حادث مروري مريع جداً في موقفي الخاص .

[Noah`s Ark]

السلام عليكم و رحمة الله و بركاته .

الحمد لله , كل تأخيره و فيها خيره ..

في المكان و الوقت المعتادان الي اكون موقف سيارتي فيهما .

صار حادث فيهما مريع جداً بالنسبة حق حي , لكن سيارتي نجت من الحادث برحمة من الله .

بس اليوم اختلف الروتين , كنت رايح لإختبار القياس و الحمد لله اني اخترت هاليوم ...

صور من الحادث المروري :

​

 

[REDFOX-ZERO]

عسا ما مات احد ؟؟؟؟؟

الله يستر من زمن سرعه

 

[Snake-87]

الحمد لله على السلامة .. الله حفظك .

قبل اسبوع نفس الشي بالضبط صار معاي .
كل مرة اوقف سيارتي على الشارع بمكان محدد وسبحان الله ذاك اليوم جيت مبكر وقلت اقدم زيادة ؟ قلت خلني بمكاني .
وانا عند باب المعهد صار حادث وجيب صدم سيارة واقفة وانقلب الجيب والسيارة راحت فيها .. السيارة إلي راحت فيها قدام سيارتي مباشرة @@!
(ثاني مرة تصير لي بالمعهد ونفس الشي تقريبا)

 

[Aia]

اوف , هذا جوا حاره ولا شلون !؟

الحمدلله على السلامه .

 

[Burdegation]

الحمدالله على السلامه

على فكره كامرتك متقدمه يوم :whistle:

 

[Noah`s Ark]

الله يسلمكم جميعن !

هذي كاميرا ؟ هذا جوال اخوي الصغير :whistle:
​

 

[Majeed]

واو على اللي صار ._. ،،

رح صل ركعتين شكر .. ومرة ثانية لا تقعد دائماً بمكان واحد ولا أعدائك بيسهل عليهم اغتيالك >.> ..

 

[JOE]

واو عالمنظر ... الحمد لله عالسلامة

 

[Justice]

لووووول الحادث في نفس الحي الي انا ساكن فيه ويبعد عدة خطوات عن بيتنا هممم اخوي صور الحادث كامل.
ويقال ان صانع الحادث ولد عمره 14 سنة والله مشكلة.
والمعضلة الكبيرة انه الحادث في وسط حي يعني لوقلنا انه شارع سريع او شارع مفتوح كان قلنا اوكيه لكن
في وسط حي؟؟؟؟؟!!!!!!!!

 

[Dark soul]

^ ما ينرفزني كثر الي يسلم سيارة حق جاهل !
توه قبل كم يوم .. واحد مراهق غبي صدم سيارتي و انا موقفها جنب البيت ..

الله يكفينا شر الحوادث ..

 

[Lunar Poet]

آوتش! الحمد لله على سلامتك علي. عسى ما تعوّر أحد؟

شالسر في هالتقاطع >_>؟ كل يوم صاير فيه حادث أو مشكلة أو شي =/

 

[Noah`s Ark]

^
الحمد لله , الكورلا كان فيها رجل و ولدين راحوا المستشفى و ما ادري عن مدى جروحهم .

و راعي الكابرس سمعت نفس سالفة الشباب , انحاش من السيارة .

 

[McPhoto]

اليوم وأنا رايح بنزل اختي الصغيرة المدرسة... شفت آثار على الأرض، توقعت انه حادث عادي كالعادة.

أثر الحادث كان قوي، وهذا داخل الحي. الله يهدي أهل الولد اللي معطينه سيارة.:

قبل اسبوعين (في الإجازة)، كنت في دبي وموقف سيارتي بآمان عند البيت، وكانوا يعدلون الحي(انارة و اسفلت ووو ) صار لهم  ألف سنة (يا زعم انهم بيسون الحي حي نموذجي) وقبل لا ارجع بيوم اتصلوا علي وقالوا لي صدموا سيارتك و انحاشوا!!.:
تبا لهم، زين اني مأمن تأمين شامل .


عموماً الحمدلله على سلامة سيارتك

 

[Super Shadow]

حمد الله على السلامة

^ ما ينرفزني كثر الي يسلم سيارة حق جاهل !

من جد :sarcastic: !!

 

[Light]

ما ينرفزني كثر الي يسلم سيارة حق جاهل !

و الله هالأيام تشوف جاهل يسوق السيااارة وهو واقف...اصلا رجلة ما توصل للبنزين

 

[Purple Wind]

و الله هالأيام تشوف جاهل يسوق السيااارة وهو واقف...اصلا رجلة ما توصل للبنزين

أشوفها واجد... ما ليهم أحد يراقبهم.

 

[Aleix]

أهم شي الحمدلله على سلامتك ، وما كنت موجود وقت الحادث .