سكوير والسقوط الكبير بعد الاندماج مع انكس

[THEjoker]

سكوير سوفت اسم لمع في سماء العالم بتقديمه لاالعاب في منتهى الخيال والمتعه..

فمن ينسى سلسة فاينل فانتسي بأجزائها الاسطوريه..
ومن ينسى الاسطوره زينو جيرز والرائعه ليجند اوف دراجون وكرونو المثيره..

ومن ينسى خطوة سكوير بتضامنها مع دزني لتقديم رائعه مميزه مثل كيندوم هارتس..

انظروا الى تاريخ سكوير سوفت المتخم بأجمل وارقى الاساطير والتي جعلتها تحتل مكانه عظيمه بين شركات الالعاب..

اين سكوير الان؟
اين ذهب مجدها المعهود؟

اقسم ان اندماجها بانيكس اندماج مشؤوم جعلها تتراجع للوراء كثيرا وتتخلى عن عرشها التي طالما تمسكت به..

مثلا ستار اوشن3 هل هذه الخرده بحجم وضخامه وروعه سكوير؟ مع احترامي لمحبيها..

عطاء سكوير في انتاج الالعاب تراجع كثيرا واصداراتها اصبحت متواضعه جدا جدا..
تقريبا 4 سنوات من هذا الاندماج المشؤوم ولا شئ يذكر..

اتمنى عودة سكوير الى وضعها السابق فهي الاولى بالنسبه لي..
نعم كلي تفاؤول وامل وطموح بفاينل فانتسي12 وكيندوم هارتس2 للعوده مجددا من هاتين البوابتين الى القمه..


سكوير هل تقومي باسعادنا كالسابق؟
نحن بالانتظار..


لكم تحياتي،،

 

[Humam]

لول موضوع راح ينقلب لحرب أنا عارف

والله يا أخ جوكر كلامك محد يقدر يقول عليه ثلث الثلاثة كم .. فعلا سكوير هذا الجيل ولا شي.. أحد الأسباب إن سوق الRPG مافيه منافسة .. سكوير كانت تتنافس مع انيكس وكل واحد كان وده يحرق رز الثاني ويطلع أحسن منه .. لكن بعد الاندماج راح الحماس والشركة صارت ثقيلة و متواكلة بشكل كبير ..

 

[ASWD]

الله يخلي ليفل 5 والاجواء لكلاسيكية اللي افتقدناها هذ الجيل في العاب الار بي جي

اتمنى من كل قلبي ان ما يتم التحويش على هالفريق من قبل سكوير اينكس عشان ماينقلب مثل ماقلبو..*وجهة نظر شخصية*

ومثل ما قال عبدلله*ويند* بعد دراجون كويست8 صعبة نتقبل اي لعبة ار بي جي تنزل

 

[Golden_Sun]

هالجيل ما شفت منهم إلا كينجدوم هارتس اللي كانت على مستوى! ..

طبعاً ما انسى فف10 (هذة قبل الاندماج) ، فاينال فانتسي تاكتيكس ادفانس ، فف11 (هذة ايضاً قبل الاندماج) ، دراجون كويست 8 (مع ليفل 5) ..


فيه لعبتين اتمنى اشوف لهم تكمله ،، باراسايت إيف وكرونو! .. ليش ما يكملونهم؟
عالاقل افضل من سلسلة ساجا P: او دراكنجارد!


بالنسبة لي اشوف المشكله.. ان الكثير طلع من الشركتين بعد الاندماج ، خلط الفرق ،، يمكن أثر؟ ..



عموماً notes:
**ستار اوشن 3 من Tri-Ace .. اللي تابع لـEnix صح ، ولا؟ .. يعني سكوير مالها علاقة P:
**هل سكوير-اينكس هو عبارة عن اندماج بين الشركتين ولا شركه ابتلعت الشركة الاخرى؟ (مثلاً اينكس تشتري سكوير او العكس) ..

 

[Final Fantasy]

أولا ليجند أوف دراجون مو من سكوير

ثانيا ستار أوشن 3 تابعه لاينيكس قبل الاندماج >_>

ثالثا هذه راح أخليها بعد اصدار فاينل فانتسي 12 و فالكري بروفايل 2 و أجزاء مانا الجديدة

 

[Aizmov]

