دبي أنا قادم

[Dr MaD]

المواضيع المخصصه لدبي في المنتدى ماشاء الله مره كثير !

أنا إن شاء الله طالع لدبي بعد ثلاث أسابيع تقريبا يوم الإثنين (( يوم 8 مارس )) إلى الجمعة
وأبغى أفضل صالات السينما الموجوده بـ دبي وأماكنها (( في أي مول )) .. لأنه على حسب راح أحجز فندق يكون قريب منها لأنه ودي يكون السينما قريب مني وأقدر أروحلها مشي (( هنا الفكرة ))

وأحسن المولات طبعا اللي تستوجب الزيارة
ماشاء الله دبي إفتتحوا فيه مجمعات كثير في الفترة الماضيه

وإذا فيه أسماء فنادق ينصح فيها وفي مناطق كويسه ياليت :nerd:

يعطيكم ألف عافية مسبقا

 

[persona]

انا حبيت دبي مول ..لا يفوتك..

الاكواريم، سيجا ريبلك، السينما ، النافوره، صاله التزلج :inlove:، ومطعم برج الحمام اذا بتروحله لا تنسى تاخذ الطاولات اللي قريبه يم النافوره وبيكون جدامك النافوره + برج خليفه

 

[Al Pacino]

ابن بطوطه .. احلى مول شفته بحياتي .. بس ما ادري اذا فيه سينما او لا بس لاتنسى تشطف عليه .,.

 

[Painkiller Q8]

مول الامارات و دبي مول = دبي كلها ^^

ماكو شي ثاني !

 

[Gon freeces]

ابن بطوطه .. احلى مول شفته بحياتي .. بس ما ادري اذا فيه سينما او لا بس لاتنسى تشطف عليه .,.

فيه سينما بس أتذكر كانت القاعة صغيرة.

 

[Nin Boy]

افضل سينما في دبي في دبي مول و فستيفال سيتي سنتر
و احسن مول دبي مول (Y)(Y) فيه كل شي ! انصحك فيه
و اماكن لازم تزورها دبي مول و JBR و القرية العالمية !

اماكن حلوة و رخيصة عندك في منطقة الـTrade Center جنب Dubai Mall مرة قريبة
و إذا تبغى فندق بطل و عند المول على طول .. The Adress .. فندق المول نفسه (Y)
و في فندق الشيراتون و كراون بلازا عند الفيستيفال سيتي سنتر !

و إذا عندك أي اسئلة ثانية تفضل !
و استمتع بأفضل مدينة بالعالم ! :

 

[ROCKSY]

القرية العالمية، دبي مول (سيجا ريببلك) <<< قدامها بيت الكمبيوتر :، الإمارات مول، دبي مارينا...
فنادق>>> أتلانتس، جميرا بيتش، الهيلتون (في دبي مارينا)، كامبينسكي هوتيل (في مول الإمارات)...
هذا إللي جا في بالي حالياً :S
أتمنى أكون أفدتك...
مع التحية...

 

[Niessu7]

لازم تروح دبي مول لازم .

وطبعاً لاتنسى هذا المحل الاسطوري .

 

[ROCKSY]

^
إيه صح لا تنسى Kinokuniya!!! رهييييب...

 

[The Last Fantasy]

Kinokunia

المكان الي كل تدفع فيه ثروة بدون ما تدري لول. آخ بس لو تفتح هنا (ما لي أمل خخخ)

 

[Gon freeces]

Kinokuniya رهيب بس هو يختص بالأشياء اليابانية و المترجمة من اليابانية , ما أظن معاذ يقرا مانجا بس مر هناك إذا كنت نفسك تقرا روايات هاروكي موراكامي أو تقرا باتل رويال.

 

[BioMario]

مول الإمارات - مول دبي (لازم .. خصوصاً تروح عند النافورة الراقصة و تشوف برج خليفة)

 

["a7mad"]

مول الامارات + مول دبي = دبي بأكملها !!

مول دبي كل اللي قالولك الشباب فيه و الامارات السينما عجيبه و اذا تبي اجواء بارده و ثلج عندك سكي دبي.. لكن انصحك بالمولين ذولي.. و الفنادق اتلانتس لكن بعيد شوي عن دبي مول و الامارات مول

 

[Snake-87]

ما شاء الله دبي كل يومين برج .. آخر مرة رحت قبل أقل من سنة وراح أروح الأسبوع الياي إن شاء الله .
شنو مجمعات جديدة طلعت ؟ سيجا أي مجمع ؟ وين أقدر أحصل هيفي رين لمتد -__- " ؟

 

[Nin Boy]

ما شاء الله دبي كل يومين برج .. آخر مرة رحت قبل أقل من سنة وراح أروح الأسبوع الياي إن شاء الله .
شنو مجمعات جديدة طلعت ؟ سيجا أي مجمع ؟ وين أقدر أحصل هيفي رين لمتد -__- " ؟

