تجربتي مع خدمة World-Ship من Shopgates

[haMod07]

بسم الله الرحمن الرحيم
في البداية كنا خايفين جداً إن تكون الشركة نصابة أو تلعب علينا ..الـخ
فشفت ناس جربوها .. قلت نجرب الخدمة ليش لأ
هذي صفحة الخدمة :
http://www.shopgates.com/world-ship
رسوم الاشتراك العادي : 100 ريال مدى الحياة
رسوم الاشتراك البلس : 225 ريال سنوياً !
وممكن تشوفوا مميزات الخدمتين في صفحة الخدمة
أنا اشتركت في العادي لأن طلباتي من النت تنعد على الأصابع ..
بعد مادفعت لهم باستخدام الPayPal وصلني الاشتراك والعنوان
مرت 12 ساعة ووصلني الاشتراك والعنوان !
طلبت من أمازون لعبيتن : Resident Evil 5 و Burnout Paradise و فلاش ميموري سعة 4 جيجا ..
وبعد 4 أيام وصلوا الصندوق حسب التراك نمبر الي عطوني اياه امازون ..
وصلوا الساعة 10 بتوقيت السعودية ..
قعدت الصبح شفت رسالة واصلتني على بريدي :
نفيدك بوصول شحنة أو أكثر إلى صندوق بريدك ..
وطلبت منهم اعادة تغليف الشحنة ..
كان سعر الشحن قبل اعادة التغليف 28 $ , 105 ريال سعودي
بعد التغليف صار سعر الشحن : 12 $ , 45 ريال سعودي فقط لا غير !
وبعد ماأعادوا تغليف الشحنة طلبت منهم يشحنوها بالضغط على طلب شحن ..
وسددت بخدمة Google Chakeout لأن خدمة الPayPal غير متوفرة في هالوقت ..
بعد يوم من تسديد المبلغ وصلتني رسالة من Ups ان في شحنة راح توصلني من أمريكا ..
شركة الشحن هي : UPS شركة شحن عالمية .. توصل في 3 أيام
ننتظر ونشوف الشحنة كيف ادا وصلت
هل مثل أرامكس نشوف الكرتون مكسر حالته حالة :whistle:
وبارويكم صورة الشحنة ادا وصلت

ملاحظة : الولاية الي فيها الصندوق مافيها ضرائب .. عكس أرامكس
​

 

[Snake-87]

آرامكس أرخص عندنا بأول نص كيلو , شدعوة 12$
كل نص كيلو أرخص بـ200 فلس

 

[TIAMAT]

^
إنت ما تعرف إحنا كيف نعاني مع أرامكس بو 87 :
أول نص كيلو ب 65 ريال :spy: نصب عيني عينك :spy: لا وكمان

Group my Items as much as possible

إلي يصير لما توصل الشحنة لأراميكس :spy:

Separate my Items as much as possible

وكلها على راسك وإنتا بطل

 

[haMod07]

آرامكس أرخص عندنا بأول نص كيلو , شدعوة 12$
كل نص كيلو أرخص بـ200 فلس

الله ينعل أرامكس الزفت .. احنا عندنا ب65 ريال نص الكيلو .. تقريباً : 5.2 دينار كويتي !
كل نص كيلو آخر : 2.8 دينار كويتي تقريباً ..
كم يأخذ التوصيل في الكويت .؟

____________________-

صدقت ياDrTIAMAT .. تجميع الطلبات لا يوجد .. وخدمة زي الزفت .. انتظار 6 ايام أو أكثر إلى ماتوصل شحنتك ..
طلبي وصل الآن دبي .. هذي السرعة الي نبغاها .. يعني بكرا أو اليوم الطلبية واصلة لباب البيت

 

[Snake-87]

أول نص كيلو 3 دنانير وكل نص كيلو إضافي دينارين ونص

 

[haMod07]

وصلت الشحنة في ثلاث أيام فقط ! من .. وصلت لباب البيت :

شكرا شوب جيتس على الخدمة الرائعة ..

 

[Lonely Heart]

يعني باختصار نسحب على آرامكس ؟
لاني ماقد تعاملت معهم الا مره وحده .. وكلفني الشحن 100 ريال (على آكشن فيجر صيغر)

 

[TIAMAT]

مبروك haMod07
أنا ساحب على أراميكس من يوم ما شفت الشحنة :spy:

 

[Photon]

أخ haMod07 الشحنة وصلتك سليمة ؟

إذا كان كذا فأنا ساحب رسميا على أرامكس .

 

[Futrus]

شحنهم اغلى بنص دينار من اراميكس لأول نص كيلو لكن ميزة إعادة التغليف خلتني افكر جديا في الاشتراك معاهم

 

[DR3]

يوصلوا للاردن؟:what:

 

[haMod07]

يعني باختصار نسحب على آرامكس ؟
لاني ماقد تعاملت معهم الا مره وحده .. وكلفني الشحن 100 ريال (على آكشن فيجر صيغر)

اسحب عليهم بقوة كمان ..
تذكرت الي شريته الي اتذكر انه حق جيرز اوف وار قطعة صغيرة صح ..؟
هذي تكلف 45 ريال مع شوب جيتس . لأن بعيدوا التغليف ..
مشكلة أمازون .. يحط لك الشحنة في كرتونة كبيرة ..ويتعمدوا ان يزيدوا وزنها علشان في الشحن ماتضرر ..

