السلام عليكم ورحمة الله وبركاته:
للأسف الشديد منتدى جامعة تبوك تم إغلاقه نهائياً ولهذا اضطريت كتابة الموضوع بالمنتدى الوحيد اللي أحبه
الموضوع بإختصار أنا سجلت بالترم (الفصل) الصيفي لإول مرة...فأرجوا منكم تعطوني تجاربكم وخبراتكم ونصايحكم مع الترم الصيفي.
وشكراً...
الترم الصيفي ترم يخلص بسرعة بشكل عام رغم الاجازة الي فيه.
فيه ناس ينزلون مواد خفيفة مثل المواد الاسلامية علشان يرتاح فالصيف أو رفع معدل أو ...الخ
و فيه ناس تنزل مواد علمية أو مواد تخصص و اذا انت كنت منهم فأنصحك بكم شيء .
أولا : افهم مع المدرس و متباع معه لتسهيل المذاكرة فالبيت و الابتعاد عن أي ضغوط فالمذاكرة .. شيء ممتاز لكن مهب ضروري تذاكر كل يوم بس لا تكون بعيد عنه لأن الاختبارات تبدأ أسرع من العادة.
ثانيا : اهتم بالأمور البسيطة مثل الهوم ووركس و الكويزز لأنها نفس الشيء راح تسهل عليك المذاكرة للاختبارات (ميد تيرمز و الفاينلز).
سيء جدا بس تضطر تاخذه..
طبعا الصيفي على حسب الجامعة
بجامعتنا درسنا صيفي بعد ماعطلنا بكمن يوم و اسمرينا لين مابعد العيد و كانت اجازتنا قبل الدراسة باسبوع..
بعض الطلاب انضموا لجامعة ثانية مؤقتا بالصيف و خلصوا 20 رمضان.
إذا انت طالب جديد لا تاخذ اقل من 16 ساعة بكل سمستر و اكتف بصيفي مرتين و ريح بباقي الاجازات.
شخصيا بيكون هذا اول ترم صيفي لي
باقي لي 45 ساعة بالخطة, باخذ 9 ساعات الحين
و السنة الجاية 18 ساعة لكل سمستر
وبكذا اكون خلصت كل الساعات و وفرت على نفسي ترم كامل ممكن استثمره بشي مفيد
ما ادري كيف النظام في جامعتكم ولكن اول مرة اخذت فيها ترم صيفي اخذت ما يقارب 15 ساعة وطبعا المادة الواحدة تاخذها مرتين يعني كانها 30 ساعة في الاسبوع
حتى بعض الاحيان الواحد مايلحق يخلص المادة مرة احد الدكاترة قال الاختبار بيكون في يوم 28 رمضان وفي دكتور ثاني علق لنا المادة لين بداية الترم الجديد
اتذكر في ترم التخرج عندنا دكتور مشهور عنه اذا اخذت عنده مادتين لازم ترسب في احدها
طبعا تحققت اللعنة وطحت للاعن منه في الترم الصيفي باقي على التخرج ساعتين و الدكتور الجديد كان يدرسنا 5 ايام في الاسبوع عشان نخلص المنهج بكامل
جربته مرة واحده , لكن لن أعيده مرة أخرى أبداً
يوجد عدة أسباب حصلت لي و لا أريد أن أذكرها بسبب أنها تمثل أسوء ذكرى في حياتي الدراسية
و سبب آخر هو عدم تخويفك من الترم الصيفي لأنها أول تجربة لك.
مثله مثل أي ترم عادي، وفرصة لك كون بعض المواد (في كليتي تحديدا) يتساهلوا فيها شوية أما بتقليل المنهج أو تسهيل الاختبارات أو رفع الدرجات. يعيبها أن الدوام طويل فيها مقارنة بالايام العادية (ممكن المحاضرة توصل لثلاث ساعات!). ارتكبت غلطة أني نزلت فوق الحد المسموح بساعة (10 ساعات!) ولكن مع هذا ما راح تحس بمشقة كبيرة لأنها شهر وتعدي بسرعة.
هذا راح يكون اول ترم صيفي بالنسبة لي
راح اسجل يوم الاحد للترم الصيفي , اعرف الي راح يجني بس انا مستعد له , ابغى انهي بعض المواد المزعجة علشان اقدر اركز في الترم القادم بشكل افضل
راح اخذ مادتين ثلاث وحدات يعني 8 محاضرات في الاسبوع الواحد 4 محاضرات لكل مادة ضعف عدد المحاضرات في الترم العادي
يعتمد على كم مادة ماخذ واش هي المواد علمية تخصصية بحتة أو عامة/اختيارية , وفوق وأهم من هذا على الجامعة نفسها .. الصيفي دائماً مكثف أكثر بس إنه أسرع
احسب كم ساعة يومياً مستعد تخصصها للدراسة غير وقت الكلاسات نفسها وداوم على اللي عندك يعني ماتخلي اشياء تفوتك او تغيب غياب غير مبرر
لأن الغياب يوم هنا بـ3 و4 أيام غياب في الترم العادي, في المنهج أتكلم .. طبعاً كلامي كله ينحط على جمب لو كانت الجامعة كافيه مثل بعض الجامعات السعودية
العادة أخذ فيه مادة واحدة سهلة أطقطق عليها لين ما تجي إجازتي الحقيقية... بس هالصيف ماخذ مادتين، كل محاضرة حصتين بالإسبوع، المحاضرة 4 ساعات، و بالليل. متعبة بهالطريقة.
يعتمد على وضعك الدراسي و طبيعة المواد اللي منزلها ، في العادة الطالب ينزل صيفي اذا تاخر في بعض المواد ، يعني لو انك حذفت مادة في الترم الثاني يفضل تنزلها في الصيف مع اسلامي ، خصوصا اذا المادة تفتح لك مواد في السنة اللي بعدها
اذا انت وضعك الدراسي سليم ( ماشي على الخطة + معدلك ممتاز ) ما انصح بالصيفي ، أما اذا كنت متأخر فالصيفي وقتها شر لابد منه
السنة الماضية حذفت الترم الأول كامل و الثاني نزلت 15 ساعة ، فاضطريت أنزل صيفي مادتين .. الأحد الماضي الدكتور بنفسه يقول عن مادته انها في الصيف رعب !
طبعا لابد من المذاكرة أول بأول ( مو لازم يوميا ) ،لأن اختبارك الأول غالبا بعد 3 اسابيع بس .. اذا اهملت راح تلقى نفسك مضغوط مع منهج طويل و اختبارك بعد يومين
لكن فيه شي مهم جدا لازم أنبهك عليه ، أنت الآن قدامك خيارين اختار واحد منهم .. يا تاخذ الترم الصيفي و تجتهد يا تحذفه من الآن وترتاح ، لا تاخذه وتهمل في موادك و تضطر تحذفه بعدين عشان لا ينزل معدلك ، راح تطلع منها خسران .. لا خلصت مواد و لا تهنيت بإجازة ، احسم أمرك من الحين و الله يوفقك
ادري انه ما عاد ينفع كلامي بس ودي افضفض
الترم الصيفي اسوأ تجربه لي بالجامعه وما كملت فيه ثلاث اسابيع،لا انت اللي تدرس ولا انت اللي معطل،فحاول قدر الامكان انك تتجنبه الا اذا حدتك الظروف.
best thing i did in USA. every June i take summer courses and in July i go back home. its easier, faster yet the workload is heavy. i dont mind heavy workload as long as its easy . i dont know about Saudi though.