انطباعات (الالفا ديمو) للعبة NIOH

[sol-bad]

يب استدعيت ناس كثير وساعدوني في المنطقة الثانية.

يب استدعيت ناس كثير وساعدوني في المنطقة الثانية.

كيف تلعبون اونلاين ؟

 

[Alena]

مسألة الأسلحة الي تنكسر هي الي اشوفها عيب اللعبة الأكبر، دارك سولز الثانية كانت تمتلك هالشي و الي من الأسباب الرئيسية لامتعاضي منها و الي صلحتها دارك سولز الثالثة. هنا يتكرر نفس الشي.

اتمنى يشوفون لهم صرفة.

==

بالمناسبة شباب ترا تقدرون تعطون الفريق فيدباك اذكروا الأشياء الي ما اعجبتكم ما راح تخسرون شي و ما تدرون يمكن يصلحونها.

 

[Genocide Diego]

كيف تلعبون اونلاين ؟

تروح للشراين وتختار Summon Visitor وانتظر لين يطلعلك شخص ويساعدك (تحتاج الآيتم Ochoko Cup عشان تستدعي).

 

[Noctis]

جربت الديمو و حالياً بالمنطقة الثانية

الصعوبة لذيذة!!
اموت وايد ولكن اغلب الوقت من اخطائي
الاجواء حلوة !! احب الاجواء اليابانية

عتبي على الكاميرا احس فيها شي غلط ( خفضت الsensitivity و تحسنت بالنسبة لي ولكن تحتاج المزيد من التعديل)
و نظام الستامينا ( انسى انه يوقف بمكانه اذا خلص عداد الستامينا )
و الاسلحة تنكسر
و ضربات الاعداء تأثر اكثر من ضرباتي احسه not fair
وبالعكس كثرة الاسلحة حلوة تسوي offering
تكسب سولز ؟ و ايتمز اضافية

حتى الان اللعبة داي ون الا اذا خربوا الشغلات الي تحتاج تعديل

 

[Raziel]

أساس اللعبة ممتاز كونه مستوحى من لعبة ممتازة ومع خصائص fighting stances وشجرة المهارات للأسلحة الرئيسية والفرعية خلقت لنفسها خط واضح عن سلسلة سولز.

يبقى ضبط مشاكل اللي ظهرت في ألفا مثل:

1. وزن HP و Stamina مكسور وغير دقيق
   
2. وزن Lock-On والكاميرا، أحيان كثيرة تنفيذ الهجمات أو الصد صحيح لكن عدم دقة الكاميرا أو التحديد التلقائي يخليك تضرب في الهواء وتعاقب
3. قصة أنك تهرب من أعداء ويستمرون يلاحقونك بمبدأ "يا قاتل يا مقتول" هذا اسمه هبل
4. لازم يكون هناك Invincibility عند تنفيذك للباري بشكل صحيح أو الهجمات اللي لها انيميشن سينمائي، مب معقول أنفذ الباري صح وفيه عدو خلفي يضرب ويخسرني HP

 

[Unknown]

لما تضرب حاول تضغط R1 يسترجع الـ Stamina بشكل اسرع

بالفيديو هنا تلاحظ الـ Stamina ماوصلت النص حتى!

احس اللعبه بتكون اقل صعوبه اذا مسترت الKi Pulse

 

[ASWD]

غسلت شراعهم في السيرفي الامريكي والاوربي واذا فيه لليابان بعد هاتو الرابط خل نكمل الغسيل

شباب بدل الحلطمة هني نقزو في السيرفي الامريكي والاوروبي وانتفو ريشهم ممكن نطلع بنتيجة اذا كان الفيد باك السلبي عالي

الاوروبي
http://www.gamecity.ne.jp/form/nioh_uk
الامريكي
http://www.gamecity.ne.jp/form/nioh_us

همتكم

 

[Fatale]

انا استغرب صراحة من وصف البعض بالصعوبة البالغة!

