[تجربة مثيرة] أنقذوني! أنا عالق في لعبة فيديو جيم

[Alucard]

لا أحد ينكر انه في فترة من الفترات لما أخذ يفكر في مستقبل الجيمنج خطرة على باله فكرة ان اللاعب الى يلعب اللعبة يكون هو نفسه البطل ويكون في عمق اللعبة وفي قلب الحدث او مثل ما يسميه البعض " محاكاة الواقع الافتراضي " وكان يعتبر هذه الطريقة هي الطريقة المثلى والأكثر تطورا للعب الفيديو جيمز . مع مرور الزمن بدأت هذه الفكرة تتغير وظهرت اتجاهات أخرى للتطور في مجال الفيديو جيمز بس السؤال هنا هل راح نوصل لهذه المرحلة في يوم من الأيام ونتولى نحن المغامرة ونمثل دور البطل في اللعبة !؟!

تخيل أنك في يوم من الأيام كنت منغمس في في لعبة وفجأة تلقى نفسك في داخل اللعبة والبندقية في يدك والأعداء الى قتلتهم قبل شوي في اللعبة متمددين على الأرض قدامك :jawDrop:: !!! يا ترى ايش راح تكون ردة فعلك ؟؟ وشو راح تعمل اذا لقيت أعداء أكثر وصولوا وقاموا يهجمون عليك ؟؟ هل تحاول العيش وتقضي عليهم بالبندقية ؟ أو انك راح تسلم للأمر الواقع وتقول انا قاعد أحلم وتخليهم ينقضوا عليك عشان ينتهي الحلم ؟

مجموعة من الشباب قاموا بعمل تجربة جدا مثيرة وتستاهل ان الواحد يلقى نظرة عليها. قاموا بعمل لعبة اركيد اسمها Waking Dead يشوفون من خلالها ردة فعل الشخص اذا فجأة صحى ولقى نفسه في اللعبة !! ما أحرق عليكم أكثر .. طالعوا الفيديو وان شاء الله يعجبكم . مساحته 20 ميجا بس صدقوني يستاهل :razz: .

http://66.232.97.101/zombie_arcade.wmv

 

[Death match]

ذكرتني بجو SH1 مرة كنت في المستشفى بوقت متأخر في الليل ورحت للغرفة الغلط ووقتها الجناح كان اشبه بالعتمه ولما فتحت الغرفة ولا لقيت كرسي متحرك وشراشيف

وجاري التنزيل :arrows:

 

[Khalid-S]

هههههه شفت الفيديو هذا تقريبا من بداية السنه , وفعلا لو انا مكانه كان جتني سكته قلبيه !! هههههه بس الفكره حلوه من جد . ودي احط عمر (نينتندو) واسوي فيه نفس الشي.

 

[mario0o]

انا جفت الفيديو السنة اللي طافت بس صدق شي يخوف . لان الجو مرعب

تسلم Alucard عالفيديو

 

[Naif]

لووول .. تجربة روعة الصراحة ..ما اعرف صراحة شو بسوي لو كنت بداله ..

مافي تجارب ثانية مثل هذي ^^"?

 

[Ash]

السرعه عندي 1 كيلو "DSL" , احد يعاني نفس المشكله ؟

 

[ASWD]

اعوذ بالله

ما ادري شنو راح اسوي لو انا مكانه بس الخيار الاقرب هو ..غيبوبة على طول واللي يصير يصير ـ__ـ

هذ هو الموقع نفسه اللي خلى عرض تحطيم الاكس360 على ما اظن صح:question:

ومثل ما قال نايف

مافي تجارب ثانية مثل هذي ^^"?

 

[المجهـر]

:jawDrop:: .. رررعب

وايد نـاس يسوون مثل هذي التجـارب .. خـاصـة اساتذة السايكولوجي

مره شفت برنامج من انتـاج الـ BBC ، وفيه تجربـه يحطون 8 اشخـاص في مكـان مشابه للسجـن ويشوفون كيف ان السجن بيغير تصرفاتهم ..
وكـان فيه شرط ان المسجون اللي يحسن التصرف يصير شرطي ^ ^ ..

طبعـا ، معظمهم تغيرت شخصياتهم .. خاصه اللي يصير شرطي يبدأ يعذب المساجين اللي كان وياهم سابقا .. وهم يصيرون يكرهونه ويغارون منه ..

طبعا هالتجـارب تكون برضى المتشاركين .. وبتوقيـع عقود ومن هالكلام ..

 

[The_One]

متأثرين بفلم Saw...:bigSmile:

وشكراً على الفيديو

 

[Final Fantasy]

التجربة الوحيده الي ما أتمنى أني أنحط فيها هي سايلنت هيل 1 .. سكتة قلبية على طووووول

 

[الــخــــارق]

يا الله
لاااا وش هذي الحركة يالله
تعذيييب
والله ينرحم
شف كيف بس شعوره يوم قام
ولقى نفسه داخل اللعبة
والا يوم طلع عيه الزومبي..

والله اني رحمته..

تخيل يصير لك نفس الشيء ×_×
اللي مستغربه اللي معه عادي
يشيلونه ويودونه معه كأنهم مشاركين في السالفه..

 

[خالد 333]

لووووول والله خوش حركة وجاري التحميل :razz:

السرعه عندي 1 كيلو "DSL" , احد يعاني نفس المشكله ؟

السرعة عندي عادية ومافيها أي مشاكل

 

[Alucard]

مافي تجارب ثانية مثل هذي ^^"?

لا والله ما لقيت غير هذي التجربة ...

بس شو رايكم نعمل تجربة خاصة برعاية TG ونخلي عمر الضحية مثل ما اقترح Khalid-S ... ونحطه في قلب لعبة Metroid Prime الي يحبها كثير ونشوف ردة فعله !!

 

[trueclue]

هممم التجربه شكلها حلوة جاري التنزيل

بس سرعه التنزييل بطيييءه حييييل !!

 

[Double T]

والله التجربة مرة حلووووووووه .... و الموقف الي فيه الولد الله لا يحطني فيه

اصلا منظر الزونبي و هو جاي خوفني و انا في البيت اجل كيف لو كنت هناك

عرض حميل تشكر عليه

تحياتي

على سيرة الDSL السرعة عندي عالية (150K) مافي مشاكل