E3 جيم سبوت : أعطونا ألعاب، مش أفلام

[MaxPro]

كل شي لما يزيد عن حده ينقلب ضده هذا صحيح ، العاب مثل العاب كوانتيك دريم هي العاب مختلفة عن غيرها وهدف وجودها مش الجيم بلاي ابدا وما اظن هي المقصودة بالمقال اصلا .
لكن فيه توو موتش دراما حول هالموضوع ، الالعاب اللي من غير سينمائية ومقاطع اصلا موجودة وبكثرة ، السينمائية لبعض الالعاب ضرورة واعطتها قيمتها العالية في الاندستري
بالنسبة لي ما اشوف الموضوع بيق ديل اصلا ، مشكلة الجيمز هي العاب الكاجوال الرخيصة والعاب الموبيلات والمتصفحات وحتي الفبس
لكن الدراما المعمولة في كل موضوع لعبة فيها سينمائية ابدا مش منطقية ، في النهاية فيه ناس كثيرة عجبهم هالتوجه ، تبقي وجه نظر الكاتب يعبر عنها .

 

[Al Pacino]

Crysis 3, for example, will likely be full of free-form action, but the focused presentation kept the pace moving quickly, without hinting at the flexibility you expect from the franchise. The same could be said for Tom Clancy's Splinter Cell: Blacklist,

بالضبط!!! المشكلة مو من هالالعاب، المشكلة بـ تقديـــــم هذي الالعاب بالمؤتمرات والترايلرات .. تركيزهم وقتها يكون سينمائي بحت .. "كلامي هنا عن سبلنتر سيل وكرايسس"
بينما أي شخص لعب كونفيكشن و كرايسس 2 مهما شاف من سينمائية هو الريدي واثق من مستوى الجيم بلاي لأنه مجرب هالشي من قبل.
زي ماشفنا بترايلر توم رايدر بمؤتمر مايكرو! الشباب على طول تحطموا من الي شافوه بعرض 5 دقايق كان مليان اكشن بينما بعرض آخر رجع حماسهم للعبة :\


المشكلة مو من هذي الالعاب .. المشكلة من الـPresentations .

بالنهاية مثل ماقال ناصر:

أنا اقدر استمتع بكل الانواع

.

 

[DEMON]

افتراضي

واااااااااااو أخيرا احد تكلم ! وضع الجيل هذا مزري مزري بشكل فضيع , سيطرة الغرب خربت سوق الألعاب بألعاب مكجوله وسهلة الصنع جواد اف وار3 وجيرز وهيلو وكول اف ديوتي أكبر مثال

فين راحت العاب الأسطوريه زمان , أبي لعبه واحد في هذا الجيل تعوضني عن رزدنت ايفل4 وما لقيت

عزيزي ما أبي أنزل من قدرك صدقني ، لكن ردك هذا أكبر epic fail شفته من فترة وعيب ينكتب هنا .
وين راحت العاب الأسطورية زمان ؟
موجودة ، لكن لو الله يفكك من RE4 اللي مدخلتك بأنواع الأوهام .

GOW تكلمنا عنها كثير أتوقع ، سهلة الصنع ؟ منجدك ؟ أضحط عليك ولا أضحك عليك ؟

بعدين وش دخل HALO بالموضوع ؟ اللعبة مافيها سينمائية ولا QTE ، لعبة بعيدة عن الخطية ، أفضل شوتر موجودة بالسوق ومن الألعاب اللي محافظة على جوها ومستواها من عام 2001 .

فضلا وليس أمرا : فكر .. ثم أكتب

 

[Al Pacino]

^

ناصر، بعض الأحيان لو واحد من الي أقدّرهم رد على بعض الردود السخيفة يطيحون من عيني .. لاتتعب نفسك أرجوك وخل مقدارك عندي عالي.

