تأكيد Resident Evil Remaster

[Fatale]

^
اللي على اليمين قصاص اظافر ؟
*ما امزح*

ههههههه لا مو قصاص اظافر

هذي محتويات النسخة

 

[Naif92]

نفسي أعرف هل راح يكون في إضافات جديدة في نسخة الريماستر (أسلحة،ملابس،أطوار لعب...ألخ) ولا؟

 

[ZIBIT]

هل حيلغوا رسالة شنجي ميكامي الخاصة الي كانت كتهنئة على انجازاتك؟

 

[The Praiseworthy]

اللعبة بكل أمانة قفزت عندي الى أكثر لعبة أنتظرها من الألعاب الي اصدارها قريب... يوميا قاعد أفكر فيها و أتوقع أول ترايلر راح أقعد أشوفه عشرات المرات دون ملل و كلل.

مع أن فيه ألعاب كثيرة قادمة متحمس لها جدا و ناطرها من زمان مثل تيلز أوف اكزيليا 2 و ذا ايفل ويذن و أساسينز جريد يونيتي و ليتل بيغ بلانيت 3 و ذا أوردر.... و لكن رزدنت ايفل ريميك ترجح لها الكفة بسبب القصر و أتموسفيره الي ما وجد في أي لعبة أخرى و مستوى الفن الي يقطر بكل غرفة من غرف القصر.

اليوم الي أبدأ ألعب فيه اللعبة عالبلاي ستيشن 4 راح يكون واحد من أفضل أيام حياتي كلاعب و لحظة خالدة ماراح أنساها اطلاقا.

أنا أتكلم عن سنين طويلة من انظار هاللحظة و هو لعب اللعبة بالـ HD و كنت فاقد الأمل بهالشي تماما...... و الحين راح يتحقق :heart:

متى يوصل ذاك اليوم الانتظار صعب جداااااا

 

[W.W.W]

كشخص يفضل الجزء الرابع على البقيه , ما اشوف اي فرصه بأني اتحمس لريماستر رزدنت ايفل اكثر من ذا ايفل ويذن

ذا ايفل ويذن بتقدم لي الخلطه المناسبه الي ابحث عنها منذو زمنا طوييييييييييييل , الاتموسفير فيها صحيح لسه لم يصل لريميك , لكنه اقترب منه كثير

الجيم بلى ما في نقاش , بمشاكل ذا ايفل ويذن التقنيه بتصير افضل بمراحل من ان العب لعبه 90% ألغاز >_>

 

[The Praiseworthy]

^

90% ألغاز؟!

أصلا الألغاز و الاستكشاف طول عمرها كانت أساس رئيسي لجانرا السورفايفر هورور.... رزدنت ايفل 4 لأن رتمها كان أكشن و سريع اكتفو فقط بلغز واحد أو اثنين حقيقيين... و الباقي امش و اقتل الي جدامك و فضي المنطقة منهم و كمل طريقك.

وجود ألغاز تحسسك بتقدمك و أنك أنجزت شي و تكافئك بمفتاح يفتح أبواب لغرف أخرى تستكشفها أو تعطيك قطعه لاكمال مجموعه تفتح لك منطقة جديدة شعور لا يوصف و هو بالنسبة لي و للكثيرين هو اللعب الحقيقي الي عرفناه و كبرنا عليه من أجيال قبل لا تتلاشى تدريجيا و يتم التضحية فيها لخاطر رتم اللعب السريع الأكشني.

بالنهاية كل واحد و تفضيله.

 

[W.W.W]

^

90% ألغاز؟!

أصلا الألغاز و الاستكشاف طول عمرها كانت أساس رئيسي لجانرا السورفايفر هورور.... رزدنت ايفل 4 لأن رتمها كان أكشن و سريع اكتفو فقط بلغز واحد أو اثنين حقيقيين... و الباقي امش و اقتل الي جدامك و فضي المنطقة منهم و كمل طريقك.

