انطباعات ديمو OverWatch هنا

[FARES_]

غريب.. نسخة الكونسول 9 جيجا

هي فعلا 9...بس الظاهر الداونلود كان عندي مخرف لول

جربت البيتا..في البدايه جربت شخصية السولدر.. حسيته مييه ما جاب شي جديد كقدرات مثل اي لعبه شوتر حربية لكن من جربت شخصية ثانيه وهي تريس هنا بدا ميزات اوفر واتج تطلع وهي ان كل شخصيه لها خواص وطريقة لعب تنفرد فيها عن الباقي ! على سبيل المثال تريس اسلوبها اكثر بالمراوغه والسرعة
التحكم سلس والجيم بلاي خطيرين ما عليهم كلام
للامانه حطيتها في قايمة المشتريات هالشهر

الي بيلعب نسخة بلاي.. fares_4k يضيفني

 

[Storm is here]

ما اتذكر بليزارد احبطتني في شيء واوفرواتش مش استثناء هنا .

جيمبلاي سريع بشخصيات مميزة . انا لعبتها لوحدي وكنت مستمع فكيف يوم اعمل فريق استراتيجي في الاونلاين ؟


بس ذاك الالي اللي معه مشين جن OP بزيادة

 

[titanfall]

جربت البيتا
انا شخص ما يحب الأونلاين في العاب الشوتر
لكن المفاجأة هنا و على عكس الأونلاين الممل في Doom ( رأي شخصي ) هنا في Overwatch ابدعوا فيها جدا ، هذا و انا شخص ما يحب اونلاين - شوتر و قررت اشتريها ، فكيف راح تكون مع الي يحبون هذا النوع من الألعاب ؟! باختصار طور الاونلاين في العاب الشوتر المعروفة حاليا سيفقد الكثير من اللاعبين لصالح هذه اللعبة ، لماذا ؟ لأن هذي اللعبة أبدع الفريق فيها جدا و وضعوا مجهود كبير اقدر الاحظه بسهولة ، عكس معظم العاب الشوتر اونلاين الي خلتني أكره هذا النوع من الالعاب ، باختصار الي مل من شيء اسمه اونلاين شوتر راح يعيد حساباته مع هذي اللعبة

 

[judge balthier]

لعبت 3 مباريات اليوم في الصباح ,اللعبة سهله جدا و يمكن للاغلبية التأقلم معها , لاول مرة اعجب في لعبة اونلاين بالمعالج لهذه الدرجة
(خصوصا symmetra و mercy), ولا انسى شخصية widowmaker قوية جدا (خصوصا اذا استخدمتها من بعيد او مكان عالي) ,اللعبة بالشخصيات التي لعبتها تقريبا موزونة , باقي اجرب البقية لمعرفة اذا اللعبة من مشترياتي ام لا , و قبل لا انسى اعجبني خيار التصويت باللايك و الاعجاب بعد نهاية المباراة من قبل اللاعبين ,في مباراة اخذت فيها اكثر نسبة اعجاب

من غيري يشعر ان عالم اللعبة يجب ان يتسع اكثر من لعبة واحدة (العاب فرعية لبعض الشخصيات , فيقرز , كوميكس, افلام ...الخ) , في نظري عالم اللعبة و بيئتها يشجع على ذلك .

 

[Izunia]

لعبت 3 مباريات اليوم في الصباح ,اللعبة سهله جدا و يمكن للاغلبية التأقلم معها , لاول مرة اعجب في لعبة اونلاين بالمعالج لهذه الدرجة
(خصوصا symmetra و mercy), ولا انسى شخصية widowmaker قوية جدا (خصوصا اذا استخدمتها من بعيد او مكان عالي) ,اللعبة بالشخصيات التي لعبتها تقريبا موزونة , باقي اجرب البقية لمعرفة اذا اللعبة من مشترياتي ام لا , و قبل لا انسى اعجبني خيار التصويت باللايك و الاعجاب بعد نهاية المباراة من قبل اللاعبين ,في مباراة اخذت فيها اكثر نسبة اعجاب

من غيري يشعر ان عالم اللعبة يجب ان يتسع اكثر من لعبة واحدة (العاب فرعية لبعض الشخصيات , فيقرز , كوميكس, افلام ...الخ) , في نظري عالم اللعبة و بيئتها يشجع على ذلك .

