تفاصيل المشكلة اللي صارت للمنتدى

[king zell]

بسم الله الرحمن الرحيم


اللهم أجرنا في مصيبتنا و اخلفنا خيرا منها

اللي صار يا شباب ما كان غلطة أي شخص معين.. لكن سبحان الله ما أدري لأي سبب من الأسباب يكون في شخص يحقد على موقع بهالطريقة عشان يسوي مثل هالعملة..

بقول لكم اللي صار بالضبط قبل يوم و أحطكم بالصورة..

شخص ما استطاع انه يدخل لوحة التحكم الخاصة بالمنتدة مرتين.. كل مرة فيهم سرق الكلمة السرية الخاصة بواحد من الSuper Mods اللي بالمنتدى و هم اللي لونهم أخضر.. و من خلالهم حاول يسوي أشياء معينة من لوحة التحكم..

أول شي طبعا دخل اللوحة و حاول يطردني.. لكنه ما قدر لأني الAdmin.. بعدها طرد العضو Dragonwarrior و طلع من لوحة التحكم..

راح و رجع دخل لوحة التحكم عن طريق مراقب ثاني.. طبعا هالمرة مباشرة (شكله تعلم الطريقة) دخل على خاصية حذف المواضيع و اختارهم كلهم و حذفهم دفعة وحدة.. هذي خاصية تستخدم لحذف المواضيع القديمة احيانا.. و للأسف Vbulletin مسويها متاحة للمراقبين و لا أدري للآن ايش الحكمة منها..

المهم حاولنا نعمل باك اب مرتين لكن انتهى الأمر في الأخير لأن المنتدى تعطل و كنا راح نحتاج مدة طويلة عشان نصلحه .. يعني أيام المعرض المهمة كلها بتفوتنا.. لذلك قررنا الشي الأفضل و هو اننا نمسح قاعدة البيانات و نبدأ من جديد.. و كان قرار ممتاز خصوصا و إن اليوم كان في أكثر من 100 عضو أون لاين ينتظرون افتتاح المنتدى..


كان ودنا نعرف مين هو اللي قام بهذي الفعلة القبيحة.. قدرنا نحصل الIP الخاص فيه لكن للأسف هذي الأرقام تتشابه كثيرا في السعودية.. لكن الIP كان مشابه لمجموعة تقريبا عددهم 10 من المنتدى و راح يكونون تحت الرقابة.. أيضا بنحاول نتعرف عليه ان شاء الله في الأيام الجاية..

من ناحية الأمان في المنتدى.. بنلغي خاصية الحذف ان شاء الله نهائيا و سيتم تعديل خصائص المراقبين بشكل أفضل.. و أتمنى منكم شباب إنكم تحافظون على الكلمات السرية و تغيرونها باستمرار و لا تختارون أرقام سهلة..


نعتذر لكم مرة ثانية احنا جميع أفراد إدارة ترو جيمنج عن اللي صار و نوعدكم اننا نحاول زيادة الأمان في المنتدى عشان ما تصير هالحادثة مرة ثانية..

و أولا و أخيرا احنا مجموعة هواة نحب ألعاب الفيديو بشكل كبير جدا و فتحنا هذا الموقع لنا و لأخوانا من هواة ألعاب الفيديو للإستفادة و الإستمتاع بها بطريقتنا الخاصة..


و نكرر الأسف مرة أخرى للجميع

 

[Final Fantasy]

والله يا محمد يالي عمل هالعملة انسان وقح و حقير و لا يستحي و قلبه مريض و ملون باللون الأسود الله لا يسامحه ,,


على باله أنه راح يضايقنا بمسح المواضيع و عمل هالخربشة في المنتدى ؟


لا أدري شنو يالي استفاده من هالعملة يعني .. برد النار المشتعلة في صدره !!


بالعكس النار الحين راح تولع زيادة برجوعنا كالسابق و لا كأن شيئا حصل ,,


على كل حال الحمدالله على السلامة و انشاءالله ما تتاح الفرصة مرة ثانية لهالأشكال المريضة أن تعكر علينا الجو .

