بديل بتلكو والبقية في بعض دول الخليج OPENSKY™ ما ادري ومتحير !

[ABUALI]

بعد الجهد الجهيد للحصول عن بديل لبتلكو اللي طلعت يوسف "أسود" من تروجيمنج وعالم النت
حصلت عدة عروض لكن الأغلب غالي وما يصلح لميزانية شخصين في بيت واحد.. لكن لابد من بديل لهاذي الشركة المنحوسة

OPENSKY™ عندهم عرض أكثر من ممتاز وهو اتجاه واحد "يعني داونلود فقط" واقل سعر عندهم في حدود 24 يورو ( 11 دينار، 110 ريال) وحاليا في عرض مؤقت (9 دينار، 90 ريال درهم)
http://www.broadsat.com/en/opensky/buy/prices.html
السعر ممتاز لكن المشكلة تكمن في الاتجاه الواحد يتطلب اتصال ثاني "ديل-آب DSL أي شي" يعني بتلكو مرة ثانية
نظام الديل آب عند بتلكو يحسب بالساعات صدق متخلفين
والـDSL اقل سعر حالياً 30 دينار وعقب كم شهر بيسوون اشتراك بـ10 - 15 دينار...

لو فكرت على OPENSKY™ + بتلكو
11 + 30 = 41 دينار ... واللحين ادفع نفس هاذا المبلغ لبتلكو
عندي شبكة مع الجيران وادفع 7 دنانير هاذا في اشتراك بتلكو
لكن مع OPENSKY™ جهاز التوزيع عندهم غالي جداً مثل ما الكل يقول (السعر غير مصرح به في الموقع الرسمي) فبأضطر ادفع المبلغ كامل..

الحركة فيها مخاطرة شوي بالنسبة لي... ولا مرة استخدمت انترنت ساتالايت.. ونظام الشركة اللي هوه 300 ميجابايت تستخدم فيها سرعة النت الكلية (400 كيلوبايت في الثانية) وبعدها تتحول سرعتك الى حسب السرعة المتوفرة - المعروفة عندنا بأوقات الذروة-

وما ادري هل الخدمة هاذي توفر في البحرين واللا لا، لأنها موجودة في السعودية والامارات المتحدة وسوريا ولبنان....

اريد منكم النصيحة شباب ... ابغي اعرف اداء انترنت الستالايت واذا كان اللا تستخدمونه اتجاه واحد يكون أفضل علشان آخذ بآراكم ويمكن اقتنع


والله ضربتنا ضربه هالبتلكو واحتاج اغير عنهم... طبيعي بجرب OPENSKY على الاقل شهر واحد

 

[Zeyad]

قبل ما اشترك بستالايت اوربت "ثنائي الاتجاه" كنت افكر اخذ احادي الاتجاء اوبن سكاي..

بس المشكلة ان الداونلود محدود ، يعني اوبن سكاي بتعطيك 500 ميجا بشهر ، اذا خلصت 500 ميجا سرعتك راح تنخفس لدرجة غير طبيعية ويمكن الدايل اب يكون أرحم ...

اريد منكم النصيحة شباب ... ابغي اعرف اداء انترنت الستالايت واذا كان اللا تستخدمونه اتجاه واحد يكون أفضل علشان آخذ بآراكم ويمكن اقتنع

مشكلة احادي الاتجاه هو $$$ يعني ثنائي الاتجاه أفضل من ناحية ان السعر ثابت شهرياً...

على فكرة اوربت عندهم أحادي الاتجاه وموجود حالياً فقط بالبحرين والسعودية..

 

[Futrus]

ماعجبني الصراحه وسالفه الستالايت شايلها من مخي كلش

وأحس صعب جداً إني أنتقل لسرعه ثانيه غير الميجا لأني كلش مرتاح معاها وشفت إن مافي مشكله في المساحه لأني تقريباً الوحيد اللي يستخدم الإنترنت في البيت وماعندنا شبكه (أصلاً إنشاء شبكه مع الجيران رغم مخالفة هالشي لقوانين الشركه حرام شرعاً )

أنا ما أبرر للشركة النصابه بتلكو لكن بعد ماجربت الخدمه شفتها مناسبه حتى لو رجعوا إخواني للبحرين هم مايسوون داونلود إلا نادراً وبقدر أتكيف مع الوضع

ولا ننسى أخ أبو علي إن وجود إنترنت تقدر تسوي فيه داونلود وابلود شي مهم للأونلاين

<<< إحتمال نهاية الشهر أو في نصه توصلني ميتل جير مناسبة إنتهاء الإمتحانات إذا لك نيه تلعب اونلاين

 

[NSider]

(أصلاً إنشاء شبكه مع الجيران رغم مخالفة هالشي لقوانين الشركه حرام شرعاً )

ليش حرام شرعاً؟! ما فيها شي! انشاء شبكة مع الجيران نفس فكرة أنك تنشئ شبكة داخل البيت .. والشركة أصلاً ما لها حق أنها تقول أنه يخالف القوانين لأن من حقك تسوي اللي تبي بالاشتراك حقك ما دام أنك مو قاعد تسرق منهم شي (نفس الـbandwidth ما راح يتغير) ولا هم يخسرون مبالغ إضافية بسبب هذا الاستخدام .. بالعكس هم راح يكسبون مبالغ إضافية بسبب حد التنزيل اللي عندكم.

