راح أطلب ال360 من amazon ... نصيحة

[The Heartless]

السلام

مع النسخة الجديدة من ال360 الي فيها hdmi وهيتسينك إضافي , ومع قرب موعد صدور هالو 3 ... أعتقد خلاص مافي مفر لازم اشتريه حتى لو أني للحيني خايف أنه يخرب علي

حطيت الشغلات هذي في الcart
Xbox 360 Console Includes 20GB Hard Drive with HDMI
Xbox 360 Wireless Controller Black
Gears Of War
BioShock

في شي إضافي لازم اشتريه ؟ أعتقد لازم اضيف شاحن حق اليدة صح ؟ بس أي نوع لأني شايف فيه كذا نوع + اليدة الي لونها اسود زينه ؟ لانه مثل ماانتم شايفين انا حاطها في الكارت لأن اخوي اصر انه ياخذ اليدة السودة بس انا خايف لما توصلي يكون شكلها قبيح

also افكر آخذ لعبة ثالثة غير جيرز وبايو فياليت تقترحون شي حلو ويستاهل سعره

في الإنتظار

 

[Emirates]

اولا الف مبروك مقدما

اخذ لك شاحن البطاريتين .. اتوقع معروف من شكله

اليد اللي باللون الاسود شفتها .. حلوه لكن اتوقع مع الاليت احلا .. جهازك ابيض احسن لك الايادي البيضا

عن الاختيار .. موفق في الالعاب

عن اضافة اي لعبه .. فما ادري شو هو ميولك >> لكن انصحك بكاميو اذا تحب هالنوع من الالعاب

وبالتوفيق جاسم

 

[Colorization]

مبروك جاسم، والله يكتب لك فيه كل خير.

آنا عندي شاحن مايكروسوفت (الرسمي يعني)، ممتاز جدا ً وما أعرف لو فيه فرق بينه وبين غيره، أحسن من إنك كل شوي تبدّل بطاريات (وتقدر تشحن وتلعب بنفس الوقت).

إذا تحب تلعب أونلاين، أنصحك تاخذ الWireless Headset، جت لي فترة كنت ألعب وايد وتتفوق عالسماعة العادية بمراحل (يجي معاها شاحن).

بالنسبة للألعاب، إذا عندك فيزا أقدر أكتب لك ألعاب حلوة تشتريها من الXbox Live Arcade. ألعاب retail:
The Darkness -في لها نسخة للPS3، إختر اللي يعجبك
Blue Dragon (أظن نزلت)
Kameo (لعبة أدفنتشر حلوة، لو تبيها لا تشتريها من الكويت، سعرها بأمازون رخيص حيل)
مابي أكثر عليك، خذها شوي شوي من البداية عشان ما تمل. بس عندي ألعاب أنصحك إنك توخر عنهم ولا تفكر فيهم بتاتا ً لول:
Tenchu Z
Dance Dance Revolution
Enchanted Arms

 

[The Heartless]

الله يبارك فيك اخوي Emirates , وأوكي خلاص باخذ اليدة السودة دام ان منظرها بروحها حلو مثل ماتقول , بخصوص الشاحن الي ابي اعرفه اخذ اي واحد هذا

ولا هذا

ونسيت شغلة بعد ال live لازم اشتريه ال 360 مايجي معاه شهر مجاني ولا شي نفي جذي صح ؟

وبخصوص الألعاب أنا الحين باخذ جيرز وبايوشوك وهالو3 لما تنزل بعد يعني كلها شوتر فأبي شي غير
كاميو يمدحون فيها يمكن اخذها اذا سعرها رخيص

 

[Colorization]

إخذ الثاني (لأنه رسمي، بالإضافة إلى إني مجربه) + يعطونك إشتراك مجاني لمدة شهر + كاميو سعرها رخيص حيل من أمازون -طلبتها من زمان-، بلو دراجون لو تحب الRPG's أو Overlord (شوف لها فيديوز، ما اعرف اشرحها لك)

 

[Emirates]

ايوا هذا اللي اعنيه

يسمونه الشاحن السريع بس عيبه لازم تفك البطاريه >> توني استوعبت النقطه

يعني يلزمك هذا

في حال خلص عليك الشحن وتبي تشحن وانت تلعب

وسعر كاميو رخيص مثل ما قال محمد ( كولور ) اللي ضحكت على رده يوم ينصحك بالابتعاد عن الالعاب اللي ذكرها ههههه .. فعلا ابتعد

اتوقع الثلاث العاب + العاب البلاي ستيشن 3 منها لاير وهافنلي سوورد .. بتكفيك الى ان تصدر هالو 3

تحرير

:

محمد هالشاحن ايضا رسمي وانا مجربه .. نفس شحن بطارية التيلفون رووعه وبسرعه يشحن البطاريه يسمونه شاحن سريع

 

[The Heartless]

مشكور محمد وخلاص اضفت الشاحن وكاميو ( سعرها رخيص جداً 19 دولار )

في شهر مجاني اممم حلو عيل اشتراك اللايف السنوي اخليه بعدين طلبية مع هالو3 بروحهم

إذا تحب تلعب أونلاين، أنصحك تاخذ الWireless Headset، جت لي فترة كنت ألعب وايد وتتفوق عالسماعة العادية بمراحل (يجي معاها شاحن).

