Lord of Cinder
True Gamer
الملك عبد الله الله يحفظه ويوفقه امر بصرف مليون ريال لكل اسرة متضررة
لو بيروت صارلها كذا كان السعودية رجعتها زي ماكانت في يوم واحد
ماقول غير حسبي الله ونعم الوكيل
أليوم جا مطر خفيف في الرياض ع الصبحيه عندنا
بس توقف .. والجو شكله رهيييييب بس ابدا مايطمن خصوصا البرد اشتد هذا اليوم والشمس ماصارت تدفي زي امس
الله يديمه من برد
سمعت ان الدفاع المدني يحذر من امطار غزيرة وسيول بالرياض بعد يومين.
خليهم يبنوها ويحرقوها ويبنوها مرة ثانية في يوم واحد. احنا مالنا؟! كفاية تعصب وتزمت وحركات أطفال.
إحنا مالنا؟ ما أدري إحنا أريتيريا والا كازاخستان؟ أعتقد من حق أي سعودي أنه يبدي وجهة نظره بمصاريف الدولة. بالإضافة، نقطة الإعتراض حسب ما فهمت أن جده مهملة من زمان، وهي بلدنا. أعتقد اللي يبي يقوله الأخ هو المثل اللي نقوله: النخلة العوجا بطاطها بغير حوضها.
يساعدون بيروت ما قلنا شي، بس ما يهملون أي مدينة هنا قبل كذا، ما تهمل جيزان وجدة والحدود الشمالية.
عموماً، أعتقد أن الأمور للفضل تسير الآن، كانت مأساة، لكنها لفتت النظر. الحمد لله.
امانه جده = الحكومه!!كل مواطن له الحق ان يطرح وجهة نظره، بس مو كل مواطن له الحق ان ينقد نقد أعمى ما يطابق الحقائق والأخ الا قال "لو بيروت صارلها كذا كان السعودية رجعتها زي ماكانت في يوم واحد" اتوقع ان ما عنده دراية ان السعودية كحكومة مالها دخل في هالمشكلة. فالا يتحمل المشكلة في هذا الموضوع هي أمانة جدة. الحكومة رصدت مبلغ لكن أمانة جدة اسائت استخدامه، فهل نلوم الحكومة أو نلوم أمانة جدة؟
امانه جده = الحكومه!!
أخ بلودستينز، أعتقد أن عندك سوء فهم لكيان الحكومة.
وبغض النظر، أنا ما أعتقد أن توصيف الناس وتسفيه آرائهم وشخصياتهم شيء جيد، أو ممكن يثبت شيء إيجابي.
KOTCHY ردك ضيق صدري بصراحه
الي ما عنده ارتباط عمل في جدة المفروض يهاجر منها فوراً ! جدة شكلها عاجلاً ام آجلاً بتكون مكان غير مناسب للعيش