سلسلة العاب ( مش قادر ) تدخل اجوائها !!

[Nintendo]

طبعا فيه العاب تناسب اذواق معينه وفيه العاب من نوع تحبها او تكرهها .. ولكن فيه سلاسل العاب تحس انك ماتقدر تلعبها والسبب مجهول !!

بالنسبة لي :

عن نفسي ماجربت السلسله بأي جزء قبل الثامن .. الاجزاء السبعه الاولى كلها فاتتني وماكنت متحمس لاي واحد منهم مادري ليش .. قلت مو مشكلة نخلي البداية مع الثامن وبعدين اكيد بيطلع مليون ريميك ونجرب الاجزاء الماضية ..

اخذت الثامن على البلايستيشن2 ....... يمكن مالعبت فيه غير ساعه ولاشغلته بعد كذا .. قلت يمكن لاني كنت وقتها متعصب ننتنداوي جدا وصعب العاب العاب خارج اجهزة الننتندو ..

مؤخرا اخذت الجزء الرابع للدي اس .. شباب ماني قادر اطلع من اول مدينه !! اول ما اخرج من البيت واتمشى بالمدينه اللي كلها على بعض كم بيت ازهق واقفل اللعبه ولا شغلتها بعد كذا .. قلت يمكن لانه الرسم قريب من ال2d . اخذت دراجون كويست مونستر جوكر للدي اس والنتيجه ايضا نفس الشئ !!

مادري المشكلة من رسوم تورياما اللي اكرهها بقوه ولا حبي للفانتسي والخيال المستقبلي اكثر من فكرة واسلوب دراجون كويست !!

عموما ياريت نشوف وش هي السلاسل اللي مادخلت مزاجكم ابدا والسبب ..

 

[AMG]

بالنسبة لي في عدة العاب لكن اهمها سلسلة GTA

كل ما اشغل اي جزء و ابدأ العب راسي تصدع و احس ان الدنيا صارت حر، احس ان فيها ايشاء كثرة ممكن تسويها لدرجة اني ما اعرف ايش اسوي




في كمان سلسلة MGS لاني فاشل فيها ، العبها بأسلوب ديفل ماي كراي لول و طبعا ما اعرف اسوي شي ، ممكن لاني ما احب العاب التجسس




سلسلة Final Fantasy، الاجزاء كلها طوييييييييييييييييييلة بالنسبة لي يعني ما عندي امل اختم اي جزء، غير كذا اهم مميزات اللعبة ما تهمني

 

[BioMario]

بالنسبة لي GTA وبجدارة :xd:

 

[Life-Saver]

بالنسبة لي Oblivion

كل ما أشغلها أحس أن الدنيا ما عاد فيها ألعاب تسوى وأن الجيمنج راح ينقرض من العالم ..

إلى أن بعتها وافتكيت منها

 

[Gohan]

السلام علكيم ورحمة الله وبركاته

عن نفسي اظن لعبة Yakuza جعلتني افرض نفسي العبها علشان اشوف سيّر القصة لكن اللعب نفسه متوسط

لعبة Dragon Quest 8 ثاني لعبة اربجي لي ويبدوا انه الحالة عامة لول تلعبها في الاول تلاقيك ما منسجم معها لكن بعد فترة تمتلكك بكل قوة

لعبة Resdint Evil 4 ما دخلتني الجو ابدا من اول ما لعبتها حتى ما انهيتها لول

 

[Suzuki Yu]

انا اقدر افهم الموضوع على انه العاب الناس مسويه عليها صجة بس انا مش مستسيغها كثير

كثيرة جدا , ممكن اذكر مثل :

- سلسلة كاسل فينيا
- سلسلة ميترويد
- سلسلة أيلدر سكرولز
- سلسلة تيلز أوف
- سلسلة درجون كويست

وممكن يكون في اشباء اخرى ماهي جاية على بالي حاليا

 

[Burdegation]

- الدر سكرول و بقوه -_-

لعبت ليمه خرجت من الدنجن بعدين ماقدرت اكملها

طلعت من اللعبه و لارجعتلها مره ثانيه


- سايلنت هيل , لعبت الثالث و الرابع بس ماعجبوني

 

[F.JUBRAN]

مادري المشكلة من رسوم تورياما اللي اكرهها بقوه ..