صحيح اذا كنت خالي اليدين بدون سلاح فاكيد بتكون اصعب لعبة في العالم! بمجرد انك تاخذ اول سلاح من اول عدو تواجه المهمة بعدها تسهل ! تجمع اسلحه دروع ادوات تقوي من قدرات شخصيتك تكون صبور! خلصة المنطقة الاولى بعد لعب ثلاث ساعات او اكثر بقليل متواصلة، في البداية اول ما امشي خطوتين ضربتين واموت! الين عرفت حركة (L1) ومثلث او مربع في اللحظه المناسبة تضغط تاخذ منه السلاح وتقتله بعدها تدرجت بتكنيك مواجة كل عدو بمفره سالفة اركض واتعدا الكل علشان اوصل للزعيم ما تنفع! وصلة عند اول زعيم قتلني مره وحدة فقط المره الثانية قتلته ع طول وفتحت الباب توقعت انتهى البيتا وطلعت لي منطقة ثانية على مستوى الصعوبة في هذي المنطقة الا ان قدرات شخصيتي جيدة قدرت وبسرعة الوصول لل

محتوى مخفي: زعيم المنطقة الاولى

زعيم الي في السفينة وقتلته بعد ثالث محاولة المنطقة نوعا ما ضيقه بس ابعد عنه وانتظر حتى العداد يفضى واهجم بكل قوتك!

طبعا خلصت المنطقة الاولى وتوقعت البيتا انتهى! لكن طلع فيه مرحلة ثانية او منطقة ثانية اممم ثيم بيوت الساموراي والنينجا الي فوق الشجر

حاليا انا عند:

محتوى مخفي: زعيم

الزعيم الي على شكل نمر عملاق وعليه درع التكنيك حقه الاستدعاء او الكول باك يكون القرش (Isonade) والسلاح يكون الي باللون الازرق او يكون خفيف وسريع ! مع اول محاولات معه نقصت طاقته الي النص! مع ان قوة شخصيتي عاديه ما اخوض مواجهات مع الاعداء واقوي من شخصيتي !

ايجابيات:
نوعية القتال والاساليب عميقة
تنوع الاعداء
التكنيك الرهيب في المراوغة والقتل مع اي عدو تواجه
نظام الاسترعاء
الايتمز متنوعيين وفيه اشياء رهيبة
التطوير الممتاز للشخصية
الرسومات مع انها بيتا الا جدا مناسبة والبيئة ساحرة خصوصا الثانية
في حال الايتمز كانو فل عندك ومنتب فاضي ترمي اغراض في حال قتلت عدو قوي بيخرج منه اشياء اسلحة وغيرها الشي المميز بيتغير لونه يعطيك دافع ترمي بعض اغراضك وتاخذها وما راح تندم !

السلبيات
في حال انك حبيت تدرعم الكام ما راح تساعدك كثرة الاعداء في الشاشة بتكون مزعجة!


............

نقطة اخيره حبيت اوضحها انا جربت ديمون سولز ودارك سولز بس تجربتي كانت بسيطة بس الي تعمقت فيها بلودبورن واشوف بلودبورن اصعب منها ! اي نعم اصعب من NIOH

شباب كيف طريقة ادخل اون لاين او كيف الطريقة اني ارسل لشخص دعوة ويقاتل معي

تعديل: خلصة المنطقة الثانية ما فيه منطقة ثالثة تقدر تختار بين المنطقتين

 

[Spada]

خلصت الديمو, انهيت رئيس المهمة الثانية بعد ما استدعيت شخص يساعدني عليه وما قصر فيه .

اللعبة واعدة لكن المشكلة الي أثرت على تجربتي واستمتاعي بنظام اللعبة هو عداد الستامينا, ما يناسب اللعبة وكان عائق اكثر من إنه يعطي بُعد استراتيجي بنظري. الكومبو الي في السكرولز ما صرت أحاول اطبقها لأن في أغلب الفرص المتاحة لي لتنفيذها تخلص الستامينا في نص الكومبو و لازم انتظر الـعقوبة الي تكسر رتم اللعبة و تأثر عليه جداً , على الأقل بالنسبة لي .
اللعبة رتمها سريع و عقوبة استخدام الستامينا احسها تضر اللعبة أكثر من إنه تفيدها. اللي يزيد الطين بله هو إن اللعبة تهاجم عداد الستامينا بقوة بوجود اعداء يعيقون سرعة تعبئة العداد بسبب الهالة السوداء الي حولهم. كذلك إذا هاجموك مو بس يضرون عداد الحياة ويضرون عداد الستامينا بعد, هذا يخلني متخوف لأن الـDemo مصمم بشكل يخلي عداد الستامينا أهم شيء وكل الأعداء عندهم القدرة إنهم يأثروت عليه بشكل سلبي.
أحس صعوبة اللعبة هي من تدخلها بالمصادر المتوفرة لديك و عرقلتها أكثر من تصميم تحدي مناسب وممتع.
اوه صح , ليش الأعداء يلحقونك لجهنم ما عندهم مشكلة؟