والله يا اخوي انا اقول إن مستوى الالعاب من جميع الشركات في انحطاط مستمر
بالنسبه لعدد الساعات إلي كنت اجلسها على البلاي ستيشن على مجموعه العاب متنوعه و مختلفه من شركه لثانيه قبل... غير الحين
بمعنى ثاني مو بس سكوير إينكس إلي مستواها تغير
كل الشركات ... يعني بصراحه بصراحه آخر لعبه استمتعت فيها قبل Wild Arms 4 كانت ما ادري إيش ... من جد ناسي آخر مره لعبت لعبه استمتعت فيها
و يمكن علشان كذا انا جدا جدا سعيد بـ Wild Arms لأنها تذكرني بالالعاب إلي كنت جالس العبها اول
سكوير إينكس حاليا متغيره مو بسبب إن مستواها ضعف لكن لأ سكوير جالسه تجرب اشياء جديده تشوف رده فعل المعجبين
مثال واقعي ... المغنيه إلي صجيت مخوخكم فيها و حشيتها حشي بإسمها BoA ... في الفتره الاخيره قامت تغير اسلوبها في الاغاني في آخر اغنيتين لها ما حققت نجاحها المتوقع و إلي الكل عاهده من BoA ... ليه ؟ ... لأن الـ Fans حقينها متعودين عليها على ذاك المظهر و ذيك الاغاني و التغيير بالنسبه لهم شيء غريب مو متعودين عليه منها ... لكن يوم طلع الالبوم كامل الكل انعجب في الستايل الجديد و حبيناه و هذي الطريقه راح تسوي Boost كبير لمبيعات الالبوم نهايه الاسبوع هذا ... و الكل متوقع يبيع اكثر من الالبومات الماضيه ... هذا مثال واقعي بعد وش رايك
سكوير إينكس جالسه تتبع نفس الطريقه ... (( بغير اسلوبي ادري الـ Fans ما يحبون الحركه هذي بس نجرب )) و فاينل فانتسي 12 راح تكون هي OUTGROW سكوير إينكس
لا يجوني محبين الشركات الثانيه يحطون لي اسماء العاب إذا ممكن ^__^
لأني اتكلم عن العاب الـ RPG وهو الشيء إلي سكوير إينكس تتمتع فيه
غير XenoSaga و Wild Arms 4 (( مع إن محد معطيها وجه )) ... ما فيه لعبه RPG في هل الجيل اشبعت الفضول إلي تعتقدون إن سكوير إينكس (( كانت )) تعطينا إياه :suspiciou
هذا يعني إن سكوير لا تزال هي الافضل في هذه الساحه و هذا (( المجـــــال )) نظرا إلى إن الشركات الثانيه مقصره فيه :suspiciou
و مثل ما قلت من قبل ... سكوير جالسه تحاول تجرب اشياء جديده ... و عن قريب راح تصحى لنفسها
و اكبر دليل على هذا إن سكوير إينكس يوم شافت نجاح فاينل فانتسي 10 - 2 مع إن كلنا كرهناها XD
قالت الحين جاء دور مشاريع فاينل فانتسي 7 التكمله إلي بتدر علينا مبالغ خياليه
مع إنهم ما ضبطوا الشغله

 

[Final Fantasy]

فراس .. ماشاءالله كلام منطقي جدا و رائع .. ماراح أزيد عليه شي لأنك أصلا ما تركت شي

 

[Nintendo]

المشكله انه سكوير فقدت الكثير من الفرق او الاسماء التابعه لها وكلها تحولت الى فرق جديده تابعه لشركات ثانيه

اكيد سكوير ( بحكم اني ماحب العاب اينكس اصلا ) مستواها انخفض بقوه هذا الجيل . يعني يمكن باقي الشركات شفنا منهم روائع جديده ولكن سكوير للاسف " للخلف سر " ...

 

[Final Fantasy]

Kingdom Hearts

 

[m7tram]

فراس قلت كل الي كان في قلبي

 

[Bounty]

كينجدوم هارتس تعتبر اكبر انجاز و حتى الجزء الثاني الي ما تراجع عن مستوى الجزء الأول بنظر الجميع ..

و ترى ما امداهم يسوون شي .. الشركتين ليلحين ما تأقلمو

و هالكلام سابق لوقته .. شوفو فاينل فانتسي 12 و اجزاء مانا ((و الي صدر عالدي اس يعتبر انجاز حلو )) و الرائعه فالكري بروفايل 2 ..

