خواطر جيمر

[Super Mario]

هو ممكن لو استخدموا المصطلح للكميرا راح يكون مظبوط وقبول اكثر..يعني المفروض يقولون الرسومات لأنها مناسبة اكثر بتأكيد

من عهد النبي عليه الصلاة والسلام و الصحابة رضوان الله عليهم و عند العرب عموما كانوا يطلقون على الرسم مصطلح التصوير ... فهما كلمتان مترادفتان

 

[Colorization]

ليش فجأة فقدت متعة الفيديوجيمز للابد ؟ يوم كنت العب جتهم هالحالة وما كنت متخيل نفسي امر بها ..

منت الوحيد، من بعد ستريت فايتر4 الفيديوجيمز ينتهي بالنسبة لي. ما عاد اشتهي العب اي شي خلاص.

 

[Noah`s Ark]

المشكلة وقت الإمتحانات والضغوط تشوف احسن الألعاب تنزل .

اما في الإجازة ما فيه شي تحس فراغ ما فيه العاب <_<
​

 

[Lunar Poet]

ليش فجأة فقدت متعة الفيديوجيمز للابد ؟ يوم كنت العب جتهم هالحالة وما كنت متخيل نفسي امر بها ..

امم أعتقد فيني نفس الحالة =/ .. أشغل اللعبة، ألعب 5 دقايق و أطفيها ..
حتى أكواريا اللي أحسها رجعت لي متعة الفيديو جيمز مليت منها =/ (ضايع في اللعبة و مب عارف شسوي، و مالي خلق أدوّر)

تعديل: همم بعد تفكير لاحظت إن هالشي مب بس مع الفيديو جيمز. مع كل شي: الكتب، أقرا صفحتين من كتاب و أمل و أسكره، الأفلام: بعد كم دقيقة من الفلم أحصل عيوني مسكرة خلاص، و غيرهم. كل شي صار ممل =/

 

[Some1LoveNin]

الاونلاين والعاب مولتي بلاير كشفت شخصيات كثيرة لـ"جيمرز" اعرفهم من فترة طويلة .. بصراحة انصدمت لحال بعضهم .. البعض ماخذ مسألة الجيمز زيادة عن اللزوم، وممكن تصيبه جلطة لو نقص الرانك او الليفل حقه في لعبة معينة!! .. بل البعض وصل بهم الحال الى سب وشتم اللاعبين الجدد/المبتدئين (او النوبز حسب لهجة اهل الاونلاين) اللي يدخلون الجيم اول مرة .. "يا &^$* ما تعرف تلعب؟"

هذي صارتلي مع كثير من الناس الي اعرفهم زين في اللايف ، بصراحة طاحوا من عيني من بعدها.

 

[Mute City]

بصراحة هذا الفراغ الذي نحس فيه هو في قلوبنا لإبتعادنا عن الله وعن الصلاة
والله حافظ على صلاتك تصفو حياتك لا يأس مع حياة توكلو على الله وسوف ترون الفرق

 

[Solay]

^
الكل يعرف مكانة الصلاة بس وش دخلها بموضوعنا..؟!

 

[Ryu-Bounty Hunter]

امم أعتقد فيني نفس الحالة =/ .. أشغل اللعبة، ألعب 5 دقايق و أطفيها ..
حتى أكواريا اللي أحسها رجعت لي متعة الفيديو جيمز مليت منها =/ (ضايع في اللعبة و مب عارف شسوي، و مالي خلق أدوّر)

تعديل: همم بعد تفكير لاحظت إن هالشي مب بس مع الفيديو جيمز. مع كل شي: الكتب، أقرا صفحتين من كتاب و أمل و أسكره، الأفلام: بعد كم دقيقة من الفلم أحصل عيوني مسكرة خلاص، و غيرهم. كل شي صار ممل =/

لول صارت لي نفس الحالة بالضبط..صار كل شي ممل.

بس الحين راحت خلاص و المشكلة شالسبب اللي خلاها تروح بالضبط XD. صرت ارجع على الألعاب اللي فوتها عشان الحق >.>

 

[Mute City]

^
الكل يعرف مكانة الصلاة بس وش دخلها بموضوعنا..؟!

لأن الواحد كل ما إبتعد عن الصلاة يجد فجوة في حياته ويسير يطفش من كل شي أرجو إنك تكون فهمت قصدي