تعديل: في لاعب شرح لي نظام الستامنا و الـKI Plulse و توضح لي كيف اللعبة المفروض تلعب. أنا كنت ألعبها كلعبة دارك سولز و واجهتني صعوبة في فهم اللعبة والإستمتاع بها بسبب الستامنا , لكن لو اللاعب قدر يستخدم نظام الـKI Pluse بسلاسة بتكون اللعبة اسرع ورهيبة. النظام صعب بالنسبة لي لكنه يعمل بشكل جيد لو كنت متقن التوقيت لأنه يسترجع الستامنا اللي استخدمت بأخر كومبو ويسمح لك كذلك تتفادى بدون استخدام الستامنا لو اتقنت التوقيت. تقدر حتى تسوي تصفية للهالة الظلامية بنفس النظام بإستخدام R1 بعد القيام بالهجوم. تمنيت لو تصفية الظلام لها زر مخصص لأنه صعب اضرب الهواء و اصفي الظلام وفيه وحش يلحقني.

 

[ryo hazuki]

لعبتها و لا شكرا ، مخرج تيم ننجا الحالي قاعد يخبص بشكل واضح ، تصميم المنطقه سطحي مقارنة بدارك سولز ، الاعداء لايصيبهم ملل من ملاحقتك للأبد ؟! في النهاية حسيت ان اللعبة مش عادلة في مستوى الصعوبة و تقليد رخيص و الجرافكس تعبان بشكل كانها لعبة ps3

من النهاية ،المختصر المفيد اذا حد على باله ان فريق تيم ننجا ممكن يعطيكم لعبة 9/10 انسى .

 

[m7tram]

اللعبه عجبتني حيل ، ممتازه مع انها Pre-alpha وفيها كثييييييييييير من دارك سولز
العيب الوحيد اللي مواجهني هو الكاميرا ، عدا ذلك افكار اللعبه حلوه وعجبتني ، حتى صعوبتها
اللعبه تعاقبك اذا تعاملها ك Hack & Slash
ممكن ان عقوبتها اكثر قساوه من سلسله سولز ، لكن بالنسبه لي هذا تحدي اكبر
جابتلي احساس لما اول مره العب ديمون سولز ، اللي يبي التحدي لا تفوته

واستانست انه الديمو طويل وفيه مهمتين طوال ( على حسب كم مره تموت هههههههه )
الاستكشاف والجوائز اللي تحصلها ممتاز

Day One بالنسبه لي
فيصل M7tram ، لا تطوووووووووووووووووووووووووووفك

انا راح اكون يوم 2/مايو بالكويت ان شاءالله .. حدي متحمس لها وسالفة انها تشبه سولز ومعتبريته سلبيه انا اشوفه اكبرررر ايجابيه ماعندي اشكال اذا كانت تنسخ اهم شي تكون مضبوووطه.

 

[abady-25]

اللعبة اعجبتني ولكن اتمنى ان يتم تحسين بعض الاشياء

 

[Alena]

تعديل: في لاعب شرح لي نظام الستامنا و الـKI Plulse و توضح لي كيف اللعبة المفروض تلعب. أنا كنت ألعبها كلعبة دارك سولز و واجهتني صعوبة في فهم اللعبة والإستمتاع بها بسبب الستامنا , لكن لو اللاعب قدر يستخدم نظام الـKI Pluse بسلاسة بتكون اللعبة اسرع ورهيبة. النظام صعب بالنسبة لي لكنه يعمل بشكل جيد لو كنت متقن التوقيت لأنه يسترجع الستامنا اللي استخدمت بأخر كومبو ويسمح لك كذلك تتفادى بدون استخدام الستامنا لو اتقنت التوقيت. تقدر حتى تسوي تصفية للهالة الظلامية بنفس النظام بإستخدام R1 بعد القيام بالهجوم. تمنيت لو تصفية الظلام لها زر مخصص لأنه صعب اضرب الهواء و اصفي الظلام وفيه وحش يلحقني.

