حان الوقت لل4G ??

[FARES_]

السلام عليكم

في الأونه الأخيره قمت افكر انتقل لل4G بما انه بدأ ينتشر في دول الخليج.. ( فيفا و زين ) في الكويت
طبعا انا بالأصل عندي ADSL بسرعه 5 ميغا من غير لمت.. ووضعه تمام معاي بس الواحد يطمع لسرعه افضل
والعائق هنا .. انه خطوط الأرضيه في منطقي وعده مناطق بالكويت الى الأن ما تغير للFiber optics للأسف..
وبالأصل لا يتحمل اكثر من 5 ميغا عشان جذي خليته على هذه السرعه ووقفت هنا..

سألت عن نغطيه zain لمناطق الكويت تمام كل مكان
35 غيغا بالشهر .. راوتر

للأمانه انا مييح في الأفضليه لمن فعشان جذي سالت الأفضل ابقى على الADSL بهالسرعه ولا احول لل4G بسرعات عاليه
وهل سالفه اللمت تأثر علي؟ كلاعب اون لاين ومتصفح يوتيوب .. , في ناس قالو خلك عالADSL لأنه سرعته ثابته ومافيه لمت والأفضل للGAMING

فشنو رأيكم؟ لأنه الadsl ما اقدر اسرعه اكثر لظروف مو بأيدي

4G ولا اضل adsl


وشكرا

 

[~L.O.R.D~]

لا تفكر بالـ 4G ابدا ابدا...غير مناسب للأونلاين
البنغ فيه عالي جدا,ويعتمد على مكان تواجدك..ولا يصير سريع إلا بعد الساعة 11 الليل
فيفا = STC
أعتقد عندهم باقة غير محدودة..لا أعرف بالنسبة للكويت

 

[Saadawii]

ما لي خبرة كبيرة باللعب أونلاين. لعب 3DS اونلاين على الجيل الرابع من زين، ما واجهت مشاكل. لكن ربما الحال مو متساوي لكل الألعاب. ما أثر فيني تحديد البيانات سوا مرة وحدة، أعتقد ان الباقين بالبيت بالغوا بتنزيل الأشياء من الانترنت، لكن خلافا لذيك المرة ما واجهت مشكلة. ما أتخيل نفسي راجع للدي اس ال، أو حتى الفايبر اللي ركبوه لنا وأيام خرابه أكثر من أيام شغله حتى وقف نهائياً. السرعة أفضل سرعة جربتها.
لكن للعب الثقيل اونلاين ما أقدر أفتيك.

 

[Rain]

شف اذا براوتر بيعتمد بشكل كبير على البعد بينك وبين البرج..
أنا عندي 4G من موبايلي .. وألعب عليه اونلاين ..
في العاب مثل كود وتومب رايدر وبورتال .. ما أواجه أي مشاكل باللاق الا نادراً..
لكن بدارك سولز ومورتال كومبات فيه لاق احيانا خفيف واحيانا فضيع !!
بالعدس ماواجهت اي مشكلة وانا العب ريفليشن ..
بالنهاية الدي اس ال ما يتعوض اذا كان ثابت وبدون مشاكل..
أنا توهقت مع شركة الانفصالات STC لمدة سنتين وأنا استنى يركبون الدي اس ال ( مع احترامي للموظفين ), وبالنهاية مافي اي خبر..

 

[Vorg Zangief]

السلام عليكم

في الأونه الأخيره قمت افكر انتقل لل4G بما انه بدأ ينتشر في دول الخليج.. ( فيفا و زين ) في الكويت
طبعا انا بالأصل عندي ADSL بسرعه 5 ميغا من غير لمت.. ووضعه تمام معاي بس الواحد يطمع لسرعه افضل
والعائق هنا .. انه خطوط الأرضيه في منطقي وعده مناطق بالكويت الى الأن ما تغير للFiber optics للأسف..
وبالأصل لا يتحمل اكثر من 5 ميغا عشان جذي خليته على هذه السرعه ووقفت هنا..

سألت عن نغطيه zain لمناطق الكويت تمام كل مكان
35 غيغا بالشهر .. راوتر

للأمانه انا مييح في الأفضليه لمن فعشان جذي سالت الأفضل ابقى على الADSL بهالسرعه ولا احول لل4G بسرعات عاليه
وهل سالفه اللمت تأثر علي؟ كلاعب اون لاين ومتصفح يوتيوب .. , في ناس قالو خلك عالADSL لأنه سرعته ثابته ومافيه لمت والأفضل للGAMING

فشنو رأيكم؟ لأنه الadsl ما اقدر اسرعه اكثر لظروف مو بأيدي

4G ولا اضل adsl


وشكرا

انا عندي اشتراك 4جي 85 قيقا بالشهر
حق اللعب اونلاين مو مثل اشتراكنا مع كواليتي نت 6 ميقا
لكن الداون لود @@ مثلاً عندي العاب على ستيم بنزلها السرعة توصل 2.5 ميقا احياناً و بالغالب ما تنزل عن ال1 ميقا .
التصفح سريع جداً مشاهدة فيديوات HD اللود سريع جداً
لكن مشكلته كثير يعلق @@

 

[Primal]