يس افكر اخذ وحده زين ذكرتني , الوايرلس هيدست الي تتكلم عنها هذي

ياليت لو تقولي هي مريحة لأني الصراحة مااحب السماعات الي على اذن وحدة لكن اذا هذي مافيها مشاكل اخذها

 

[Evolution]

أخوي إذا كنت تبي نصيحتي في الألعاب ( طبعًا ما أعرف ذوقك فراح اجتهد والله يعيني ) :

1- Dead Rising
2- Kameo
3- DOA4
4- OBLIVIOUN
5- Condemend (عيبها إنها قصيرة )

- الترقيم ماله أي أهمية من ناحية الجودة ، الترقيم فقد كتعداد -
طبعًا هذه قائمة مبدئية ، ولو وضحتلي عن ميولك أكثر راح أفيدك أكثر إن شاء الله

 

[The Heartless]

مشكور اخوي Evolution بس أنا خلاص راح اخذ بايوشوك وجيرز وكاميو وصاحبي عنده لوست بلانيت وديد رايسنق وذا داركنس وا‘تقد هذول كافيين ومايحتاج ألعاب بعد

شباب آخر مجموعة من الأسئلة إن شاءالله اكون ماضايقتكم فيها

- جيرز اوف وار كنت ابي اخذ النسخة العادية لكن الكولكترز اديشن شكله عجيب خاصة الغلاف المهم أمازون نفسها ماعندها لكن في بائعين امازون تتوسط لهم عندهم جيرز الكولكتر بس أنا عمري ماجربت اشتري ألعاب بهالطريقة فمحتار الصراحة , الكولكتر شكله مايتفوت لكن خايف اشتري من البائعين لأني ماجربتها قبل كله اشتري من امازون نفسها فقط

هذي صفحة البائعين الي عندهم الكولكتر http://www.amazon.com/gp/offer-list...34940-8216426?ie=UTF8&qid=1188372249&sr=1-124

- ال 360 أقدر انقل له ملفات من ال pc والعكس ؟ يعني ملفات mp3 وفيديو وال saves اقدر انقلها بطريقة عادية ولا لازم وصلة خاصة اشتريها بعد ؟ ( الps3 استخدم فتحات الميموري لنقل الملفات )

 

[Isaac]

بخصوص الوايرلس الهيد سيت ...

ما أدري وش تقصد بإنك ما تحب السماعات اللي على إذن وحدة ... لأن كل السماعات على إذن وحدة بس الحلو بالـWired هو طوق الراس واللي بيخفف حمل السماعة عن اذنك.

لما تتعود على اللي جت مع الجهاز ثم تستخدم الواير لس بتحس بفرق كبير (للأسوأ طبعا) ..

الوايرلس ثقيلة عالأذن صراحة . (وبتعاني منها لما تقعد تلعب لفترات طويلة ... *Halo 3؟!* )


لو إنك تلبس نظارات مثلي بتسويلك مشاكل شوي .

+ يبيلها شحن من فترة للثانية والشحن بطيء نسبيا .




بعد فترة بديت أتأقلم معها ...

الشي الوحيد الحلو فيها إني لما أسوي Private Chat وأقوم أفرفر بالغرفة (عادة فيني :yuck: ) معد صرت أشيل اليد معي ... آكل تشيبس وأسولف .

 

[Colorization]

- ال 360 أقدر انقل له ملفات من ال pc والعكس ؟ يعني ملفات mp3 وفيديو وال saves اقدر انقلها بطريقة عادية ولا لازم وصلة خاصة اشتريها بعد ؟ ( الps3 استخدم فتحات الميموري لنقل الملفات )

ما أعرف لو تقدر تنقل عادي، لكني مرة وحدة إستخدمت فلاش ميموري، وما أذكر لو قدرت أنسخ منه وإلا بس أستعرض محتوياته. اللي أعرفه إنه البلاي ستيشن3 -> ال360 بهالناحية.