 

[hbk110]

ما يحتاج تعتذر أصلاً لأن الغلطه مو غلطتك والله يوفقكم والحمدلله رجع المنتدى وتم تغطية جميع
المؤتمرات وأتوقع قله اللي فاتتهم التغطيه و يوجد لها ملخص في الموقع ..
أتمنى من الله أن يشفي هالمريض ويحاسبه

ملاحظه: أنا أرسلت لك من كم ساعه رساله خاصه ياريت وتشوف طريقه أفضل يتم تنبيه العضو بأن وصلته رساله

 

[Pegaso]

الله يهدي يلي عمل هالعملة..
يعني بصراحة ماني فاهم شو السبب...لهذه الدرجة وصل حقده وكرهه الأعمى؟؟
بالتأكيد هالشخص إما تافه أو مريض نفسياً...الله يشفيه..
عالعموم الحمد لله على عودة المنتدى..وشكراً لكل القائمين عليه على هذا المجهود الجبار

 

[Hatake Kakashi]

تسلم على مجهودك الكبير أنت و الأخوة المشرفين و إذا أقدر أساعد بأي طريقة ممكنة أنا حاضر و أنا متأكد إن كل الأعضاء يكنون نفس الشعور
والله هالنوع من البشر يضحكني و إذا يقدر يقرأ كلامي الحين حبيت أنصحه بكم مستشفى نفسي يمكن يقدرون يساعدونه

 

[Az(e)z-N]

الله يأخذ من كان السبب ويا محمد لاتعتذر ولا شيء..مثل هالشيء يحصل كثير وكل شخص له حسابه يوم الحساب..المهم الآن هو أنه اي موضوع كبير في المنتدى ياريت تنسخه عندك بجهاز على اي فايل لأنه مثل هالأشكال شكلها متعوده على فعل الحرام..

لاكن على ما اظن انه قواعد البيانات موجوده في الجداول بسيرفر الموقع وتستطيع انك ترجعها بكاملها هذا إذا ماكنت حاذفها بالأساس

 

[Koshiro]

راح يشوف الغبي هذا....

 

[Khalid-S]

اولاَ الحمد لله ان المنتدى رجع والاعضاء موجودين ويتابعون المنتدى مع انه اكثر من مره تعطل

ثانياَ .. الانسان الي عمل هذي العمله صدقوني يا شباب ان عنده مرض نفسي ,, وما فراسه شي في حركات الهكرز بس تعلم له كم شي وجاي يسويلي فيها هنا .. الحين هو ايش استفاد بالضبط ؟؟ باك اب ويرجع كل شي كما كان وما كسب الا الاثم عند رب العالمين

شباب,, الانسان المثالي دائما تلاقي حاقدين له .. هذا الي صار هنا ,, ترو جيمنج له سنه فقط والمنتدى عرفوه اكثر الناس قبل كم شهر بس .. وجا واحد بس من الحاقدين وسوا الحركه القذره هذي ..

الله لا يوفقك الي عمل العمله هذي لا في الدنيا ولا في الآخره ..

 

[msm]

ماودي أظلم أحد ..بس يمكن من أحد الأعضاء المطرودين في السابق ..

 

[Torpedo]

اوف .. الحمد لله حسبت عرفتوا انه انا السويت هالعملة .. .

 

[Xavi]

الله يشغله بنفسه ..

