صور جديدة لـShadow of the Damned

[KAIN]

أعتقد ان هذه لعبه الأن كأغلبيه ما عجبتنا و لا في أي اقتناع لكن اعتقد بعد ما تصدر اللعبه أو ينزل لها ديمو راح نقول وواوو على هذه اللعبه

 

[www]

نفس الحكايه صارت مع بايونيتا لمن أنتقدنا الجرافيكس وشكل الشخصيه شو صار الحين ؟ من أفضل العاب الاكشن في هذا الجيل , اشوف ننتظر الديمو أفضل , بنسبه لي ما هي فارق بخذها وأنا اضحك :laugh::

 

[KAIN]

عرض جيم بلاي سبع دقائق هنا

 

[Sora Diersly]

يبغالهم ينزلوا ديمو يعطوننا الفُرصة نجرّبها

 

[Sonata]

يبغالهم ينزلوا ديمو يعطوننا الفُرصة نجرّبها

زيادة على العروض المليانة حرق تبي ديمو كمان ؟

 

[Al Pacino]

^

عشان الجيم بلاي .. مستحيل أي فديو لأي لعبة يعطيك انطباع صحيح عن الجيم بلاي .. فقط التجربة هي الي تعطيك الحكم النهائي .

 

[Super Shadow]

^

عشان الجيم بلاي .. مستحيل أي فديو لأي لعبة يعطيك انطباع صحيح عن الجيم بلاي .. فقط التجربة هي الي تعطيك الحكم النهائي .

بالضبط ، مهما كانت التريلرات جبارة فهي ما تعطي انطباع نهائي عن اللعبة ، بعض الشركات بالعمد تحط أفضل اللقطات سواء من الجيم بلاي أو سي جي بس عشان يحمسون الخلق

 

[Sir Guts]

^^

صحيح لكن الأجواء ماتحمس ابد ولا تصاميم الوحوش

 

[Jonas]

عرض جيم بلاي سبع دقائق هنا

هذا عرض Intro اللعبه ما انصح احد يشوفه لأنه سبويلر

 

[www]

^^

صحيح لكن الأجواء ماتحمس ابد ولا تصاميم الوحوش

ايش دراك ممكن اللعبه تعجبك لدرجة ان تغير مفهومك لتوجه اللعبه وهذه كثير تحصل بالأمانه , أنا تعلمت درس من بايونيتا

 

[Sir Guts]

^^^

بالفعل ممكن لكن انا اعرف نفسي هاذي الأجواء ابدا ماتعجبني عاد في لعبة ولا فلم .. انا ماحب احكم على لعبة بدون ما اجربها بس اجوائها و تصاميم الوحوش الغبية تخليني ارفض تجربتها

 

[www]

اذا كان عندك اي ذرة أهتمام في اللعبه فلازم تجربها ولا تنسى أن ما يقف خلفها احد اعظم المطورين اليابانيين شينجي ميكامي فهل تظن أن اللعبه لا تستحق التجربه ؟

ترى أنا كنت ما أختلف عنك كثير أول ما شفت اللعبه , هي صحيح تفتقد التصاميم الي تقدر تقول عنها ابداع لكن أنت ما فهمت الفكره يلي سودا يريد أن يوصلها , اللعبه اشبه بالافلام الرعب القديمه مما يعطيها شعور مختلف عن الالعاب الأخره , أنت ما تبي شي مختلف ؟

 

[Sir Guts]

^^^

هاذي المشكلة انه شينجي ميكامي وراها و انا من محبيه قبل شوي كنت اقرا كلام ميكامي عن اللعبة و سحرني و اسحب كلامي عن رفض تجربة اللعبة و لكن مازلت ارى اللعبة انها "Typical Suda51 Themes"

 

[www]

وأنا مشكلتي أني ما جربت ألعاب سودا فما اعرف كيف يفكر على كل حال الي شفت للحين يحمس لكن أتمنى المزيد من الافكار الغريبه مع عمر ممتاز للعبه ابي أعيد تجربت رزدنت أيفل4 مره ثانيه حتى لو بشكل مختلف هذا حلمي

 

[Jonas]

^^^

هاذي المشكلة انه شينجي ميكامي وراها و انا من محبيه قبل شوي كنت اقرا كلام ميكامي عن اللعبة و سحرني و اسحب كلامي عن رفض تجربة اللعبة و لكن مازلت ارى اللعبة انها "Typical Suda51 Themes"

حرام عليك تتحمس للعبة الي في افاتارك و هذي ما تتحمس لها XD و مستغرب صراحه من "Typical Suda51 Theme" ما اشوف اي شي ممكن تقول عنه Typical من العاب Suda51

 

[Sir Guts]

انس هذا ذوقي مو ذوقك و كيفي :sarcastic: و ثانيا العب العاب سودا و بتفهم قصدي .. لا تخليني اجيك مدريد الحين و اتفاهم معاك يالـGothic انت:

 

[Jonas]

لو خليتني Gothic عشاني حبيت اللعبه هذي , اجل انت وش تصير يوم تحب كاثيرين ؟ :

اللعبة عاجبتني من عدة نواحي مو بس بسبب اجوائها السوداء , هو فقط مجرد كون ميكامي له علاقة في هذي اللعبه يخليها اوتوماتيك في الرادار حقي , و زيادة على كذا انها unique و لنا مدة طويلة عن العاب الرعب , لكن الصراحه ما انكر ان خاب ظني شوي بالعروض الاخيره بما يخص الجرافيكس , ولا البقيه كله 100% بالنسبة لي

