سامسونج تكشف عن ناسخ أقراص بلو راي كومبو ( بلو راي + دي في دي + سي دي )

[Humam]

كشفت شركة سامسونج عن ناسخ أقراص Blu-Ray ينسخ ثلاثة أنواع من الأقراص, Blu-Ray,DVD و CD.. طبعا يشغل و ينسخ كما هو متعارف..

سرعة النسخ بالنسبة لأقراص البلو راي راح تكون x2 ( يعني 9 ميجا بايت في الثانية - 540 ميجا في الدقيقة ) .. يعني اذا تبغى تنسخ قرص بلو راي كامل ديوال لاير ( 50 جيجا ) راح تتعذب

أما بالنسبة لسرعة النسخ للDVD فراح تكون x12 وبالنسبة للCD راح تكون x40 ( اهب O_O )

الناسخ راح يكون متوفر في شهر أبريل القادم.. سعره ماراح يكون رخيص, 500 دولار أمريكي عدا ونقدا .. أي 1875 ريال.

لول صراحة فلة.. بس سعره غالي شوية وحاليا ما أعتقد إني راح أحتاج البلو راي قبل ما يصدر الPS3.. يعني ننتظر لين ترخص الأسعار شوية

خارج الموضوع : أول مرة أدري إن 500 دولار = 1875 ريال سعودي !! لول هذا السعر الي اشتريت به الPSP.. يعني لو كان سعر البلاي 3 500 دولار وطلبته من برة ماراح يكون عندي مشاكل

 

[King Wario]

غالي ... بس يستاهل ... كل سي دي بحجم هاردسك

يعني لو كان سعر البلاي 3 500 دولار وطلبته من برة ماراح يكون عندي مشاكل

يعني تروح وترجع على سالفة ان مافي مشكلة في سعر البلاي 3

 

[Humam]

يعني تروح وترجع على سالفة ان مافي مشكلة في سعر البلاي 3

ههههه فأستها ( على قولة عادل إمام )

فأستها = فقستها = لقطتها

 

[ASWD]

شخصيا اذا فكرت اشتري Blu-ray Drive / Rewriter الى كمبيوتري ما راح اخذ غير LG

http://www.blu-ray.com/images/drives/lg.jpg

طبعا فيه اسباب الى هالشي وهي بكل بساطة ارتياحي من DVD/CD/DVD Dual Layer Drive - Rewriter اللي من هالشركة من ناحية الأداء او الجودة

بالنسبة لسرعة النساخ فمثل ما حصل مع DVD Rewriter اول مانزلت كان سرعة النساخ رايحا فيها

وشوي شوي الين ما وصلت الى16X *اقصد طبعا ناسخ الـDVDفقط*..لهذ الافضل الانتظار الين ما ينزل ناسخ اقراص بلو راي بسرعة محترمة وسعر معقول

 

[Khalid-S]

استناه يرخص بعدين

بالمناسبه شباب ,, اول مره اشوف بلو راي شغال كان في باريس في احد المحلات الي تجيب اجهزه من اليابان بس سعرها يكون نااااااااااار ... اقسم بالله وجهي صار كذا O_O O_O O_O !!!O_O O_O !!! O_O !!! O_O O_O !!!

بالبدايه لمن شفته كان شخص معي قالي شوف التلفزيون كيف نقي .. انا شفته انبهرت قلت الشاشه مالها دخل هذا لازم يكون بلو راي .. سئلت راعي المحل قلت له مشغلين بلو راي على هذا .. سكت ما رد بس حسيت ( ؟؟ ) استفهامات طلعت فوق راسه .. كان شخص فرنسي معي سئلته قاله الدي في دي الي ورى للبيع قال لا لا هذا جا من اليابان وللعرض واصلا سعره غالي , لو فكرنا نبيع الشاشه + الدي في دي بلاير ( يحسبه دي في دي بلاير -_- ) يكلفك 70 الف - 90 الف ريال سعودي خخخخ.

كان فيديو طبيعه على البحر والاشجار والمطر .. ما قدرت اصدق !!! منظر البحيره والطير مافي امل يروح عن بالي هههههههه سئلت راعي المحل قلت له للبيع قالي لا ... بعدها بكم يوم رحت محلات ميجا ستور Fnac وشفتهم مشغلين بلو راي بس كان مقطع ثاني كان قطره مويه وحيوانات وسط غابه , خخخخخخخخخ والله حسيت نفسي وسطهم.

 

[Ginko]

غالي مره..

انتظر الما يرخص..


خالد ترى ما اضن لها داخل في كونه برو راي ولا لا..اعتقد لانه اساسا كان HD وعلى نوع الترددات (720 او 1080) ونوع الموجه (p ولا i) طلعت الصوره روعه..اكيد له دور البلو راي لكن مو لدرجه كبيره..

 

[Humam]

يوسف, انت جربت درايفرات السامسونج ؟ لول, أنا عندي LG, يوم شفت عند واحد من الشباب درايفرات سامسونج قسم بالله كرهت الLG التعبان كره .. فرق كبير.. الLG كل شوي يعلق عليك, الاستجابة بطيئة, أصواته مزعجة, لكن السامسونج, الله يرضى عليه من جد رهيب مافيه هذي المشاكل.. أنصحك تجربها أو تاخذ فكرها عنها على الأقل.. الLG ترى تعبان سامسونج صحيح كورية لكن حاليا كثير يسموها " سوني القديمة " ..

عبد الله البلو راي له دور وكبير, تخيل صورة بدقة 1080p في 60 إطار في الثانية.. لول.. أكيد شي خرافي.. أنا يوم رحت معرض سوني وشفتهم مشغلين عرض HD بدقة 1080i على السوني برافيا واو من جد كان شي مهول, كان منظر بحيرة وشمس وشجر وأسماك تحت البحر, يارجل حسيت السمكة بتطلع من الشاشة وتطيح في الأرض جمبي.. تلاقي الي شافه خالد لحس مخه لحس

 

[ASWD]

موجود درايف سامسونج بكمبيوتر اخواني وما حاولت اجربه صراحا

بالنسبة للمشاكل اللي تقول عنها فما ادري صراحا همام انا للحين ما واجهت ولا مشكلة منهم

لا تعليق لا صوت مزعج ولا ستجابة بطيئة صراحا..عندي الـ CD Drive صارله الحين اربع سنوات تقريبا ولله الحمد ماشفت منه ولا مشكلة وكمان السي دي رايتر كمل معاي سنتين بدون مشاكل وبعدها بعته واخذت دي في دي رايتر وتوه ماكمل عندي شهر