وجود ألغاز تحسسك بتقدمك و أنك أنجزت شي و تكافئك بمفتاح يفتح أبواب لغرف أخرى تستكشفها أو تعطيك قطعه لاكمال مجموعه تفتح لك منطقة جديدة شعور لا يوصف و هو بالنسبة لي و للكثيرين هو اللعب الحقيقي الي عرفناه و كبرنا عليه من أجيال قبل لا تتلاشى تدريجيا و يتم التضحية فيها لخاطر رتم اللعب السريع الأكشني.

بالنهاية كل واحد و تفضيله.

انا بطبيعتي احب الالغاز , لكن لو حبيت تختم اللعبه مره ثانيه , ايش الحلو انك تعيد نفس الالغاز الي عرفته سابقا مره ثانيه ؟ المشكله بذات هالجزء ألغازه كثيره جدا

عكس الجزء الرابع مستعد أعيدها ألف مره من غير ملل , لانها تقدم لي محتوى جيم بلى حقيقي طوال اللعبه

انا شايف الكثير من ذا ايفل ويذن وواضح ان ميكامي سيد العاب الرعب والمطور لريميك , هو نفسه ما يريد لعبته القادمه تكون كلها الغاز في الغاز , وهي اللعبه اصلا ما تشبه رزدنت ايفل4 , ورتمها أبطئ بكثير وفيها شح ذخيره بشكل واضح

وانا اوافقه تماما , الريميك يحمل افضل اتموسفير شفته في حياتي على جميع انواع الميديا , رزدنت ايفل4 يحمل امتع جيم بلى لعبته في حياتي , هالخلطه لو توفق فيها في ذا ايفل ويذن بنطلع بنتائج اسطوريه

خلينا من الجزء الرابع , ماذا عن رزدنت ايفل2 ؟ شخصيا اشوف اكثر جزء كلاسيكي متوازن من ناحية المواجهات والالغاز وكل شي وامتع من الريميك بنسبه لي

 

[Fatale]

^^

بعد ردك هذا الحمد لله انك مو فان لرزدنت ايفيل

والحمد لله ان بدايتك كانت من الجزء الرابع :raised_hands:

 

[dro]

^

هههه من جد www فان للجزء الرابع اكثر شي .. و مع ذلك يصر ان الرابع = ريزيدنت ايفل مع اني لو اجيب احد من ايام الجاهلية و اوريه اي جزء قديم ثم اوريه الرابع و اسئله هل هم نفس الشي راح يقول لا xD ... اصلا الريميك و زيرو كانو هم التوجه الجديد للسلسة لكن بسبب تفليبهم تجاريا ما استمر الأسلوب الكلاسيكي و تطوير الرابع من الصفر و بتوجه جديد يناسب ذوق www

 

[The Fantom]

^

هههه من جد www فان للجزء الرابع اكثر شي .. و مع ذلك يصر ان الرابع = ريزيدنت ايفل مع اني لو اجيب احد من ايام الجاهلية و اوريه اي جزء قديم ثم اوريه الرابع و اسئله هل هم نفس الشي راح يقول لا xD ... اصلا الريميك و زيرو كانو هم التوجه الجديد للسلسة لكن بسبب تفليبهم تجاريا ما استمر الأسلوب الكلاسيكي و تطوير الرابع من الصفر و بتوجه جديد يناسب ذوق www

هههههههههههههههههههههههههههههههه
:laugh::laugh:

=====

نعود للموضوع..
قهر اللعبه بس ديجتال < احب نسخه الفيزكال ::
اتمنى ينزلوا ريماستر ل فيرونيكا في وقت ما

 

[Nasser]

^

هههه من جد www فان للجزء الرابع اكثر شي .. و مع ذلك يصر ان الرابع = ريزيدنت ايفل مع اني لو اجيب احد من ايام الجاهلية و اوريه اي جزء قديم ثم اوريه الرابع و اسئله هل هم نفس الشي راح يقول لا xD ... اصلا الريميك و زيرو كانو هم التوجه الجديد للسلسة لكن بسبب تفليبهم تجاريا ما استمر الأسلوب الكلاسيكي و تطوير الرابع من الصفر و بتوجه جديد يناسب ذوق www

ههههههه. عيب يتغنى بعبارة سيد العاب الرعب وهو يفضّل الجزء اللي مافيه ذرة رعب الصراحة.

