الPS3 سيباع ب 425 جنيه أسترليني في بريطانيا

[Humam]

لول.. وهذا يعني إنه أغلى من سعر ال 599.99 يورو, لأنك إذا حولته للجنيه الاسترليني راح يكون 405 جنيه تقريبا.. أغلى ب 20 جنيه.

الكلام هذا من رئيس سوني البريطانية, الي يدعي بإن سعر الجهاز رخيص:

http://www.gamesindustry.biz/content_page.php?aid=17105

هاهاهاها.. حلوة... حلللللللللللوة.

 

[m7tram]

الله يسهلها خخخ

 

[JOE]

من أولها كدة ؟؟؟؟
الله يستر على إلي ناويين يشتروه مع الإطلاق (me not Included ... )
راح يكونوا ضحايا السلخ على أصوله ...

 

[Humam]

صراحة مسخرة.. لا نقعد نكابر على بعض.. اذا ربنا منعم علينا بشوية فلوس نقول الحمد لله لكن السعر اقسم بالله مسخرة. جنان, استهبال, جنون البقر على أصوله..

ايش الي 425 جنيه ؟ هذي بالريال السعودي 2600 ريال تقريبا.. راتب موظف حكومي عندنا, تلاقيه متزوج ووراه عيال واكل وشرب و لبس ودفع فواتير واحنا نتبطر و نقول رخيص وعادي نشتريه.. لا والله مو رخيص..

حسبي الله عليهم.. سعر البلاي ستيشن 3 هذا أكبر دليل على إن الغرور يقود للقرارت الحمقاء.. أرخص من سعر مشغلات البلو راي العادية بكثير وجهاز العاب ويشغل DVD وو على عيني وعلى راسي.. بس من جد مين بيشتريه بهذا السعر ؟

يارب سلم سلم..

 

[Gon freeces]

البلوراي (السي دي) كم سعره ؟ صح 100 دولار ؟

 

[mario0o]

600$ = 2200 درهم

425 باوند = 2900 درهم = 800 $ امريكا

لا تعلييييييق :exclamati :exclamati

 

[BioMario]

بالفعل جنان ..
سوني مزودتها والله صح ان الجهاز جبار لكن الصراحة بزيادة السعر ..
بزيد فوقها شوي و باخذ لي PC جديد ..

سعر الـ Wii بيكون ممتاز جداً جداً .. و الـ XBOX 360 سعرة جيد جداً ..
لكن الـ PS3 الصراحة خيالي .. تعرف ان الناس مغرمين عليها علشان جي رفعت السعر تبي تستغل ..
لو جي الصراحة مارح اخذها إلى بعد 8 اشهر من نزولها او احتمال سنه بعد ..

 

[BioMario]

صح 100 دولار ؟

واااااااااااااااااااااااااااااو .. مستحيييييل ..
الـ XBOX 360 بـ 60$ تقريباً الصراحة لو 100$ اعتقد ان الـ PS3 رح ينهار لأن صدق سوني
مزودتها في المواصفات بزيادة واشياء ما تحتاج الصراحة

 

[Futrus]

شكلي بنتظر 5 سنين علشان أشتريه بالسعر اللي أقدر عليه

 

[Humam]

البلوراي (السي دي) كم سعره ؟ صح 100 دولار ؟

لول مين قال ?

على العموم.. المفروض الأمر يكون متوقع يعني أعتقد إني اخطأت في طريقة صياغتي, شي متعارف عليه في كل جهاز سواء من سوني أو غيرها إن يكون السعر في بريطانيا أغلى.. البلاي ستيشن 2 صدر في امريكا ب 299.99 دولار وفي بريطانيا 299.99 جنيه.. وفي النهاية sold out في بريطانيا..

ثم سوني ماسكة السوق البريطاني مسك من حلقه .. يرموا لهم WRC وفورمولا ون في اللنش وسلام عليكم.. ما أعتقد بيواجهوا مشاكل.. أهم شي بالنسبة لسوني إنها تنجح في تقديم حملة دعائية ممتازة للجهاز وراح نلاقي ألوف مؤلفة تنتظر ..

 

[hussien-11]

الحمد لله اني مش ساكن هناك >>>> تقول الوضع عندنا أحسن يعني خخخخخ
​

 

[Kratos]

صراحة مسخرة.. لا نقعد نكابر على بعض.. اذا ربنا منعم علينا بشوية فلوس نقول الحمد لله لكن السعر اقسم بالله مسخرة. جنان, استهبال, جنون البقر على أصوله..

لا والله مو رخيص..

يا مقلب القلوب ثبت قلبي على الإيمان

 

[hussien-11]

همام كيف حال الـ400 دولار ؟ خخخخخ
​

 

[Humam]

لول ال 400 دولار هذي راح تجي يوم من الأيام ان شاء الله


شباب قلنالكم نسوي نظام الجمعية, 5 أفراد يدفعوا ألف ريال كل شهر, وكل شهر يكون الدور على واحد بحيث ياخذ ال 5000 آلاف الي تم جمعها في كل شهر.. في 5 شهور راح يكون كل واحد عنده بلاي ستيشن 3 + لعبتين لنش + تلفزيون محترم !

 

[BioMario]

شباب قلنالكم نسوي نظام الجمعية, 5 أفراد يدفعوا ألف ريال كل شهر, وكل شهر يكون الدور على واحد بحيث ياخذ ال 5000 آلاف الي تم جمعها في كل شهر.. في 5 شهور راح يكون كل واحد عنده بلاي ستيشن 3 + لعبتين لنش + تلفزيون محترم !

