ممكن نكون صريحين مع نفسنا شوي ؟
من رجع بليتش وفيه ريحة قديمة بدأت ترجع للأنترنت لكن على أنه تحس النوستاليجا هنا شيء كويس بس قاعد تشوف كيف أن كوبو ما تغير كثير عن وقت المانجا كأنه رجع بزمن غير زمانه حرفياً.
طريقة سير الأحداث وقوالب الشخصيات المتكررة كلها أشياء تتوقع مانجاكا أول تعلموا من التجربة وتحسنوا مع الوقت بس مع كوبو تحسه ما تعلم شيء وقاعد يسوي نفس الشيء اللي حتى الجمهور اللي كان يتابعه قبل كبر وتغير تفكيره.
شخصيات مالها ألا قطب مشاعر واحد ودوره فقط محصور على واحد اثنين ثلاث وتحس الكاتب يحب يجمع شخصيات لمجرد زيادة عدد مو واعي بخطورة أن كثرت عدد الشخصيات بيخلي الكاتب صعب يتعامل معها بالقصة وبعدين تنتهي والكل يقول الشخصية الفلانية وجودها مثل عدمها فقط لأن المانجاكا للحين عالق بترند فترة زمنية قديمة.
أما الشخصيات الأنثوية يخليك تسأل كوبو شخص اجتماعي؟ ما أتوقع شخص اجتماعي وما يفهم مشاعر الأنثى حتى الرجال منهم دايم تشوف منهم قطب مشاعر واحد.