سوء فهم

[No Longer Human]

أحكوا لنا عن مواقف سوء فهم حصلت لكم

راح أبدأ أولا:

قبل فترة كنت بالمستشفى أنتظر دوري, وأنا جالس على الكرسي وضعت يدي على جبهتي إلا بنفس الثانية ألاحظ واحد من سكان الحارة مار من جنبي يتكلم بالجوال وكان مظهري وأنا واضع يدي على جبهتي كأني ما أبغاه يلمحني!
رجع بعدها بكم دقيقة ومر وحسيت بتعابير وجه كأنه يتوقع الشيء هذا! كنت وقتها طبعا شايل يدي على جبهتي وجالس بإعتدال.

دوركم

 

[LaLa]

موقف مثل موقفك يحصلي كثير بس دايم اكون انا مستقصده اذا شفت احد اعرفه ماعندي مشكله لو اتنكر اني شجره في المكان ولايشوفني xD
اوكي الموقف الي سار لي قديم و بسيط جدا بس تفشلت منه وعلق بذاكرتي ،كنت مع قريباتي مولعين نجوم الليل (نوع من الالعاب النارية) وكانت بيدي وحده فجأه جا خالي (نادرا مااشوفه )من جهة الباب يطالع جهتي وبيده وحده ثانية ويقول خذيها وانا اقول لا مايحتاح معي وحده ومستحيه منه والله يعطيك العافيه ومنذا الكلام فجأه اكتشفت انه اصلا مايكلمني يكلم بنته الصغيره الي تحتي (كانت خايفه منها عشان كذا كان يحاول يقنعها ) وقتها تمنيت انتقل ضوئيا لدولاب غرفتي واعيش هناك للأبدXD

 

[fatal framer]

شكثر المواقف اللي تصير معاي من هالنوع
اتذكر مرة بالعيد في بيت خوالي اغلب العايلة القاهم هناك من طرف الخوال والخالات بس اكيد اروح بيوت ثانية غيرها
دشت وحدة اول مرة اشوفها فسالت عنها وتقوم تفشلني بنت خالتي ماتعرفها هذي بنت خالك
بنت خالي اللي ماكنت اعرفها قليل ماكانت تزور واغلبها بس مناسبات عيد او اول يوم من رمضان

 

[Unknown]

كنت امشي بالمول وقدامي بنات راحوا من مدخل جانبي .. وقبل هالمدخل في محل انا دخلته
شوي الا واحد من الهيئه ومعه شرطي يناديني يقول وراك داخل مع البنات! قلتله وينهم هالبنات!
تلفتوا بالمكان مالقوا احد منهم .. بالاخير استوعب اني دخلت المحل الاخير قبل المدخل الي راحوا منه البنات

 

[fatal framer]

^
من جد ليش يتليقفون ماني عارف ولمتى يستمر التفكير انه احنا اللي نلاحق البنات ونسوي المشاكل

تذكرت موقف صار معاي في المجمع الوقت تاخر يمكن 11 او 12 بالليل كنت بروح للمصافط في جهة ثانية من المجمع ولا واحد مادري شرطي او حارس قالي وين رايح
قتله بروح البوابة رقم كذا رد علي صافط هناك قتله اي

ومرة واحد قالي خلاص صكرنا قتله ادري ومشيت

 

[* RA!N *]

مره كنت امزح مع قريبي الصغير وقلت له يا دب سمعني زوج خالتي وجاني وقال لي عيب انت كبير المفروض ماتتلفظ بذي الاشياء
قلت له كنت امزح معاه قالي هذا مو مزح انتبه , وانا مستغرب ولما مشيت فكرت في الموضوع وطلع الاخ سمعها شي ثاني "كلمه وسخه"
تمنيت ذاك اليوم اني ماطلعت معاهم وطول الوقت وانا اتحاشاه وماابغاه يشوفني >< وجلست حايس اروح اوضح له الامر ولا لا . وفي النهايه طنشت وخلاص

 

[s3rorh]

اخر سوء فهم مر علي كان مع زوجتي ....
النتيجة كانت :
-توبيخ من زوجتي وزعلها علي لمدة اسبوعين
- بنتي " آية " ♡

ومن يومها صرت حذر بمسائل سوء الفهم ،،، لغايه ما اخلص جامعة.

 

[SOUMAR]

أحد الاشخاص في الهاتف قلت له كلمة سمعها بشكل خاطئ يقلب معنى الجملة تماما الى معنى سيء. فأنهى المكالمة.

 

[faris alwany]

اخر سوء فهم مر علي كان مع زوجتي ....
النتيجة كانت :
-توبيخ من زوجتي وزعلها علي لمدة اسبوعين
- بنتي " آية " ♡

ومن يومها صرت حذر بمسائل سوء الفهم ،،، لغايه ما اخلص جامعة.

عرفتها