اخر شي دبي مول .. و يكفيك P:
سيجا رببلك موجودة بدبي مول .. و هيفي رين احتمال تلاقيها بالمحلات الي قدام سيجا رببلك .. و على فكرة احد المحلات عنده The Game *اللعبة المفروض ما نتكلم عنها* P:

 

[mario0o]

دبي مول: الاضخم : اكواريوم (حوض الاسماك). المكتبة . صالة تزلج . سينما (اعتقد آي ماكس موجود) . سيجا ريبابلك. النافورة الراقصة. برج خليفة

مول الامارات: منحدر الثلج . السنما. ماجيك بلانيت

ابن بطوطة: متميز بديكوراته . سنما وآي ماكس

دبي فيستيفال: سنما

القرية العالمية

الحدائق المائية : وايلد وادي . اطلانتس

ما شا الله شكلها سفرتك شكلها مخصصة للسنما .. تقريبا كل مول في دبي فيه سنما

عندك وايد مطاعم حلوة يبغالك تجربهن في كل المولات. يو سوشي و جوني روكيت :

 

[Still Alive]

دبي مول: الاضخم : اكواريوم (حوض الاسماك). المكتبة . صالة تزلج . سينما (اعتقد آي ماكس موجود) . سيجا ريبابلك. النافورة الراقصة. برج خليفة

مول الامارات: منحدر الثلج . السنما. ماجيك بلانيت

ابن بطوطة: متميز بديكوراته . سنما وآي ماكس

دبي فيستيفال: سنما

القرية العالمية

الحدائق المائية : وايلد وادي . اطلانتس

ما شا الله شكلها سفرتك شكلها مخصصة للسنما .. تقريبا كل مول في دبي فيه سنما

عندك وايد مطاعم حلوة يبغالك تجربهن في كل المولات. يو سوشي و جوني روكيت :

...............


اهم شي يو سوشي عشان تستمتع باطعم سوشي في الدنيا .. اطلب كالفيورنيا رولز :lebb:

 

[GreeN StorM]

Kinokuniya رهيب بس هو يختص بالأشياء اليابانية و المترجمة من اليابانية , ما أظن معاذ يقرا مانجا بس مر هناك إذا كنت نفسك تقرا روايات هاروكي موراكامي أو تقرا باتل رويال.

ما أدري عن فروع الشركة الثانية لكن إلي بدبي عبارة عن مكتبة كبيرة ومو بس تختص بالأشياء اليابانية جزء منها ، ركن فالزاوية للغة اليابانية + المانقا المترجمة بجهه ثانية ..
فيه روايات وكومكس و جرافكس نوفلز ، كتب (غالبية المكتبة) وشوية فيجرز بالشو كيسز (عليها برايس تاقز لكن غالبيتها غالية) ..
تقسيم المكتبة راائع جدا ً خصوصًا المانقا مرتبه أبجديًا غير الـ Search Engine مفيد مرة ويحدد لك الرف وبالرسم!

 

[Monsteropolis]

نصيحة لا تروح فندق اتلانتس، الغرف الي فيه عادية جدا مع ان الفندق جيد. ووايلد وادي افضل من الحديقة المائية الي في اتلانتس.

 

[Naif]

The Walk في منطقة مرسى دبي (دبي مارينا) مكان رائع للتمشي على البحر و فيه مطاعم و مقاهي مختلفة

روح جرب هناك ايس كريم من هذا المحل، بتحبه!:

ما أعرف اذا بيكون مفتوح وقتها (صارله فترة مسكر بسبب تضرره من المطر قبل كم اسبوع)، بس يبالك تاكل في وايلد بيتا، مطعم شاوارما اماراتي، مكانه في مدينة دبي الطبية ورا مركز وافي

http://www.wildpeeta.com/

فيستفال سيتي سنتر ممتاز للمطاعم بعد..

 

[Suzuki Yu]

دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول . دبي مول .دبي مول . دبي مول .دبي مول .دبي مول .دبي مول .دبي مول .

BEST . MALL . EVER

محتوى مخفي

 

[Emirates]

اختصر كل سفرتك بدبي مول .. بتلقى فيه كل شي

+ شخصيا ارتاح لسينما جراند سيني بليكس اللي عدال فندق جراند حياة

لكن وين ما تسير بتلقى السينمات شكثر

ورحلة موفقه وممتعة

 

[Ash Storm]

انا الاسبوع الي فات كنت هناك و رجعت يوم السبت! تمنيت ان جواز سفري يضيع فاقعد مدة اطول :razz:: فستمتع ^__^ ..


لازم:
- تشوف النافورة الراقصة (فالليل افضل من النهار) ..
- تروح و تلف مول دبي و مول الإمارات, احسن مولات هناك و اكبرها و اجملها و اشملها ..
- روح مول ابن بطوطة تصميمه جميل جداً راح يعجبك ..
- الديرة سيتي سنتر يعتبر صغير لكني احبه! لول! انصحك تروحه لو كنت مثلاً تعبت من اللف او شي ..
- اتعشى في فراي ديز الي في دبي مول لكن خذ لك طاولة عالبلكونة ..
- اركب المترو ..

