شسالفه يا نينتندو تراج خربتيه حدج !!!!!!!!!

[REDFOX-ZERO]

والله ثم و الله هذى شركه تبط الجبد صراحه مافيه خير ولا شر

سالفتي مختصره


كووووود ايرووور 32007

حد امه ماله داعي فريت قووقل وكل زاويه فيه مالقيت الا حل واحد جب 4 راوترات وادابتر حقه وماكو فايده ؟؟؟؟؟

الله يرحم والدينكم وشاهدينكم شوفولي حل راسلو شركه حد امه فاضيه

والله ما تهنيت بالجهاز ولا اونلان ولا حت العابه ؟؟؟؟؟؟؟؟؟؟؟؟؟؟؟؟


الحل جزاكم الله خير ؟؟؟؟؟؟؟؟؟؟؟؟؟؟؟؟؟؟؟؟؟

 

[ice cube]

اذكر اني عانيت جدا مع الايرور السخيف :confident:

لعب الاون لاين ما يأثر حط اللعبة و استمتع , انصحك حط ماريو كارت احسن اون لاين شفته على الوي , و وخر عن سوبر سماش.

الحل:
1- استخدم بروكسي في اعدادات الجهاز.
2- وصل الوي واير مو وايرلس. (مو متأكد)

اي مساعدة حاضرين :

 

[Rare Games]

^^^^^^

الوي في مدخل dsl ؟؟؟؟

دورته قبل ما لقيته

 

[Snake-87]

الوي في مدخل dsl ؟؟؟؟

دورته قبل ما لقيته

 

[Noah`s Ark]

لازم تستسلم للأمر الواقع .
Nintendo=/= Online
​

 

[ice cube]

هذا اللي قصدته

 

[REDFOX-ZERO]

لا يا حجي انت وياه المشكله طلعت بالآبديت مال الوي طلعت في مشاكل

مثل العاب vc تقدر تاخذهم من صاحبك عن طريق sd card وتحملهم حق جهازك عني بالمره نينتندو خايفه انه شباب ينزلون من نت او من اي شخص يحطه بالوي بدون اي تهكير او علم قرصنه حق جهازه


وخافو المساكين على فلوسهم لا تفسفس بالهوا ء

 

[AMG]

شباب انا ما فهمت شي من العنوان , ممكن احد يشرحلي ؟

 

[s3rorh]

شباب انا ما فهمت شي من العنوان , ممكن احد يشرحلي ؟

يشكي من أونلاين الوي .... ويتمنى يتحسن ويصير مثل باقي الكونسولز بحيث يدخل الاونلاين من غير مشاكل
والترجمه الحرفيه للعنواان بالفصحي


(( ما هذا !! ماذا جرى يا شركه نمتندو .... لقد طفح الكيل والأمر وصل لأقصى درجاته ))

 

[Yaz3D]

أوكي .. حاولت أقرأ عنوان الموضوع ما قدرت @_@

 

[Rare Games]

ليه هالدرجه اللهجه الكويتيه صعبه

 

[The.Boss]

ليه هالدرجه اللهجه الكويتيه صعبه

مو جذي.. السالفه انه طريقة كتابة العضو ريدفوكس مو متناسقه و لا مرتبه كلش :fd3: .. لا تزعل ريدفوكس بس حتى انا نفس السالفه قعدت مدة على ما فهمت و انا كويتي

 

[Snake-87]

^
رير كويتي بس مستغرب من الردود لوول xD

 

[hussien-11]

انا ما فهمت اشي لا من العنوان و لا من الموضوع نفسه

على الأقل العنوان لازم يكون بالعربي الفصحى و باقي الكلام بلغة مفهومة ، للحظات حسيت حالي داخل على منتدى ثاني .
​

 

[SALAH]

لول بلا مبالغة عاد , أنا فلسطيني وفهمت العنوان من أول ماقراته :whistle:
الحين لو كانت المشكلة بالابديت , مافيه طريقة تقدر تلغيه او تفرمت الجهاز مثلا ؟ :suspiciou

 

[hussien-11]

المسألة مش مسألة جنسية

أتمنى بما انه احنا في ترو جيمنج نشوف طرح أفضل في كتابة العناوين/المواضيع مستقبلا .

و بالتوفيق لريدفوكس في حل مشكلته .