-

على العموم الريماستر في وقته ، بدل البكاء على أطلال رزدنت إيفل ، جابوا لك الأطلال بكبرها

 

[bXNmbQ==]

هههههههههههههههههههههههههههههههه
:laugh::laugh:

=====

نعود للموضوع..
قهر اللعبه بس ديجتال < احب نسخه الفيزكال ::
اتمنى ينزلوا ريماستر ل فيرونيكا في وقت ما

منزلين نسخة hd لفرونيكا

 

[W.W.W]

تبا لكم (&)

عموما

^^

بعد ردك هذا الحمد لله انك مو فان لرزدنت ايفيل

والحمد لله ان بدايتك كانت من الجزء الرابع :raised_hands:

بدايتي كانت مع الجزء الثالث في طفولتي , ايش الي رابع وما ادري ايش :/

هو في الواقع بدايتي كانت مع الثاني ولا ختمته , لكن الي ختمته في وقته كان الثالث

في فترت البلاستيشن1 , رزدنت ايفل3 وداينو كريسس2 هي افضل لعبتين لعتبهم على الجهاز نفسه , داينو كريسس2 ختمتها ولا 20 مره وانا صغير بدون مبالغه @@

لا تفهموني غلط , انا يمكن احب الريميك اكثر منكم , لكنها مسألت تفضيل لا اكثر

ترتيبي في السلسله كتالي

الرابع > الثاني > الريميك > كود فورنيكا :heart_eyes: > الثالث

انا اعشق الثالث بشكل ,فما بالك في الباقي ؟

الثاني لو ينعمل له ريميك بنفس جودة ريميك الاول , فأشك ان الرابع بيبقى المركز الاول (&)

 

[zVortex]

بيكون مدخل ممتاز للسلسلة ..

في الانتظار

 

[Veeto]

^

هههه من جد www فان للجزء الرابع اكثر شي .. و مع ذلك يصر ان الرابع = ريزيدنت ايفل مع اني لو اجيب احد من ايام الجاهلية و اوريه اي جزء قديم ثم اوريه الرابع و اسئله هل هم نفس الشي راح يقول لا xD ... اصلا الريميك و زيرو كانو هم التوجه الجديد للسلسة لكن بسبب تفليبهم تجاريا ما استمر الأسلوب الكلاسيكي و تطوير الرابع من الصفر و بتوجه جديد يناسب ذوق www

صدقت .. انا متحمس جدا للريماستر .. نجرب الريميك .. واتمنى بالمستقبل نشوف كابكوم تجرب خلطة تقليدية ماشية على مسار 1 بدل خلطاتهم الجديدة بعد الرابع

الرابع كان لعبة عظيمة .. لكنها لعبة ريزدنت ايفيل مسلوخة من كل شي صنع اسم وتاريخ السلسلة

 

[king zell]

أكبر معضلة عند كابكوم في تقديم ريزدنت ايفل كلاسيكية هي نظام التحكم

الكل يتفق إن واحد من الأسباب اللي خلت الأجزاء الأولى "مرعبة" هو إن التحكم كان صعب، و الهروب من الأعداء و مراوغتهم ما كان بنفس السهولة الحالية و كان رتم الحركة بطيء


الشركة من ذاك الوقت تحاول تلقى طريقة تقدم فيها تحكم عصري و بنفس الوقت تخلي اللاعبين يشعرون بالأوقات الصعبة اللي كان يمرون فيها في الأجزاء الأصلية

 

[Veeto]

