بشتري ps3 نصائح من الكويتيين

[Grand]

بسم الله الرحمن الرحيم

في كم موضوع قبلي انفتح عن شراء ps3 بس ما حصلت الي ابيه



المهم ابي شبابنا الكويتيين

1- شنو احسن الpal ولا ntsc حق الكويتيين "افلام بلو راي مثلاً"و اذا فيه اسباب ثانيه للتفضيل تفضل
2-ناوي على 80 GB في بندل ممتاز لها؟

3-اذا تعرف محل مسوي عرض عليها قولي ^^

4-وشلون اتفادا مشاكل الستور "اكاونتي ريجون 1 شريت addon ريجون 2 مادري ايش و هذا الخرابيط"

العابنا احنا بالكويت شنو اكثر ريجون

و اول ما اخذ ps3 اسوي اكاونت امريكي ولا اوربي

و جزاكم الله خير

 

[Rare Games]

1- شنو احسن الpal ولا ntsc حق الكويتيين "افلام بلو راي مثلاً"و اذا فيه اسباب ثانيه للتفضيل تفضل

البال اي الاوروبي لافلام البلوراي والكفالة السنوية

2-ناوي على 80 GB في بندل ممتاز لها؟

في بندلات ممتازة عن سوني حاليا منها بندل انفوميس والمحل طبعا شركة سوني لان معاها كفالة سنه

4-وشلون اتفادا مشاكل الستور "اكاونتي ريجون 1 شريت addon ريجون 2 مادري ايش و هذا الخرابيط"

ما يحتاج تتفادها اي جهاز ps3 تقدر تعمل عليه اكاونت اوروبي او امريكي او ياباني

العابنا احنا بالكويت شنو اكثر ريجون

اغلبها امريكية وفيها كثير بعد اوربية لكن لا تخاف الجهاز فري ريجن يشغل اي لعبة ps3
مهما كان الريجن

اول ما اخذ ps3 اسوي اكاونت امريكي ولا اوربي

يعتمد عليك انت والالعاب الي تبي تاخذها ويا الجهاز

 

[Snake-87]

إذا انت من تشوف بلوري وايد وتطلب من النت انصحك بالأمريكية .. البلوري أرخص بوايد لما تطلبه من النت بالكويت رسميا اوروبي مافي امريكي والاوروبي أغلبه مو فري ريجن والأفلام ما تنزل بسرعة مثل الأمريكي .

 

[Burdegation]

1

- شنو احسن الpal ولا ntsc حق الكويتيين "افلام بلو راي مثلاً"و اذا فيه اسباب ثانيه للتفضيل تفضل

اذا تشتري افلام امريكيه من النت احسلك تاخذامريكيه , بس ماراح يكون معاها كفاله, و اذا كان كريم معاك المحل يمكن يعطيك كفاله لمده بسيطه , البال افضل لانها من الوكاله و سعهرها ارخص و معاها كفالة استبدال سنه

2

-ناوي على 80 GB في بندل ممتاز لها؟

بندل انشارتد + راتشيت و يكون معاها يدتين دول شوك بـ136 دينار من الوكاله


4

-وشلون اتفادا مشاكل الستور "اكاونتي ريجون 1 شريت addon ريجون 2 مادري ايش و هذا الخرابيط"

نصيحتي, اكاونتك الرئيسي خله امريكي على شان الستور و الهوم و سولك اكاونتين ثانيين اوروبي و ياباني , عادي اخذ راحتك حط الاكاونتات اللي تعجك *_^

و add on & dlc تعتمد على ريجن اللعبه و مومهم شنو نوع جهازك او اكاونتك

العابنا احنا بالكويت شنو اكثر ريجون

متنوع حتى كوري تحصل بعض المرات P: , بس اكثر شي الامريكي و اهوه اول واحد ينزل, و انصحك تاخذ بس الامريكي حتى لو تأخر شوي عن الاوروبي على شان تقدر تشتريله dlc من كروت الستور (المركز الكويتي يبيعها على 20 حق كرت بو 50$ )

 

[Grand]

^الوكالة وين ممكن تدليني

 

[PS]

الكويت
كارفور

فيرجن

هل محلين عندهم وكالة على الps3 بيعطونك ضمان سنوي أكيد

___________________________________________________________________________________
الامارات

وفي محل عدنا في الامارات أسمة بلقنز في أبوظبي مول

تدفع 15%من سعر أي جهاز يعطيك ضمان سنة كمان يعني سنتين ,,,وأذا تبا أكثر من سنتين تدفع نفس السعر السابق ,,,أفضل محل ألكترونيات

 

[Solid Snake]

ليش ما تنتظر البرايس كت؟

 

[s3rorh]

ليش ما تنتظر الـslim ؟

فكسد .

 

[Burdegation]

^الوكالة وين ممكن تدليني

سوق شرق يم مركز سلطان الدور الاول

 

[Painkiller Q8]

البلي ستيشن 3 افضل Blueray player

بصراحه انا استخدمها للافلام بس .. لووول

 

[Riitmoo]

سمعت انه باندل جديد نزل مع لعبتين MGS4 & KZ2
انصحك تأخذ هذا البندل لأنه يحتوي على افضل لعبتين في هذا الجيل
و شغله ثانيه انصحك و بشده انك تأخذ اوروبي من سوني او الكترونيات الغانم وراح يعطيونك سنه كفاله​

 

[Grand]

ليش ما تنتظر البرايس كت؟

ما اتوقع شيء قريب و انا ابيها للعطله الحين

ليش ما تنتظر الـslim ؟
فكسد .

>.> في خبر اكيد لاني اشوافها شبه مستحيل

 

[Riitmoo]

>.> في خبر اكيد لاني اشوافها شبه مستحيل

[YOUTUBE]http://www.youtube.com/watch?v=EUBn3_5IbGE[/YOUTUBE]

 

[Burdegation]

حتى لو بينزل هالشهر ..احسلك اطنش فيه و تاخذلك العادي

هاردوير و مميزات افضل

 

[Grand]

اليوم موعد السليم هل ممكن احصلها بالوكاله اليوم احد عنده خبر؟؟؟ و السعر بعد ^^

 

[Vorg Zangief]

إنطر ..
تريث ..
إنتظر ..
لا تتسرع ..
طول بالك ..
صوم رمضان ..
و على العيد إن شاء الله .. لسليم ينزل و أسعار الجهاز العادي راح تنزل بعد ..

 

[Snake-87]

بالعيد الأسعار تصير نار بالرحاب

 

[Grand]

إنطر ..
تريث ..
إنتظر ..
لا تتسرع ..
طول بالك ..
صوم رمضان ..
و على العيد إن شاء الله .. لسليم ينزل و أسعار الجهاز العادي راح تنزل بعد ..

وقتها راحت اخر 3 اسابيع عطله على الفاضي ):