نعم صدقت، الغريب ما أظن ذكروا هالنقطة في التوتوريال.. الشغلة يبي لها تعود.. حاليا مرات قليلة تخلص مني الستامينا.

اللعبة تسهلت كثير بعد ما شفت كم واحد يشرح هالشي في النت.

 

[Sultan/X]

حتى بالحياه العامة لما تقلد شخص بيطلع عليك سخيف لان هو عندة مقدرة بصنع شي يميزة يناسبة ونت جالس تنسخة بدون ادني تفكير.

اولا team ninja استغنى عن فن وجاذبية ننجا قايدن السرعة بالقتال والتحرك حول الاعداء مع lock on محترم مع صعوبة مميزة وقتالات زعماء مثيرة وحماسية من يقدر ينسي قتال مع اللما الاسطوري للي يشد الاعصاب من سنة 2005 قبل حتى لا نشم ريحة سلسلة سول والان تقليد اعمى والدليل انة اعمى هي الصعوبة البايخة من ضربة تموت واصلا البيئة مو بذيك الجاذبية عشان تجيني نفس استكشفها، ع العموم نشوف بعدين ردود ومارجعات اللاعبين لما تصدر.

 

[M_Joestar94]

حبيت معظم الديمو لكن .. الطريقة ان الجندي اللي اقوى من حتى لاعبك هذي مصيبة! و اي نعم انا لاعب DS و محب للعبة و صعوبتها .. بس معليش هذي صعوبة اعلى صعوبة في Dynasty Warriors و اللي انا اسميها منفرة ، يا ليت يعدلونها لان كل شي ثاني جميل

 

[sol-bad]

لو يسوونها مثل نينجا جايدن كانت احسن بدال هذا كله
الضرب عادي بالمربع
و الضرب القوي بالمثلث مع الفنشنج
يكون في نظام تتطوير اسلحه

 

[Unknown]

لو يسوونها مثل نينجا جايدن كانت احسن بدال هذا كله
الضرب عادي بالمربع
و الضرب القوي بالمثلث مع الفنشنج
يكون في نظام تتطوير اسلحه

اعطوك شي افضل واعمق .. 3 وضعيات

الوضع المنخفض .. سريع لكن الضرر قليل وتستهلك Stamina قليله
الوضع المتوسط .. متوسط السرعه والضرر وتستهلك Stamina متوسطه
الوضع العالي .. بطيئة السرعه والضرر قوي وتستهلك Stamina كبيره

وكل وحده من الوضعيات لها الكمبوز الخاصه فيها ولكل سلاح له طريقته

 

[Dmck]

لما تضرب حاول تضغط R1 يسترجع الـ Stamina بشكل اسرع

بالفيديو هنا تلاحظ الـ Stamina ماوصلت النص حتى!

احس اللعبه بتكون اقل صعوبه اذا مسترت الKi Pulse

هذا !!
اذا ضبطت ki pulse
الجيم حتصبح لعبة اكشن اكثر من اكشن اربجي وما حتقلق كثير بشان مانجمنت ستامينا ...

 

[Noctis]

موضوع الـ ki pulse سهل اللعبة بشكل كبير !! يذكرني ببلودبورن لما تنقص طاقتك بامكانك تردها اذا كنت سريع
واكتشفت ان اللعبة فيها roll سهل علي زعيم السفينة بشكل كبيييييير الطريقة double tap X

ووقت الاستبيان تذكرت شغلات سلبية
ليش مافي مضاد للسم او النار :/ و غير هذا الاعداء الصغار صعب المسهم الا بضربه ثقيلة !
و الخريطة شكلها يشتت يعني مو واضحة المعالم فيها

ولكنها تجربة مسلية جدا جدا لدرجة فضلت الديمو على دارك سولز ٣

 

[Raulioo]

