بعد ما عرفنا إن البلاي ستيشن3 ب600 دولار (البندل السنع)

[NSider]

هذولي الي ماراح يشتروا البلاي ستيشن 3 نهائيا الغالب إنهم ما عندهم لا بلاي ستيشن 2 ولا بلاي ستيشن 1 .. يعني بالعربي صفر على الشمال في عالم الفيديو جيمز والمفروض ما ينأخذ برأيهم !!

Fanboy !! أنا عندي PS1 و PS2. وليش اللي ما عنده يصير صفر على الشمال؟ ياخي في ناس كثير ما تقدر تشتري إلا جهاز واحد، وتفضل ألعاب نينتندو/سيجا/ميكروسوفت على سوني!
أنا شخصياً كنت بشتريه عشان MGS4 بس، لكن ما دام ولد خالتي بيشتريه (وهو ما يحب MGS) قلت ليش أخسر 600 دولار حق لعبة أو لعبتين؟

 

[Aoks]

هههه بس ثمانيه الي بشتريه !! شكله بيصير مثل ما صار مع الاكس بوكس 360 بالمنتدى .. كانوا 8 او 9

14% فقط صوتوا انهم ما راح يشترون الجهاز

يعني 36 واحد قالوا راح يشترونه

 

[Humam]

قلت ليش أخسر 600 دولار حق لعبة أو لعبتين؟

أنا راح اذكرك .. راح تشتري البلاي ستيشن 3 عاجلا أم آجلا.. وخليني غلطان

 

[DeaDMaN]

هذولي الي ماراح يشتروا البلاي ستيشن 3 نهائيا الغالب إنهم ما عندهم لا بلاي ستيشن 2 ولا بلاي ستيشن 1 .. يعني بالعربي صفر على الشمال في عالم الفيديو جيمز والمفروض ما ينأخذ برأيهم !!

..انا كان عندي الجهازين ..ولا اعتقد اني صفر على الشمال في الفيديو جيمز..ماأنكر قوة الجهاز وان عليه العاب تعجبني مثل MGS 4 و تكن وغيــرها ,,مايحتاج اعددهم..بس انا ماحب أشغل نفسي السنة الجايه بفيديو جيمز..جهازي Wii وبحاول أوفر له وقت..÷__÷ لكن بعد سنتين او اكثر..في احتمال آخذ لي Ps3

 

[Hironobu Sakaguchi]

ما حشتريه الا اذا نزلت فف13 ووقتها يكون رخص السعر اكيد.... اذا انا مع الخيار الثاني

 

[Gon freeces]

بعد اول برايس دروب واذا عليه العاب عدلة .

 

[Khalid-S]

14% فقط صوتوا انهم ما راح يشترون الجهاز

يعني 36 واحد قالوا راح يشترونه

بما اني كتبت ( 8 او 9 ) معناها الخيار الاول واضح الي بيشتريه على اللنش.

 

[gray fox]

على اللنش ...لكن بسعر قريب من الطبيعي فقط(500 درهم زياده على الأكثر )!!

...انشاء الله من الوكيل عندنا

 

[Andrew X]

السعر غالي جداً ..لكن بظطر اشتريه عشان الكعشه المحبوب Sonic The Hedgehog!!
ابغى اقوى جرافيكس للعبة :bigSmile:

كنت بصوت للثاني ...لكن صوت للرابع..ولا خيار للرجوع

 

[NSider]

أنا راح اذكرك .. راح تشتري البلاي ستيشن 3 عاجلا أم آجلا.. وخليني غلطان

لول طبعاً كل شي ممكن، لكن حالياً مش مخطط أني أشتريه.

 

[ABUALI]

غالباً في اللنش ومن الوكيل علشان ضمان الوكالة. وأكيد أول ما يتوفر الجهاز وما يكون عليه ضرب العصي ويخلص بسرعة.... واذا ما صار جانس في اللنش أكيد اذا MGS4 نزلت ما بفوتها وهاذي الحزة لا سعر ولا غيره بيوقفني :bigSmile:

تصويتي على اللنش

 

[Strife]

حالياً الخيار الاول..بس مين يدري يمكن اغير رأيي بعد 6 اشهر..مثل ماحصل مع البي اس بي والدي اس, كنت ناوي اخذ البي اس بي قبل وبعدين لما نزل الجهاز حصل العكس..

 

[msm]

شريت PS2 في بدايات نزوله ب 2400 ريال تقريباً = 640 دولار .. وأراهن ان مجموعة لا بأس فعلوا الشي نفسه مع الأجهزة الجديدة عندنا في الاسواق المحلية (وآخرها Xbox 360) .. يعني السعر المرتفع ماراح يكون شي جديد ..

بأحاول اشتريه في البداية (مع الدفعة الثانية أو بعد شهر أو شهرين من نزوله) .. وبحاول أتجنب السوق المحلي (600$=1200$ !) ..