اما ما فيه توجه فني فاختلف .. فيه لمسة فنية واضحة اتفقنا او اختلفنا .. يعني اي صورة في اي زاوية توحي ان هذي لعبة هورايزون
فيه توجه فني ماقلت مافيه .. المفتاح في عبارتي كانت "أصيل ومميز" .. ما اشوف التوجه الفني بهورايزن مميز او فيه اصالة.. اشوفه حرفيا كفلتر انستقرام او سناب شات
خليه حلو و photogenic طول الوقت وبس
اختلف نسبيا .. في بناء ممتاز للعالم برايي الشخصي .. وحاطين جهد معقول في كتابة التاريخ لما بعد الكارثة .. المشكلة بالجزء الاول خصوصا ان هالشي ماخذ الدور التاسع او العاشر بدل ما يكونوا خطين متوازيين لما قبل الكارثة وما بعدها على الاقل
يعني انت تاعب على وجود قبائل بخصائص وصفات وسلوكيات مختلفة .. المفترض هالشي يظهر بوضوح اكثر بتركيز مهمات اكثر على هذي الخصائص .. يمكن الاضافة شوي تعمقت في قبائل البانوك بس اللعبه الاصلية اخفقت في هالجانب
خصوصا الشق السياسي .. احداث العالم صايرة بعد ثورة على طاغية .. ما تحس بهالشي .. بشكل واضح .. او يمكن بكم مهمة جانبية
انت قلتها باخر ٣ سطور في الاقتباس ..
بناء العالم ركيك لانه مافيه ترابط سلس او coherency .. اضرب لك مثال:
قبيلة النورا في قرية الوي يرأسها عجايز يوقرهم الجميع ويقدسوهم كأنبياء للديانة القبيلية .. في اللعبة حرفيا تقولك واحدة منهم انهم وصلوا لمنصبهم (أعلى منصب اجتماعي في القرية) لانهم اكثر اناث جابو خلفة او سلالة للقبيلة .. من الاخر اكثر اناث عندهم اجيال من الاحفاد
هذا حرفيا سلم قبيلة نورا الاجتماعي .. كثرت الخلفة = ارتقيت اعلى بالسلم. لكن تعال في القرية نفسها ومن يعيش فيها؟!
ماتشوف لهذا اي صورة او شكل .. ماتحصل اي انثى تتكلم باهمية الأمومة، ولا تحصل اي احد يسعى ورا هالبرستيج ... الوي بنفسها مافي اي احد يعترض عليها و العالم يتعايش معاها كشخص عادي جدا (بعيدا عن النفي) مع انها المفترض تكون الشخصية اللي كاسرة كل عادات القبيلة، وخارجة تقاتل لان هذا كل اللي تعرفه بعد طفولة قاسية عانت فيها من النفي والوحدة
لا والمضحك الوي مو الوحيدة المقاتلة .. تكتشف بعدين ان قائد جيش النورا ايضا انثى .. والسبب؟ ليش لا .. لان الاناث يقدروا ...حرفيا مافي اي اعتبار لاعتلاء السلم الاجتماعي والديني اللي المفترض يكون محرك عند كثير من المنتسبين للقبيلة ...ليش؟! لانهم بشر
ورح يتكرر الامر مع اي شخص مهم من القبيلة
كل هذا بكوم وحقيقة وضع العالم اللي اللعبة تعيش وسطه بكوم اخر .. حقبة رجع الزمن فيها بالبشر الى البدائية يكون احرى فيها منطقيا ان يعود كل جنس لأدواره البدائية ...ليش؟ لان طبيعة العالم تحتم هالامر
كل هذا ينتج لك عالم مضروب ماتدري اش هو يبي وركيك ماله هوية .. انا ادري ان سبب رئيسي لهذا كان توجه اللعبة لخدمة الفكر النسوي، وانا معه مو ضده بأي شكل من الاشكال بس طريقة تطبيقهم لهذا سخيفة وسطحية بشكل اشوفه مهين لتمكين المرأة اكثر مماهو ممكّن
والوي مملة وفارغة بسبب هذا .. برأيي لو خلوها الشخصية اللي فعلا منشقة عن القبيلة بسبب ماضيها، المعاداة بسبب انسلاخها عن العادات واللي تحاول تتعايش مع واقعها وتعاني منه داخليا لكانت شخصية مثيرة اكثر، بشرية اكثر...وممثل افضل للأجندة اللي يبغوا يوصلوها