 

[DEMON]

^

ناصر، بعض الأحيان لو واحد من الي أقدّرهم رد على بعض الردود السخيفة يطيحون من عيني .. لاتتعب نفسك أرجوك وخل مقدارك عندي عالي.

تسلم والله حبيبي
لكن سعود صدقني ، أنا لطالما كنت من الناس اللي يترك هالردود ويضحك عليها ، لكن الآن ما تحملت يا رجل .
وصلنا مرحلة من الردود مجرد رمي كلام بدون أي خلفية عن اللي نتكلم فيه ... ردود تستحي والله تشوفها بمواضيعنا .

 

[Brewmaster]

انا شفت رده وقلبته براسي يمين يسار ماش مافيه ذرة منطق :/
ايش تتوقع من واحد ماعرف الجيمنج الا مع ريزي 4 -_-

 

[Veeto]

المشكلة بـ تقديـــــم هذي الالعاب بالمؤتمرات والترايلرات .. تركيزهم وقتها يكون سينمائي بحت

المشكلة سعود من جيم سبوت وغيرها من ميديا الالعاب .. هم اجبروا المطورين في هالمؤتمرات على هالشيء
لو ما قدموا هالسينمائية ما بيعطيك جو مؤتمر وجو الابهار .. وهذا هم سبب فيه - ميديا الالعاب -

ارجع للذاكرة شوي من 2004 على الاقل وشوف ويش اكثر الالعاب اللي تسمع عنها منتظرة من المعارض وليش ينتظرونها وبتعرف السبب
اللي خلا شركات الالعاب تلجئ لمثل هالامور .. خصوصا في اي 3 .. اللي صار عبء على الصناعة في فترة من الفترات والكل كان متضايق منه ومن غلاوته

لو ميديا الالعاب محترمة نفسها وتعاملت باحترام ويا هالمعارض .. كنا ما بنشوف هالتوجه

كمثال بسيط .. كيل زون 1 .. ارجع شوف تغطيتها في كل المواقع
قاتلة هيلو .. وجرافيك ما شفنا نفسه في البي اس 2 .. و و و و .. وبعدين بطيخ
انزين انتوا قبل نزول اللعبة تمدحون الجرافيك والذكاء الاصطناعي وتبنون الهايب
بعد نزول اللعبة تشوفهم يسبون الجرافيك ويعطونه 6 او 7 !

=======

خارج النص .. اتمنى الحين الكل يعرف ليش سوني تعلن عن العابها بشكل دوري خارج المعرض
يمديها تستعرضها على راحة وتعطي فرصة للميديا بتغطيتها .. وفي نفس الوقت ما نشوف هالسينمائية اللي يتكلمون عنها

 

[www]

عزيزي ما أبي أنزل من قدرك صدقني ، لكن ردك هذا أكبر epic fail شفته من فترة وعيب ينكتب هنا .
وين راحت العاب الأسطورية زمان ؟
موجودة ، لكن لو الله يفكك من RE4 اللي مدخلتك بأنواع الأوهام .

GOW تكلمنا عنها كثير أتوقع ، سهلة الصنع ؟ منجدك ؟ أضحط عليك ولا أضحك عليك ؟

بعدين وش دخل HALO بالموضوع ؟ اللعبة مافيها سينمائية ولا QTE ، لعبة بعيدة عن الخطية ، أفضل شوتر موجودة بالسوق ومن الألعاب اللي محافظة على جوها ومستواها من عام 2001 .