ولا يوفقه لا في دنيا ولا في اخره

 

[ASWD]

لا حول ولا قوة اللا بالله

يعني الواحد اذا كان يفهم في امور الأختراق وما شابه خله يسخر نفسه في اختراق المواقع المنافية لديننا والمعادية للمسلمين مثل المواقع الصهيونية والمواقع الاباحية

مو يقوم باستخدامها ضد اخوانه المسلمين

ومايحتاج تعتذر اخوي محمد لأن المشكلة خارجة عن ارادتكم

والله يعطينا خيره ويكفينا شره

 

[we6fe]

أهم شيء إنه المنتدى عاد من جديد وشغال 100%

ودام إنه طرد dragon warior معناته أكيد واحد في بينه وبين دراجون مشاكل قديمة او شبه ذلك ، والله أعلم

 

[Nintendo]

يارب دعوة شخص مظلوم انك تنتقم منه بفيروس في جسمه يخليه يبطل ذي الحركات . ويكون مثال وعبره لاشخاص مثله انفسهم ضعيفه وحاقده يارب ..

 

[ahmed_cube]

الحمد لله على كل شيء و ان شاء الله يكون المنتدى هذه المره 100% من جميع النواحي ..

و مشكورين على جهودم و الله يعطيكم الف عافية و بالتوفيق و الى الامام دائما ....


اخوكم احمد .

 

[x-virus]

الله يصلحه
المعتوهين و المجانين زادوا هذه الايام

 

[Uzumaki Naruto]

فضاوة الهكرز وما تسوي -__- ..

 

[rubso]

زيل اكتب لي الـ IP للشخص اللي سوا هالحركة

 

[Sir Doyle]

هذا أكيد واحد من أعداء زيل ..... و إذا كان من الحاقدين على زيل فهو أكيد حاقد على الننتندو(لول تحليل رهيب)........
زيل كم مرة قلت لك لا تسوي مشاكل مع الأعضاء :razz:

الحمد لله أن المنتدى رجع كما هو الآن والله يعطيك العافية يازيل على هذا المجهود

 

[szero]

ناس فاظيه تبي تثبت وجودها

 

[Uzumaki Naruto]

ناس فاظيه تبي تثبت وجودها

اعتقد انه اثبت وجوده -_- ..

 

[Gaara]

تفكيره على حد عقله ...

 

[The_One]

ناس مريضة نفسياً وفيها عقدة النقص ....


زيل حط لنا رقم أيبي الشخص الي سوى هالحركة وانا اوريك فيه

 

[Naif]

np زيل ^^

ما اعرف صراحة شو استفاد هذا الحين ؟

 

[Ash]

ناس حاقده من جد , على شنو مادري يعني الموقع و المنتدى للجميع على شنو يحقد ؟

الله يبيده eeved:

 

[Hardcore Gamer]

مدري شستفاد الحين ~_~

الحين المنتدى رجع ولا كان صار شيء.. وتلقاه مولع الحين ... لانه ما استفاد شيء

(( اذا ارتفعت قدرك كثر احقادك )) << الخص كلامي بهالجمله وانتم افهموها

 

[Zeyad]

الحمدالله ان المشكلة انحلت...

وارجوا من الادارة الموقره ..
ان تضرب بيد من حديد لكل من تسول له نفسه بأن يعمل هذا العمل

 

[Mario2]

فعلا ..المفروض ما تعتذر لانها مش غلطتك ..بالعكس ..المفروض نشكرك ونشكر كل الي تعب من اجل ارجاع المنتدى ..^___^..

فعلا ..المفروض يكون بقسم الامراض نفسيه ..قسم الهكرز لوحده..><"..

 

[Torpedo]

وين فرقة مكافحة الارهااااب ؟ ؟ ؟ ؟ ؟

همااااااااااااااااااااااااااااااااااااااااااااااااااااااااااااااااااااااااااااااااام

 

[The Heartless]

لا تعتذر أخوي زيل الغلطة مو غلطتك بالعكس المفروض أحنا نشكرك على تعبك على هالموقع الرائع وزين أن المشكلة ماطولت أكثر

والي صار ماراح يأثر فينا لأنه انشالله في E3 2006 إذا الله كتب لنا انا نعيش راح نتذكر هالحادثه ونقول تذكرون الحمار الي حاول يخرب المنتدى قبل سنه صج أنه متخل هههه ونضحك عليه وهو مايستفيد شي