اتمنى لك زيارة سعيدة :happyhappy: ..

 

[GreeN StorM]

روح Virgin لو كنت ما تروح البحرين + منت من سكان جدة موجودة في غالبية المولات (ديرة،الإمارات) لكن مش موجود في دبي مول ..
دبي مول هو أفضل مول ممكن تخصصه له يومين أو يوم ونص ..
فيه تشارج على مواقف مول الإمارات لو قعدت أكثر من 4 ساعات..

لا تروح القرية العالمية ما تسوى (أسوأ من الجنادرية)
فيه سوق صيني كبيييييييييير في مركز التنين (يقال أكبر سوق صيني برا الصين)

 

[Dr MaD]

يعطيكم ألف عافيه ياشباب !!

أقدر أقول إنه دبي مول + مول الإمارات + إبن بطوطه هم يحتلون أعلى قائمة المولات

السينما في صاله قراندسينما في إبن بطوطه + ودبي مول والإمارات راح يأدون الغرض !!

Kinokuniya .. تجب زيارته (( دايما أشوف المديح في المنتدى !! ))

وكل الإقتراحات الثانيه راح تنحط في عين الإعتبار :

 

[Nin Boy]

مشكلة ابن بطوطة بعيد جداً عن المدينة .. و السينما ما تسوى ابداً .. اخر مرة دخلت السينما حقته من سنتين و حرمت من بعدها اخشها مرة ثانية .. مرة تعبانة ! لكن ما اعرف يمكن تغيرت حالياً ..

 

[King Wario]

+ شخصيا ارتاح لسينما جراند سيني بليكس اللي عدال فندق جراند حياة

يا سلام اخيرا حد يوافقني الراي .. اكثر سينما ارتاح فيها

 

[Genocide Diego]

أنصحك بسينما إبن بطوطة ( أظن إنه السينما الوحيد اللي فيه IMAX 3D ) وميزته إن الأفلام اللي صارلها أكثر من شهر لا زالت تعرض ( إذا ما لحقت تشوف فيلم معين ) بالإضافة للأفلام الحديثة

أنصحك بشدة تدخل سينما IMAX 3D خصوصا إذا كان الفيلم اللي بتشوفه أنميشن ( صورة وجودة وألوان ما راخ تشوف مثلها صراحة )

المشكلة فقط في الوصول للمول ( جدا بعيد ويأخذ منك عشان توصله 20 - 25 دقيقة لو كنت في داخل دبي )

إبن بطوطة الحلو فيه تصميم المجمع بشكل عام ( شيء فخم وماله مثيل صراحة ) وغير كذا في مطعم وسوبر ماركت صغير قريب من الباركينق حق السيارات ( بمنظر طبيعي حلو يفتح النفس صراحة )

مشكلة المول الوحيدة هي الوصول للمطاعم بيأخذ مشوار طويل لو بتروح مشي ( أفضل إنك تروح بسيارات التوصيل الموجودة بالمول بدل ما رجولك تروح فيها من المشي الطويل لول )

مول الإمارات ودبي مول برضو ( دبي مول ما لحقت على السينما حقه لأنه لسة ما اكتمل في آخر مرة رحت فيها المول )

طبعا لازم لازم تزور حوض السمك الخرافي ومكتبة Kinokuniya في دبي مول هذا غير إنه أكبر مول في العالم وكل محلاته تقريبا بماركات عالية

الدور الثالث كله الكتورنيات ( Sharaf DG - Jampo - Sony - Panasonic - Samsung - LG ) ومحلات كثيرة كثيرة

مول الإمارات لازم تمر Virgin حقه بالذات لأنه هو الأفضل والأكبر وكل اللي إنت تبيه راح تحصله من ألعاب وأفلام وغيرها كثير

كومبيو مي ممتاز برضو فيه ألعاب فيديو جيم وأماكن مخصصة لتجربة الألعاب الجديدة وشغلات حلوة لكنه يركز على الكومبيوتر وملحقاته بشكل أكبر

ما يحتاج إني أقول إنك لازم تمر على كارفور وجيان في مول الإمارات وإبن بطوطة

الثلاث مولات هذولي بيختصرون غليك الطريق في السينما والإلكترونيات والسوبر ماركات الكبيرة

سيتي سنتر وفيستفال سنتر تقدر تمر عليهم كزيارة وتغيير جو عن السينما والإلكترونيات

بالتوفيق ورحلة طيبة إن شاء الله

 

[Snake-87]

شباب أنا رايح المكتبة الأسطورية من قبل إلي تقول ممشى مو مكتبة ... خذيت لي خمطة كوميك سيمبسونز بس حاليا أدور محل متخصص بمجلات مارفل .. في محل أحصل فيه أغلب سلسلة Ultimate Spiderman ؟
هل أحصل هالسلسلة بنفس المكتبة السابقة ؟ عيبها سعرها ناري >.> .