أكبر معضلة عند كابكوم في تقديم ريزدنت ايفل كلاسيكية هي نظام التحكم

الكل يتفق إن واحد من الأسباب اللي خلت الأجزاء الأولى "مرعبة" هو إن التحكم كان صعب، و الهروب من الأعداء و مراوغتهم ما كان بنفس السهولة الحالية و كان رتم الحركة بطيء


الشركة من ذاك الوقت تحاول تلقى طريقة تقدم فيها تحكم عصري و بنفس الوقت تخلي اللاعبين يشعرون بالأوقات الصعبة اللي كان يمرون فيها في الأجزاء الأصلية

الرعب يعتمد على (( التينشن )) على قولتهم .. ديد سبيس كان تحكمها سلس ومع هذا كانت مرعبة او مفزعة خلنا نقول
ما اعتقد الصعوبة الكبيرة في التحكم .. الصعوبة في خلق هذا التينشن .. لاست اوف اس نجحت فيه مع المتحولين لما خلتهم يقتلونك من لمسة وحدة
هذي فكرة ثانية تزيد الاحساس نفسه

 

[king zell]

الرعب يعتمد على (( التينشن )) على قولتهم .. ديد سبيس كان تحكمها سلس ومع هذا كانت مرعبة او مفزعة خلنا نقول
ما اعتقد الصعوبة الكبيرة في التحكم .. الصعوبة في خلق هذا التينشن .. لاست اوف اس نجحت فيه مع المتحولين لما خلتهم يقتلونك من لمسة وحدة
هذي فكرة ثانية تزيد الاحساس نفسه

بالعكس لاست أوف أس ما كانت تقدم هالإحساس، السبب بسيط

أرجع مرة ثانية لظروف ريزدنت ايفل القديمة


في لاست أوف أس أي نعم في زومبيز يقتلونك بضربة وحدة، لكن ما كنت أخاف إني أنضرب، هنا الفرق

في لاست أوف أس بعيد المحاولة بدون تردد لأني برجع للشيك بوينت مباشرة و أكمل


في ريزدنت ايفل الواحد كان يخاف بشكل كبير عشان الخسارة تعني إنك بتعيد عند آخر آلة كاتبة سوي Save عندها

كل شي في اللعبة الأصلية كان محسوب، حتى الـSave ما كان لا نهائي، عدد المرات اللي تقدر تسوي فيها Save يعتمد على عدد الأحبار اللي جمعتها

 

[The Praiseworthy]

بالعكس لاست أوف أس ما كانت تقدم هالإحساس، السبب بسيط

أرجع مرة ثانية لظروف ريزدنت ايفل القديمة


في لاست أوف أس أي نعم في زومبيز يقتلونك بضربة وحدة، لكن ما كنت أخاف إني أنضرب، هنا الفرق

في لاست أوف أس بعيد المحاولة بدون تردد لأني برجع للشيك بوينت مباشرة و أكمل


في ريزدنت ايفل الواحد كان يخاف بشكل كبير عشان الخسارة تعني إنك بتعيد عند آخر آلة كاتبة سوي Save عندها

كل شي في اللعبة الأصلية كان محسوب، حتى الـSave ما كان لا نهائي، عدد المرات اللي تقدر تسوي فيها Save يعتمد على عدد الأحبار اللي جمعتها

بالضبط..... في لاست أوف آس خل يقتلوني بضربه وحده مو مشكله عندي و لا تعطيني احساس كبير بالتوتر لأن بالأخير راح أرجع لشيك بوينت و يكون رايح من وقتي شي بالبسيط.

لكن رزدنت ايفل الكلاسيكية بالذات الريميك الي كان فيه فقر بحبر الطابعه كل ما تبعد عن غرفة الحفظ أكثر و تتقدم بالقصر أكثر و تمضي وقت أكثر في اللعب كل ما زادت حدة التوتر و الخوف بسبب أن أي غلطة راح تكون فادحه و تعيدك لعمل كل شي سويته من جديد.... بالذات مع الهانترز الي ممكن يقطعون رأسك بضربة وحده أو مع الكريمسنز هيدز.