فضلا وليس أمرا : فكر .. ثم أكتب

موجود ؟ وين الموجود الله يخلف ! كل السلاسل القديمه الي كنت أحبها زي دمك ورزدنت ايفل وفف والخ نزل مستواهم بشكل فضيع والسبب قرارات الشركات المعوقه ومؤخرا صاروا يحولوا الالعاب لأتجاهات سطحيه وبشكل غربي بحت بس على يمشوا العابهم على اكبر سوق العاب في العالم (الغربي) الي ما عندهم ذوق كلش :yuck::
, ولو نتكلم عن العناوين الجديده ألى اغلبها غربيه , حتى لو كانت ممتاز , تكرار وتشابه الألعاب طفشني , وما في ولا لعبه قربت جمب مستوى كامبين عند رزدنت ايف4 مافي ! يكفي أن اللعبه فازت بأقوى لعبه على مر التاريخ في منتدانا , هذه شهاده أعتز فيها :

هيلو تكرر نفسها بنفسها , الكامبين في ال1و2و3وreach كلهم نفس بعض , يحتاج أشرح لك السيناريو في الجيم بلى الي طفشنا منه؟ تمشي وياك فريق وبعد مرحلة سيارات وبعد مرحل زومبي وخلاص بالمختصر المفيد ما احس في شي جديد في الكامبين هو نفس الأعداء ونفس الأسلحه ونفس المراحل اللهم في أضافات خفيفه في الكامبين, كل أجزاء نفس الشي , أنا مخلصهم كلهم وعارف أيش قاعد أقول , الحسنه الوحيد في اللعبه هو الملتي بلاير الأسطوري , الكامبين من جنب وبقوه

رديت علي ولا ما رديت ما يهمني , أهم شي طلعت الي في قلبي

 

[Brewmaster]

موجود ؟ وين الموجود الله يخلف ! كل السلاسل القديمه الي كنت أحبها زي دمك ورزدنت ايفل وفف والخ نزل مستواهم بشكل فضيع والسبب قرارات الشركات المعوقه ومؤخرا صاروا يحولوا الالعاب لأتجاهات سطحيه وبشكل غربي بحت بس على يمشوا العابهم على اكبر سوق العاب في العالم (الغربي) الي ما عندهم ذوق كلش

سلاسل قديمة كنت تحبها مثل ريزي؟ كيف واذكر لك رد قديم تقول ان اول ثلاث اجزاء ما حبيتهم وما لعبتهم على وقتهم اصلا؟ بعدين دمك وريزي اسلوبها غربي وسوقها غربي,وفف ايش الغربي فيها؟

 

[m7tram]

هذا تعريف كلامي امس لما قلت ان المصممين تلزقوا بالافلام بشكل مبالغ ومقرف.

 

[Dark Master]

دايماً اشوف الألعاب اللي تقدم تركيز على الجيمبلاي والعالم واللفل ديزاين هي تجارب لنا وللزمن وحتثبت بذاكرتنا لفترة طويلة جداً ببينما التجارب السينمائية فهي ابهار وقتي ماحيطول كثير
مع ذلك الألعاب السينمائية ألعاب ممتازة جداً بس التركيز عليها زايد حبتين

 

[Veeto]

www

كل السلاسل القديمه الي كنت أحبها زي دمك ورزدنت ايفل وفف والخ نزل مستواهم بشكل فضيع

اسال نفسك ليش هالسلاسل (( اليابانية )) نزل مستواها .. واعرف من تلوم قبل ما تلوم السوق
السوق نفسه .. هو اللي خلا امثال هالالعاب تنجح من الاساس !!

ليش فاينل فانتاسي ناجحة عالميا .. ودراجون كويست مثلا ناجحة باليابان بس
هذا السؤال اللي كان لازم تساله نفسك .. هل هالالعاب حافظت على (( اساساتها )) وتطورت او لا

انت تنتقد الناس او الجانب الخطأ .. هل السوق اجبر كابكوم على تحويل ريزدنت من لعبة رعب الى لعبة اكشن ؟!
ناوتي دوج تثبت ليك العكس .. من انجح سلسلة اكشن في الفترة الاخيرة انتشارتد راحوا الى لعبة بقاء ورعب

المفترض هذا مسار ريزدنت .. ريزدنت اختارت كابكوم فيها اسوء الاشياء من 4 وبنوا عليها 5

مثل فاينل فانتاسي .. هم يفكرون ان الناس يحبون العابهم علشان العروض والسينمائية و القيمة الانتاجية ونسوا الاساس الرئيسي ليش تلعب الناس العابهم

