ايش هيه اكثر انواع الفنون اللي انت ماتتخيل نفسك من دونها

[Suzuki Yu]

ايش هيه اكثر انواع الفنون اللي انت ماتتخيل نفسك من دونها ولا تقدر تبعد عنها وفي الغالب
صارت بالنسبة لك ادمان يومي انك تستمتع بهذه الفنون

بالنسبة ليه :

1- الفيديو جيمز بجميع انواعه (من نصف ساعة لثلاث ساعات حسب)

2- الموسيقى بجميع أنواعها ( من ساعة ونصف لخمس ساعات مجنون ومعتوه تقدروا تقولوا )

3- الأفلام سواء أنمي أو سينما بجميع انواعها (حسب طول الفلم وغالبا أشوف فلم واحد واذا كان مسلسل من حلقة لعشرة حسب)

ثلاثة أشياء رئيسية في حياتي اليومية

 

[szero]

1- الكمبيوتر
2- الكمبيوتر
3- الكمبيوتر
4- الـGames بأنواعها (سواءً كونسولز او بي سي)
5- الرياضه (لوووووووووووووووووووووووووووووووووول أكبر صاروخ أطلقته بحياتي)
​

 

[Pichi]

1-الانترنت و الكمبيوتر (الانترنت لوحده فوق 12 ساعة يومياً وبشكل رسمي وهذا اذا ماوصلت لـ 19 ساعه)
2-الموسيقى و الاغاني و الافلام و المسلسلات إلخ...
3-الفيديو جيمز..(ساعه او ساعتين باليوم او ماالعب بالمره!)
4-السياقة (ماااحد يتخيل ان فيه واحد تعدى مسافة 45 كيلومتر خلال 20 دقيقة!<---لول ولا مايكل شوماخر يجيبها)

 

[rubso]

1-كمبيوتر -انترنت- مرة صارت مشاكل بكوالتي نت للدي اس ال .. وقعدت يوم كامل بدون كمبيوتر ، كله مخدر ومالي خلق اتحرك @_@ .. ( بيتشي : انا مرة قعدت على الكمبيوتر يوم ونصف مواصل .. كان يوم اول مرة اجرب اللنكس ) ..
2- الالعاب .. وخصوصا Counter-Strike ..
بس !

 

[Shot]

1. الكمبيوتر
2. الفيديو جيمز
3. قيتاري الحبيب ^.^
4. رياضه المبارزة << العب بنادي اليرموك
5. الأغاني

 

[Uzumaki Naruto]

1 -اليوغا .. ضروريه جداً لي .. تستهلك الكثير من التشاكرا ..

2 - احاول اتلعم اشياء جديده .. مثلاً توني تعلمت شلون أطبخ طبق قرديس >>>> ولله مدري وشو بس دايم اقراها بالافلام XD .. حالياً .. أحاول استخدم قدراتي العقليه لفك غطا الببسي ! .. ادعولي بالتوفيق ..

3 - ان فضيت .. أحب اروح البحر .. واسوي ركمجه .. " ان " فضيت ..

 

[Xeno]

1- كرة القدم
2- الفيديو جيمز
3- الانترنت

 

[Pichi]

1-كمبيوتر -انترنت- مرة صارت مشاكل بكوالتي نت للدي اس ال .. وقعدت يوم كامل بدون كمبيوتر ، كله مخدر ومالي خلق اتحرك @_@ .. ( بيتشي : انا مرة قعدت على الكمبيوتر يوم ونصف مواصل .. كان يوم اول مرة اجرب اللنكس ) ..
2- الالعاب .. وخصوصا Counter-Strike ..
بس !

لول..وعالبالك انا بس 19 ساعه ؟ أحيانا تزيد و بقوة في الاجازات ..ممكن اوصلها لثلاث أيام..
والله حلو اللينكس..خصوصاً ان مصدر مفتوح .. ظنك و حسب خبرتك وش الافضل استخدام ؟ ويندز ولا لينكس؟ ..وآسف على الخروج من الموضوع ..

 

[szero]

لول..وعالبالك انا بس 19 ساعه ؟ أحيانا تزيد و بقوة في الاجازات ..ممكن اوصلها لثلاث أيام..