اوكي اعترف ان الـ Ki pulse مصطلح اول مرة اسمعه الآن بالردود وما كان له اي دور بتجربتي @@ (هل هو نفسه العداد اللي لازم يمتلي حتى تضغط (دائرة+اكس) لتفعيلها؟
بشغلها وبعطيها فرصة أخرى..يبدو انها خاصية محورية باللعبة

 

[Black JK]

من المحزن صراحة قراءة بعض الردود المتسرعة هنا على اللعبة، كل هذا بسبب عدم فهم نظام الستامينا واللي اللعبة فشلت في شرحه بشكل كافي ومبسط

استخدام Ki Pulse في اللعبة مهم جداً وعامود اساسي للعبة، من دونه راح تعاني كثير

تعديل خطير: ياللهول Ki Pulse اعمق بكثير ايضاً، بإمكانك تسويه في حالة Low Stance عن طريق الداش، ايضاً يمديك تربطه مع High و Mid Stance كومبو وتنهيه بـ Low ومن بعدها Ki pulse عن طريق الداش وهوبا الستامينا رجعت لك

كل شوي اللعبة تفاجأني اكثر و أكثر، واضح ان اللعبة مصممة ومقدمه للمحترفين فقط، كجولة سولز ما لها مكان ابداً

 

[Noctis]

اوكي اعترف ان الـ Ki pulse مصطلح اول مرة اسمعه الآن بالردود وما كان له اي دور بتجربتي @@ (هل هو نفسه العداد اللي لازم يمتلي حتى تضغط (دائرة+اكس) لتفعيلها؟
بشغلها وبعطيها فرصة أخرى..يبدو انها خاصية محورية باللعبة

الـ ki pulse يعبي عداد الستامينا(الي استعملته للكومبو مو كامل) بعد كومبو ناجح بانك تضغط r1 بالوقت المناسب

 

[persona]

اللي يعاني من عداد اللياقة، خليه يشوف دروعه كم وزنها..
الوضعية العلوية للسيف = عداد اللياقة ينقص بسرعة، الدفاع وتصديك للهجمات يقل.
الوضعية الوسطى للسيف = عداد اللياقة، الدفاع وتصديك للهجمات متوازن
الوضعية الادنى للسيف = عداد اللياقة لا ينقص بسرعه، الهجوم يضعف.

 

[Storm is here]

نعم صدقت، الغريب ما أظن ذكروا هالنقطة في التوتوريال.. الشغلة يبي لها تعود.. حاليا مرات قليلة تخلص مني الستامينا.

شرحوها في التورتيال

 

[DINO CRISIS]

حملت الديمو وجاري التجربة ولي عودة

 

[ASWD]

حتى مع Ki Pulse البلانس مكسور.انا اتكلم عن نفسي وعارف عن الKi Pulse.اللعبة تحتاج موازنة عاجلة في مايخص استهلاك الهيلث ولستامنا وسهولة كسر الدروع والاسلحة هذي امور باينة بوضوح انها بروكن بلانس

والKi Pulse استخدامها مشتت على وضعية الهجوم السريع يكفيك تضغط على اكس بعد انهاء الكومبو بينما المتوسط والثقيل لازم تضغط ار١ وهالشي يسوي ربكة خصوصا في المعارك الطاحنة

نظام الكومبوز ولسكيلز عميييييق وادماني لكن للاسف بيكون محدود بسبب عداد لستامنا او KI

 

[sol-bad]

حتى مع Ki Pulse البلانس مكسور.انا اتكلم عن نفسي وعارف عن الKi Pulse.اللعبة تحتاج موازنة عاجلة في مايخص استهلاك الهيلث ولستامنا وسهولة كسر الدروع والاسلحة هذي امور باينة بوضوح انها بروكن بلانس

والKi Pulse استخدامها مشتت على وضعية الهجوم السريع يكفيك تضغط على اكس بعد انهاء الكومبو بينما المتوسط والثقيل لازم تضغط ار١ وهالشي يسوي ربكة خصوصا في المعارك الطاحنة

نظام الكومبوز ولسكيلز عميييييق وادماني لكن للاسف بيكون محدود بسبب عداد لستامنا او KI

هذا الي كنت بقوله

 

