the hitcher
Casual Gamer
اووووه لو يستلمون بيرسيك وش حيصير خاصة مع إخراجهم الأسطوري واظهارهم للعنف بدون استيحاءيعني مدري أيش بعد رد مشرف المنتدى بكبره .. لكن ما عليه نرجع للموضوع
الحلقة 2 كا احداث اقل مستوى بوضوح من الحلقة الأولى و مستواها يميل للفيلر .. لكن اتفهم الكاتب يبغى يعطي الشخصيات الجانبية زي ساشا و كوني حقها من القصة و يتعمق فيهم .. مجددا انا عاجبني استمرار الأستوديو على استخدامهم لـ OST الموسم الأول في حال انه كان لايق للحدث .. ليه لا ؟ .. بنفس كأني سمعت موسيقات جديدة انعملت للموسم الثاني
و الآن إلى حبيب الملايين .. السبويلر :
الحلقة هي حلقة ساشا .. بصراحة انا مو عارف سبب اعجاب الكثير من الشباب في ساشا .. لكن تظل بنت ريف و سريعة الحركة و اهون من المدلعة كريستينا لحد الآن مو فاهم كيف انقبلت في الجيش يعني لما تقارنها بميكاسا و آني .... .... و مدري يتهيأ او لا لكن كأن فيه علاقة مشبوهة بينها و بين البنت الي معاها نسيت اسمها (&)
نرجع لساشا .. يمكن لو الحلقة ماتت فيها ساشا كان اثرها اقوى خاصة الفلاش باك يعطيك شعور انها راح تموت لهذا الحلقة طالعة كأنها فيلر .. اعجبني حركة الشخص من الماضي هويته مجهولة لحد النهاية عرفنا انه والدها .. المثير للأهتمام في الحلقة هي النهاية لما كوني شاف بيته و عملاق معوق يناظره و الغموض كيف العملاق وصل للبيت .. خلاني افكر هل فعلا جدار Rose تم اختراقه مثل ما انقال الحلقة الماضية او العمالقة هم بشر اصلا من قرية كوني و تم تحولهم ؟ .. اتذكر الموسم الأول والد ايرين اعطى ابنه حقنة ممكن الحركة هذه تكررت هنا مع اهالي القرية يعني الجدار ما اخترق ! .. طبعا فيه اكثر من احتمال ممكن العملاق نزل من السماء ممكن انرمى من قبل العملاق القرد مثلا .. لكن عيونه قريبة لعيون كوني لهذا احس انه بشري كان داخل البيت و تحول لعملاق و ما قدر يوقف .. لو فعلا الجواب هو الحقنة السؤال مين حقنهم ؟؟ .. العملاق القرد ؟ .. ما اظن .. لأنه واضح انه ذكي بنفس الوقت جاهل .. الحلقة الماضية كان اول مرة يشوف السيوف و حركة الطيران لهذا استبعد انه بشري اصلا اقصد انه مو زي ايرين و آني
انتاجيا مستوى الحلقة ممتاز شي يخليني احس بغبطة و اتمنى لو الأستوديو مسك Berserk .. صدمة كوني مثلا مظهره رهيب و كلاسيك .. اصلا تصميمه كلاسيكي يذكرني اممم .. مدري .. مدرسة الكونج فو