مبروك haMod07
أنا ساحب على أراميكس من يوم ما شفت الشحنة

الله يبارك فيك .

أخ haMod07 الشحنة وصلتك سليمة ؟

إذا كان كذا فأنا ساحب رسميا على أرامكس .

أكيد وصلتني سليمة .. حتى الكرتون مافي اي خدوش .. عكس أرامكس مرة شحنت معهم كتاب .. انفشخ في اليمين :annoyed:

شحنهم اغلى بنص دينار من اراميكس لأول نص كيلو لكن ميزة إعادة التغليف خلتني افكر جديا في الاشتراك معاهم

آها .. احنا في السعودية غالي جداً .. وننتظر 5 أيام وفوق على وصول الشحنة ..

يوصلوا للاردن؟

اي , يوصلوا .. يوصلوا إلى جميع الدول العربية .

 

[TIAMAT]

أخوي haMod07 الشحنة وصلتك للباب ؟؟؟؟؟ :wow:
بالله ممكن تقولي كيف عشان أسوي مثلك :surprised:

 

[haMod07]

^
اي وصلتني لباب البيت ..كلمني الصبح وكنت مو موجود في البيت ..
رجعت البيت كلمته ودليته البيت ..

 

[Alex]

معليش عندي استفسار بخصوص الخدمة

رسوم الإشتراك العادي مدى الحياة
رسوم الإشتراك البلاس سنوي مقابل مميزات معينة لفترة محددة و لا مدى الحياة زي العادي .. ؟

 

[TIAMAT]

^
اي وصلتني لباب البيت ..كلمني الصبح وكنت مو موجود في البيت ..
رجعت البيت كلمته ودليته البيت ..

يا رجل وش الدلع هذا :surprised: .... تكاليف معقولة وإعادة تغليف وتصوير شحنات و 5 أيام كأقصى سرعة توصيل والبضاعة لباب بيتك :rockon: .... باقي يحبون راسك بعد :razz::
لا كذا وجب الاشتراك فيها من جد .... شركة ولا في الأحلام

 

[DR3]

يا جماعه في عيب محد انتبه عليه
ما يعطوك صندوق بريد الا في امريكا و بالنسبه ليا اشوف امازون بريطانيا ارخص و احسن :crying:

 

[Wellscha]

إيش معنى "إعادة تغليف"؟

هل يعني يفكون كرتونة الأكشن فغر ويلفوه في كيس أو أنا فاهم غلط؟

 

[The Doctor]

^لا، ما يفتحوا طلباتك من كراتينها...

ياخدوا طلباتك و يرتبونها عشان تاخد مساحة أقل

 

[Futrus]

يا جماعه في عيب محد انتبه عليه
ما يعطوك صندوق بريد الا في امريكا و بالنسبه ليا اشوف امازون بريطانيا ارخص و احسن :crying:

الواحد زين يكون عنده اشتراكين اراميكس يخليه حق برطانيا بس وشوبينغ غيت خاص لأمريكا ، ميزة اعادة التغليف لتقليل التكاليف جدا مهمه بالنسبه لي لأني عانيت منها واجد + ميزة التاكس لا تعوض

 

[Tomb raider]

يوصلون الإمارات؟ بالتحديد دبي؟

 

[ASWD]

حاليا مشترك في دي اتش ال وارامكس.وافكر جديا اشترك فذي لان اغلب مشترياتي تكون من امريكا

عندي استفسار.بخصوص التوصيل انا شخص معظم يومي في الشغل*ارجع 6المغرب*.هل لو طلبت منهم يجيبو طلبي مكان عملي يقبلو ولا يوصلو فقط للعنوان اللي اخذوه وقت ما اشتركت معهم؟

 

[haMod07]

آسف على التأخير .. المنتدى كان مايفتح معاي ..
أكيد يقدروا يوصلوها لشغلك .. بس كلمهم الصبح وقول لهم انا في الشغل علشان ادا كنت تشتغل برا المنطفة الي عايش فيها مايدق مشوار السواق ..

 

[bXNmbQ==]

ايهم افضل هي او ارميكس او dhl وارخص

وعندي سؤال اخير وين مقرهم في السعودية

 

[Justice]

سؤال هل هو مثل ارامكس لما يكون عندك طلبيتين في الصندوق ياخذه طلبية ويترك طلبية ولاشنو؟
لان صراحة هذي حركة جدا جدا جدا دنيئة من ارامكس.
مرة طلبت كتب مانجا 5كتب صار كل اسبوع يجيني كتاب وكل كتاب طلع علي ب105ريال -__-!. النصب من غير
احتراف ولا تقدر تقول وتسوي شيئ -__-! بجرب بشترك فيها وبشوف الوضع اذا افضل سحب سيفون على ارامكس.