سوني: الـXBLA والـVC يقدمون "old contents"، عكس ما نقدمه

[Colorization]

PS3's new and original downloadable content is what makes the PlayStation Store superior to the re-released retro offerings of its competitors, according to Sony marketing boss, Peter Dille.

Talking of Sony's online strategy, Dille said: "whereas our competition takes a bunch of old content and catalogs content from previous generations and offers that in a download fashion, our development organization are making games specifically for PS3.

"When you download them, they're in 1080p, and they're showing off what's going on with Cell and the PlayStation 3 technology," he added.

أخلي الـVC للي عندهم ننتندو يتكلمون عنه أكثر (لأنه ما عندي خبرة فيه)، لكن الأخ بيتر الظاهر مو عارف أي شي عن الـXBLA، أبدا ً

+ ريميكات محترمة (برينس أوف بيرشيا)
+ بورتات ممتازة (كاسلفينيا سوتن، بزل كويست، سونيك، إيكو ذا دولفين)
+ ليدربوردز بكل الألعاب، ومولتي بلاير بأغلبها
+ ألعاب جديدة كليا ً (بومبرمان لايف، إيجيس وينج، بووم بووم روكيت، Band of Bugs، و Roboblitz اللي جرافيكسيا ً أفضل من بعض ألعاب الجيل الجديد)
ما يحتاج أتكلم أكثر!

آنا واثق بخدمة الـPSN Games للمدى البعيد، لكن تصريحات أم نص كم مثل هذي بايخة حيل، خصوصا ً إنه كلام بالهوا :suspiciou

sauce

 

[Humam]

امممممم ليش كلام في الهواء ؟ بصراحة أنا اشوف الكلام هذا صحيح..سوني مركزة اكثر على الnew IPs في ألعاب الPSN الصغيرة.. اللايف الاركيد كثير من الألعاب بورتات من ألعاب 2D قديمة, الفيرتشوال كونسول كله..

تقدم أشياء جديدة ما يعني اوتوماتيكيا انك افضل.. لكن للأمانة والحق يقال, سوني مسوية شغل جيد جدا.

 

[Nintendo]

سوق الفيديو جيمز احس انه امتلا بالاشخاص اللي للاسف مايفهمون فيه اي شئ ..

يمكن كلامه صحيح بخصوص الفيرتشوال كونسول ولكن ابتداءا من العام القادم خدمة وي وير راح تبدأ ونشوف العاب جديده على الوي قابله للتنزيل .. بالنسبة لالعاب اللايف اركيد يعني كلامه غير منطقي عنها لانها متنوعه وحتى الالعاب القديمه مطوره باشياء معينه سواءا الاونلاين او غيره ..

 

[Colorization]

الـPSN بيكون ممتاز مع الوقت، لكن تصريحات مثل هذي حيل بايخة، قاعد يضرب بالمكان الغلط. الـXBLA كل أربعا تقدم لعبة (ومن فترة طويلة يقدمون لعبتين)، وأكثر الألعاب ممتازة. غير هذا، نسبة كبيرة من الألعاب إما جديدة وإلا بورت للعبة جديدة، والبعض يكون قديم لكنه fully remake. الـVC اللي أعرفه إنه مجرد ROM تشتريه للجهاز، لكن الـXBLA ألعابه عليهم تحسينات كثيرة

 

[Ash Storm]

الت vc اتركوه على جنب, ما يدخل للمقارنة اصلاً, على الأقل في الوقت الحالي لحد لما خدمة وي وير تشتغل و نشوف ايش راح يطلع منها ..

و بالنسبة للبلايستيشن نيتوورك فبصراحة اشوفه ممتاز خاصة انه يركز على الـ New IPs بأفكار جديدة و ممتعة و بجرافكس و فيزكس ممتازين, ما اقول انه احسن من اللايف أركيد اكيد مش هذا قصدي بس الي اريد اوصله ان حتى النيتوورك مش فاشل ابداً, و على المدى البعيد اتوقع انه راح يقدم احسن و احسن ..

و لكن بالنسبة للوقت الحالي فما في شك ان اللايف أركيد هو الأفضل !

 

[ASWD]

كلامه*ضمنيا*صحيح تقريبا..لكن ترجمة التصريح من خلال الكلام معوق وفيه شوي من الغرور والتقليل بالغير

 

[king zell]

سوق الفيديو جيمز احس انه امتلا بالاشخاص اللي للاسف مايفهمون فيه اي شئ ..

يمكن كلامه صحيح بخصوص الفيرتشوال كونسول ولكن ابتداءا من العام القادم خدمة وي وير راح تبدأ ونشوف العاب جديده على الوي قابله للتنزيل .. بالنسبة لالعاب اللايف اركيد يعني كلامه غير منطقي عنها لانها متنوعه وحتى الالعاب القديمه مطوره باشياء معينه سواءا الاونلاين او غيره ..

اللي دخلت أقوله


المشكلة صارت التصاريح كثيرة.. و الإعلام ياخذها كلها و يعطيها أهمية هاليومين

 

[The Heartless]

معاه حق بالنسبة لVC لكن XBLA مايقدم ألعاب جديدة !

أنا اقول هذول الي يعطونا تصريحات كل يوم خلهم يوزونون كلامهم قبل أي تصريح

 

[Khalid-S]

رسمياَ يا شباب ... سوق الفيديو جيمز خرب من الاشكال الجديدة هذي .. جميعها طالعه من طرف واحد للاسف.

اقوله لا يكثر ... ماعندي شي اقوله اكثر من كذا.

سوني مو قاعده تقدم العاب PSN جيدة بكل امانه .. مافي الا لعبه او ثلاث العاب على بعضها .. والي هم

ستاردست ولا وش اسمها الجديده ... كولنق اول كارز .. بلاست فاكتور.
اثنين منهم مقتبسين فكرتها من لعبه ثانيه .. ووحده اوريجينال لان الي طورها انسان بارع.

اما الالعاب الباقيه ما عندك احد بقوه .... وار هوك وليتل بيق بلانت كلها بتنزل على Blu-ray .. كل وحده ببلو راي بلحاله .. هذي مو العاب موجهه انها فقط تكون العاب PSN .. بل العاب ريتال.

VC يقدم العاب قديمة بدون اضافات .. ما قصرو الشباب .. ننتظر الوي وير وايش بيقدم العاب بافكار جديده.

 

[The Shark]

غاب القط إلعب يا فار ...
ملاحظة :
القط = بيتر مور
الفار = مسؤولي سوني

 

[The Heartless]

رسمياَ يا شباب ... سوق الفيديو جيمز خرب من الاشكال الجديدة هذي .. جميعها طالعه من طرف واحد للاسف.

:roll: :roll: :roll:

تبيني أعطيك قائمة بتصريحات مايكرو وننتندو العجيبة

 

[Colorization]

^ الكل عنده تصريحات بايخة جاسم، لكن سوني مزودتها حبتين هاليومين

تذكرت مقابلة GI مع شين كيم لوووول

 

[ryo hazuki]

PS3's new and original downloadable content

اي اوريجنل و نيو ....قاص على عمره و بقو

لكن للأمانة والحق يقال, سوني مسوية شغل جيد جدا.

LOL :laugh:

 

[Mista Koo]

اللي ما يطول العنب يقول عنه حامض
أوكي لو مايكروسوفت قالتها عالـVC ما عندي مانع.. لكن سوني؟!

 

[Khalid-S]

مايكرسوفوت فيها ناس اغبيه مثل شين كيم ... لكن نينتيندو نادر وبقوه ما تحصل من عندهم اعلان عبيط مثل هذا في الفتره الاخيره. اغلبها جايه من عند سوني ومتحدثنيهم من اقطاب الارض .. بعد كم يوم بيطلع لك سوني الشرق الاوسط ويتفلسف.

 

[Naif]

لوول من صدقهم؟

حتى لو مايكروسوفت مش مركز على الالعاب الجديدة.. مازلت احصل لعبة او لعبتين مختلفة على الاقل كل اسبوع انزلها..

 

[The Heartless]

مايكرسوفوت فيها ناس اغبيه مثل شين كيم ... لكن نينتيندو نادر وبقوه ما تحصل من عندهم اعلان عبيط مثل هذا في الفتره الاخيره. اغلبها جايه من عند سوني ومتحدثنيهم من اقطاب الارض .. بعد كم يوم بيطلع لك سوني الشرق الاوسط ويتفلسف.

