حالياً في الاسواق: Ratatouille (خلطة بيطة بالصلصة) مدبلج بالمصري

[LOVER]

افضل فيلم انميشن لهذا العام

صار متوفر على أقراص DVD مع الدبلجة المصرية .. من روتانا !

Ratatouille

طرحت شركة روتانا من يومين

فيلم ديزني وبيكسار الانجح لهذا العام Ratatouille

في جميع انحاء الوطن العربي

مع الدبلجة المصرية الرائعه .. اللي عطت الفيلم طعم ومذاق آخر ..

طبعاً احنا مب في صدد الكلام عن مدى روعة رتاتوي

بس كل اللي اقدر اقوله لكم الحين

لايفوووتكم الفيلم مع الدبلجة المصريه !!

لانها كالعاده رووعه وتضحك .. بس خساره ماحطو ممثلين مشهورين بالدبلجه

واسم الفلم بالمصري يضحك ههه .. تخيلوا شسمه !!!

خلطه بيطه بالصلصه :yuck:

بإمكانكم مشاهدة مقطع صغير منه على يو تيوب :-

[YOUTUBE]BtJbNxi7vPk&rel[/YOUTUBE]

وفي الديفيدي حاطين فلم قصير عن الفار ريمي واخوه

في شغله الفتت نظري فيه لول

كانوا يتكلمون عن تاريخ الفيران .. وانهم موجودين بكل زمان ومكان

وفي نص الشرح غنوا اغنية .. وقالوا احنا موجودين بكل مكان .. حتى في قطر !!

لول عاد جذابين ماعندنا فيران وايد بقطر

شوفو الخريطه مكتوب فيها دخان وام سيعيد والدوحه :cooool:

روووووووووووووووووووووح يا ريمي .. هههه

لابس ثوب و غتره و عقال .. كاااشخ حده

نزلت الاغنيه على يو تيوب حق اللي يبي يشوفها

[YOUTUBE]wSk-p44Zr8Y[/YOUTUBE]

​

 

[Khalid-S]

لوول فله .. انا بشوف الفيلم اليومين هذي .. بعد ما اشوفه افكر اخذ نسخه عربيه عشان اضحك .. خخخ الاسم فله.

على فكره اخوي التوقيع فوق المتاح له .. صغره او غيره.

 

[Xeno]

هههههههههههههههههههههههههههه بطني

لا والله صار مست, بس شمعنى حاطين المدن الأمهات بس خخخخخ.

we're even in Qatar

 

[Colorization]

من زماااااااااااان عن الدبلجة المصرية. شخصياً أفضّل أشوف أفلام ديزني بلغتها الأصلية حتى أقدر أطالع الفلم مثل الطريقة اللي يبيني أشوفها الكاتب. الدبلجة تحرف كثير من النص حتى يلائم اللغة الأخرى.

اللي ما شافه حرام يطوفه، جداً ممتع ورهيب.

 

[53]

افضل فيلم إنميشن شفته من فيلم توي ستوري , الدبلجه عجيبه ضروري أشتريه حق عيالنا الصغار .

 

[Nintendo]

خطير الفيلم شفته بالنسخه الانجليزي ومن فيديو اليوتيوب النسخه العربيه شكلها حلوه يمكن اخذها لعيال اختي ..

المشكلة الDVD مايعيش ابدا عندنا .. كم يوم وتحصل الشريط للاسف خدشات قاتله ..

 

[Mario2]

شفت المقطع .. صحيح راكبه عليهم الاصوات بس ما يتقارن ابدا ابدا مع النسخه الاصليه بالفلم وما يضحك بالمره .. اخ شكلي بشوف الفلم مره ثانيه .. رهيب

 

[Dr MaD]

ماشفت الفلم ومررره متحمسله .. بس احسهم جابوا العيد في الاسم ! مو مره مضبوط !

والدبلجه المصريه مررره مضحكه بس بعد ما اشوف الفلم المره الاولى باللغه الاصليه

 

[Leon]

خخخخ حسبت إن الدبلجة بتطلع أي كلام .. لكن جيدة فعلاً .. يستاهل أشوفه .

 

[Humam]

في امل تنزل الدبلجة العربية على بلو راي ؟ صراحة صعب جدا اتفرج الفيلم على DVD, نزلت تريلر الفيلم HD على الPS3 وصراحة كان شي خرافي..

 

[m7tram]

محتوى مخفي

من مقطع يوتيوب في مشهد قاطعينه لما الفار يطيح الشيف الكبير يصكر الدريشه ( الشباك ) بعدين الخبل الي اهو الفراش يبطله ... اهني على طول حاطين ان الفراش يبطل الدريشه .

 

[BioMario]

ههههههههههههههه ..
رح اشترية لااااااااااااااااااازم .. إن شاء الله

 

[ryo hazuki]

اول ماشفته على طول اشتريته بدون تفكير
النسخه العربيه كان متقنه

هذا لازم يكون في الكوليكشن

من وين يبت اللوقو بالعربي لان ال dvd بالانجليزي مكتوب ......؟

في امل تنزل الدبلجة العربية على بلو راي ؟

اوبن سيزن كان موجود بلو ري و مدبلج 5.1
لكن من الاساس الدبلجه رايحه فيها (عربيه فصحى)



و مستحيل نشوف رتاتوي على بلوري بالعربي لان روتانا ماوصلت لهذا التطور

 

[SALAH]

لووووول انا حسبت الدبلجة أي كلام خصوصا انه الدبلجة بطلت مثل ايام زمان تحس فيها اتقان واتفنن , لكن هالمرة ظلمتهم صراحة الدبلجة فنانة والمصريين ابدعوا فيها مرة ثانية ..