هذي ما ليها علاقة بالسينمائية هذي ليها علاقة باتخاذ القرار في الشركة واستراتيجيتها ورؤيتها
لما يجيك واحد محشش يعتقد ان المراهقين في العالم يحبون شخصيات امثال تيدوس و فان
هذا اللوم مو على الناس .. عليه هو وتفكيره وعبقريته

او لما يطلع ليك مطوري سكوير ويقولون ليك احنا شلنا المدن علشان نركز على القصة وبلا بلا بلا
هذا الفرق .. الغرب على الاقل فاهم جمهوره ويش يبغي ويقدمه ليه

انا اروح بيرجر كنغ علشان آكل همبرجر .. واذا ابي آكل مندي اعرف وين المندي
لكن لو انا رايح لمطعم سوشي واشوف المنيو فيه .. همبرجر بريحة السوشي
اول كلمة بقولها

وبطلع .. ولا برجع ليه مرة ثانية .. لانه لا يعرف يسوي همبرجر
وما بيسوي سوشي فليش اروح ليه !

ويوم ثاني اسمع مدير المطعم يقول احنا غيرنا لان الناس كلها تحب همبرجر
اي ناس اللي يتكلم عنهم ما تدري

 

[www]

سلاسل قديمة كنت تحبها مثل ريزي؟ كيف واذكر لك رد قديم تقول ان اول ثلاث اجزاء ما حبيتهم وما لعبتهم على وقتهم اصلا؟ بعدين دمك وريزي اسلوبها غربي وسوقها غربي,وفف ايش الغربي فيها؟

ما اتكلم عن نفسي , اتكلم بصفه عامه , اللعبين القدامه صاروا يشوفوا داون جريد كبير في سلاسلهم المفضله في السابق ومثل ما ذكرت بسبب قرارات الشركات المعوقه

وبعدين أنا خلصت الريميك والثالث أما الثاني خلصت نصفه ووقفت لسبب ما مش لسوئه , يعني عندي خلفيه قويه عن السلسله

شوف دمك1 مثلا كانت موجه للجميع , لكن شوف دمك الجديده موجه للغرب فقط , في ناس كثيره كاره استايل اللعبه الجديد , ورزدنت ايفل شوف الرابع كانت موجه للجميع , لكن السادس على شان عيون الغرب المكجولين حولوها أكشن في أكشن أنا متأكد أن في ناس واجد غربين عاجبتهم توجه اللعبه الجديد وبنشوف مبيعات خرافيه لها وبسبب الذوق السيء في هذا الجيل

 

[MaxPro]

انا اروح كنغ بيرجر علشان آكل همبرجر .. واذا ابي آكل مندي اعرف وين المندي
لكن لو انا رايح لمطعم سوشي واشوف المنيو فيه .. همبرجر بريحة السوشي
اول كلمة بقولها

وبطلع .. ويوم ثاني اسمع مدير المطعم يقول احنا غيرنا لان الناس كلها تحب همبرجر
اي ناس اللي يتكلم عنهم ما تدري

:laugh::

 

[www]

www



انا اروح بيرجر كنغ علشان آكل همبرجر .. واذا ابي آكل مندي اعرف وين المندي
لكن لو انا رايح لمطعم سوشي واشوف المنيو فيه .. همبرجر بريحة السوشي
اول كلمة بقولها

وبطلع .. ولا برجع ليه مرة ثانية .. لانه لا يعرف يسوي همبرجر
وما بيسوي سوشي فليش اروح ليه !

