رويترز: السعودية تقرر وقف خدمات ماسنجر بلاك بيري أغسطس الجاري

[Zeyad]

قالت شركة الاتصالات السعودية لقناة العربية إنها لم تبلغ بإيقاف الخدمات عن شركة بلاك بيري.

وكانت مصادر مطلعة قد قالت لوكالة رويترز للأنباء إن السلطات السعودية قررت وقف خدمات الماسنجر بلاك بيري أغسطس الجاري.

وأضافت المصادر أن هيئة الاتصالات السعودية أرسلت بالفعل مذكرة للشركات العاملة تطلب فيها وقف خدمة الماسنجر بلاك بيري.

وكانت دولة الإمارات قالت في وقت سابق اليوم إنها ستعلق خدمات البلاك بيري بدءاً من 11 أكتوبر المقبل، لعدم التزام الشركة بالنظم والتشريعات المعمول بها في دولة الامارات.

وقال الخبير في قطاع الاتصالات عبدالرحمن المازي في اتصال هاتفي مع "العربية" إن القرار لم يتم تأكيده بعد، إلا أنه غير مستبعد.

وأضاف المازي "هيئة الاتصالات السعودية كانت قد طرحت مشاكل خدمات البلاك بيري وتعديها الخصوصيات منذ خمسة أشهر".

ويفوق عدد مشتركي بلاك بيري في السعودية 700 ألف مشترك.

وقال المازي "القرار كان مفاجئاً بالنسبة لي، ولكنه يحسب لهيئة الاتصالات السعودية التي ترغب في الحفاظ وضمان الأمن وخصوصية الأفراد".

ولفت إلى أن دولاً كبرى كانت تحضر بعض خدمات البلاك بيري في السابق نظراً لما تمثله هذه الخدمة من اختراق للخصوصية ومشاكل أمنية، وعلى رأس هذه الدول فرنسا.

ولفت إلى أنه في حال ما لم يتم التوصل لحل لهذه المشكلة فإن العملاء سيغادرون هاتف بلاك بيري، إلى شركات أخرى.

وقال المازي إن معظم مستخدمي خدمة الماسنجر بلاك بيري في السعودية للشباب، حيث يكتفي رجال الأعمال باستخدام الايميلات فقط، وليس الماسنجر ولهذا فالشباب سيكونوا المتضرر الأكبر من هذا القرار.

ولفت المازي إلى أن المنطقة تعاني من نقص في مراكز البيانات، التي من المفترض أن تكون موجودة ومتاحة.

http://www.alaswaq.net/articles/2010/08/01/36261.html

كنت متوقع قرار مثل كذا , الدولة تبغى تراقب الخدمة بشكل كامل والشركة الكندية رافضه ..

 

[PS]

نفس الشي حصل عدنا في الامارات بيوقفون الخدمة راحة عليهم عشاق البلاك بيري

 

[Zero]

أحسن.

 

[PS]

أحسن.

:laugh::

 

[JOE]

احسن 2

 

[Photon]

اللي منع البلاك بيري وش يحس فيه بالله؟ .. البي بي جهاز يستخدم تقنيات و جوال مثله مثل غيره و بالعكس جعل التواصل بين الناس و متابعة تويتر و فيسبوك و التصفح و الخلاصات أمور سهلة و بسيطة جدا فـ ليش المنع الغبي هذا ما أدري .. أسباب أمنية ؟، سبب غبي بصراحة و لو كان كذا فعلا ماراح نكون أحرص على نفسنا من الدولة المتقدمة اللي سمحت فيه و لا قالت عن استخدامه شي .. كلام فاضي و أراهن إنه اللي طلع ذا القرار مايدري وش الطبخة أساساً.

أدري الحين فيه ناس فرحانة بالخبر و أسبابهم غبية أيضاً .. أنا ما أدافع عن البلاك بيري حباً فيه و لا عندي واحد و لا بشتريه أصلا لكن كفاية أنانية و نطالع للأمور من زاوية واحدة.

