Valtr
Master of The League
الأيام هذي رجعت العبها ورأيي ما تغير كثير، لازلت أشوف عيوبها مزعجة؛ أجوائها ما تناسبني مع كثرة اللقطات والمؤثرات البصرية الي يستعملونها لكن حبيت الأكشن والتصويب فيها أكثر حتى بدأت أشك أن روكستار نست كيف سوت حاجة مثل كذا&، ولو أن للأمانة مع أن في تشابه مع العابهم الي بعدها GTAV و RDR2 لكن في إختلاف لأن ماكس باين 3 أركيدية أكثر وخفيفة وتركز على الأكشن بشكل كامل وبس تمد القير قدام تشوف البطل يهرول و تحس كل شيء مبني على التصويب. يمكن الحاجة الي تتفوق فيها على العابهم كلها ومو مهم إذا واقعي أو أركيدي هو التصويب نفسه (Aim)، هنا متقن أكثر وما يزعجني مثل بعض الأحيان مع RDR2 وحتى وقت تطلق بدون ما تصوب متقنه بشكل أكبر وممتازه.
ردة فعل الأعداء للرصاص الممتازة والتفاصيل الرهيبه مثل تحطم البيئة والأشياء الي تحتمي وراها وأثار الطلقات على الأعداء موجودة في اللعبة مثل بعض العابهم الثانية، لكن يوم تفكر فيهم مع كل شيء ثاني تقدمه اللعبة مثل لحظات الأكشن والمواجهات الممتازه تحس جد حطوا مجهود في كل الجوانب الي تخليها ممتازة كلعبة أكشن.
فريق ماكس باين الأصلي Remedy بيسوي ريميك للجزء الأول والثاني وممكن ما نشوفهم إلا وقت الثالث يكمل 15 سنة ومن لعبي لكونترول وكوانتيم بريك فما أتوقع أصلًا يقدمون مستوى مثل الي قدمته روكستار قبل سنين طويلة.
التعديل الأخير:
