نقاش أنمي صيف 2014 | Kuroshitsuji: Book of Circus من منا لا يحب السيرك !

[kurotan]

سؤال : كيف كان الاقتباس يعني احسن اقرأ المانقا بالأول ولا ما بتفرق وثانياً : الانمي طنش احداث من المانقا ولا لأ؟؟ (مشان ازا مطنش احداث اروح اقرأ المانقا بالأول)
وما مستوى الفلرز لأن عندي اهتمام اشوف السلسة كاملة

أنا اقول إقرا المانقا لأنها شي رهيييب وسيباستيان في الانمي طالعه تعابير وجهه مسكين عكس المانقا اللي مبين إنه شيطان صدق ومافي مشاعر
وبخصوص الإقتباس الجزء الاول اول 5 حلقات من المانقا "آرك الكاري" وبعده للنهايه فيلر والجزء الثاني بكبره فيلر والشخصيات اللي فيه كمان فيلر
الموسم الثالث هذا للآن اقتباسه ممتاز نفس المانقا بالضبط.
ومستوى الفيلرز بايخ واشياء عبيطه وغير منطقيه وتلميحات
سو .. أقترح إنك تقرا المانقا بعدين إرجع للأنمي يمكن تحب الفيلر اذا تعلقت بالشخصيات -مثلي-

 

[RED ROSE]

::

محتوى مخفي: ايش المغزى

طيب ذحين ايش قصه ملجأ الايتام ؟؟؟ و ليه اختفى ؟؟؟؟ و ليش اعضاء السيرك ساعدوا اللورد كيلفن في اختطاف الاطفال و قتلهم ؟؟؟؟؟ ايش هدف اللورد من اعاده الطقوس الدينيه من اول و جديد <عشان سيل و الا ايش > احس لحد الان انو في حاجات غير منطقيه و مبهمه

 

[MH MD]

رد على تساؤلاتك

محتوى مخفي: ....

ملجأ الأيتام اتربوا فيه أعضاء السيرك ونشأوا فيه، لذلك أعضاء السيرك حبوا المكان وكانوا يبغوا يساعدوا الأيتام فيه

لورد كيلفين أنقذهم ووفر لهم حياة سعيدة وجميلة بعد ما كانوا عايشين في فقر وبؤس شديد، وكنوع من رد الجميل والدين، أعضاء السيرك أطاعوه ونفذوا أوامره حتى لو ما كانوا مقتنعين بها تماما، لكنهم ما يقدروا يعصوا الشخص اللي ببساطة أنقذ حياتهم، وهم يعتبروا اللورد هو والدهم ، وأيضا لأنهم كانوا مقتنعين انهم بمساعدتهم في هذا الشيء، بيساعدوا ملجأ الأيتام اللي نشأوا فيه ويدعموه - لكن المحزن في الأمر انهم ما كانوا عارفين ان ملجأ الأيتام تدمر وصار مهجور منذ فترة طويلة بعد رحيلهم منه، واللورد كذب عليهم بكل بساطة.

وحسب ما فهمت انها مش طقوس دينية فعلا، لكنهم يقوموا ببيع الأطفال وشرائهم وذبحهم فيه من أجل استخدام عظامهم لصنع الأعضاء الاصطناعية

---------------------------------

هذا الجزء كان ممتاز، أفضل جزء من سلسلة كوروشيتسوجي بالراحة، لكن من ناحية أخرى هذا الجزء يحتوي على واحدة من أكثر القصص التراجيدية اللي عشتها مؤخرا، شيء يضيق النفس فعلا : (

 

[Phantom Fiction]

^
كلام محمد كفى ووفى، بس في آخر نقطة أختلف معاه فيها حسب فهمي

محتوى مخفي: ....

بخصوص نقطة الطفوس الدينية، ففعلا اللورد كان يبغى يعيد تمثيل الطقوس الدينية. اللورد انفتن جدا بعائلة فانتومهايف ومنهم شيل. شيل بعد ما مات أهله ضاع وتم بيعه لهذه المجموعة من الناس اللي يعرفهم اللورد. هالمجموعة عندها طقوس دينية - أو حتى طقوس للمتعة - وكان من ضمنها قتل طفل على ما يبدو. اللورد ما قدر يحضر الطقوس بسبب عملياته، وفي هالطقوس شيل سوى عقده مع سيباستيان وخلاه يقتلهم كلهم. اللورد سمع باللي صار وأنهم كلهم ماتوا وما بقى إلا شيل. اللورد من هوسه يبغى موتة مثلهم على يد شيل، ولذلك حاول يعيد تجسيد ذلك اليوم بكل ما فيه، تضحية بأطفال، مدرج على أمل أن شيل يقتله بنفس الطريقة. شيل قتله بمسدس بكل برود وما حقق رغبة اللورد.

سالفة عظام الأطفال هذه كانت شغلة جانبية اتفق فيها اللورد مع الدكتور وكان يأخذ جزء من الأطفال اللي يخطفهم ويسوي فيهم كذا.