 

[PS]

تعليق أحد زوار ألكتروني 100%

عقبال السعودية وباقي الدول العربية …
عشان نشوف العرب رافعين راسهم من جديد

:laugh::

 

[Arkan]

بإنتظار بلاك بيري بليت زينون :laugh::

 

[PS]

اللي منع البلاك بيري وش يحس فيه بالله؟ .. البي بي جهاز يستخدم تقنيات و جوال مثله مثل غيره و بالعكس جعل التواصل بين الناس و متابعة تويتر و فيسبوك و التصفح و الخلاصات أمور سهلة و بسيطة جدا فـ ليش المنع الغبي هذا ما أدري .. أسباب أمنية ؟، سبب غبي بصراحة و لو كان كذا فعلا ماراح نكون أحرص على نفسنا من الدولة المتقدمة اللي سمحت فيه و لا قالت عن استخدامه شي .. كلام فاضي و أراهن إنه اللي طلع ذا القرار مايدري وش الطبخة أساساً.

أدري الحين فيه ناس فرحانة بالخبر و أسبابهم غبية أيضاً .. أنا ما أدافع عن البلاك بيري حباً فيه و لا عندي واحد و لا بشتريه أصلا لكن كفاية أنانية و نطالع للأمور من زاوية واحدة.

قبل كم يوم شفت في الاخبار على قناة أبوظبي أن الاخبار اللي يتناقلها الناس في الامارات و أي مكان تستطيع الدولة اللي تبث خدمة البلاك بيري التجسس على كل شي فيه .

 

[Zero_IYAD]

أحسن 3

 

[Akilla]

أحسن 4

 

[Vorg Zangief]

:\
ههههههههه طيب ننتظر منع الإنترنت

 

[Saadawii]

فتون لما يقولون مخاوف أمنية، وربما يغلفونها بقولهم اختراق الخصوصية، فهم يقصدون اتصالات الارهابيين اللي مو قادرين يراقبونها على الأغلب.
ما كان يهمني البلاكبري الا لما رحنا أنا وواحد لزواج أحد الزملاء، وصار بس يطقطق ويسولف عليه وأنا ما معي أحد. قلت له خل الجهاز وخلنا نسولف وشوله جايين مع بعض؟! قال: طيب سولف!!
سمعت ان كثير من مستخدمي البلاكبري لهم نفس الطبيعة، ينعزلون عن العالم الخارجي؛ وينسون حدود التهذيب، حتى برى حسب ما شفت من البرامج.
وصوت طقطقة الأزرار مستفز، وأصحابه ما ياقفون عن حد ما أدري ليش.
في اختبار الاسبوع اللي راح أحد الطلاب طلع الجهاز وجلس يطقطق وهو منحني، مع انه ما شفت أحد يتجرأ يرسل بالجوال في وقت اختبار.

أكيد فيه مستخدمين كويسين، ولا زال ما يهمني منعه أو السماح فيه الا اذا فيه مخاطر أمنية فعلاً من الإرهابيين، أو مشاكل وجرائم اجتماعية واضحة.

ما أحس بأي أسف على منع الخدمة، بالعكس.

 

[Wild Fox]

كل اللي يقول احسن و مبسوط .. ايش يحس فيه ؟
يعني ليش احسن ؟ عشان انت فانبوي لشركه ثانيه و لا في سبب مقنع ؟
و الله حاله

 

[Photon]

سعد .. المخاوف الأمنية هذا كلام فارغ ما يصدقه إلا خرفان بدون عقل .. الإرهابيين ما ينتظرون بلاك بيري عشان يسوون اللي براسهم و لو كان مخاوف أمنية بجد كان يمنعون سكايب كمان اللي ما أحد يقدر يفك شفرة محادثاته الكتابية أو الصوتية و المرئية و الشركة ترفض تعطي الشفرة لأي أحد.

بغض النظر .. الزوبعة هذه كلها كلام فارغ و لو كانت حقيقية فهذا مؤشر خطير على إنه كل شي بحياتنا مراقب كبيرها و صغيرها بدون أي مبرر.

الدول المتقدمة مو أحسن مننا في مواضيع الأمن و الخصوصية فنحنا مو أحسن منهم و لو انمنع بنصير أضحوكة للرايح و الجاي.