+ تقدر تطلب من أمازون عن طريق الUsed & New بدون مشاكل، آنا طلبت منهم وايد ويوصلون عادي

+ السماعة جيدة معاي، ما أستخدمها كثير (آخر مرة إستخدمتها من 4 شهور أو أكثر لول)

 

[Isaac]

بالنسبة للنقل أخوي شوف ...

مافيه أي طريقة رسمية لنقل أي شيء لهادرسك الـ360 أو من الـ360 للـ PC ... (حسب معرفتي)

الشيء الوحيد اللي تقدر تضيفه للهارديسك من الخارج ... هو إنك تنقل الأغاني من سيديات إلى الجهاز .



بس هذا مو معناه إنك ما تقدر توصل أجهزة خارجية .... تقدر توصل USB Flash Memory .. External HDD أو iPod وتشغل منها أغانيك أوتستخدم صورك كخلفيات أو تشغل Slideshows أو تشوف فديوز بصيغة wmv .


+ تقدر تسوي Streaming للمحتويات اللي في Library حقة/حقت Windows Media Player في جهازك الـ PC اللي على نفس الراوتر وتشغلها عالـ360.

 

[The Heartless]

مشكورين حازم ومحمد ساعدتوني كثير وأنا خلاص شريت الجهاز مع كل خرابيطة وناطر يوصلني

 

[Isaac]

^

عالبركة إذًا ^^

 

[hamad 11]

دامك بتشتري لعبة ثانية مع جيرز وبايو شوك

عندي لك أربعة كلمات

THE ELDER SCROLLS IV: OBLIVION

 

[Emirates]

دامك بتشتري لعبة ثانية مع جيرز وبايو شوك

عندي لك أربعة كلمات

THE ELDER SCROLLS IV: OBLIVION

فيه نسخة للبلاي ستيشن 3 .. نحن نوصيه على العاب خاصة بال 360

والف مبروك جاسم

 

[ASWD]

مبروك جسووم..خبرني لما يوصلك الجهاز عن السعر الكامل للشحن وألخ وحالة المشتريات وغيره..لاني مثلك ابغا اخذ جهاز قبل صدور هيلو3..عندنا مانزل بشكل رسمي وللحين بسعر النصب..واقرب محل اقدر اخذ منه الجهاز السعودية*وما املك سيارة حاليا*..عشان جذي الافضل اطلبه من برا من طرف واحد من الربع..واللي حاط عيني عليه هو الإليت

 

[Bounty]

مبروك اخوي .. كنت داخل عشان اجاوب بس ماشاء الله الشباب جاوبو على كل شي .. بس ودي انصحك بجم لعبه .:

- Xbox live arcade :

- alien HD

- Golden Axe << ذكريااااااااااات T_T


العاب ال360 :

- lost planet : اللعبه حلوه و عجبتني حييييل

- kameo : العبها و خلني ساكت

- Dead or Alive 4 : اذا كنت تحب العاب الفايت اشترها لأنها must


و الباجي ذكروه الشباب .. و بحاول كل ما اذكر لعبه اقول لك .. و طبعا لا تنسى اهم شي بال360 هو الlive .. و تكسره بالعافيه

 

[CyberMaster]

بالنسبه لليد وش رايك تاخذ يد هالو 3 شكلها رهيب ويجي معها دوميه صغيره لماستر تشيف

http://www.amazon.com/Xbox-Wireless...47?ie=UTF8&s=videogames&qid=1188416684&sr=1-1
بس سعرها $59.99 وبتنزل في 4 سبتمبر

 

[Mr.3B]

...

ألف مبروك عليك

وأنا بعد أنصحك بأوبلفيون

 

[The Heartless]

يوسف
إن شاءالله بس توصل اشوفها مع الشحن كم يوصل سعرها بس أنا حبيت أنبهك على شغلة , أنا طلبت الجهاز من برى بسبب النسخة الجديدة الي فيها hdmi لأنها مو موجودة بالسوق هني في الكويت فيمكن لما تنزل السوق يكون سعرها ارخص ماادري نشوف .

hamad 11 و Bounty وعمر
مشكورين على الاقتراحات بس أنا خلاص قفلت على الألعاب

Xing
اممم والله شكلها مغري بس اخوي مصر على اللون الأسود للأسف

 

[ASWD]

تسلم جاسم..منتظر ردك..بخصوص السعر ابصم بالعشر ان عندنا بيكون على الاقل اغلى بالنص،،خاصة ان انا ودي في الإليت

 

[Solay]

مبروووك مقدما^_^

 

[Death match]

مبروك اذا طلبت لكن من فترة لقيت واحد يبيع الألت ب 130 بالكويت اعتقد انه يطلبه بالجملة فإذا عاجبك السعر اعطيك رقمة بالخاص تقدر تسأله