انا شفت العشر دقايق باليوتيوب واتحمست له كثير !

حدا بيعرف وين بلاقي له DVD في ابوظبي وكم بكون السعر ؟

لأن هالنوعية من الافلام بالذات حرام تتنزل من الانترنت , لازم تنشاف Full Qlty على الـ32' HD :cooool:

 

[LOVER]

يعطيكم العافيه على الردود ..

انا سمعت ان روتانا عندها نيه بطرح افلام ديزني على بلو راي بالسنه القادمه ..

وعموماً انا ماعندي مشكله بهالموضوع

لانه ياما شفنا افلام ديزني بالمصري على اشرطة فيديو تعبانه .. عالاقل الـDVD احسن

وبخصوص المقطع على يوتيوب

انا تعمدت اقطع الجزء اللي يتعلق بالهرب .. لانه يو تيوب محددين وقت معين للفيديو الواحد

فقلت هالمقطع مب ضروري

اهم شي ابدأ من لما ريمي يدخل المطعم .. الى ان يتعرف على لانغويني عند الجسر

واللوجو انا مصممه .. ههه .. شسوي من وين اجيب لوجو افلام ديزني

احرمونا روتانا من اللوجوهات المعربه .. واللي كنت استمتع وانا اشوفها مكتوبه بالعربي ..

وصدقوني الفلم رائع بالمصري انا شخصياً كنت معجب بالنسخه الانجليزيه

وماتوقعت تعجبني المصريه لهالدرجه

الفلم ينباع بكل مكان

بس اظن بالكويت والسعوديه في تأخير من ناحية روتانا بطرح افلامها هناك .. لاني اعرف ناس هناك قالولي للحين مانزل عندهم

بالوقت اللي نزل في قطر والامارات ..

 

[squall leonhart]

فين القاه بجده ؟ بمحلات روتنانا ؟

 

[BioMario]

لووووول انا حسبت الدبلجة أي كلام خصوصا انه الدبلجة بطلت مثل ايام زمان تحس فيها اتقان واتفنن , لكن هالمرة ظلمتهم صراحة الدبلجة فنانة والمصريين ابدعوا فيها مرة ثانية ..

انا شفت العشر دقايق باليوتيوب واتحمست له كثير !

حدا بيعرف وين بلاقي له DVD في ابوظبي وكم بكون السعر ؟

لأن هالنوعية من الافلام بالذات حرام تتنزل من الانترنت , لازم تنشاف Full Qlty على الـ32' HD :cooool:

صلاح على ما اضن كارفور او فيرجن ..
لو مافي اتريا كم اسبوع او اثنين و بينزل اكيد .. خاصتاً كارفور

 

[LOVER]

مع إني اشجع الحقوق الفكريه لول

بس اذا في خاطركم تشوفونه .. بنزله لكم على النت للتحميل

 

[BioMario]

لحظة يعني الوجو اصلاً انجليزي ..؟
إذا اللوجو انجليزي انا شفته ..

شباب الإمارات موجود في كارفور فلم راتاتوي ..

 

[ASWD]

من جد الفلم تحفة يمكن شفته للحين 4 مرات خلال3اسابيع..شكلي باخذ المدبلج بالعربي مثل ماعملت مع آيس ايج كانت الدبلجة توحفة

 

[itachi]

بكره أرجع الدوام وباشوف في جرير ... الفلم مست بالنسبه لي

 

[The Sinner]

ههههههههه الاسم خطيييييييييير

ماصارلي اسبوع شايف الفلم ويبيلي اشوفه بالمصري بعد احب افلام دزني بالمصري تطلع روعة

 

[s3rorh]

LOVER
نصيحة أخوية , اقرأ قوانين المنتدي مرة ثانية *اسمع صوت (تربك تربك) ركض قادم من بعيد !! وااو الإنفراكشنات جاية !!*

محتوى مخفي

وتسلى بهالفلاش وتخيل الحبيبات هي الانفراكشن وحاول تهرب منهم
http://games.0hot0.com/361.html
:yuck:

 

[Lunar Poet]

ههه رهيب الاسم! مع اني شايفه انجليزي الا اني أفضل دبلجة أفلام ديزني العربية على الانجليزية

MUST بالنسبة لي

!

مع إني اشجع الحقوق الفكريه لول

بس اذا في خاطركم تشوفونه .. بنزله لكم على النت للتحميل

همم، قوانين المنتدى تمنع هالشي .. لكن .. يمدحون الرسايل الخاصة

 

[Solay]

معروفه أفلام ديزني انها دايما متقنه بكل شي فلازم الدبلجه تكون متقنه..

 

[Snake-87]

الفلم روعة .. بس اتمنى الدبلجة تنزل بلو ري .. خصوصا انه العربي مو مدعم بالبلوري أبد