 

[FARES_]

كل اللي يقول احسن و مبسوط .. ايش يحس فيه ؟

احسن 5

البلاك بيري اعتبره مرض اكثر من خدمه

ما عاد تشوف الطلاب تنتبه بالكلاسات وهالشي يضيق خلق الدكتور
لما تسوف ويا اي ادمي عنده بيبي ...كأنك تكلم طوفه لأنه باله اساسا ويا البيبي
تروح الشغل تشوف الموظفين بيبي بدل ما يشوفون شغلهم صح

والي يقهر اكثر يشترون البيبي عشان المسنجر؟ يالطيب وش الpin تبعك....... طيب - _ -
صار توزيع الpin مثل الترقيم ههههههه

 

[Wild Fox]

^^
للاسف نظرتك سطحيه جدا..

 

[Jonas]

عبدالرحمن انت معذور لأنك صراحه ما شفت شي , كعادة الشعب السعودي.. يحبون يسوون الشي غلط و يسوون الشي الغلط بطريقة غلط ,. الحين لو تشوف الاشاعات و الفضايح و الـpinـات الخاصه بمقاطع الـ.. كان غيرت رأيك. هذا غير انه صار مرض نفسي تشوف واحد ماشي بسيارته و هو قاعد يطقطق بجواله و ما يدري الا داخل بالسيارة الي قدامه , او اني اطلع مع واحد و طويل العمر طوال الطلعه مطلع البلاكبيري و قاعد يطقطق. و هذا غير الي يحط الـpin ستيكر على سيارته. يعني اقولك انت تعال السعوديه و بتعرف كل شي

 

[G4mer]

^^
للاسف نظرتك سطحيه جدا..

للأسف ما أنحرجت مثلي يوم أكلم جدران :sarcastic:

احسن 6:razz::

أهم شيء الأمارات :laugh::

 

[Hironobu Sakaguchi]

لما رحنا أنا وواحد لزواج أحد الزملاء، وصار بس يطقطق ويسولف عليه وأنا ما معي أحد. قلت له خل الجهاز وخلنا نسولف وشوله جايين مع بعض؟! قال: طيب سولف!!
سمعت ان كثير من مستخدمي البلاكبري لهم نفس الطبيعة، ينعزلون عن العالم الخارجي؛ وينسون حدود التهذيب، حتى برى حسب ما شفت من البرامج.
.

[video=youtube;PYDA7__znfY]http://www.youtube.com/watch?v=PYDA7__znfY[/video]

 

[Al Pacino]

بس هالدقيقة قاعد اسمع بالتلفزيون على قناة العربية مافيه قرار رسمي لإيقاف الخدمة .. بس بالامارات تأكد هالشي بس بالسعودية لا .. حتى بشريط الاخبار الي تحت كاتبين ان شركة الاتصالات السعودية تنفي ايقاف الخدمة حتى هذه الساعة

 

[Al Pacino]

هههه اذكر يوم رحت الخفجي كنا جالسين بمطعم وكان فيه اثنين بالطاولة الي قبالنا جالسين قدام بعض كل واحد ماسك بلاك بيري .. طوول القعدة ماتكلموا مع بعض وطول الوقت طق طق طق !!

 

[Wild Fox]

لول . انا اترفع عن النقاش هنا ... طالما ما في شخص حاب يتكلم بعقلانيه .
اكسب راحه راسي احسنلي .

 

[Photon]

عبدالرحمن انت معذور لأنك صراحه ما شفت شي , كعادة الشعب السعودي.. يحبون يسوون الشي غلط و يسوون الشي الغلط بطريقة غلط ,. يعني اقولك انت تعال السعوديه و بتعرف كل شي

استلطفت المقطع هذا من ردك و خاصة الغلط بطريقة غلط :laugh::

أنس المنطق يقول لاتزر وازرة وزر أخرى .. الأشياء هذه كانوا يسوونها أيام البلوتوث و البالتوك و المسن، حرام تحرم الناس اللي تستفيد من الخدمة عشان شرذمة تستخدمه غلط و المفروض يكون النقاش حول العذر السخيف ( أسباب أمنية ) أكثر من كونه عن استخدام الشعب له.

تترفع ؟ ، مالها داعي هالكلمه وانا اخوك وفيها نوع من الغرور وتقليل من الاعضاء اللي هنا ..

