جاكم الإعصار ما شي يعيقيه -- Sony BRAVIA X Series !

[Humam]

كشفت سوني عن أحدث موديل من أجهزة التلفزيون BRAVIA .. بعد الXT الS و الV يأتي الإعصار الإعصار.. X Series !!

الBRAVIA X Series مختلف عن الي شفناه في السابق, أو بمعنى آخر, راح ينسينا إنه تلفزيونات برافيا صدرت اصلا, لأنه البرافيا الحقيقي يبدا مع الX..

مزود بمحرك إضافي غير الWega والبرافيا العادي, المحرك اسمه BRAVIA ENGINE EX..

الشي الثاني, فتحتين HDMI, فتحتين Component, ثلاثة فتحات SCART, و فتحة HD15 PC !!

لول نسينا الشي الأهم .. التلفزيون راح يدعم ال1080p تبغوا تشوفوا شكله كيف ؟ من عيوني :

إعصاااااااار لول .. طبعا سوني راح تعرض الموديل في CEBIT 2006 هذا الأسبوع ..

استعنا على الشقا بالله, أخيرا لقينا تلفزيون النكست جنريشن, مين راح بدا التحويش معاي ؟

 

[Tomb raider]

واو -__-
همام حطمتنب لأني كنت ناوي عالبرافيا الموجود الحين
وأكيد هذا بتلقاه ب20,000 درهم
T-T روعه شكله !

تعديل: راح بدا التحويش معاي ؟
انا ان شاء الله بس اذا كان سعره معقول

 

[Humam]

لول عزوز الصبر زيييييييين ..

الأسعار لسة سوني ما أعلنت عنها, بس ان شاء الله تكون جيدة, أنا راح أكون متوازن, ناوي على 26 بوصة حجم مناسب و السعر أكيد بيكون أرخص من الأحجام الكبيرة..

 

[Tomb raider]

الصبر زين هاه
اصلا انا من الحين قاعد اجمع (احوش) وياك
وانا ناوي عليه بعد ما اشتري الرفلوشن
يعني تقدر تقول بعد سنه

 

[Khalid-S]

لوووول غباء جديد من سوني ,, شباب صدقوني اصبروا بعد ما ينزلونه شهرين وبينزلون واحد مو EX بيكون Super EX خخخخخ ...

احتمال كبير يكون تلفزيوني للجيل القادم ,, طبعا بعد فتره طويله بشتريه -_- الله يخلي لي ابو جرند.

 

[BioMario]

استعنا على الشقا بالله, أخيرا لقينا تلفزيون النكست جنريشن, مين راح بدا التحويش معاي ؟

انا معاك ^^"..

ناوي عليه نيه ان شاء الله ..
نبية ينعرض رسمياً و نشوف بكم سعرة ..
او احتمال انتظر شركة سامسونج تنزل تلفزيونها ابو 1080p وبيكون بأحجام عادية ..
لأن اسعارها معقولة و جودة عالية ..

 

[Ginko]

شخصيا انصح الى لسه ما شرى شيء انه يصبر افضل له..

لان معروف التقنيه تتحسن مع الوقت فانتظروا..

 

[king zell]

تمام هذا التلفزيون شكله هو الأفضل للآن بدون منازع


لكن شباب تو الناس زي ما قلتوا.. بلاي 3 باقي عليه شهور.. و يمكن نبدأ نفكر نشتري هالأشياء بعد سنة من الآن

 

[ASWD]

لوووووووووووول وربي زاحف بقوة بس ما ادري الشكل وش يبي احس الفآت الاولى احلى وهذ شنو اللي يشبه لفريم اللي يحيط بالشاشة؟ -ــ-

الله يغنينا بغناه ونشتريه بعد مدة من نزوله

 

[kInGsIzE]

حلو لكن ماله داعي نشتريه الحين ولسا ما شرنا شي من ااجهزه الجيل الجديد ..


انا بشتريه بعد ما اشتري الريفو و البلاي 3 بسنيتن على ما اقدر اوفر قيمته :bigSmile:

 

[Humam]

شباب التلفزيون لسة ما نزل .. أكيد الكل ماراح يشتريه أول ما ينزل, لأنه لسة ما ندري البلاي ستيشن 3 متى بيصدر و حتى اذا عرفنا يمكن مو الكل يشتريه أول ما يصدر ( السعر + اللنش تايتلز ) .. بس حاليا هذا الجهاز إلي انا قانص عليه .. يجي أحسن منه يا مرحبا بس ما يكون سعره غالي

 

[الــخــــارق]

التلفزيون ممتاز جدا
من سوني + بريفيا انجن + يدعم 1080p

نشوف سعره..

 

[Final Fantasy]

ماني معذب نفسي بالتفكير في التلفزيونات اليديدة للنيكست جينريشن الا لما أحصل لي على جهاز نيكست جينريشن حقيقي ... ساعتها يصير خير و بنفس الوقت تكون أسعار التلفزيونات نازلة أو فيه موديلات متطورة و أفضل .

 

[Torpedo]

تلفزيون جديد بمروحة