انت عدوي اللدود :
وخلاص انت في رأس قائمتي ...... لا تطلع من البيت انا حذرتك :evil::

 

[Strider]

سايلنت هيل
gta
سبلنتر سل ولو اني متحمس للجزء الجديد :laugh::

 

[m7tram]

سلسله زيلدا ياما سمعت مدح عن هالسلسله وأول مره خذيت نينتندو 64 من رفيجي علشان العب اوكرينا اوف تايم , أول ساعه باللعبه تكون زوينه بس مع الوقت أحس خلاص ماقدر اكمل يصيبني ملل فضيع وعلى طول أطفيها , حاولت ارد والعبها اكثر من مره على الكيوب على الوي على الـPC على نينتندو 64 نفسها مره ثانيه بس لا حياه لمن تنادي .

مع تواليت برنسيس حاولت اجذب على نفسي وأسوي عمري متحمس لها لما اشوف الصور او العروض علشان لعل وعسى لما تنزل العبها واحس انها لعبه اسطوريه مثل ما الأغلب يشوف هالشي .. ونفس الحاله مع اني غصبت نفسي العب 10 ساعات وقتها أعترفت اني مستحيل العب لعبه زيلدا وما كملتها .


زيلدا ويند ويكر الوحيده الي قدرت اخلصها ويمكن شوووي تمتعت فيها ( واخذت فوق الشهر وشوي وانا العب وكانت فتره متقطعه بشكل كبير ) .

 

[hussien-11]

سلسلة دراجون كويست زي عمر ما بحبها كثير و تقريبا لنفس الأسباب .. ارت تورياما :annoyed: ، و طريقة اللعب الي أشوفها فعلا صارت ( بالية و مملة ) و تحتاج تجديد دماء بقوة ، لكن مع ذلك قدرت استمتع بالجزء الثامن نوعا ما و لعبت فيه 15 ساعة .

اممم أي اشي اله علاقة بستار وورز ، ما قدرت أهضم هالأجواء مطلقا لا بألعاب و لا حتى أفلام أو مسلسلات .
​

 

[JOE]

- سلسلة GTA اول شئ يخطر على بالي بإستثناء الرابع الجبار .*
- سلسلة ميجامان مع انه التاسع عجبني .
- اي لعبة انمي .
- سلسلة داينستي واريورز .

هذا إلي فاكره و انا متأكد انه حيكون لي رد ثاني و ثالث في هذا الموضوع .

 

[G7Ga7]

يب , دراجون كويست هنا :laugh:: .. لعبت الثامن وانا متحممممممس .. وما قدرت اكمل اول ساعة xD

وينينج إليفين , فيفا : ما ادري كيف يطاوعكم قلوبكم تشترون نفس المُنتج كل سنة P:

جيتار هيرو : ومعاها روك باند طبعاً ... ازعاج , واغاني كريهة.

تيلز أوف : أسوأ نظام قتال RPG قد شفته , عجزت افهم المتعة الي يحصلها الواحد بالقتال بالضغط على زر A بشكل متكرر :/

المزيد قادم ان شاء الله .

 

[Khalid-S]

Role Playing Games بجميع انواعها. مره مو مستعد اضيع 60 ساعه من وقتي العب في لعبه وحده نفسها ما تتغير. خصوصا اذا كان فيها مشاكل، اقعد اغصب نفسي واستحمل مشاكل في اللعبه لساعات طويله جداَ، عشان باتل وقصه... وموسيقى.

استمتع فيهم الى 20 ساعه يمكن لكن مو اكثر. عشان كذا ما خلصت العاب RPG الا قليل منهم جداَ.

 

[Mario2]

>.> دراغون كويست 8 اعتبرها من افضل العاب الجيل الماضي صراحه واستمتعت بكل دقيقه فيها .ما اذكر شو اللي ببالي بس فيه العاب جربتها وما قدرت اكملها لنفس الاسباب اللي بعنوان الموضوع ومنهم سايلنت هيل بكل اجزاءها , وسلسلة العاب تيلز , GTA ,فالكري بروفايل , ستار اوشين ,باتابون , منستر هانتر , الدرز سكرولز . هذا اللي ببالي حاليا .

- سلسلة ميجامان مع انه التاسع عجبني .

تناقض عجيب , سلسلة ميجامان طول عمرها رهيبه .

- سلسلة ميترويد

ما حصلت غير هالسلسله بالذات ؟ الابداع بام عينه .

 

[Gintoki]

تيلز أوف : أسوأ نظام قتال RPG قد شفته , عجزت افهم المتعة الي يحصلها الواحد بالقتال بالضغط على زر A بشكل متكرر :/

نفس الشي..

لعبت تيلز اوف فيسبريا, وللآن ماختمتها بسبب نظام القتال الممل..

 

[Majeed]

- سلسلة زيلدا -_-" ،،
- زيلدا السلسلة -_-" ،،

 

[Tomb raider]

هذا اللي في بالي حاليا
-سلسلة مترويد
-سلسلة سبلنتر سيل "بجداره"

 

[Mario2]

^ انت اصلا ما يعيبك شي .