ويوم ثاني اسمع مدير المطعم يقول احنا غيرنا لان الناس كلها تحب همبرجر
اي ناس اللي يتكلم عنهم ما تدري

لول

طيب , تخيل نفسك تحب اليتزا في مطعم بيتزا هات وهي أكلتك المفضله وأنت تكره الهامبرجر بجميع أنواعه http://im12.**********/2012-05-08/1336441950201.gif, وبعد مرور 5 سنوات , تشوف المطاعم غيرة أستراتيجيتها , تروح عند بيتزا هات وتبي تطلب بيتزا مشروم بقول ما في , وكل البيتزات صارت مدموجه مع الهامبرجر هذه الوجبه الغبيه الجديده http://im12.**********/2012-05-08/1336441950201.gif ويقولك الهندي هذه الموضة الاكل هاليوميا

تروح مطعم مندي , تشوف وجباتهم كلها رز أبيض مع هامبرجر فوقها , ويقول لك هذه الموضى
تروح مطعم جبادي , بسوي لك مرق بالهامبرجر ما عنده غيره فقائمة اللحوم
تروح مطعم معجنات وتبي لحم بالعجين بقول لك ما في ألا معجنات بالهمبرجر
بتروح محل ثياب بتشوف كل التيشرتات فيها رسمة هامبرجر
بتروح جهنم بتشوف همبرجر مشوي:sarcastic:

ولمن واحد مسكين يفتح مطعم بيتزا جديد بخلطة المشروم اللذيذه ! بقفل الطعم ثاني يوم من الذوق المعفن :yuck::

قسم بالله حتى الي يحب الهمبرجر بكره
هااا ؟ هل بيعجبك الوضع كذا ؟ :/

 

[Guerrilla Games]

أول ماشفت العنوان توقعت أن المقالة من كيفن .
البعض يقول أن السينمائية هي تقدم للصناعة , أتفق مع هذا ولاكن لا يعني لهذه الدرجة المقرفة . ألعاب مثل هيلو 4 , بايوشوك أنفنيتي تدفع الصناعة إلى أفاق جديدة . أما ألعاب مثل تومب ريدر , كول أوف ديوتي وغيرها الكثير , فهي ليست فقط لا تقدمه بل هي تشتته ليبتعد عن طريق التقدم . السينمائية هي عنصر أدخله المطورون لصناعة الألعاب ووضفوه لخدمة تجربة "اللعبة" ليس أكثر . جعلها العنصر الأساسي هو إنحراف عن الهدف الرئيسي للألعاب .
وبخصوص إتهام ريزي 4 بأنها من طينة هذه الألعاب بسبب الQTE فهو يذكرني باتهام الأسطورة سبيلبرج بأن أفلامه تجارية لأنها رائدة في مجال المؤثرات فكونك إستطعت أن تصل للهدف من خلال المؤثرات لا يعني أنها تشبه الأفلام التافهة الخارجة عن الهدف .

 

[the pain]

في ردود هنا يقشعر منها البدن

ناس تتكلم وتسوي نفسها فاهمه

 

[Raulioo]

واااااااااااو أخيرا احد تكلم ! وضع الجيل هذا مزري مزري بشكل فضيع , سيطرة الغرب خربت سوق الألعاب بألعاب مكجوله وسهلة الصنع جواد اف وار3 وجيرز وهيلو وكول اف ديوتي أكبر مثال

فين راحت العاب الأسطوريه زمان , أبي لعبه واحد في هذا الجيل تعوضني عن رزدنت ايفل4 وما لقيت

هذه لحظات الqte حرفيا مرعبه ">_>

حبايبك الغرب جابوا اذكى لعبة بهالجيل..بورتال 2 ، ليش الشركات اليابانية الموقرة ما اقتدت فيها رغم انها نجحت بشكل كاسح وراحت ورا الالعاب التعيسة او اللي فيها جوانب ه ما يفقهوا فيها ولا يعرفو يضبطوها "رحم امريء عرف قدر نفسه" فايش دخل الغرب اللي جابوا للساحة العاب من مختلف الاصناف !
==
أتفق جزئيا مع راعي المقال..الالعاب الي تبرع بالسينمائية ومش على حساب الجيم بلاي هنا استخدامها يكون فعال ، بينما ري6 واضح ان هي اللي استفزت كاتب المقالة عشان يحطها p=
اما عن ننتندو متأكد انها ما بتكون بعيد عن الركب بالعابها على الجيل الجديد..هي كان ناقصها القدرات التقنية والحين "بتظل أحسن" منهم لكن بالتأكيد بتمشي مع توجه السوق بكثير من منتجاتها..
ومثل ما قال محمد ، بيوند و هافي راين وفهرنهايت نهائيا مالهم صلة بالمقالة هذه !