انا معاك
يليت لو يسوو عالم كامل للعبة
اصلي عليك ، انا جاتني كم مره بلاي اوف ذا جيم

 

[judge balthier]

اصلي عليك

اعذرني .... بس ما فهمت ايش تقصد , و ما بي ارد و انا اكون فاهمك غلط

ممكن توضح لي .

 

[lonewolf82]

اعذرني .... بس ما فهمت ايش تقصد , و ما بي ارد و انا اكون فاهمك غلط

ممكن توضح لي .

اصلي عليك عبارة تقال للمديح مثل أحسنت و غيرها او كما يقول اخواننا المصريون عفارم عليك.

 

[judge balthier]

اصلي عليك عبارة تقال للمديح مثل أحسنت و غيرها او كما يقول اخواننا المصريون عفارم عليك.

زين ... انا راح تفكيري لبعيد .

 

[jassimalshoug]

اللعبة جدا ادمانية مثل باقي العاب المطور .. ولكن الشيء الي اذهلني .. لعبت باتلبورن جولة او جولتين وحذفت البيتا ماقدرت ادخل جوها حسيتها معقدة بزيادة .. اوڤرووتش قعدت العب بالساعات ولسا ما مليت منها! .. تفوق كبير وكبير جدًا لأوڤرووتش .. اهنئ بليزرد على هذه الرائعة

 

[لُقمَان]

زين ... انا راح تفكيري لبعيد .

محتوى مخفي: XD

هههههههههههههههههههههههههههههههههههههههههههههههههههههههههههههههههههههههههههههههههههههههه
لا تصير فهمتها أنه يصلي عليك XD

 

[Solay]

والله يااخواني انبسطوا على اللعبة، لعبت فيها كم جيم بس ما تعمقت فيها، واضح جدا أنها شغل محترم.

 

[Fatale]

تحديث طلعت اللعبة باقي ما تثبتت

 

[Primal]

دامج بعض التانكس زي Reinhardt و Roadhog اوفرباورد بزيادة == كل فريق تلقى فيه واحد من هالاثنين خصوصا Reinhardt يحملهم للفوز لو الي معك يلعبون كويس

 

["a7mad"]

اللعبه جباره ! انا كنت مدمن تيم فورترس ٢ بس تركتها عشان الكمبيوتر بدا يخبط ادائه .. والحين يوم لعبت هذي حرفيا نسخه من تيمفورتريس بجيمبلاي و شخصياا جباره ! داي ون ان شاء الله

 

[sogeking]

فعلاً اللعبه إدمانية, من فتحت البيتا تقريبا ما فكيناها أنا والشباب.. لفلي الظاهر وصل 30 xD

الشئ الوحيد اللي رافع ضغطي فيها هو الTurret اللي يحطها الشايب! تننننرفز

بخلال اليومين الماضيه طلعنا بكم لقطه كويسه بهذا الفيديو للي مهتم يشوفها P:

بإنتظار يوم 24 May

 

[FARES_]

في ايديت يديد نزل حجمه 2 قيقا ، احد يعرف شنو قصته؟؟

القيم بلاي رغم ان حلو بس ياخي فقدت ميزه الركض.. صايره حصرية لبعض الشخصيات فقط
العاده متعود اركض بكل الشخصيات وهم فاقد ميزة التصويب بشكل ادق..

 

[Risk Breaker]

حسافه لعبه مثل ذي ما فيها split screen .

للأسف أكثر الألعاب بدت تتخلى عنه ، ما أذكر غير جيرز 4 اللي إلى الآن محتفظه به .

 

[Storm is here]

اللعبة ادماااااان ، ممتعة مع شخصيات بكلاسات كثيرة وقدرات متنوعة ، انا نادرا ما تمسكني لعبة اونلاين لهادرجة لكن معروف علاقتي مع اي لعبة عليها ختم بليزارد .

