ال PS3 يمتلك الجميع في 2011

[Arsene Lupin]

و يمتلك ال 360 أبكر.. تقريبا في بداية 2009..

http://economist.com/business/displaystory.cfm?story_id=10251308

طبعا لا يخرج عن كونه توقع و أحد الإحتمالات في المستقبل... لكن مو كأنه تعدى ال 360 بدري شوي؟

يعني تقريبا بنهاية 2007 تكون الأرقام بهالشكل:

360: 17 مليون جهاز
بي اس 3: 8.5 مليون جهاز

صعب جدا جدا يوصله في سنه.. حتى لو أثبت التخفيض تأثير قوي جدا، لأنه يظهر انه هو العامل الي صنع الكسر في رسم خط البي اس 3. و يبدو ان ال 360 ما راح يوصل حتى 25 مليون مع بداية 2009 :slant:

غريب

 

[Zero]

و يبدو ان ال 360 ما راح يوصل حتى 25 مليون مع بداية 2009

يوصلها ونص ، لو فرضا سوني قدرت تقلب الميزان .. يعني ما حد بيشتري 360 ؟ لا ..
بصراحة توقع بعيد عن الواقع الحالي ..

 

[Tomb raider]

ال PS3 يمتلك الجميع في 2011

الله اعلم ، ما تعرف شو يصير لين عقب، يمكن مايكروسوفت تسوي برايس كت بعد ؟

 

[Final Fantasy]

احنا ما ندري شنو راح يصير في 2008 بالأول ... خلوا 2011 لوقته

 

[ryo hazuki]

غريبه يعني على بدايت 2008 بيكون ال ps3 معدي ال 360 ؟؟؟؟؟؟!!!!!!!!!!

من سابع المستحيلات

 

[Emirates]

انا باقترح اقتراح

المواضيع اللي مثل هذي لا تنشرونها لاسباب

اولها ما بتخلص والجيل بعده مطول

ثانيا تكهن وممكن يصير العكس ما يجوز

ثالثا نبا نستمتع بهالجيل بعيد عن التحاليل اللي اكثرها محاباه لجهاز معين

 

[Justice]

لوووول جدا مستعجلين يمكن 2011 نشوف PS4لوول

 

[Dr MaD]

شباب الموضوع الحين جد ولا مزح ؟ :slant:

 

[Mr James]

شباب الموضوع الحين جد ولا مزح ؟ :slant:

أيش تتوقع انت ؟

مبيعات الدريمكاست بتعدي أكس بوكس الاول في عام 2011

لووول

 

[Colorization]

 

[persona]

انا قريتها 2111 :\

سوني عندها هالسنه ..ماحسنت وضعها ..بتكون الصداره عليها صعبه جداً....

ا نبا نستمتع بهالجيل بعيد عن التحاليل اللي اكثرها محاباه لجهاز معين

اتفق معاك بهالنقطه ..

 

[Zeyad]

غريبه يعني على بدايت 2008 بيكون ال ps3 معدي ال 360 ؟؟؟؟؟؟!!!!!!!!!!

من سابع المستحيلات

خخخ حتى لو قلنا في نهاية 2008 بيكون بس3 معدي 360 فهذي صعبه وشكلهم ينكتون :yuck:

 

[pacino]

ردد ياليل ما طولك

 

[Mr.3B]

المشكلة حتى في الجراف المعاق الي فوق الوي أعلى من البلي 3 في 2011

 

[The Sinner]

المشكلة حتى في الجراف المعاق الي فوق الوي أعلى من البلي 3 في 2011

عمر ترا هالجراف مسوينه شباب عشان يثبتوا ان الوي هو الفايز ولا ماقريت عنوان الجراف

Wii are the champions


القراءة للفوووووووووووووووز

 

[Da S.O.S]

المشكلة حتى في الجراف المعاق الي فوق الوي أعلى من البلي 3 في 2011

لووووووووووول !!!

 

[The Doctor]

الموضوع المهم في اللنك هو ذا:

Sales of the PS3, which have been sluggish, seem to have taken off after Sony removed some features and dropped the price. In Japan the PS3 even outsold the Wii in November, according to Enterbrain, a market-research firm. As more games become available for the PS3 next year, sales are expected to rise even further, says Mr Harding-Rolls, so that by 2011 the PS3 will have caught up with the Wii. In short, each of the consoles will be in front at various points in the “console cycle”.