 

[KAIN]

www

ارحم نفسك وسجل خروجك من المنتدى , خذ لك بريك و اشرب عصير و ارجع لنا , انت مش قلت جاد 2 لعبه اسطوريه و تحفه و الان ترجع تقول سيطرة الغرب خربت سوق الألعاب بألعاب مكجوله وسهلة الصنع , جاد 2 طورها استوديو سانتا مونيكا = مطور غربي ؟ , اذا مش عاجبك الجزء الثالث فهذا رأيك لكن مكجوله سيرسلي ؟؟؟ و بعدين هالو مكجوله ؟ , انا مش فان للسلسله و مالعبت غير هالو ريج لكن بعد تجربتي لها مستحيل تكون هالو لعبه مكجوله بل لعبه اسطوريه

 

[hussien-11]

اما عن ننتندو متأكد انها ما بتكون بعيد عن الركب بالعابها على الجيل الجديد

معليش بس وين الألعاب الي عرضتها ننتندو و كان فيها أشياء مثل الي تتكلم عنها ؟ أنا شفت بيكمن3 و ماريو بروس و ما كان فيهم أي شيء من هالخرابيط

من زمان و فيه تغييرات تمر بالألعاب أحيانا نشوف تركيز أكبر على الكت-سينز أحيانا نشوف تركيز على القصص الخ الخ

و ننتندو تصنع ألعابها مثل ما هي على مر كل هالسنوات، انت مخطىء جدا اذا تفكر انه هالشي بيتغير، ننتندو عندها مطورين محترمين و يعرفوا يصنعوا ألعاب حقيقية، مش محتاجين يجيبوا ضغطة زر تلعب عنك مثل غيرهم.

 

[Dexter]

معليش بس وين الألعاب الي عرضتها ننتندو و كان فيها أشياء مثل الي تتكلم عنها ؟ أنا شفت بيكمن3 و ماريو بروس و ما كان فيهم أي شيء من هالخرابيط

من زمان و فيه تغييرات تمر بالألعاب أحيانا نشوف تركيز أكبر على الكت-سينز أحيانا نشوف تركيز على القصص الخ الخ

و ننتندو تصنع ألعابها مثل ما هي على مر كل هالسنوات، انت مخطىء جدا اذا تفكر انه هالشي بيتغير، ننتندو عندها مطورين محترمين و يعرفوا يصنعوا ألعاب حقيقية، مش محتاجين يجيبوا ضغطة زر تلعب عنك مثل غيرهم.

هد الفانبويزم شويه!
فيه العاب كثيره طورتها نينتندو وكانت فاشله, واذا تقولي انهم ما جابوا لعبة كلها تضغيط واستهبال, اجيبك لك مثال واللي هي لعبة Wario: Smooth Moves , اللعبه كلها جيميكيس واستهبال وتضغيط!

ياخي فيه ناس يعظمون الشئ إلين يخلونه من عجائب الدنيا!!!

 

[hussien-11]

هد الفانبويزم شويه!
فيه العاب كثيره طورتها نينتندو وكانت فاشله, واذا تقولي انهم ما جابوا لعبة كلها تضغيط واستهبال, اجيبك لك مثال واللي هي لعبة Wario: Smooth Moves , اللعبه كلها جيميكيس واستهبال وتضغيط!

ياخي فيه ناس يعظمون الشئ إلين يخلونه من عجائب الدنيا!!!