لووول اذكر مره ابوي زعل على لأني زودتها عالكمبيوتر (اسبوع ما انزل الا عشان آكل ... مره وحده بس اخذت بريك ولعبت جيم هيلو ) ... خفت انه يزعل قمت نزلت تحت وخشيت عالجهاز بالـVNC وقتها كان معي palm وفيه VNC client .... ما قدرت اترك الكمبيوتر XD

 

[Ash]

-كمبيوتر
-فيديو جيمز
-فيديو " تلفزيون , افلام ,انيمي "
-قراءة " كتب, مانجا "
-رسم
-موسيقى

كل شيئ لول XD

 

[Az(e)z-N]

-اكيد الكمبيوتر
-ما اتخيل يوم بدون ما اسمع اغاني ايفرل او حفلاتها..إذا ما سمعتها بتيني هستيريا لول
- افلام

 

[Final Fantasy]

1- التلفزيون

2- الفيديو جيمز

3- الكمبيوتر و النت

4- فاينل فانتسي 11

 

[m7tram]

1- النت
2-الفيديو جيمز
3-الاغاني
4-الانمي والافلام

انا توني جديد على عالم الانمي فتلقاني مهووس فيه هاذي الايام

 

[Isaac]

فنون ؟!

على كل أن هالأيام ا أغلب الوقت عالـ PC يا استخدم النت أو أصمم بالإضافة إلى فف11 و من فترة للثانية أشوف الأخبار عالعربية أو الجزيرة وأرجع أكمل XD من جد ملل -____-"

 

[SNYMA]

1- قراءة
2- فيديو جيمز
3- أفلام - أنمي
4- الكمبيوتر << ما أستغني عنه أبد XD

 

[Mada Mada Dane]

الفنون هي أشيـــاء انت تنتجها , يعتبر فن خاص فيك --__--

مااشوف انك تطالع تلعب فيديو جيمز يعتبر نوع من الفنون , الفنان هو الي صمم اللعبه وانت المستهلك لها , المستهلك لهذا الفــن >< ... يمكن فلسفتي غلط وعلى الفاضي , لذا بمشي " مع الخيل ياشقرا " ^^

عموما : 1- الكتابة
2-القراءة
3-الفيديو جيمز
4-الانمي - أفلام
5- تنس الطاولة

 

[DONY]

عجيب الموضوع

--------------------------

1- مطالعة

.

2- الالعاب

.

3- الافلام و الانمي

.. والمصااارعة

(مالقيت صورة تعبر عن المصارعة غير ابو خشم HHH .. فلا تفكروني معجب فيه .. والله ما اطييقه

) .

4- الانترنت

.​

 

[Suzuki Yu]

الفنون هي أشيـــاء انت تنتجها , يعتبر فن خاص فيك --__--

مااشوف انك تطالع تلعب فيديو جيمز يعتبر نوع من الفنون , الفنان هو الي صمم اللعبه وانت المستهلك لها , المستهلك لهذا الفــن >< ... يمكن فلسفتي غلط وعلى الفاضي , لذا بمشي " مع الخيل ياشقرا " ^^

أنت فهمتني غلط , أنا ماقلت فنون انت تبدعها

انا كان قصدي أيش هيه أنواع الفنون اللي أنت تتلذذ بالاستمتاع بها وماتقدر تتخلى عنها

 

[RaTcHeT]

1- الفيديو جيمز
2- الكمبيوتر و النت
3- الافلام و الانمي

 

[Jizasu]

- الانترنت
- الرسم
- الغناء (خاصه اني اشوف صوتي ممتاز)
- الاستماع الى الاغاني
- لعب الفيديو جيمز
- الجز و الطلعه
- مشاهدة الافلام سواء في البيت او السينما
- مشاهدة ديزني جنل
- مشاهدة سوبر كوميدي

​

 

[Isaac]

أعتقد لفظة "الهوايات" تخدم أكثر إذا كان هذا قصدك أخ سزوكي ^^

 

[m7tram]

- الغناء (خاصه اني اشوف صوتي ممتاز)

​

القرد بعين امه غزال لول

عيسى أغلب الناس يشوفون اصواتهم حلوه لانهم يسمعونه حلو وهو بالصج (يالهوي) لول :razz:

 

[Az(e)z-N]

- الجز و الطلعه

لول اي والله شلون نسيت هذي الشغله, اربعه +خميس..انا تلقاني باحد المجمعات مع ربعي,بس الصراحه احب الطلعات علشان السينما+اشتري إلي يعجبني+اتعشى ..اما الجز خليته لربعي احس انه شيء فاضي مع احترامي لليحبونه

 