[SAUD~F-16]

جربت الديمو لفترة قصيرة وأعجبتني. حتماً برجع أكمله.
اللعبة فيها عوامل النجاح. لها مستقبل لو تتفادى بعض الأخطاء الفادحة في لب اللعبة (وكون هذا ألفا ديمو، يفترض أن تفاديها ما يكون صعب في النسخة النهائية). الكاميرا واللوك أون ما بينهم تناسق والأخير ماله تأثير على الأولى. وش فايدة اللوك أون إذا كان ما يثبت الشخصية والكاميرا تجاه العدو المستهدف؟ يا يشيلون اللوك أون أو يحطونه بشكل مفيد.
الحاجة الثانية، عداد الستامنا، وأتوقع الشباب ما قصروا في انتقاده. يحتاج وزن مغاير تماماً للوزنية الحالية. وش اللي الشخصية فجأة يتصنّم(وأحياناً يسقط على وجهه) لما تنتهي الستامنا؟
شفت تأثيرات كثيرة لانتهاء الستامنا في الألعاب من هذا النوع(مثلاً ما تقدر: تتفادى، تصد، تتدحرج، تضرب، تجري) أما تتجمد مكانك بدون أي حركة على الإطلاق
أما موضوع التقليد لسولز فأتوقع من أول دقيقة يتبين حتى للي ما يشوف. مو بالضرورة مشكلة، لأن اللعبة واضح تحاول تشكل شخصيتها الخاصة وتستسقي بنفس الوقت الكثير من الإلهام من سلسة سولز. وهذه سنّة الصناعة أعتقد، كل لعبة تجد لها جذور بلعبة أخرى سبقتها كانت ناجحة. الموضوع هذا يكون مشكلة لما تكون اللعبة مستنسخة بشكل كامل بدون روح ولا شخصية خاصة.
ملاحظة أخيرة. النكهة اليابانية القوية في اللعبة أعجبتني جداً. ممكن لأني ما ألعب ألعاب كثير بسيتنج وثيم من هالنوع. لكن عالم اللعبة -مبدأياً- فعلاً مثير وجذاب ومميز.

تعديل:
بعد استخدام الKi-Pulse الوضع تحسن شوي. لكن يبقى الKi يحتاج وزن أكثر.
ويبدو لي أن الKi في اللعبة هذه مو مجرد ستامنا والسلام، يبدو أنه بيلعب دور رائيسي بهندسة اللعبة. وأشياء كثير تتمحور حوله. حتى أن مستوى الKi في أعدائك مهم جداً. وكثير من المهارات تعتمد على إذا ما كان الKi نفد من عدوك أو لا.
مثير للاهتمام. جداً.

 

[Raulioo]

محد يعاني من هالشي؟ لما اضغط الr1 للki pulse الحقها دايما بx لمناوره سريعه..والقى وضعيه للسيف اتغيرت للسفليه..وبما اني عامل كل ابجريد السكل بالوضعيه المعتدله فتاثير الضربات يصير طفيف جدا..قدام الاعداء العاديين تقدر تصحح الوضع .لكن مع اازعماء او الهجمات الجماعيه عليك بتكون مصيبه

 

[M_Joestar94]

من المحزن صراحة قراءة بعض الردود المتسرعة هنا على اللعبة، كل هذا بسبب عدم فهم نظام الستامينا واللي اللعبة فشلت في شرحه بشكل كافي ومبسط

استخدام Ki Pulse في اللعبة مهم جداً وعامود اساسي للعبة، من دونه راح تعاني كثير

تعديل خطير: ياللهول Ki Pulse اعمق بكثير ايضاً، بإمكانك تسويه في حالة Low Stance عن طريق الداش، ايضاً يمديك تربطه مع High و Mid Stance كومبو وتنهيه بـ Low ومن بعدها Ki pulse عن طريق الداش وهوبا الستامينا رجعت لك

كل شوي اللعبة تفاجأني اكثر و أكثر، واضح ان اللعبة مصممة ومقدمه للمحترفين فقط، كجولة سولز ما لها مكان ابداً

كجولة؟ سولز؟ اوكي سامحنا يالهاردكور احنا ك نوبز خيبنا ظنك