ما تشوف انه أسلوبك وقح شوية و خاش عرض ؟ رجاء احترم نفسك لما تكتب رد و بالأول فكر بمحتوى ردك قبل ما تكتبه، المسألة ما هي استعباط و السلام

مادري ايش دخل واريو وير في أبو موضوع السينمائية و الـqte، شكلك تحسب ضغط أي زر = qte

 

[Dexter]

ما تشوف انه أسلوبك وقح شوية و خاش عرض ؟ رجاء احترم نفسك لما تكتب رد و بالأول فكر بمحتوى ردك قبل ما تكتبه، المسألة ما هي استعباط و السلام

مادري ايش دخل واريو وير في أبو موضوع السينمائية و الـqte، شكلك تحسب ضغط أي زر = qte

كيف وقح!؟
انا اتاسف اذا كنت وقح.
انا اتكلم عن نقطتك في نينتندو انها ما تصنع إلا العاب رهيبه وانهم يصنعون العاب رهيبه وحقيقيه!
وعلى فكره Shenmue هي اللي اخترعت الـ QTE و خلتها شئ اساسي, وهي اللعبه الوحيده اللي ادخلته بشكل ممتاز بجميع الاوقات!

 

[hussien-11]

انا اتكلم عن نقطتك في نينتندو انها ما تصنع إلا العاب رهيبه وانهم يصنعون العاب رهيبه وحقيقيه!
وعلى فكره Shenmue هي اللي اخترعت الـ QTE و خلتها شئ اساسي, وهي اللعبه الوحيده اللي ادخلته بشكل ممتاز بجميع الاوقات!

http://en.wikipedia.org/wiki/Reading_comprehension

 

[www]

حبايبك الغرب جابوا اذكى لعبة بهالجيل..بورتال 2 ، ليش الشركات اليابانية الموقرة ما اقتدت فيها رغم انها نجحت بشكل كاسح وراحت ورا الالعاب التعيسة او اللي فيها جوانب ه ما يفقهوا فيها ولا يعرفو يضبطوها "رحم امريء عرف قدر نفسه" فايش دخل الغرب اللي جابوا للساحة العاب من مختلف الاصناف !
!

الغرب مكجولين هذا لا يعني أنهم كلهم مكجولين , بورتال2 وهالف لايف2 من أفضل ما لعبت في حياتي , وأستديو فولف حاله أستثنائيه وعارف كيف يقدم ألعاب مميزه ومتطوره عن العب السوق المكجوله
وبعدين بالعكس العاب الغربيه ممتازه وتقدم جيم بلى محبوك بشكل رائع وواحد منهم هيلو , لكن المقصد أنهم مو راضيين يطوروا ألعابهم , دائما ألعابهم نفس الشي وخاليه من الأفكار , وماشغلتهم ألا يطالعوا اليابانيين ويسروق الفكره وينتسبوها لهم

 

[Brewmaster]

كيف وقح!؟
انا اتاسف اذا كنت وقح.
انا اتكلم عن نقطتك في نينتندو انها ما تصنع إلا العاب رهيبه وانهم يصنعون العاب رهيبه وحقيقيه!
وعلى فكره Shenmue هي اللي اخترعت الـ QTE و خلتها شئ اساسي, وهي اللعبه الوحيده اللي ادخلته بشكل ممتاز بجميع الاوقات!

من يقوله؟ :/

 

[Raulioo]

معليش بس وين الألعاب الي عرضتها ننتندو و كان فيها أشياء مثل الي تتكلم عنها ؟ أنا شفت بيكمن3 و ماريو بروس و ما كان فيهم أي شيء من هالخرابيط

من زمان و فيه تغييرات تمر بالألعاب أحيانا نشوف تركيز أكبر على الكت-سينز أحيانا نشوف تركيز على القصص الخ الخ

و ننتندو تصنع ألعابها مثل ما هي على مر كل هالسنوات، انت مخطىء جدا اذا تفكر انه هالشي بيتغير، ننتندو عندها مطورين محترمين و يعرفوا يصنعوا ألعاب حقيقية، مش محتاجين يجيبوا ضغطة زر تلعب عنك مثل غيرهم.