 

[Nintendo]

ماعجبتني محمود

شخصيا حسيت انه اللعبه اخذت هاله اعلاميه كبيره جدا ولو كانت من شركة ثانيه غير سكوير كان الاغلب قال انها لعبة ( اطفال ) بحكم وجود شخصيات ديزني فيها . ومع ذلك نجاح اللعبه يحسب لسكوير كشركه فعلا ولكن لايقارن ابدا اداء الشركة من حيث الالعاب الجديده مع الجيل الماضي ( بارسايت ايف + فارقانت ستوري + ........... الخ )

 

[Aizmov]

فراس قلت كل الي كان في قلبي

====(( قررت اشيل الكلمه إلي ازعجت عمر ^__^ بس اتمنى مره ثانيه لو كان حقد على كلمه لا يتسرع و يفهمني إلي صار ))====
لجيت للحق اعتبر KH هي Silent Screamerz سكوير إيكس :razz:

 

[Bounty]

حبيت اعطيك معلومه اخ ننتندو .. ديزني أو بالأحرى عالم ديزني لاند يأتون له العالم كبار و صغار .. و شخصياتهم عمرها ما عرفت كبير و صغير .. و لو كانت اللعبه من دون شخصيات فاينل فانتسي و بنفس الأسلوب .. اعتقد انها راح تتوجه للكبار و الصغار .. لأن اسلوب اللعب هو المأثر الكبير ..

عندك جهاز الدي اس ..اغلب العابه موجهه للصغار و الكبار .. ما تقدر اتشوف الصغار و تترك الكبار .. و العكس صحيح

مثال ثاني لكي توصل لك الفكره الصحيحه .. العاب ماريو بشتى انواعها .. لمن اتشوف الصور راح تشوف انها للأطفااال بس لمن تلعبها و اتشوف سحرها راح اتعرف انها ليست موجهه لفئه معينه ((سوبر سماش مثال حي ))

فاللي يقول ان اللعبه لعبة اطفال .. اعتقد انها افكار كجوله عندما ينظر الواحد للصور و يحكم على لعبه فوق ال30 ساعه ..

و لعبة كينقدوم هارتس من اكثر و اكبر و احسن خطوه اقدمت عليها سكوير و تفوقت فيها بدرجة الامتياز من ناحية لفت النظر + الاستحقاق لهذا اللفت ..

 

[Nintendo]

ازيموف ردود ( الاطفال ) بطل منها . ومثل ماحذرت غيرك امام الجميع هذا اخر تحذير لك عدل ردودك وترى مابيينا اي شئ عشان نمزح مع بعض بالردود ...

 

[Nintendo]

اخ باونتي تعتقد الكلام اللي قلته ماعرفه

ادري انه ديزني للكبار والصغار والخ الخ . انا اللي قلته انه اللعبه لو كانت من شركة ثانيه ماعتقد كانت بتلقى نفس النجاح ولكن تظل شخصيات ميكي ماوس والخ شخصيات تعتبر طفوليه اكثر مثلا من شخصيات بقز باني وشلت ورنر بروذر ( لول الموضوع قلب ) ... بس هاذي وجهة نظري وانا حبيت اوضحها ..

 

[Aizmov]

ازيموف ردود ( الاطفال ) بطل منها . ومثل ماحذرت غيرك امام الجميع هذا اخر تحذير لك عدل ردودك وترى مابيينا اي شئ عشان نمزح مع بعض بالردود ...

انت شاب علي من هنا و الطريق ؟
وش قلت انا ؟
ما برد عليك
و انت تدري ليه ما برد عليك
احسبها في مخك و تعرف
يالـ( كبير )

 

[ASWD]

*كشخص ما يميل لألعاب الار بي جي كثير*

اذا اجي اقارن بين العاب مثل دارك كلاود2 ودراجون كويست8 وتيلز اوف سيمفونيا وألخ في هذ الجيل مع العاب سكوير اينكس ..فاينل فانتسي10 و2-10 وباقي الشلة*باستثناء KH *احسها ظلم في حق الاسماء الاولى

اتمنى من كل اعماق قلبي انهم مايخبصو اجواء فالكري بروفايل اللي عهدناها في الجزء الاول..اما فاينل فانتسي12فراح يكون اخر امل لي للسلسلة اما سحبنا عليها من بعده او واصلنا طلبنا لمزيد من اجزاء هالسلسلة

 

[m7tram]

نينتندو ؟!
رد فراس مافيه شي يعني عادي ؟!!
انتو اخوان ><

 

[Nintendo]

ازيموف لاتقعد ترمي بالكلام

خل غيرك يالي ما عجبتهم KH يفهمون

وبعدين تسوي فيها المسكين . خل ردودك واضحه واتكلم مثل ( الكبار ) وبلاش رمي الكلام اللي ماله داعي .. اعتقد كلامي واضح ..

 

[Aizmov]

ازيموف لاتقعد ترمي بالكلام



وبعدين تسوي فيها المسكين . خل ردودك واضحه واتكلم مثل ( الكبار ) وبلاش رمي الكلام اللي ماله داعي .. اعتقد كلامي واضح ..

انا ما كنت ابي ارميها بوجهك و اسوي موضوع طويل علشان ما تنقلب حرب
و كل قصدي انك ترجع و تقرا كلامي قبل لا تتهجم
بس شكلك باقي الحرب باقيها >.>
بصراحه كل الشباب شايفين إن ما لك اي جق في إلي قلته
بس بظل ما راح ارد عليك ^__^
(( شباب ابي ارفع قضيه ))

 

[Nintendo]

باقي الشباب !!