​

 

[mario0o]

هل هو بخصوص الاونلاين

مب متأكد من رقم الكود لكن واجتني مشكلة في الابديت 4 وحاولت وااايد يمكن اكثر من 30 او 40 مره -_- كل ما يبدا ينزل الابديت يقطع


آخر شي حطيت الراوتر بعيد عن الوي ونزل الابديت :tongue:

حددثت الجهاز واشتريت لعبة تيتريس .. والحين اتشاور على world of goo ... :wow:

 

[Andrew X]

فهمت عنوان الموضوع من اول ماقريته بس المفروض (مساعده شسالفة يانينتندو تراج خربتيها حدج ) لول

 

[The.Boss]

المفروض العنوان يكون: مساعدة ايرور رقم 32007 في الـwii .. بكل بساطه

 

[Some1LoveNin]

لول الرجال كتب الموضوع يبي مساعدتكم في مشكلته مايبيكم تعلقون على طريقة كتابته!

 

[squall leonhart]

لول الرجال كتب الموضوع يبي مساعدتكم في مشكلته مايبيكم تعلقون على طريقة كتابته!

كيف يساعدوه و هم مو فاهمين نص كلامه؟

 

[Saadawii]

فهمت عنوان الموضوع من اول ماقريته بس المفروض (مساعده شسالفة يانينتندو تراج خربتيها حدج ) لول

طيب يمكن أصله من القصيم والا حايل وكذا يتكلم؟ (لول الموضوع احتاس من قلب)

بالنسبة للإيرور، شيك موقع ننتندو. والاقتراح الأفضل، انك تدبر لعبة جديدة من ننتندو (اكسايتبوتس مثلاً) على أساس تسوي أبديت من الأسطوانه نفسها، ممكن كذا تنحل المشكلة.

 

[The Doctor]

طيب يمكن أصله من القصيم والا حايل وكذا يتكلم؟ (لول الموضوع احتاس من قلب)

بس المفروض ما تكتب بالضبط زي ما تتكلم

زي أخونا ردفوكس مثلاً، ينطق القاف غاء، و يكتب القاف غاء (على الاقل في ردود سابقة :laugh:: )

 

[Super Shadow]

هذي المشكلة تصير لي بعض الأحيان

الراوتر بعد بعيد عن الغرفة P:

الوايارليس للخسارة :spy:

و بخصوص طريقة الأخ لكتابة الموضوع يمكن كان مستعجل و نسى يدقق على الأخطاء المطبعية

 

[Andrew X]

بس المفروض ما تكتب بالضبط زي ما تتكلم

زي أخونا ردفوكس مثلاً، ينطق القاف غاء، و يكتب القاف غاء (على الاقل في ردود سابقة :laugh:: )

امعاد..اخ رد فوكس زيرو..ممكن تكشفلنا السر ورا لهجتك الغريبة ؟

 

[Torpedo]

أين هو أبو المقداد ليتصرف معكم بخصوص اللغة العربية قه قه قه قه >.>

---

بالنسبة للوي ، انا اضطر اني احمل اللعبة من الستور اكثر من ثلاث مرات حتى تنزل كاملة .. بحاول اشتري USB-to-LAN قريب .. ضروري .. بالنسبة للأبديتز انتظر لعبة فيها الأبديت و خلاص >.>*

 

[Saadawii]

أين هو أبو المقداد ليتصرف معكم بخصوص اللغة العربية قه قه قه قه >.>

---

بالنسبة للوي ، انا اضطر اني احمل اللعبة من الستور اكثر من ثلاث مرات حتى تنزل كاملة .. بحاول اشتري USB-to-LAN قريب .. ضروري .. بالنسبة للأبديتز انتظر لعبة فيها الأبديت و خلاص >.>*

هاهههههههههههههههههه، قه قه قه، هذي يعني ضحكه فصيحة؟

والله أمركم عجيب، أنا ما عندي أي مشكلة مع الاونلاين، أحمل أبديتات وألعاب بدون مشاكل. المودم عندي سبيدتتش، الأسود اللي منتشر. وهو في غرفتي مع الوي.

 

[Super Shadow]

هاهههههههههههههههههه، قه قه قه، هذي يعني ضحكه فصيحة؟

هذي ضحكة بوباي >.>

 

[Saadawii]

هذي ضحكة بوباي >.>

لا لا بباي يضحك كذا: هاققققققققق.

 

[Silent Shadow]

أخوي Red Fox تفضل هالرابط ممكن يساعدك ..
http://www.nintendo.com/consumer/wf...em=Wii&locale=en_US&action2.x=25&action2.y=27

لو احتجت أي مساعدة بتوضيح أي شيء نحنا حاضرين ..