الشيء الوحيد اللي ممكن يخسرونه هو أن الجيران يشتركون اشتراك لحالهم .. وهذا طبعاً يتطلب تركيب splitter وتوفير bandwidth خاص لهم وكل شيء. كيف تبي الناس اللي على قد حالهم يركبون انترنت سريع؟ أعرف ناس على قد حالهم ورواتبهم كلهم تحت الـ3000 ريال شهرياً .. ركبوا لهم اشتراك DSL 256 موزع على 4 بيوت! يعني لو كلهم يستخدمونه في نفس الوقت تطلع سرعة قريبة من الدايل أب! ما تتصور قد فرحتهم بهذا الاشتراك اللي بصعوبة يقدرون يدفعون قيمته .. ومستحيل يقدرون يدفعونه واحد واحد. إذا واحد فيهم كان يبي ينزل شي مهم .. يطلع ويدق باب كل واحد من جيرانه عشان ما يستخدمون الانترنت خلال الساعات الجاية. وعلى فكرة، سعودي نت هم اللي ركبوا لهم الواي فاي وتأكدوا أنه يشتغل في كل البيوت .. يعني الشركة تعرف أنهم مشتركين مع بعض!

أنا متأكد منها وسألت عنها (كنت بسويها) .. ما فيها أي مانع شرعي.

 

[Futrus]

الوضع مختلف في البحرين الشركه خلت مساحة التنزيل محدوده علشان يتم إلغاء الشبكات وهالشي نجح أغلب اللي مسويين شبكات راح يلغونها

إشرايك إن عندنا في البحرين منطقة إسمها السنابس (غير عن اللي في السعوديه) حوالي 40 بيت مشتركين في إشتراك واحد وإتخيل كم كمبيوتر على الأقل في البيت الواحد ،،، الأغلبيه اللي قاعدين يسوون شبكات من 7 بيوت وفوق ما أدري شلون يقدرون يستحملون السرعه اللي تتوزع على هالبيوت تطلع قليله -_- في ناس عندهم عادي

إحنا كنا بنسوي شبكه مع الجيران حوالي 5 بيوت لكن الجيران إشتركوا ونسونا -_- فإشتركنا بروحنا صحيح غالي لكن مضمون ومافيه مشاكل ( تصير مشاكل كثيره بسبب الشبكات اللي بين البيوت ) وإطمئنان من الناحية الشرعيه ،،،، بتلكو قانوناً مانعه الشبكات عكس الشركه السعوديه اللي عندكم لو كان عندها عادي كان ماسوت النظام الجديد اللي عفس أغلب الشبكات

 

[NSider]

طيب وش دخلها الشركة باللي يسوونه الناس باشتراكاتهم؟ والله تحكير .. -_-

المهم أنها مو حرام شرعاً ..

أتوقع سالفة الدايل أب بالساعة هي اللي خلت الناس يسوون الشي هذا عندكم .. من جد طريقة غبية ومكلفة. لازم على الأكثر بالدقيقة إن ما كان بالثانية! ايش يسوي اللي عنده بيت في 3 أشخاص ما يدخلون النت إلا 10 دقايق في اليوم في أوقات مختلفة؟ احسبها .. بيدفع 6 أضعاف اللي المفروض يدفعه! أكيد راح يضطر أنه يشترك مع غيره في DSL عشان يوفر!

 

[Futrus]

ألحين مافي أوفر ماأوفر قبل شبكه وسرعه تصير كأنها دايل اب ألحين سرعه كبيره ميجا وإذا تعدين ال15 جيجا تصير دايل اب صعب هالمساحه صعب تنفع للي عندهم شبكات لأنهم لو تعدوا المساحه الإنترنت بسرعه دايل اب يتوزع شلون بيقدرون يستخدمونه أصلاً

قبل لما كنت دايل اب كنت أدخل الإنترنت يومياً حوالي3 ساعات وتجي الفاتوره فوق ال40 دينار S:

مسألة حلال ولا حرام تختلف إذا شركه ترضى بهالشي ولا تسمح هذي يبلها سؤال وبحاول أتأكد من هالشي مع إني سألت أبوي وهو يقول حرام مدام الشركه ماتسمح بهالشي

 

[ABUALI]

قبل ما اشترك بستالايت اوربت "ثنائي الاتجاه" كنت افكر اخذ احادي الاتجاء اوبن سكاي..

بس المشكلة ان الداونلود محدود ، يعني اوبن سكاي بتعطيك 500 ميجا بشهر ، اذا خلصت 500 ميجا سرعتك راح تنخفس لدرجة غير طبيعية ويمكن الدايل اب يكون أرحم ...