الي حاصل أنه في تصعيد بين تصريحات مسؤلي مايكرو وسوني , الغباء موجود عند الإثنين بس أنه نقول سوني هي الوحيدة إلي تطلع بتصريحات هبلة هذا مو صحيح

طبعاً ننتندو مفرفشة آخر فرفشة ( لول حلوة هذي ) فمايحتاج تصرح أصلاً


ryo hazuki

اي اوريجنل و نيو ....قاص على عمره و بقو

توقعت إنك ترد في هالموضوع وماخيبت أملي :laugh:

 

[Khalid-S]

والله هارتلس ما اتذكر مره طلع بيتر مور مثلا واتريق على اونلاين البلاي ستيشن .. صحيح الاثنين عليهم صاريح مدري وش تبي مرات لكن سوني اكثر بكثير من الثانيه .. وللاسف طبعا .. سوني ما كانت كذا.

 

[The Heartless]

والله هارتلس ما اتذكر مره طلع بيتر مور مثلا واتريق على اونلاين البلاي ستيشن .. صحيح الاثنين عليهم صاريح مدري وش تبي مرات لكن سوني اكثر بكثير من الثانيه .. وللاسف طبعا .. سوني ما كانت كذا.

زين شنو رايك ب things break ؟ ولا لما قال remember the dream cast لما سألوه عن وضع البلاي 3 أو آخر تصريح له i didn't see a price cut ؟

وحتى ننتندو ماتقصر مع انها أقل وحدة في التصريحات , تصريحها انها فكرت بشي مثل الهوم لكنها شافت انها مالها داعي للتقليل من إعلان خدمة الهوم من سوني في GDC


يعني الكل في قفص الإتهام ومحد بريئ .

 

[hussien-11]

لما سألوه عن وضع البلاي 3 أو آخر تصريح له i didn't see a price cut ؟

معليش بس هذا التصريح حطه على جنب لوول
​

 

[Khalid-S]

اوكي لكن بيتر مور على الاقل كلامه فيه نوع من الواقعيه .. مثل البرايس كت !!!!
لكن هنا .. كلامهم غلط ميه بالميه ..اما حقت نينتيندو .. لووووووول فرق شاسع بين هذا التعليق وتعليقات سوني المعروفه.

عموماَ .. محد في قفص الاتهام غير سوني ومايكروسوفت .. سوني محكوم عليها بالسجن لمده 5 سنين ومايكروسوفت سنتين ..

 

[The Heartless]

ماراح أطول الموضوع , أبي أروح اسمع كاست E3 :cooool:

عموماَ .. محد في قفص الاتهام غير سوني ومايكروسوفت .. سوني محكوم عليها بالسجن لمده 5 سنين ومايكروسوفت سنتين ..

مايصير نستأنف ؟

 

[Emirates]

يعني انا امس لو ما دخلت ال PSN وشيكت عليه بقول يمكن كلامه صح لانه ما عندي الخدمه

لكن بما انه عندي الخدمتين و دخلت وشفت اللي شفته .. اقدر اقول كلامه يخالف المنطق ( ما اتكلم عن الشانيل الخاص بالويي )

 

[Mario2]

احلى شي نحن ما نرشي الشركات عشان نحصل العاب حصريه .. المشكله كل تصريح اغبى من الثاني بكل صراحه ..

 

[NSider]

من طريقة التصريح أحس أنه يتكلم عن نينتندو فقط والفيرتشوال كونسول. إذا هذا قصده كلامه صحيح (مؤقتاً).

ممكن كلامه ينفهم أنه يقصد الـXBLA بعد، لكن ما أعتقد. الـXBLA من الأول يقدم ألعاب جديدة ممتازة وألعاب كلاسيكية مطورة.

 

[Sinker]

حتى و لو كان كلامه صح...But where is the Point????
يعني ما أفهم هذا التصريح يعتبر أعلان تجاري ؟
لأنه ما أعتقد أد ما سمع أنه ألعاب الي تطلع على الـPSN ألعاب جديدة
و بعد فيه ألعاب PS1 ليش هو ناسي هالشيء؟؟؟؟
أصلا تصريحات و تعليقات سوني ماهي ألا عبارة عن "نحن مضلومين , كان لازم نفوز " هذا ألي أنا شايفه