 

[Kaze]

العاب الفري رومنج مثل GTA و ربعها
العاب الار بي جي الي ما تتبع النظام الكلاسيكي للقتال
عالم هيلو و سلسلته
العاب السوبر ما ريو
سلسلة تومب رايدر
سلسلة توم كالنسي
سلسلة دانستي وريورس

 

[G7Ga7]

ياليت نشوف اسباب اكثر.

ما اشوف فيه فايدة لو كل واحد يصف لنا السلاسل الي ما تعجبه من دون اسباب .

 

[Strife]

ماقدر اهضم اي جزء زيلدا الا لو كان باسلوب وند وكير.

 

[Zero_IYAD]

- GTA و أخواتها التي تحمل نفس الفكرة , نفس الأسلوب .
- MGS .. تمنيت لو أقدر أتقبلها , حاولت بالجزء الـ3 مرة و مرتين و ثلاثة , حسيتها معقدة ×_×
- RE و أخواتها .. أيضا ما قدرت أتقبل هالنوعية من الألعاب -__-
- الألعاب الرياضية من أولها لآخرها , Fifa , WE , WWE .

 

[MAX9009]

بالنسبه لي سلسلة سايلنت هيل ... احب العاب الرعب واحب الهورور اكشن ادفنشر بس المشكله بـ سايلنت هيل بكل اجزائها العب اول ساعتين بعدين يجيني ملل فظيع او كئابه من اللعبه اللعبه الوحيده الي اذا لعبتها اشعر بكئابه مدري ليه .. الجزء الثاني هو الجزء الوحيد الي خلصته ^^

والعاب الار بي جي بشكل عام ما راح احدد سلسله معينه .. بس ما خلصت غير كم لعبه وجزء واحد من فاينل .. الاسباب زي ماقال خالد تقعد تلعب من 30 الى 60 ساعه !!! من جد شي طوووويل ويطفش ومرات بعض الالعاب في البدايه القصه حمااسيه وفي نص اللعبه تتغير القصه وتصير بارده وتحس انك تلعب بدون هدف =**)

جحجووووح ادري انك لمن تشوف سايلنت هيل بتحقد عليه :sarcastic:

 

[MAX9009]

- GTA و أخواتها التي تحمل نفس الفكرة , نفس الأسلوب .
- MGS .. تمنيت لو أقدر أتقبلها , حاولت بالجزء الـ3 مرة و مرتين و ثلاثة , حسيتها معقدة ×_×
- RE و أخواتها .. أيضا ما قدرت أتقبل هالنوعية من الألعاب -__-
- الألعاب الرياضية من أولها لآخرها , Fifa , WE , WWE .

اياد انت اجل ايش تحب :wow:

 

[G7Ga7]

جحجووووح ادري انك لمن تشوف سايلنت هيل بتحقد عليه :sarcastic:

هذا اجحاااف في حق اللعبة :laugh: .. j/k

 

[Kaze]

ياليت نشوف اسباب اكثر.

ما اشوف فيه فايدة لو كل واحد يصف لنا السلاسل الي ما تعجبه من دون اسباب .

و لا تزعل دامك ذكرت اسباب مقنعة P:

العاب الفري رومنج مثل GTA و ربعها : مضيعة وقت ... ما احب شيء يكون unlimited واغلب الي فيها بدون هدف ... اسطوا اسرق كسر اضرب then what ? ... بالعادة هذي الالعاب تتميز بتحكم فضيع ما اقدر استوعبة, وجرافيكس تعبان + اغلب الناس تلعبها يهال و رجال ولا هم دارين شنو السالفة!
العاب الار بي جي الي ما تتبع النظام الكلاسيكي للقتال : ما يحتاج تفسير ! ... ما احب النمط الحديث من قتال الار بي جي ... احب نظام الـ turns
عالم هيلو و سلسلته : عالم ممل جدا ً ... تكرار و ما فيه ابتكار
العاب السوبر ما ريو : ما اقول انهم ما يقدمون شيء جديد ... بس مازالت مغامرات سوبر ماريو ما تستميلني حتى لو كانت 2D ... حتى سوبر سماش ما داخلة عقلي كلعبة فايت P: ! .
سلسلة تومب رايدر : اكره حريم يغامرون و يسوونهن كح كح !
سلسلة توم كالنسي : ما تعجبني بحكم نمط التجسس الي فيه ... نظام غير مناسب للتجسس في لعبة تجسس XD !
سلسلة دانستي وريورس : قصة عميقة ... تطبيق gameplay فاشل ... اضرب في المليان :w00t:

 

[Aia]

الموضوع وحلو ويطلع معلومات أكثر للعضو , أبدعت عُمر .