لاست أوف آس و الألعاب الجديدة في هالجانرا أيضا تعطيك خيارات ثانية للنجاة مثل الميل أتاك... عكس الريميك أنت رهينة الذخيرة الي جمعتها و فقط لا غير.

 

[ASWD]

ازيد على اخر ردين مسالة حرق الجثث والعدد المحدود للبنزين فكل مرة تخلص لازم تضرب مشواار عشان تعبيها وعاد انت وحظك وين مخزون البنزين من موقعك

 

[Veeto]

في لاست أوف أس أي نعم في زومبيز يقتلونك بضربة وحدة، لكن ما كنت أخاف إني أنضرب، هنا الفرق

في لاست أوف أس بعيد المحاولة بدون تردد لأني برجع للشيك بوينت مباشرة و أكمل


في ريزدنت ايفل الواحد كان يخاف بشكل كبير عشان الخسارة تعني إنك بتعيد عند آخر آلة كاتبة سوي Save عندها

كل شي في اللعبة الأصلية كان محسوب، حتى الـSave ما كان لا نهائي، عدد المرات اللي تقدر تسوي فيها Save يعتمد على عدد الأحبار اللي جمعتها

اذا هذا مفهومكم للرعب .. اتمنى بالمرة ما يفكرون فيه .. لان هذا مو رعب هذا تطفيش

 

[LegendaryK]

التوتر لايعني الرعب

انا العب العاب كثير توترني واخاف من الخسارة اولهم ماريو اجل ماريو صارت لعبة رعب !!

اساس الرعب قوة العدو وتصميم شكله واسلوب هجومه وصوته اكثر شي مهم في خلق الرعب حتى تنرعب حتى تخاف منه

يليها اتموسفير اللعبة تصميم الاماكن ويليها اضافة الموسيقات الملائمة للجو المرعب

اما فكرة خلق طريقة للتوتر مثل شح الذخيرة وتحديد عدد مرات الحفظ وغيرها من هالاساليب

لتعزيز جو الرعب في هالالعاب لكنه مو الاساس

 

[W.W.W]

اتفق مع فيتو

شخصيا اتمنى يضيفوا طور جانبي في الريماستر (له هارده ونورمله واشياه) يتغير فيه بعض الاشياء زي :

-حبر لا نهائي
-تخزين اوتوماتيك مع الكنتنيو
-اضافة 10 خانات في الحقيبه
-كل مفتاح تحصل عليه يعطيك مكان الباب في الخريطه (نفس الجزء الثاني)
طبعا هم عدلوا نظام المشي مثل الدبابه وصار اختياري

في اشياء كثيره يبغيلها تتعدل لكن انا ذكرت الاهم
مثلا المشي اثناء التصويب
واختيار السلاح بطريقه اسرع
تعشيق السلاح خلال الجيم بلى وهكذا

كذا الجزء بكون بيرفكت :thumbsup:

 

[king zell]

اذا هذا مفهومكم للرعب .. اتمنى بالمرة ما يفكرون فيه .. لان هذا مو رعب هذا تطفيش

ما أذكر إنه كان تطفيش في زمن ريزدنت ايفل الأولى، بالعكس الناس كانوا متقبلينه جدا و لا أحد أبدا يوم اعتبره عيب

في النهاية انت صحيح تضطر تعيد بين غرفة save لأخرى، لكن كان شيء بسيط، حتى الصعوبة المبالغ فيها مثل دارك سولز لقت إقبال كبير بين كثير من اللاعبين، مع إني ما أحبذها في كل لعبة


الأمور تغيرت الحين، ما أحد صار عنده صبر، الكل يبي يكمل لعب و بس، عشان كذا كل الألعاب المشهورة صار فيها Checkpoint

ما أحد صار يحط حساب للموت أو الغلط في الألعاب، هذا واحد من الأشياء اللي قتلت ألعاب الرعب خصوصا



بالنسبة لي هذي العناصر اللي أحبها في ريزدنت ايفل و خلتها لعبة رهيبة فعلا:

- الألغاز المتباعدة و اللي لازم تربطها ببعض عن طريق التفكير (ألغاز مش خطية)
- الـBacktracking، يعني لازم تتذكر الأماكن اللي زرتها و ترجع لها لاحقا و تلقى طريقك بنفسك
- الإقتصاد و حساب الذخيرة، اللاعب لازم يقرر بالضبط متى يستخدم سلاحه و ضد مين يستخدم كل سلاح
- ثمن الموت، الواحد في ريزدنت ايفل الأصلية كان يحسب ألف حساب قبل لا يفتح باب و يشوف ايش ينتظره وراه، و قبل ما يمشي بشكل عشوائي حتى لو كان الطريق غلط
- تفرع في النهايات، خيارات في القصة، مثل إمكانية إنك تنقذ شخص أو تسحب عليه، مكافأة للشخص اللي يبحث و يدور في كل مكان

 

[X-SRI-X]

اتفق مع فيتو

شخصيا اتمنى يضيفوا طور جانبي في الريماستر (له هارده ونورمله واشياه) يتغير فيه بعض الاشياء زي :

-حبر لا نهائي
-تخزين اوتوماتيك مع الكنتنيو
-اضافة 10 خانات في الحقيبه
-كل مفتاح تحصل عليه يعطيك مكان الباب في الخريطه (نفس الجزء الثاني)
طبعا هم عدلوا نظام المشي مثل الدبابه وصار اختياري

في اشياء كثيره يبغيلها تتعدل لكن انا ذكرت الاهم
مثلا المشي اثناء التصويب
واختيار السلاح بطريقه اسرع
تعشيق السلاح خلال الجيم بلى وهكذا

كذا الجزء بكون بيرفكت :thumbsup:

صار اكشن كذا ...
اللعبة حلاوتها كانت الاسكتشاف والصعوبة الي فيها ...
كذا راح تكون اللعبة سهلة جدا ..
تصعيب اللعبة يعزز جو الرعب ... تدمير التشيك بوينت وتقليل السيف كلها تعزز جو الرعب ..
على العموم كل واحد له ذوقه .. واتمنى ما يدمروا اللعبة بالتسهيل الي انت ذكرته _( بالنسبة لي يعتبر تدمير )

 

[X-SRI-X]

ما أذكر إنه كان تطفيش في زمن ريزدنت ايفل الأولى، بالعكس الناس كانوا متقبلينه جدا و لا أحد أبدا يوم اعتبره عيب

في النهاية انت صحيح تضطر تعيد بين غرفة save لأخرى، لكن كان شيء بسيط، حتى الصعوبة المبالغ فيها مثل دارك سولز لقت إقبال كبير بين كثير من اللاعبين، مع إني ما أحبذها في كل لعبة


الأمور تغيرت الحين، ما أحد صار عنده صبر، الكل يبي يكمل لعب و بس، عشان كذا كل الألعاب المشهورة صار فيها Checkpoint

ما أحد صار يحط حساب للموت أو الغلط في الألعاب، هذا واحد من الأشياء اللي قتلت ألعاب الرعب خصوصا



بالنسبة لي هذي العناصر اللي أحبها في ريزدنت ايفل و خلتها لعبة رهيبة فعلا:

- الألغاز المتباعدة و اللي لازم تربطها ببعض عن طريق التفكير (ألغاز مش خطية)
- الـBacktracking، يعني لازم تتذكر الأماكن اللي زرتها و ترجع لها لاحقا و تلقى طريقك بنفسك
- الإقتصاد و حساب الذخيرة، اللاعب لازم يقرر بالضبط متى يستخدم سلاحه و ضد مين يستخدم كل سلاح
- ثمن الموت، الواحد في ريزدنت ايفل الأصلية كان يحسب ألف حساب قبل لا يفتح باب و يشوف ايش ينتظره وراه، و قبل ما يمشي بشكل عشوائي حتى لو كان الطريق غلط
- تفرع في النهايات، خيارات في القصة، مثل إمكانية إنك تنقذ شخص أو تسحب عليه، مكافأة للشخص اللي يبحث و يدور في كل مكان