انا استخدمه لو في راسك تلعب اونلاين باستخدامه
ما انصحك
لكن لو تحميل يمكن
من الفجر لين قبل اذان الظهر يصير سريع لدرجة انه يعطيك فوق سرعتك الي مشترك فيها
لكن لان الحي الي انا فيه مافيه خطوط تلفيون ما عندي خيار الا هو >>" بالمناسبة انا ساكن بالرياض "ايوة والحي الي انا فيه ما فيه تمديدات اسلاك"
هو ممكن يكون مناسب للاونلاين لكن بحالة واحدة فقط
انك انت الوحيد الي تستخدم المودم
لانه ما يتحمل اكثر من جهة وحدة تستخدمه
ما تقدر انك تلعب واخوك يتصفح مثلا
باول الايام المودم يصير معك رهيب جدا بالتحميل واللعب وكل شىء
بعد شهرين بالتمام يبدا يخبط

 

[SAUD~F-16]

هنا واحد جرب 4G وأقول لك ابتعد عنه قدر الأمكان. سيء. لا ينفع اونلاين ولا تصفح ولا حتى... ،الكلام هذا من تجربتي لشركة وحده بالسعودية "موبايلي" يمكن الوضع بالكويت عندكم مُختلف. ايضا حاجة لازم انوه لها:
4G = نات تايب 3

 

[Painkiller Q8]

الخدمه هذي لاتفكر فيها كإستخدام انترنت رئيسي للبيت والاونلاين !

عمرها تكنلوجيا الاسلكيه ماكانت Stable . انا جربت كل انواع خدمات الاسلكي ومنهم الدش الي ينحط فوق البيت ... كله كلام فاضي وعمر افتراضي قصير ومن تنتشر تصير بطيخ !

الحمدلله اشتراك DSL بالكويت ممتازه واذا عندك فايبر افضل وافضل ولا تبعد عن كيمز و كوالتي !

 

[FARES_]

اوكي صارلي شهر متشرك 4G زين ..

بصراحه - _- طلع عكس كلامكم كلكم لول...
السرعه قويه جدا واسرع بوايد من ال5 ميغا المنزلي..... حتى البنق 26 , المنزلي بالأربعينات
فرق السرعه.. انتو شكلكم بسرعه تعدون اللمت... فجذي تطيح سرعاتكم !

بعد تجربه ماراح اجدد اشتراكي الdsl ,, فور جير أفضل واسرع

للأسف مافي فايبر في منطقتي... فالحل الأفضل فور جي ! وحسب استخدامي اسرع بوايد من 5 ميغا الي ببيتي ( فاست تلكو )

هذي اخر سنه اشترك dsl سنوي... من بعد ما جربت الفور جي

 

[L.O.R.D]

الـ 4G يعتمد على المكان اللي انت فيه
اذا انت تعيش في منطقة تغطيتها سيئة..رح تطلع سيئة
اذا انت ساكن في منطقة مزدحمة بالسكان..رح تطلع سيئة أكثر

 

[MoShaKiS]

نفس الشي هنا خطي يدعم adsl بالقوه ياصل 7 ميجا ومع تقطيع طبعا وميجا رايح عالفاضي ، عندنا stc = فيفا عندكم اشتراك 4g لامحدود 100 بالشهر :thumbsup:

وحاليا يوصل عندي برجين ومتفاوت 8 الى 13 ميجا لكني لما ركبت انتينا خارجي وصل معي 30 وابلود 5 وبصراحه أفكر اكنسل adsl يوم شفت الأرقام هذي الى ان يوصل فايبر

تعديل : للعلم 4g حقه انه يوصل مابين 50 و 100 لكن تعرفون سياسات التسويق عندنا يصل الى :neutral_face:

لكن يظل بالنسبه لي أرخص من اشتراك dsl 8 ميقا ..

 

[Riitmoo]

انا قبل يومين اشتركت بباقة فيفا 4g يعطونك 5 قيقا باليوم و كل يوم تجدد عندك 5 قيقا ب 18 دينار شهريا العرض وايد احسن من زين اللي يعطونك 35 قيقا شهر ب 24 دينار للعلم انه ساكن باشبيليه و كل المنطقه فايبر بس قلت اجرب للامانه السرعه خياليه قاعده توصل 30 ميقا والابلود 22 ميقا و جربت الاونلاين و كان ما يعلق نهائيا ( نات تايب كان 2 )
انصحكم بفيفا

 

[Fabri_4]

اذا حالتك سيئة مع adsl جرب الفور جي طبعاً اذا منطقتك فيها تغطية بيكون ممتاز.
جربت الفور جي حق موبايلي وكنت متخوف لان الاغلبية كانت تشتكي منه
لكن كان ممتاز والعب اونلاين واتصفح واحمل بدون اي مشاكل ( طبعاً مش بنفس الوقت ) ..
برضو جربت راوتر كويك نت حق STC افضل من موبايلي لكن مايعطيك إشارة قوية

بالنسبة لي الفور جي ممتاز واشوفه افضل من adsl لكن اهم شي تشوف التغطية ولا بيتحول الى 3G

 

[Fabri_4]

هنا واحد جرب 4G وأقول لك ابتعد عنه قدر الأمكان. سيء. لا ينفع اونلاين ولا تصفح ولا حتى... ،الكلام هذا من تجربتي لشركة وحده بالسعودية "موبايلي" يمكن الوضع بالكويت عندكم مُختلف. ايضا حاجة لازم انوه لها:
4G = نات تايب 3

غلطان اخوي سعود،انا جربت راوتر كويك نت وموبايلي فور جي = نات تايب 2
حتى شريحة البيانات جربت اشبك عليها اونلاين = نات تايب 2