بالنسبه لي ألعاب كثيره ما خشت مزاجي و مُستحيل أسمح أنها تتدخل مزاجي , منها :

GTA : أسلوب اللعبة قاهرني وهجمي , و يمكن لأن كل الناس منجنين عليها و خاصة ً الأشكال الي في فصلنا الي ما يعرفون شي أسمه فيديوجيمز يسمونها * حرامي السيارات * , لكني أجد الجزء الرابع * رائع * و أستمتعت بمُشاهدة أخوي بلعبه .

WE-PS-FiFA : ألعاب الكوره , مادري وش شايفين فيها , أحس بُصداع قاسي اذا شفت اللعبة هاذي خاصة ً مع أصوات الجماهير , لا أخفيكم شباب , مره شفت أخوي يلعبها قسم بالله حسيت بدوخه * فعلا ً * .

COD : للآسف اللعبة هذي ما خشت مزاجي أبدا ً , شفت كم فيديو وكم واحد يلعبها خاصة ً أخوي , ما لقيت فيها شي مُميز أبدا ً .

وفيه سلاسل ثانيه , لا تذكرتهم بكتبهم إن شاء الله .

Role Playing Games بجميع انواعها. مره مو مستعد اضيع 60 ساعه من وقتي العب في لعبه وحده نفسها ما تتغير. خصوصا اذا كان فيها مشاكل، اقعد اغصب نفسي واستحمل مشاكل في اللعبه لساعات طويله جداَ، عشان باتل وقصه... وموسيقى.

استمتع فيهم الى 20 ساعه يمكن لكن مو اكثر. عشان كذا ما خلصت العاب RPG الا قليل منهم جداَ.

لا لا لا , لا يا خالد والله طحت من عيني !

ما تحب ألعاب الـ RPG !?

والله ألعاب الـ RPG أشوفها السبب الوحيد لإتجاهي للفيديو جيمز خصوصا ً أني ما أنهبل إلا على ألعاب مُعينه ونادره .

الأسباب الي تخليني أحب العاب الـ RPG هي : ( الشخصيات و التعمق فيهم , القصة و الأجواء , الأحداث و التويستات , الساوندتراكز الرهيب و المُميز , أسلوب اللعب الذكي ) !

ألعاب الـ RPG ببساطه كأنك تشوف مُسلسل ودك تعرف عن شخصياته وقصته والأحداث القادمه و بالإستمتاع بالإخراج و الساوندتراك !

أتمنى أي واحد يكره الصنف هذا من الألعاب يجرب ألعاب مُميزه و صدقوني راح تحبونها بصدق !

 

[MAX9009]

و لا تزعل دامك ذكرت اسباب مقنعة P:



عالم هيلو و سلسلته : عالم ممل جدا ً ... تكرار و ما فيه ابتكار

هيلو لعبة اون لاين وبعض الناس ماخدينها على انها قصه ولعبه فيها وفيهاا وهي اصلا لعبه جماعيه

سلسلة تومب رايدر : اكره حريم يغامرون و يسوونهن كح كح !

بالعكس تومب رايدر ممكن تكون من اقوى الالعاب الي تكون بطلتهااا بنت ... وكانت اول احلى مغامره في البلاي 1

سلسلة توم كالنسي : ما تعجبني بحكم نمط التجسس الي فيه ... نظام غير مناسب
للتجسس في لعبة تجسس XD !

سلسلة توم كلانسي بالعكس العابهااا احسها موجهه للهارد كور ودايما معروفين بصعوبة العابهم .. واذا كنت تقصد سبلنتر سيل بالعكس سبلنتر لعبة تجسس بمعنى الكلمه ولازم تنتبه لكل خطوه تسويهاا ..

المهم انا ما اعاارضك طبعااا لانه كل واحد له وجهة نظر بس حبيت اعلق على بعض نقاطك =***)

 

[Super Mario]

العاب الفري رومنج مثل GTA و ربعها
العاب الار بي جي الي ما تتبع النظام الكلاسيكي للقتال
عالم هيلو و سلسلته
العاب السوبر ما ريو
سلسلة تومب رايدر
سلسلة توم كالنسي

الله يهديك :laugh::
شاللي بقى من الفيديو جيمز :xd:

بالنسبة لي pes والسب التكرار العقيم

سلسلة توم كالنسي : ما تعجبني بحكم نمط التجسس الي فيه ... نظام غير مناسب للتجسس في لعبة تجسس XD !

:what: