جدة مطر!

[Lord of Cinder]

الملك عبد الله الله يحفظه ويوفقه امر بصرف مليون ريال لكل اسرة متضررة

 

[The Bloodstains]

لو بيروت صارلها كذا كان السعودية رجعتها زي ماكانت في يوم واحد
ماقول غير حسبي الله ونعم الوكيل

خليهم يبنوها ويحرقوها ويبنوها مرة ثانية في يوم واحد. احنا مالنا؟! كفاية تعصب وتزمت وحركات أطفال.

 

[KOTSHY]

الله يستر جدة تمطر من جديد بس لحد الآن المطر خفيف

 

[F.JUBRAN]

^
المطر بعد فتره اشتد .. بس خلاص دحين وقف

 

[Wild Fox]

عندي احساس انها راح تشد
الجو ما يطمن ابدا

 

[Noah`s Ark]

عندنا المطر صار له 29 ساعة يمطر للحين ما وقف .
والحمد لله ما غرقت البلد :nerd:

 

[Akilla]

أليوم جا مطر خفيف في الرياض ع الصبحيه عندنا

بس توقف .. والجو شكله رهيييييب بس ابدا مايطمن خصوصا البرد اشتد هذا اليوم والشمس ماصارت تدفي زي امس

الله يديمه من برد

 

[SAM]

الله يستر عليكم يا اهل جده

 

[Solay]

أليوم جا مطر خفيف في الرياض ع الصبحيه عندنا

بس توقف .. والجو شكله رهيييييب بس ابدا مايطمن خصوصا البرد اشتد هذا اليوم والشمس ماصارت تدفي زي امس

الله يديمه من برد

سمعت ان الدفاع المدني يحذر من امطار غزيرة وسيول بالرياض بعد يومين.

 

[Nintendo]

 

[Akilla]

سمعت ان الدفاع المدني يحذر من امطار غزيرة وسيول بالرياض بعد يومين.

بالضبط سمعت هذا الكلام

الجمعه والسبت !! الله يستر

 

[JOE]

اوكي .... واو !!

 

[Saadawii]

خليهم يبنوها ويحرقوها ويبنوها مرة ثانية في يوم واحد. احنا مالنا؟! كفاية تعصب وتزمت وحركات أطفال.

إحنا مالنا؟ ما أدري إحنا أريتيريا والا كازاخستان؟ أعتقد من حق أي سعودي أنه يبدي وجهة نظره بمصاريف الدولة. بالإضافة، نقطة الإعتراض حسب ما فهمت أن جده مهملة من زمان، وهي بلدنا. أعتقد اللي يبي يقوله الأخ هو المثل اللي نقوله: النخلة العوجا بطاطها بغير حوضها.

يساعدون بيروت ما قلنا شي، بس ما يهملون أي مدينة هنا قبل كذا، ما تهمل جيزان وجدة والحدود الشمالية.

عموماً، أعتقد أن الأمور للفضل تسير الآن، كانت مأساة، لكنها لفتت النظر. الحمد لله.

 

[The Bloodstains]

إحنا مالنا؟ ما أدري إحنا أريتيريا والا كازاخستان؟ أعتقد من حق أي سعودي أنه يبدي وجهة نظره بمصاريف الدولة. بالإضافة، نقطة الإعتراض حسب ما فهمت أن جده مهملة من زمان، وهي بلدنا. أعتقد اللي يبي يقوله الأخ هو المثل اللي نقوله: النخلة العوجا بطاطها بغير حوضها.

يساعدون بيروت ما قلنا شي، بس ما يهملون أي مدينة هنا قبل كذا، ما تهمل جيزان وجدة والحدود الشمالية.

عموماً، أعتقد أن الأمور للفضل تسير الآن، كانت مأساة، لكنها لفتت النظر. الحمد لله.

كل مواطن له الحق ان يطرح وجهة نظره، بس مو كل مواطن له الحق ان ينقد نقد أعمى ما يطابق الحقائق والأخ الا قال "لو بيروت صارلها كذا كان السعودية رجعتها زي ماكانت في يوم واحد" اتوقع ان ما عنده دراية ان السعودية كحكومة مالها دخل في هالمشكلة. فالا يتحمل المشكلة في هذا الموضوع هي أمانة جدة. الحكومة رصدت مبلغ لكن أمانة جدة اسائت استخدامه، فهل نلوم الحكومة أو نلوم أمانة جدة؟

 

[BioHazard]

كل مواطن له الحق ان يطرح وجهة نظره، بس مو كل مواطن له الحق ان ينقد نقد أعمى ما يطابق الحقائق والأخ الا قال "لو بيروت صارلها كذا كان السعودية رجعتها زي ماكانت في يوم واحد" اتوقع ان ما عنده دراية ان السعودية كحكومة مالها دخل في هالمشكلة. فالا يتحمل المشكلة في هذا الموضوع هي أمانة جدة. الحكومة رصدت مبلغ لكن أمانة جدة اسائت استخدامه، فهل نلوم الحكومة أو نلوم أمانة جدة؟

امانه جده = الحكومه!!

 

[The Bloodstains]

امانه جده = الحكومه!!

كلام غير صحيح. الحكومة جسم مستقل، الأمانات كلها فروع للحكومة بس هذا ما يعني ان الأمانة ما لها أستقلاليتها.

 

[Jonas]

اخوي يقولي يوم الجمعه و السبت الدفاع المدني يحذر من سيول وامطار على الرياض , يعني بالعربي اسحبوا على دوام الجامعه P:

 

[Averroes]

كلام غير صحيح. الحكومة جسم مستقل، الأمانات كلها فروع للحكومة بس هذا ما يعني ان الأمانة ما لها أستقلاليتها.

أقرا هذا الكلام و تعرف أن المشكله من الحكومة

هنا

 

[Saadawii]

أخ بلودستينز، أعتقد أن عندك سوء فهم لكيان الحكومة.

وبغض النظر، أنا ما أعتقد أن توصيف الناس وتسفيه آرائهم وشخصياتهم شيء جيد، أو ممكن يثبت شيء إيجابي.

 

[KOTSHY]

ور لقيتها بمنتدى أخر

 

[Averroes]

^
^
شاليه الضنك :laugh::

 

[The Bloodstains]

أخ بلودستينز، أعتقد أن عندك سوء فهم لكيان الحكومة.

وبغض النظر، أنا ما أعتقد أن توصيف الناس وتسفيه آرائهم وشخصياتهم شيء جيد، أو ممكن يثبت شيء إيجابي.

الحكومة هيكل، والوزارات فروع من هالهيكل، واعتقد ان وزارة الشؤون البلدية والقروية هي المسؤولة عن البلديات ومنها تتفرع البلديات. فالأتصال بين البلديات والحكومة أتصال غير مباشر.

وثاني حاجة، انا ما همشت في رأي احد، كوني قلت "كلام مو صحيح" هذا ما يدل على اني تهجمت على شخص قمت اسفه فيه.

والمستند الا طرحه psn_boy_88 قلب القضية، ومدامهم راحوا إلى نايف بن سعود، فالله يصبر أهل جدة بس.

والسلام عليكم.

 

[Bakloyd]

الفقيه حزنني، الناس كلها قالبين عليه وهو مو السبب

 

[Jonas]

KOTCHY ردك ضيق صدري بصراحه
الي ما عنده ارتباط عمل في جدة المفروض يهاجر منها فوراً ! جدة شكلها عاجلاً ام آجلاً بتكون مكان غير مناسب للعيش

 

[Photon]

KOTCHY ردك ضيق صدري بصراحه
الي ما عنده ارتباط عمل في جدة المفروض يهاجر منها فوراً ! جدة شكلها عاجلاً ام آجلاً بتكون مكان غير مناسب للعيش

أربع سنوات من الغربة .. اثنين منها في الشرقية علمتني الحقيقة هذه و أنا الآن أعيش هذه الحقيقة .

تبغى تعيش كآدمي ، كإنسان =/= مدينة جدة .

 

[HAL-9000]

^
عبد الرحمن بالله عليك لا تبالغ.
المشكلة إن في ناس كثير هنا برا جدة راح يتوقعوا إن جدة عبارة عن زبالة. وأنا أقول إن جدة مدينة جداً رائعة لكن الأمانة حقها سيئة. وباذن الله مع اللجنة اللي شكّلها الملك الله يحفظه, كل الأمور راح تتعدل. وأنا عندي أخويا الكبير حالياً مقيم في الدمام ودرس فترة في بريطانيا والأردن. لكنه مايبالغ في كلامه عن جدة زيك.

 

[Lord of Cinder]

اخيرا الملك عبد الله سجن 7 موظفين بالبلدية

 

[Photon]

^
^
أنا أقدر أتفهم كونك تحب جدة محمد و كل واحد ينولد في أي مكان في العالم إن شاء الله لو في قلب الصحراء الكبرى راح يحن في يوم من الأيام لمكان ولادته لو إبتعد عنه فترة بسيطة .

لكن أبغى أعرف فين المبالغة في كلامي ؟ .. أنت عاجبك حال جدة محمد ؟ .. طالع بمنظار واقعي و إترك عاطفتك شوي على جنب .

يعجبك لما تطلع بسيارتك و تسوق في جدة أنه سيارتك تتكسر مع المفاجآت بالطريق من حفر ، عوائق ، مطبات ، حفريات بكل مكان بشكل يرثى له ؟

يعجبك لما تبغى تروح تطلع جواز سفر و تدخل مبنى الجوزات اللي منظره كأنه بيت شعبي و الناس محشورين فيه حشر ؟

يعجبك الحال لما المويه تنقطع من بيتكم و ماتوصل في وقتها عشان يجبروك تجيب وايت موية و شوف الحالات المأساوية و الإنسانية اللي تشوفها في عين العزيزية من تدافع الناس هناك و بعضهم يرسلوا سواقينهم من الساعة ٩ الصباح و يقعدوا إلى الساعة ٧ بالليل عشان يجيبوا وايت موية ؟

عاجبك التلوث و القرف اليومي و الإزدحام في الطرقات و الإختناقات المرورية و التعطيلات اللي تصير للواحد عشان يوصل للمكان اللي يبغاه ؟

عاجبك كثرة العمالة المتخلفة عندنا و المنتشرين بالشوراع و في كل مكان و الأحياء العشوائية اللي ساكنين فيها ؟

عاجبك المطار الزحمة و الصغير هذا و كمان يجيك موظف الحجز حاط أخلاقه بخشمه و قرفه كله على دماغك و تخرج و تلقى سيارتك مسحوبة من الونش و أنت موقف في المواقف اللي دافع فيها ريالين للساعة و بدون أي سبب منطقي ؟

حتى لما تبغى تخرج للبحر بالصباح و تقول تبغى تشم هواء ربك على البحر ما تشم لك إلا روائح تسد النفس و أنت فاهم إيش قصدي الله يكرمك .

محمد طالع للواقع أرجوك .. جدة ما فيها متطلبات الحياة الأساسية الإنسانية نهائياً و لا تقنعني أنها مدينة جميلة بأي حال لأنه عالمك اللي حولك يقول العكس .

لا تقول لي نفتح مقارنات مع دول برا لكن أطالبك أنك تاخذ لك لفة على الرياض و الشرقية بس .. يعني مو معقول اللي يصير .

حبك لمدينتك اللي عشت فيها محمد و الواقع الحالي شي ثاني فلا تخلط بينهم و صدقني أنا فاهم اللي تبغى توصله لي لكن ما أنكر هذا كله و أقول كل شي تمام و بخير و أتعامى عن الواقع .

 

[HAL-9000]

^
أغلب اللي قلته كانت أمانة جدة هي السبب فيه. لذلك ندعي ربنا إنهم يتعدلوا بعد الاجراءات اللي راح يتخذها الملك عليهم.

 

[Photon]

^
ندعي و نقول يارب تكون نقطة تحول في تاريخ جدة المؤلم .