انا لعبي تانك وهيلر اغلب الوقت ، ممتعين ويضيفون وزنهم للجيم لكن بليزارد تحتاج توزن اللعبة مع الروبوت باستيون مدري باتيون ، OP هذا غير انهم يحشرونه في زاوية ويصير قتله شبه مستحيل .

حسافه لعبه مثل ذي ما فيها split screen .

للأسف أكثر الألعاب بدت تتخلى عنه ، ما أذكر غير جيرز 4 اللي إلى الآن محتفظه به .

يخططون في المستقبل لاضافته ، بس فعلا السبلت سكرين جالسة تنقرض مع الاسف في هذه الجيل

 

[Dejo]

اللعبة ادماااااان ، ممتعة مع شخصيات بكلاسات كثيرة وقدرات متنوعة ، انا نادرا ما تمسكني لعبة اونلاين لهادرجة لكن معروف علاقتي مع اي لعبة عليها ختم بليزارد .

انا لعبي تانك وهيلر اغلب الوقت ، ممتعين ويضيفون وزنهم للجيم لكن بليزارد تحتاج توزن اللعبة مع الروبوت باستيون مدري باتيون ، OP هذا غير انهم يحشرونه في زاوية ويصير قتله شبه مستحيل .


يخططون في المستقبل لاضافته ، بس فعلا السبلت سكرين جالسة تنقرض مع الاسف في هذه الجيل

الالي باسشن قوي فعلا لما يتحول للتوريت لكن ترا له خصوم ضده انا كنت متعقد منه مثلك لكن حاولت اطلع بستراتيجيات وياه والي طلعوا لي هم هذول

رود هوق= يسحب باسشن وهو متحول ويخرب عليه
ويدوميكر=تقنصه من بعيد وتقدر تنهيه بطلقتين لو التشارج فول
فرح= تقدر تطير وترسل عليه صواريخ ..صاروخين او ثلاث كفيله تقتله وتقدر تروح فوقه ولا يقدر يصوب عليك

اللعبه فيها بالانس رهيب بس فيه كم شخصيه تحس لازم يشوفون لهم صرفه

مثل هانزو الالتي حقته خارقه
وريبر جدا قوي

لكن ماهم اقويا لدرجه يخربون القيم خلاص تقدر تطلع لهم استراتيجيات

 

[Dejo]

في شي مستغرب منه اذا البيتا فيه هالكميه من الشخصيات والمابات وتلفيل تقريبا لين 30 وشو الي يفرق عن اللعبه النهائيه اجل؟

 

[* RA!N *]

اللعبه ممتعه وتفتح النفس في الالوان والشخصيات. لكن قرأت خبر ان تقريبا هذه هي اللعبه الكامله فقط طورين ؟؟ شي محطم.
وايضا لكتشفت اني انسان فااااااشل جدا في الاونلاين شوتر اكثر واحد يموت في القيم انا ><

 

[Vorg Zangief]

الالي باسشن قوي فعلا لما يتحول للتوريت لكن ترا له خصوم ضده انا كنت متعقد منه مثلك لكن حاولت اطلع بستراتيجيات وياه والي طلعوا لي هم هذول

رود هوق= يسحب باسشن وهو متحول ويخرب عليه
ويدوميكر=تقنصه من بعيد وتقدر تنهيه بطلقتين لو التشارج فول
فرح= تقدر تطير وترسل عليه صواريخ ..صاروخين او ثلاث كفيله تقتله وتقدر تروح فوقه ولا يقدر يصوب عليك

اللعبه فيها بالانس رهيب بس فيه كم شخصيه تحس لازم يشوفون لهم صرفه

مثل هانزو الالتي حقته خارقه
وريبر جدا قوي

لكن ماهم اقويا لدرجه يخربون القيم خلاص تقدر تطلع لهم استراتيجيات

كل شخصيه لها كاونتر صحيح كلامك و لكن في بعض المابات باسشن مستحيل توقفه
هو الشخصية الوحيدة اللي غير موزونه

و اكثر شخصية استمتعت فيها التريسر
احلى شيء انها تدوخ اللي ضدك xD

 

[Primal]