رجاءا خل كلامك عن نفسك فقط . ومره ثانيه اقول كلامي واضح ومايحتاج اي تفسير

 

[Bounty]

انا اللي قلته انه اللعبه لو كانت من شركة ثانيه ماعتقد كانت بتلقى نفس النجاح

هممممم ... سوري بس ردك مو منطقي :exclamati


اكيد اتعرف شركة valve هالشركة اخوي كانت جديده و تم بنائها نتيجة مغامره صعبه على لعبه وحده الي اهي half life و الي اهي رأس مال الشركه .. و الآن هذه الشركه من اكبر الشركات في عالم البي سي ..

النقطه الي اريد ان اتوصل اليها ان الشركه لها نسبه للفت النظر للعبه .. و لكن ليست السبب في نجاح او خسارة اللعبه او بالتأثير على مستوى اللعبه.. :arrows:

 

[King Wario]

دايما يوم العب لعبة من شركة صغيرة وتكون حلوة ، اتخيلها من شركة كبيرة مثل كونامي مثلا ... وفعلا احس انها لو كانت من شركة ثانية كانت راح تقلب الارض ..

والعاب من شركات كبيرة وتكون دون المستوى ، واتخيلها من شركة صغيرة ..... وفعلا احس انها ما بتعدي ال 7

 

[Nintendo]

اخ باونتي انت فاهم السالفه غلط بقوه ... انا يوم قلت ( لعبة اطفال ) قصدي انه لو شركة ثانيه ( تحديدا ننتندو ) انتجت مثل هاذي اللعبه اغلب الناس كان راح يهملومها ويقولون لعبة اطفال .. انا ماقلت عن اللعبه انها للاطفال ..

اعتقد في السوق الياباني مؤخرا الالعاب الجديده صار صعب جدا انها تحقق اي نجاح . مابالك بلعبة من ديزني وتخيل اذا ماكانت من سكوير

 

[Aizmov]

باقي الشباب !!

رجاءا خل كلامك عن نفسك فقط . ومره ثانيه اقول كلامي واضح ومايحتاج اي تفسير

ابد سلامتك حبيبي ^__^
آسفين على إلي صار ^__^
بس حبيبي مره ثانيه بليز قولي (( فراس ... تراك كنت غلطان ... و كلامك كان ملعوب فيه و فيه قنابل و الغام و الغاز ما عرفت افككها )) مو تتهجم مره وحده ^__^
يعني غلطنا فهمنا ... يمكن مو قصدي اغلط بالشكل هذا ^__^

 

[Final Fantasy]

شباب بس خلاص كل واحد و له وجهة نظره الشخصية للأمور ... وقفوها على هنا و بس !

 

[Nintendo]

فراس انا تهجمت عليك لانك قاعد تقصدني بالكلام وهذا الاسلوب ( رمي الكلام ) انا ارفضه تماما بالمنتدى واذا عندك اي رأي تكلم وقوله عادي وانا وقتها ارد عليك بنفس الاحترام

اخ Angel X ردك وصل والرد عليه اعتقد عرفتها الحين

 

[Aizmov]

فراس انا تهجمت عليك لانك قاعد تقصدني بالكلام وهذا الاسلوب ( رمي الكلام ) انا ارفضه تماما بالمنتدى واذا عندك اي رأي تكلم وقوله عادي وانا وقتها ارد عليك بنفس الاحترام

كان المفروض تقول هل الكلام من اول ولا ؟!!!

 

[Bounty]

اخ باونتي انت فاهم السالفه غلط بقوه ... انا يوم قلت ( لعبة اطفال ) قصدي انه لو شركة ثانيه ( تحديدا ننتندو ) انتجت مثل هاذي اللعبه اغلب الناس كان راح يهملومها ويقولون لعبة اطفال .. انا ماقلت عن اللعبه انها للاطفال ..

اعتقد في السوق الياباني مؤخرا الالعاب الجديده صار صعب جدا انها تحقق اي نجاح . مابالك بلعبة من ديزني وتخيل اذا ماكانت من سكوير

سوري اخوي بس ردك ما كان رد على ردي :question:


انا اقول لك لو اللعبه تستاهل الي واصله له .. فراح تاخذ حقها .. اغلب الناس ما تهمهم الشركه .. يهمهم اللعبه و مستواها .. اذا كانت من اقوى الشركات لكن اللعبه فلوب .. صدقني ما راح تبيع شي .. لكن المهم مستوى اللعبه يأتي بالمكانه الأولى ..