والله العظيم مستعد ^_^ ..

 

[Humam]

لول وأنا مستعد بقي 3 يلا وينهم !!

 

[BioMario]

بس بدري الجهاز بعدة ما بيصدر الحين ^^
لكني من صدق انا جهاز يعني موب مزح ^_^..
بس احسها الطريقه معقدة ^^"

 

[Humam]

لول لا معقدة ولا شي.. كل شهر كل واحد من ال 5 أفراد يدفع 1000 ريال, يصير عندنا 5 آلاف ريال, كل شهر بالدور تكون ال 5 من نصيب واحد من المساهمين لمدة 5 شهور فقط لا غير

 

[BioMario]

يعني احط 1000 وحضي تطلع لي 5000 ولا لا ؟ <<<<<< هذا موب ربا ( سامحني لو ازعجتك بالكقلمة بس يمكن مافهمتك )

 

[King Wario]

اوكي شباب انا حاجز اول بلايستيشن <<<<< اول ما يحصل الجهاز ما بتشوفونه مرة ثانية في المنتدى

 

[Gon freeces]

انا سمعت ان السعر زي كذا .....

 

[Salman]

المصيبة مو في بريطانيا أو غيرها ..
المصيبة كم راح يكون السعر في الدول العربية ؟
توقعاتي :
في البحرين : 700 دينار (7000 ريال )
في السعودية : 4500 ريال
في الإمارات : 3500 درهم

و الله المستعان ..

 

[Khalid-S]

هههههههههههههههههه شباب دقيقه ,, الي يقول بيشتريه من الوكيل.

دول الشرق الاوسط تعتبر مع نظاق اوروبا من ناحية البلاي ستيشن ,, كلها PAL ,, معناتها بيكون سعره عالي جداَ مثل باقي دول اوروبا.

همم بالنسبة للتوقعات

في السعودية: 6500 ريال

 

[Futrus]

بالدينار البحريني راح يطلع 302.725 BHD
إذا إفترضنا إن الوكيل راح يبيعه بهالحدود يعني راح يطلع أغلى من الأمريكي ب75 دينار تقريباً
حيث إن الأمريكي راح يكون ب226.080 BHD

عموماً في شباب إشترو ال360 بهالسعر يعني عادي بالنسبه لهم

 

[mario0o]

المصيبة مو في بريطانيا أو غيرها ..
المصيبة كم راح يكون السعر في الدول العربية ؟

في الإمارات : 3500 درهم

و الله المستعان ..

لووول البلاي ستيشن 2 اصلا انباع عندنا ب4000 درهم وهو اصلا ب300 $

فما بالك اذا كان 600$ طبعا اول النسخ اللي بتوصل ما بتكون اقل من 6000 درهم


لكن ما اتخيل شباب بريطانيا يشترون الجهاز الا اذا كانو اصلا اغنيا ! ما اتخيل طلاب الجامعات عندنا يشترون البلاي3 ب425 باوند !! ومعيشة بريطانيا غالية وايد !! وغير الشرايط 60 باوند !! وغير الاكسسوارات !!

الظاهر اللي يريد يشتريه من البداية يجمع كل يوم باوند ورى باوند

 

[NSider]

425 جنيه + ضرائب الـVAT = 499 جنيه = 944 دولار = 3540 ريال سعودي.
المعيشة في بريطانيا FTL.

 

[Salman]

لووول البلاي ستيشن 2 اصلا انباع عندنا ب4000 درهم وهو اصلا ب300 $

لول إذن نتوقع 8000 درهم ؟؟
خخخ مع هذا هل في أحد ما زال يفكر يشتري الجهاز مع صدوره ؟؟
عموما ً صحيح أن الأسعار في البداية خيالية لكن أتوقع بعد مدة ممكن تصل إلى 5000 أو 4000 درهم أو ما يعادلها

 

[Pichi]

لول لا معقدة ولا شي.. كل شهر كل واحد من ال 5 أفراد يدفع 1000 ريال, يصير عندنا 5 آلاف ريال, كل شهر بالدور تكون ال 5 من نصيب واحد من المساهمين لمدة 5 شهور فقط لا غير

لول الحمد لله اني داخل جمعية من أول , تحسباً لهذا الطارئ :razz:

 

[Humam]

يعني احط 1000 وحضي تطلع لي 5000 ولا لا ؟ <<<<<< هذا موب ربا ( سامحني لو ازعجتك بالكقلمة بس يمكن مافهمتك )

لول لا طبعا مو ربا .. هذا يعتبر نوع من التكافل أو المساعدة بين البعض, لأنك راح تدفع كل شهر من ال5 شهور 1000 ريال ويوم يجي دورك تاخذ 5 آ لاف.. يعني زي ما دفعت تاخذ

 

[NSider]

لول لا طبعا مو ربا .. هذا يعتبر نوع من التكافل أو المساعدة بين البعض, لأنك راح تدفع كل شهر من ال5 شهور 1000 ريال ويوم يجي دورك تاخذ 5 آ لاف.. يعني زي ما دفعت تاخذ

لول طيب على أي أساس بتحددون الترتيب؟ بالطريقة هذي بس واحد ياخذه على اللنش وواحد لازم ينتظر 5 شهور وما يدري بيجيه شي ولا فلوسه بتنبلع. مخربها مخربها. XP.