هو كم لعبة من الجيل الجديد اتطورت ؟ اتكلم على قدام لما ننتندو تبدأ تطور العاب واقعية وغير كرتونية بنشوف الـ QTE والسينمائية تستعمرها..وهذا مش حقيقة بل توقع مني ! ما في داعي نتسرع وندافع عن شي ممكن يتغير مستقبلا ؟ شركات كثيرة ما اتوقعناها بتلجأ لهالاسلوب من قبل والحين منصدمين من تقليدها الاعمى لغيرها ، مثل تومب رايدر و كرستال داينمكس

 

[Raziel]

السينمائية في الألعاب حالياً تذكرني بطفرة أفلام الأكشن في التسعينات، لدرجة وصلنا للمرحلة اللي تتشابه علينا الألعاب لول.
قمة متعتي في الفيديو جيمز لما تلعب لعبة بطريقة وفكرك الخاص، وتجي عند صديق تجده يلعب بطريقة فكر فريدة عنك! وتشغل اليوتيوب تجد شخص أيضاً يلعب بطريقة من عالم آخر، وتسأل كيف فلان وعلان فكرو بكذا وأنا فكرت بكذا؟ تبدأ وقتها تجرب استراتيجيات غيرك وتخلط فيما بينها حتى تطلع فورملا خاصة فيك وتراها مثالية. هالشيء عايشته بالضبط والتمام في ديمونز/دارك سولز.

أنا ما عندي مشكلة مع السينمائية، خصوصاً لما تجي كتجديد لنسق اللعبة ويحاول المطور يسوي set-piece يلائم التجديد ويضعك في مواقف معينة scripted، لكن تكون معظم اللعبة كذا وأحياناً المطور على باله يجدد ويعطيك مقطع لعب وهمي كل اللي تسويه تضغط السهم للأمام مثل انشارتد ومشهد الصحراء شيء ممل.

 

[hussien-11]

هو كم لعبة من الجيل الجديد اتطورت ؟ اتكلم على قدام لما ننتندو تبدأ تطور العاب واقعية وغير كرتونية بنشوف الـ QTE والسينمائية تستعمرها..وهذا مش حقيقة بل توقع مني ! ما في داعي نتسرع وندافع عن شي ممكن يتغير مستقبلا ؟ شركات كثيرة ما اتوقعناها بتلجأ لهالاسلوب من قبل والحين منصدمين من تقليدها الاعمى لغيرها ، مثل تومب رايدر و كرستال داينمكس

بورتال2 لعبة كرتونية ؟ المسألة يا صادق ما هي مسألة كرتونية او واقعية، و لكن كل مطور عنده فلسفة تصميم و توجه في ألعابه
لو كانت ألعاب ننتندو بتتغير كان تغيرت من زمان مع ظهور الكت-سينز في الألعاب و الحوارات و التمثيل الصوتي و القصص الطويلة و التكست اللانهائي الخ
الشركة عندها توجه واضح + مطورين عارفين ايش يسووا، التوجه التجاري الي انت تتكلم عنه ممكن تشوفه في لعبة أو لعبتين من الشركة مثلا
لو كانوا بيغيروا توجههم ما كان افتتحوا المؤتمر مع بيكمن و ماريو و ختموه بننتندو لاند، ضاربين عرض الحائط بكل الواقعية و السينمائية P: غير انه ألعابهم تبيع أكثر من غيرهم أصلا يعني ما هم محتاجين يغيروا أي شيء.

 

[Brewmaster]

نينتيندو مثال على ان الجودة والتوجه الواضح يفرض نفسه وما يحتاج تطمع بسوق غيرك لإن سوقك بين إيديك.