القصة بعد احسها interesting بحسب الي انحرق علي لحد الان

محتوى مخفي: سبويلر

اتوقع القصة ان الـGirlfriend حقت جارسيا ماتت و هو لحقها عشان ينقذها , و هي معصبه عليه تقوله ليش خليتني اموت ؟ لحسه (&)

 

[m7tram]

شسالفه الإشكال ( مشتقه من مشكله) الي صايره اهني؟ صرنا نحاسب الناس ليش يحبون/يكرهون الالعاب الفلانيه؟

على العموم انا جداً مهتم باللعبه وحتى اني شفت الانترو ولقطات جيم بلاي ولازلت مهتم وبالعكس احس لما العبها راح تكون أفضل وأمتع, بالنهايه التجربه خير برهان.

تعديل : عدلت كلمه الإشكال لاني كنت كاتب الأشكال ومو قصدي أشخاص!

 

[Jonas]

مدري اذا تقصدني انا و Gooner لكن حنا قاعدين نستهبل و نمزح بس

 

[Sir Guts]

و انا هذا اللي يخليني اسحب كلامي يوم قلت مابجرب اللعبة و السبب هو ميكامي في السالفة بس شوف لما البطل يطلق عليهم و يطلع منهم دم مادري شلون الدم مو راضي يدخل مخي غبي صاير و طبعا غير لما تضرب Headshot تشوف الرصاصة صايرة SlowMotion و هذا مو شي جديد و لاحظت بعد انه يسوي Execution و هذا بعد مو شي جديد و شايفينه من قبل

 

[www]

الرسم اصلا مو لهناك وهذا واضح أن الفريق الي شغل على اللعبه صغير لكن لمن تتعمق راح تعرف انهم شغالين شغل جامد على اللعبه يعني اجمالا الرسم جيد جدا يبقى عندنا الجيم بلى الي ما راح نقدر نحكم عليه ألا بالتجربه

 

[alakafi]

كيل زون 2 ماقدرت العبها لهذا السبب
جابتلي انواع الصداع والدوخه والغثيان

لول انا اول ماشفت الصور قولت احمد مافي امل يلعبها

 

[Sir Guts]

الرسم اصلا مو لهناك وهذا واضح أن الفريق الي شغل على اللعبه صغير لكن لمن تتعمق راح تعرف انهم شغالين شغل جامد على اللعبه يعني اجمالا الرسم جيد جدا يبقى عندنا الجيم بلى الي ما راح نقدر نحكم عليه ألا بالتجربه

انا ذكرتها من قبل و بذكرها مرة ثانية انا مافي شي يهمني كثر الجيم بلي و محتوياته مثل القصة و الأمور الأخرى لكن الجرافكس مايهمني كثير و لكن هذا مو معناتها انه يكون سيء

 

[Punished Noctis]

لول انا الوحيد هنا اللي عاجبه "كل شيئ" في اللعبة ؟ الآرت ستايل و تصميم الوحوش المريض و العبقري , فكرة و قصة اللعبة عامة , الاجواء الجوثيك و الألوان الرهيبة , الجيم البلاي اللي هو تطوير لجيم بلاي RE4 مع افكار جديدة مثل الشعلة و الضوء و الظلام , الموسيقى اللي من تلحين الرهيب أكيرا , كل شيئ في اللعبة ممتاز جدا بالنسبة لي !

 

[zoro]

^
لكن تصيم البطل :yuck:: بس الصراحة لكنته رهيبة

 

[www]

وأنا كمان احس جو اللعبه مميز وكلاسك ورهيب لكن المشكله أن اللعبه فيها عيوب فنيه ممكن تكون بشعه لأي واحد يشوفها من أول نظره (التصويب , طريقة موت الوحوش الغير مبرره)
الشي الحماس فعلا في اللعبه هي طريقة تفكير سودا , عليه افكار ما ادري من وين يجبها :laugh::

 

[www]

^
لكن تصيم البطل :yuck:: بس الصراحة لكنته رهيبة

ايش المشكله في البطل ؟ بالعكس اشوفه رهيب

 

[zoro]

^
الوشوم و الندوب الي على جسمه ما لها لازمة
ايش المشكلة لو كان البطل جميل؟! (ليون كمثال)

 

[www]

سائق درجات يا أخي هذا اشكالهم ولبسهم التقليدي ومن الطبيعي نشوف وشوم وندوب مهو تلفيق من سودا على فكره لول

وبعدين مو شرط البطل يصير بشرته صافيه وعيونه زرق وشعره طويل على شان يكون وسيم , في أنواع وأشكال من الوسامه

يعني سبحانه الله الناس اذواق لكن الي اشوفه من الشخصيه أنه وسيم فعلا علىلاقل في نظري اعتبره رجل وسيم ذو ملامح مميز , على الرغم أنه ظهر مره مرتين بشكل قبيح في الحيم بلي والسبب ضعف الرسوم في بعض النواحي لكن بصراحه وسيم يشبه كثير الممثل الرهيب

 

[zoro]

^
أنا ما قلت أنه لازم يكون أشقر و عيونه زرق,أنا ضربت ليون كمثال