أول شي: العنوان يحتاج تعديل و يوضح ان الكلام كله عن ان الPS3 و الWii بيكونوا متقاربين في 2011

ثانياً: زي ما مكتوب... إذا زادوا الألعاب على الPS3 فبترتفع مبيعاته... و أكيد إذا صارت الحصريات على الPS3 أكثر من ال360 فبيتفوق على ال360... هالشي أصلاً بديهي و لا يحتاج تحليل و فلسفة


بس السؤال... هل بيصير هالشي أصلاً؟

 

[Yaser]

شباب صححوني اذا كنت غلطان..:normal:

عنوان الموضوع يقول ال ps3 راح يمتلك الجميع ؟

عنوان الجراف يقول ال Wii راح يمتلك الجميع؟

 

[Colorization]

^ كلامك صح ياسر

so that by 2011 the PS3 will have caught up with the Wii.

واو. "

" وبقوة بعد.

 

[pacino]

هالردود ممنوعه ياخيو :cooool:



وانبسط الحفلة انتهت جيت متاخر

لاااا سبحان الله :"(
يعني ألحين خروجكم عن الموضوع مو ممنوع؟

 

[The Sinner]

لاااا سبحان الله :"(
يعني ألحين خروجكم عن الموضوع مو ممنوع؟

السلام عليكم،

في الفترة الأخيرة، كثرت الردود اللي فيها تشكي من ردود أعضاء آخرين، أو محاولة "تهدئة الوضع" في أي نقاش. أمثلة:

Quote:
خلاص شباب هدوا اللعب كلنا أخوان
Quote:
إيش الطقاق اللي قاعد يصير هنا -_-
Quote:

من الحين الردود هذي، والأشياء المشابهة لها، راح تتسبب بإنفراكشن للي يكتبها، مع حذف لرده. وهذا لسببين:

1. عندنا قانون خاص بالشكاوى: "أي شكوى ضد عضو من الأعضاء أو مراقب أو شكوى عامة يجب أن يتم التعامل معها عن طريق الرسائل الخاصة فقط لا غير أو عن طريق مراسلة إدارة الموقع من الوصلة الخاصة في الصفحة الرئيسية. أي موضوع يكتب للشكوى في المنتدى سيتم حذفه". طبعاً الكلام هذا أيضاً ينطبق على الردود.
   
2. اللي يرد ردود من نوع مشابه للأمثلة اللي فوق يتسبب بزيادة الحساسية بين طرفي النقاش، ويتسبب بالخروج عن الموضوع بشكل أكبر وأكبر.

طبعاً ما نمنعكم من الشكوى أبداً. بالعكس، نشجعكم عليها! لكن طبعاً نبغاكم تشتكون بالطريقة الصحيحة، وهي ضغط الزر هذا:

. ممكن طبعاً مراسلة أي أحد من مراقبي المنتدى بالرسائل الخاصة. للأسف ما في أحد يستخدم هذي الميزة ما عدا أعضاء ما يتجاوزون 3 أو 4 فقط، ونشكرهم على الشي هذا، لكن طبعاً نتمنى الكل يستخدمها.

لعيونك اخوي البس نظارة واقرا هالرد من قوانين المشاركات

 

[pacino]

مشكور عالتنبيه.
بس انا لابس عدسات..ينفع ؟:yuck:

 

[Mr.3B]

أبي أفهم مين يمسح ردودي ؟؟
والله صايرة موضة .. مين يمسح ردود أكثر .. أقل شي لو الواحد مرة بيمسح رد يبلغ الي انمسح رده ليه انمسح وانه هو المسحه وكذا .. مو امسح وبس !!

 

[BioMario]

مادري ليش بوجهه نظري اوشف صعب اننا نتوقع خاصتاً في هذا الجيل المعقد ^^ ..

 

[Khalid-S]

لو قوانين المنتدى ما تعجبك وما يعجبك مسح الردود ترى المنتدى يطلع جمل. المهايط يا عمر حركه بايخه .. ما ادري ليش كل من جا تقعد تنافخ عليه وتستخدم اسلوب سئ. عدل من اسلوبك لو حاب تكمل مشاركة بالمنتدى.

عندك اي مشكلة مع الاداره .. في مليون طريقه توصل لهم فيها ... لكن شغل الدق في الكلام ما ينفع هنا.


الموضوع مقفل. صحيح ان التحاليل من الخبراء صحيحة لكن للاسف منتدانا فيه ناس "حساسين"بزيادة اتجاه هذي المواضيع ..

عذرا لوبن.