تلاقي ألعاب أمريكي؟ أرجوك علمني وين خلني أروح أشتريها الحين. فيه العاب إلى يومك مالعبتها مثل رييج لأني لفيت الخليج كله ومالقيت نسخة أمريكية. في كل سفرة أسافرها لازم أسير عالمحلات وأسألهم لو عندهم النسخة الأمريكية وفي كل سفرة أتحطم
من قالك أنه صارت مشكلة جديدة؟ من زمان وأنا أتحلطم عليه ومرتفع ضغطي من مايكروسوفت بسببه. مجرد أني ما أفتح موضوع بتروقيمنق وأتكلم على المشكلة مو معناها أنه ماتواجهني، أسأل الشباب اللي مسوين لي فولو بتويتر وبيأكدون لك هالشي. كمية المصخرة اللي تصير لي بشكل متكرر تنرفز وترفع الضغط. آخر لعبة شريتها وتورطت فيها كانت تومب رايدر وطلعت ريجون لوكد، واضطريت أشتري اللمتد أدشن ب200 ريال زيادة عشان ألعبها لأن النسخة الامريكية الوحيدة الموجودة بالرياض كانت ببيت الكمبيوتر. ياخي أنا واحد أبغى العب على طول مع أخوياي بنفس وقت نزول اللعبة وما أبغى أدفع ولا ريال زيادة. من أبسط حقوقي.
تعديل:
بكل بساطة اللي ماني قادر أتفهمه .. هو ليش؟! لييييييش يسوون هالحركة البايخة؟! ليش يحطون ريجن لوك من الأساس .. وش يستفيدون؟
ممكن أتقبلها من سوني أكثر لأني أشوف دعمهم واضح بشكل رهيب في منطقتنا. ومتأكد ماراح اواجه مشاكل لو خلوها ريجن لوكد.
بكل أختصار ماراح أدعم مايكروسوفت بالجيل الجاي إلا لما على الاقل أشوف دعم واضح للمنطقة وأشوف الوكيل يتحرك + ريجن خاص فينا وماركت بليس محترم.