كل الي ابي اقوله

 

[Veeto]

ما أذكر إنه كان تطفيش في زمن ريزدنت ايفل الأولى، بالعكس الناس كانوا متقبلينه جدا و لا أحد أبدا يوم اعتبره عيب

لاننا كنا جايين من زمن ما فيه حفظ وقتها :joy: .. فاكيد هالامور بتعتبر شي عظيم وايجابي .. ولا انا اتذكر ان قصة التشيك بوينت كانت مشكلة مع ميتال جير مثلا وخففت الصعوبة
الاساس انك تكافئني على جودة لعبي .. مو توجد اشياء تطفشني .. يعني نظام مثل ميتال جير .. او حتى ريزدنت سابقا كان نظام عجيب .. عدد مرات الحفظ ووقت اللعب يؤثر في تقييم لعبك ومكافئتك عليه
مو اماكن الحفظ نفسها .. او تباعدها عن بعض

بالنسبة لي هذي العناصر اللي أحبها في ريزدنت ايفل و خلتها لعبة رهيبة فعلا:

- الألغاز المتباعدة و اللي لازم تربطها ببعض عن طريق التفكير (ألغاز مش خطية)
- الـBacktracking، يعني لازم تتذكر الأماكن اللي زرتها و ترجع لها لاحقا و تلقى طريقك بنفسك
- الإقتصاد و حساب الذخيرة، اللاعب لازم يقرر بالضبط متى يستخدم سلاحه و ضد مين يستخدم كل سلاح
- ثمن الموت، الواحد في ريزدنت ايفل الأصلية كان يحسب ألف حساب قبل لا يفتح باب و يشوف ايش ينتظره وراه، و قبل ما يمشي بشكل عشوائي حتى لو كان الطريق غلط
- تفرع في النهايات، خيارات في القصة، مثل إمكانية إنك تنقذ شخص أو تسحب عليه، مكافأة للشخص اللي يبحث و يدور في كل مكان

اغلبيتها اتفق وياك وهي نفس نقاطي تقريبا .. اكثر من مرة انهي اللعبة وبعض الاسلحة القوية ما استخدمتها لاني احتفظ فيها للمستقبل و (( تقدر تقول بخل :joy: ))

انا بعد اعتقد بعض الامور مخلوطة ويا بعض ما تقدر تفصل واحد عن الثاني .. يعني مثلا الموسيقى .. ولودنج فتح الباب .. يزيد من حالة التوتر .. شنو بيطلع في الغرفة هل هي شي جديد او زعيم جديد
والاهم الزعماء ما فيه بناء ليهم يعني مرة وحدة تشوف روحك تواجههم .. هذا شي يساعد في زيادة التوتر

 

[The Praiseworthy]

منو فيكم كان يخش بالذخيره بشكل مبالغ فيه جدا و يمر بمعاناة مع هالشي و بالأخير عند نهاية اللعبة تكون عنده كمية كبيرة زايدة ما يعرف شيسوي فيها من زودها و يقول ياريتني استخدمته بذاك الموقف أو مع هالوحش بدل البخل و زيادة المعاناة :joy: ؟

 

[Eng.sultan]

^^^^


المشكلة موجوده معاي للان ::::

 

[Nasser]

للمعلومية بس لأن لاست اوف أس انذكرت في موضوع السيفز والتشيك بوينتس. نظام التشيك بوينتس يختلف بين الصعوبات.

انا انهيت اللعبة على الـGrounded. التشيك بوينت فعلاً قاتل لأنك تعيد منطقة معينة من بدايتها وتخسر كل البروقرس اللي سويته في مكان معين بغلطه وحده بس.

لمن هالمقياس ما يخلي اي لعبة لعبة رعب ، انما زيادة في التحدي. ولو ان إعطاء الخيار للاعب في اختيار التحدي اللي يبغاه ما يرضي الجميع.