صحيح بس على حسب قولهم ان اذا خلصت المحدد يصير استخدامك على حسب السرعة المتوفرة حالياً.. وبتلكو تتبع هذا النظام من أول ما فتحت الانترنت.. بعض الاحيان تحس الانترنت ضعيف في اوقات الذروة... المهم اللحين من صجك ينخسف ويصير ديل آب :suspiciou لأن سرعة الاتصال اللي بشترك فيها سرعتها الاولية 2 ميجابايت وبعد ما اخلص 300 ميجا تنخسف السرعة عاد ما ادري تصير كم.

مشكلة احادي الاتجاه هو $$$ يعني ثنائي الاتجاه أفضل من ناحية ان السعر ثابت شهرياً...

على فكرة اوربت عندهم أحادي الاتجاه وموجود حالياً فقط بالبحرين والسعودية..

اوبن سكاي حاليا يخليني ادفع 41 دينار شهريا للانترنت وفي المستقبل بصير 21 دينار ثابت... مشكلة انترنت أوربت هو دفع الرسوم يكون مقدم وعلى الاقل 6 شهور ! شلون ادفعها هاذي. ثاني شي مانعين التورنت وهو اساس اشتراكي في النت واعتقد نفس نظام اوبن سكاي بعد لكن اوربت تخلي لك باليوم استخدام محدد اذا تعديته ينزلون سرعة النت وترجع في اليوم الثاني.

ماعجبني الصراحه وسالفه الستالايت شايلها من مخي كلش

ياللأسف

وأحس صعب جداً إني أنتقل لسرعه ثانيه غير الميجا لأني كلش مرتاح معاها وشفت إن مافي مشكله في المساحه لأني تقريباً الوحيد اللي يستخدم الإنترنت في البيت وماعندنا شبكه (أصلاً إنشاء شبكه مع الجيران رغم مخالفة هالشي لقوانين الشركه حرام شرعاً )

أنا ما أبرر للشركة النصابه بتلكو لكن بعد ماجربت الخدمه شفتها مناسبه حتى لو رجعوا إخواني للبحرين هم مايسوون داونلود إلا نادراً وبقدر أتكيف مع الوضع

وضعك يخدمك واستخدامك عادي.. و 15 جيجا تنفع لك. لكن للشبكات ما تصلح.. وللـهفي داونلودر ما تصلح. وانا للأسف استخدامي غير عادي نهائيا

وسالفه الشبكات صدقني لو بتلكو تعطي الناس انترنت بسعر معقول محد اشترك في شبكة والحاجة ام الاختراع.. لو كان السعر ينبلع جان كل واحد فتح ليه انترنت. مو معقوله بدفع 40 دينار شهريا حق انترنت ومعاشي 140 هاذا غير العلاوات اللي احصلها اذا غبت وعندي خيار ادفع 7 دينار واستخدم نفس السرعة ونفس النت.. 40 دينار نهب لأموال الناس بالغصب.. خذ بهالعوامل وحطها وية قوانين بتلكو وشوف بعدين اسأل عن شرعي والا مو شرعي.

وسرعة الانترنت في الشبكة.. اقل من 10 اشخاص تكون في الأمان من تزيد تروح السرعة وطي

ولا ننسى أخ أبو علي إن وجود إنترنت تقدر تسوي فيه داونلود وابلود شي مهم للأونلاين <<< إحتمال نهاية الشهر أو في نصه توصلني ميتل جير مناسبة إنتهاء الإمتحانات إذا لك نيه تلعب اونلاين

من لديه حيله فليحتال .. ابلود من عند بتلكو و داونلود من اوبن سكاي وراوتر ينظم الاستخدام بينهم. حاليا تركت التنزيل وتركت لعب الاونلاين كله بسبب 15 جيجا وديل آب وهالخرابيط.

 

[Futrus]

أنا أستعمل التورنت وما أستغني عنه لكن أي هاردسك بستحمل 10 جيجا تقريباًكل شهر بالسرعه القديمه متروس إشلون ألحين
عموماً الله يعينك والأخبار هالأيام زادت عن وجود البديل لبتلكو مثل شركات كلام وغيرها أنا بعد بدور لي البديل الأفضل من بتلكو

 

[NSider]

مسألة حلال ولا حرام تختلف إذا شركه ترضى بهالشي ولا تسمح هذي يبلها سؤال وبحاول أتأكد من هالشي مع إني سألت أبوي وهو يقول حرام مدام الشركه ماتسمح بهالشي

مو الشركة اللي تحدد الحلال والحرام .. لكن إذا كان الشرط موجود في عقد وقعتوا عليه باكتمال شروط العقود (وجود شهود .. الخ) .. يصير العقد شريعة المتعاقدين.

لكني متأكد أن ما فيها شي .. ولا يضر الشركة بشي (غير أنه يمنعها من أنها تنصب على غيرك ).