة .. أو سبب لفتح الرزق عليه ... )

 

[Zeyad]

سبحان الخالق.. هذا يعتبر تشوه, الله يحفظنا ويحفظ ذريتنا.

امين امين امين :jawDrop::

 

[Matt Casamassina]

الله يشفيها و يعافيه و لا يبتلينا و لا أولادنا مثله.

أستغرب من اللي يضحكون. ما أعتقد أن أمر انساني كذا فيه مجال للضحك. يعني هذا مهو كلام نقول زلة لسان، هذي كتابة يقدر الواحد يحذف و يعدل فيها قبل ينشرها.

شفت صورة لبنت من زمان لها أربع يدين. اعتقد ان يده الثالثة بيستأصلونها. و عندنا بالحي اخوان لهم بكل رجل من رجليهم 6 أصابع، و مع ذلك ما تحس أنها مشوهه، يعني تحس ان فيه شي غريب بأرجلهم، لكن مهو تشوه إلى أن تدقق أكثر. الأصبع السادس مكانه مهو شاذ مثل الأصابع السادسة المألوفة، و كأن أرجلهم زي أرجل الناس.

 

[Super Shadow]

الله يشفيها و يعافيه و لا يبتلينا و لا أولادنا مثله.

آميييييييييين