^
لو حصل وما نرفوه بيكون السبب انه ما يقدر يتحرك وهو في وضعية المدفع حقته , من تجربة شخصية في العاب الاونلاين المطورين يلفون ويدورون لما الكلام يجي للنيرف
الاداء في البطولات هو الي يتحكم في التنريف والموازنة
بس عنده مدى اطلاق 360....وكمان الهيل حقه بروكن لو يعدل ويكون مرة وحدة ويصير عليه ريكاست لما يموت ويسوي ريسبون من جديد
او يهيل كمية معينة بكول داون حول 12 ثانية
الهيل حقه غبي ولازم يشوفون له حل كذا تزيد فرص انه يكون اقل ازعاج بدون ما ينرفون المدفعية حقته عشان تكون له فرصة ايضا

 

[Dejo]

كل شخصيه لها كاونتر صحيح كلامك و لكن في بعض المابات باسشن مستحيل توقفه
هو الشخصية الوحيدة اللي غير موزونه

و اكثر شخصية استمتعت فيها التريسر
احلى شيء انها تدوخ اللي ضدك xD

تخيل عاد دخلت مره ولقيت رينهارت حاط الدرع على باسشن وهو متحول هههههه كومبنايشن خيالي

 

[Primal]

تخيل عاد دخلت مره ولقيت رينهارت حاط الدرع على باسشن وهو متحول هههههه كومبنايشن خيالي

الداش حقته تقتل >< ون شوت
بس على الاقل عليها انيمشن لوك وهذا يصعب انك تجيبها صح

 

[Dejo]

الداش حقته تقتل >< ون شوت
بس على الاقل عليها انيمشن لوك وهذا يصعب انك تجيبها صح

سهل جدا تتفاداها
اانا احس الدرع حقه مظلوم صراحه ينكسر بسرعه المفروض يزيدونه او شي للان فايده الكبيره بدرع حقه

 

[HDNA]

البيتا خصوصا أن اللاق شبه معدوم لكن الشي المزعج هو كمية الناس اللي تدخل بـWidowmaker وتقعد أكثر من 5 ثواني علشان تقتل شخص واحد أو الشخص اللي مايختار Support حتى لو كان هو أخر واحد مااختار شخصية، والأسواء لو راح واختار شخصية Offense

لكن هذا يهون بالنسبة لي على اللي يلعب اللعبة TDM، الا لو كان ضدي

اكثر واحد يموت في القيم انا ><

لو تموت 32984723479 مرة موب مهم، المهم أنه رغم موتاتك هذي كلها نجحت مع فريقك في تحقيق الهدف، اللعبة موب TDM

 

[Primal]

لو تموت 32984723479 مرة موب مهم، المهم أنه رغم موتاتك هذي كلها نجحت مع فريقك في تحقيق الهدف، اللعبة موب TDM

+1
بس كمان لو تموت كثير بيصعب عليك انك تكون متجمع مع فريقك عشان تكملون الاهداف
المشكلة حاليا في كثير من اللاعبين يتفرقون بالماب ولا يتجمعون سوى عشان نهاجم وناخذ الهدف
السناريو المتكرر معي حاليا هو ان الفريق الي ضدي يتجمع ويهاجم سوى بينما فريقي كل واحد يروح لحاله :\

 

[Pandora]

+1
بس كمان لو تموت كثير بيصعب عليك انك تكون متجمع مع فريقك عشان تكملون الاهداف
المشكلة حاليا في كثير من اللاعبين يتفرقون بالماب ولا يتجمعون سوى عشان نهاجم وناخذ الهدف
السناريو المتكرر معي حاليا هو ان الفريق الي ضدي يتجمع ويهاجم سوى بينما فريقي كل واحد يروح لحاله :\

حظوظ يا رجل، امس لعبت مع كم فريق ولا احسن متفاهمين مع بعضهم و يعرف كل واحد وش المطلوب منه، اليوم الصبح لعبت كم جيم اتمردغنا صح بسبب كم واحد شايف نفسه رامبو.@@

 

[khalid-xs]

لو يسوون لوك على الكلاسات لمن اثنين يختارون من نفس الكلاس يصير عليه لوك و يجبرك تروح كلاس ثاني كذا الفريق يكون متوزع تمام ... ياخي توي داخل ٣ سنايبر واثنين تانك ..سلامات