[Uzumaki Naruto]

وشو الجز ؟

 

[m7tram]

لول اي والله شلون نسيت هذي الشغله, اربعه +خميس..انا تلقاني باحد المجمعات مع ربعي,بس الصراحه احب الطلعات علشان السينما+اشتري إلي يعجبني+اتعشى ..اما الجز خليته لربعي احس انه شيء فاضي مع احترامي لليحبونه

اووه وانا بعد شلون نسيت الطلعات ... اهم شي بالنسبه لي

بس على فكره انت فهمت عيسى غلط ... اهو ما يقصد الجز الي في بالك .. وللجز أنواع
اهو يقصد الطلعات + الوناسه + الفراره = جز ... بس مو الي في بالك :razz:

 

[Golden_Sun]

وشو الجز ؟

الأصل تُنطق "Gـز" .. ومعناتها طلعاتك مع ربعك ايام نهاية الاسبوع او في العطل .. للوناسة او اي شي :razz: ..

هممممممممم بالنسبة للفنون او الهوايات ..

- الكمبيوتر والإنترنت
- الفيديو جيمز
- الموسيقى والاغاني
- الافلام والسينما والانمي والتلفزيون (ولو اني ما اتفرج وايد عليه)
- القراءه (بس مو الكتب. المجلات احب اقرى مجلات واجمعهم)
- مادري اذا السباحة والبحر يعتبرون فن او لأ XD .. وبصراحة ودي اتدرب على الغوص

 

[rubso]

لول..وعالبالك انا بس 19 ساعه ؟ أحيانا تزيد و بقوة في الاجازات ..ممكن اوصلها لثلاث أيام..
والله حلو اللينكس..خصوصاً ان مصدر مفتوح .. ظنك و حسب خبرتك وش الافضل استخدام ؟ ويندز ولا لينكس؟ ..وآسف على الخروج من الموضوع ..

اذا انت مستخدم غير قابل للتعلم وتبي شي سهل Click Click مثل ويندوز .. وخر عن اللنكس ، اذا انت فضولي وتحب تجرب وتخرب .. اللنكس راح تتعلم منه اشياء كثير في حياتك "الكمبيوترية" ..

 

[Naif]

- الكمبيوتر والإنترنت
- الفيديو جيمز
- الموسيقى والاغاني
- الافلام والسينما والانمي والتلفزيون (ولو اني ما اتفرج وايد عليه)
- القراءه (بس مو الكتب. المجلات احب اقرى مجلات واجمعهم)
- مادري اذا السباحة والبحر يعتبرون فن او لأ XD .. وبصراحة ودي اتدرب على الغوص

نفس الشي .. ما عدا السباحة P: (ما اعرف اسبح P: )

 

[Humam]

أنا من هواة جمع الطوابع تدخلوني معاكم

 

[Mr.3B]

...

بالنسبة لي :
1. الاكمبيوتر + نت : ( بصراحة أرحمه ما يتسكر :razz: ينكرف كرف مو طبيعي مع العلم انه لي يعني محد يستخدمه غيري )
2. الأغاني : لا يقل عن 3 ساعات يوميًا يعني ما أعرف أقعد ولا ماشي بالسيراة ولا أي شي بدون ما أشغل أغاني .
3. الفديو جيمز : بصراحة العنوان ذا يعتمد مثلا لو عندي لعبة جديدة توني شاريها أعلق عليها مرات أوصل أكثر من 15 ساعة باليوم !!
أما اذا ما في شي جديد اما ما ألعلب أو ان لعب بالكثير ما تتعدى ساعتين Super Smash
4. أفلام + آنمي + مسلسلات : يعني تقريبًا لازم باليوم اذا ما في طلعات ولا شي لازم أتفرج فلم بالتلفزيون أو مسلسل بالعادة 3 ساعات بالقليل أما الآنمي يعتمد عندي آنميات ولا لأ اذا إي أدمن ادمان مو طبيعي بصراحة ما سميت نفسي The Anime Lover من الباب للطاقة :razz:
مرات أكون مشغل تلفزيون + أغاني + كمبيوتر يعني أكثر من شغلة ويعجبني الوضع
5. أحب المطاعم لازم أقل شي 4 مرات اسبوعيًا أروح مطعم هذا غير طلبات التوصيل :razz:
6. أموت بالسباحة لازم أقل شي مرة أسبوعيًا أسبح لما لا يقل عن 3 ساعات