حجز البلاي ستيشن 4 في الكويت

[Mesharey]

السلام عليكم ..

الجهاز بسعر 130 دينار مع يدة، تدفع 50 دينار وبوقت إصدار الجهاز (كاتبين في ديسمبر) 80 دينار.
الحجز يكون في معرض سوني بالأفنيوز أو أي فرع ثاني.

سعر الجهاز ممتاز جدا، كأنه أرخص من الإمارات والسعودية؟

https://www.facebook.com/pages/Sony-Kuwait/113598888714416

 

[Sir Guts]

و عليكم السلام

سعره ممتاز. اممم ارخص من السعودية تقريبا بـ45 ريال؟ مافرقت.

 

[lightq8]

سعر ممتاز ومغري

 

[Rare Games]

ممتاز من وكيل سوني شي طيب جدا بكذا نضمن نسخه مع ضمان بوقت مبكر

 

[Jizasu]

انزين شنو نوعه؟ اوروبي ولا امريكي؟

 

[Mesharey]

انزين شنو نوعه؟ اوروبي ولا امريكي؟

اوربي، احنا نتبع اوربا مع سوني ومايكروسوفت ..

 

[FARES_]

ان شاء الله بأخذه

حيل ممتاااز السعر.. لما افضي بروح احجزلي !!
كنت مستعد ادفع 200 :: بس دام ارخص ما اقول لا ههههههههههه :thumbsup:
بس خوفك يزيدون سعره بعدين لما تستلمه ولا صعب هالتلاعب؟

 

[Mesharey]

حيل ممتاااز السعر.. لما افضي بروح احجزلي !!
كنت مستعد ادفع 200 :: بس دام ارخص ما اقول لا ههههههههههه :thumbsup:
بس خوفك يزيدون سعره بعدين لما تستلمه ولا صعب هالتلاعب؟

لا مايصير، هذا مو محل مشي حالك، هذا الوكيل ..

 

[Xeon-Q8]

أكيد راح نشوفه بالرحاب

لكن هل ممكن يكون ارخص؟ ماتوقع ..

 

[Mesharey]

أكيد راح نشوفه بالرحاب

لكن هل ممكن يكون ارخص؟ ماتوقع ..

بالرحاب أرخص؟ زين إذا كان سعره 300 دينار xD
لا وممكن بدون كفالة P:

 

[Jizasu]

اوربي، احنا نتبع اوربا مع سوني ومايكروسوفت ..

انزين يعني تنصح بالاوروبي؟ ما عمري كنت من عشاقه وتعقدت منه في جيل البلاي ستيشن 2

وحتى الجيل الي طاف حتى بعد ما كان البلاي ستيشن 3 ريچن فري كنت ما أحب اشتري اللعاب اوروبيه لان الستور مالي كان امريكي

:cold_sweat:

 

[Futrus]

^ عيسى انت تاخذه من الوكيل حتى لو اوروبي وتستفيد من الضمان والسعر الرسمي وبعدين دش باكاونتك الامريكي واشتر من الستور الامريكي مدام انه ريجن فري نفس البلاي3.

 

[USefQ80]

انزين يعني تنصح بالاوروبي؟ ما عمري كنت من عشاقه وتعقدت منه في جيل البلاي ستيشن 2

لوول نفس حالتي اكره الأوروبي بس ماكو فرق و اعرف جم واحد على اول ايام البس3 من يحسون في شي على طول يودونه يبدلك الجهاز هذا الفرق بينهم و بين الرحاب !
عموما انا بنطر الريليس ديت و بشوف متى يوصل عندنا و بخلي البري اوردر بـ امازون

 

[The Doctor]

انزين يعني تنصح بالاوروبي؟ ما عمري كنت من عشاقه وتعقدت منه في جيل البلاي ستيشن 2

وحتى الجيل الي طاف حتى بعد ما كان البلاي ستيشن 3 ريچن فري كنت ما أحب اشتري اللعاب اوروبيه لان الستور مالي كان امريكي

:cold_sweat:

الجهاز و الألعاب ريجن فري... خذه بضمان أحسن... أكاونت الPSN تقدر تسويه من أي دولة.

 

[Jizasu]

^ عيسى انت تاخذه من الوكيل حتى لو اوروبي وتستفيد من الضمان والسعر الرسمي وبعدين دش باكاونتك الامريكي واشتر من الستور الامريكي مدام انه ريجن فري نفس البلاي3.

صح كلامك

لوول نفس حالتي اكره الأوروبي بس ماكو فرق و اعرف جم واحد على اول ايام البس3 من يحسون في شي على طول يودونه يبدلك الجهاز هذا الفرق بينهم و بين الرحاب !
عموما انا بنطر الريليس ديت و بشوف متى يوصل عندنا و بخلي البري اوردر بـ امازون

اذا الوكيل موجود وانت تحس انه افضل، كنسل البري اوردر مال آمازون وخلك على هني؟ بصراحه العربون بو 50 دينار مغري جدا

الجهاز و الألعاب ريجن فري... خذه بضمان أحسن... أكاونت الPSN تقدر تسويه من أي دولة.

شكله مافي الا جذي، متى اقدر احجز جهازي عندك فكره؟

وبخصوص الستور، مافي مشاكل لو خليت الأكاونت على الستور الأمريكي صح ؟

 

[Q8Dante]

والله السعر ممتاز جدا وماينتطوف، الحلو ان هالشي راح يكسر المحلات العاديه الي بالرحاب ويخلونه ينباع بهالسعر

 

[Mesharey]

عيسى عادي .. جهازي اوربي وفيه اكاونت امريكي وياباني واوربي ..

الحجز مفتوح الآن على حسب كلامهم .. ممكن اروح اليوم اشوف الوضع ..

 

[FARES_]

تم الحجز :thumbsup:

اقتباس من رد سوني في الفيس بوك

i it will be very limited qty so you can book it now .

نفهم من الموضوع انه هذا السعر بيكون محدود للدفعه الأولى فقط ؟؟ لحقوا يالربع

 

[tsubasa]

سعره ممتاز . بس فيه العاب راح تنزل هالسنة , killzone مثلا ؟

 

[FARES_]

سعره ممتاز . بس فيه العاب راح تنزل هالسنة , killzone مثلا ؟

كيل زون من ضمن العاب اللنش مع الجهاز