عالعموم ، ماعلينا .. انت من وين ؟ ..

قد زرت السعوديه ؟ ، وصادقت شباب سعوديين وتمشي معاهم وتطلعون كل ويك اند ، اذا مو كل يوم ..

قد شفت عامه الشعب والشباب والشابات كيف ؟ ، قد دخلت وجلست لك كم ساعه في مقهى او قهوه وراقبت الناس ؟ ..

بمعنى اخر ، قد عشت حياتك بالسعوديه ؟ او جزء منها .. لو حتى سنه او عدة شهور ..

اذا ماسويت كل هذا ، فرجاء ً لاتحكم علينا وتقول اننا مو عقلانيين ، اخوياي اللي معاي من يوم اني ورع صغير تحولوا 180 درجه ، ماتحس ان الشي هذا يأثر علي ؟ ..

تراك تكلم سعودي أبا عن جد و مستخدم جديد للبلاك بيري لول.

 

[Gon freeces]

طيب ماهو يقول مافيه سبب مقنع ، اخوياي ماني قادر اطلع معاهم واستمتع معاهم مثل اول .. عشرة عمر معاهم وبالنهايه السبب ايش .. جوال ؟

المشكلة مو بالجوال ولا الخدمة

لكن انت ما تقدر تقوله اترك الجوال من يدك .. وهو شاريه بفلوس ..

انت بنفسك تعرف ايش هو الحل.

BB ماحبها بس اللي قاعد يصير غلط.

 

[Wild Fox]

تترفع ؟ ، مالها داعي هالكلمه وانا اخوك وفيها نوع من الغرور وتقليل من الاعضاء اللي هنا ..

عالعموم ، ماعلينا .. انت من وين ؟ ..

قد زرت السعوديه ؟ ، وصادقت شباب سعوديين وتمشي معاهم وتطلعون كل ويك اند ، اذا مو كل يوم ..

قد شفت عامه الشعب والشباب والشابات كيف ؟ ، قد دخلت وجلست لك كم ساعه في مقهى او قهوه وراقبت الناس ؟ ..

بمعنى اخر ، قد عشت حياتك بالسعوديه ؟ او جزء منها .. لو حتى سنه او عدة شهور ..

اذا ماسويت كل هذا ، فرجاء ً لاتحكم علينا وتقول اننا مو عقلانيين ، اخوياي اللي معاي من يوم اني ورع صغير تحولوا 180 درجه ، ماتحس ان الشي هذا يأثر علي ؟ ..

ايه اترفع حر انا .
و بلاش تسوي ترولنج لكل شي

 

[Wild Fox]

لا تعلمني وش الحلو و وش اللي مالح ... محد طلب منك تصير رقيب علي و تجلس اخطاء الناس
و اسبك ؟ و اروح انتحر ؟
لول من جد اترفع الحين ... و افهمها بكيفك

 

[Jonas]

الحين Not Responding قاعد يفرغ طاقة الترولينج الي فيه و بالنهاية بيقول , آسفين يا شباب كلنا اخوياء و يحط الوجه ذا >> ^____________________________________________________________________^

 

[Wild Fox]

لول ..

صححوني اذا كنت غلطان .. مو الترولينج خروج عن الموضوع ؟ .. من ويكيبيديا خذت المعلومه فما اتوقع انها خطأ

ابي اعرف بس وين خرجت عن الموضوع ، الموضوع يتكلم عن البلاك بيري وخبر منعه بالامارات وشائعه منعه في السعوديه .. وانا جالس اتكلم عن الشي هذا ،

وبصراحه ماشفت اني غلطت على احد عشان اعتذر او سويت شي يستاهل الاعتذار .. وملاحظه " ترا لما قلت روح انتحر ماقصدي فعليا ً روح سو الشي هذا ، اقصد انا وش دخلني تسوي اللي تبي ، واذا جرحتك الكلمه هذي علمني عشان ما اقولها " ..

واللي مايعرف معاني بعض المصطلحات رجاء لا يقولها :tongue:

لول.

 

[BioHazard]

ردود فوتون+١

احلى شيء التصريفه حقتهم عشان الارهابيين :laugh::