الموضوع الرسمي: LOST

[Yaz3D]

ملاحظة: لا تقرأ الموضوع إذا ما شاهدت كل المواسم الخمسة. الردود هنا ما راح يكون فيها سبويلر تاجز لأي معلومة تخص المواسم الخمسة الأولى!

​

الموعد اقترب.. بعد 26 يوم من الآن, في الأول من فبراير, راح يبدأ الموسم السادس والأخير من أعظم مسلسل مر على تاريخ التلفاز: LOST

راح أحط جمل مختصرة لأحداث كل سيزن تحت سبويلر تاج:

الموسم الأول:
الموسم الأول كان بشكل عام فترة تعريف بالمسلسل والجزيرة والأشياء الغامضة اللي موجودة فيها. زي الـSmoke Monster و الحيوانات الغريبة مثل الدبب القطبية,و تكرار الـ"أرقام" اللي استعملها هيرلي, وأيضاً ظهور ناس من المفترض ما يكونون عايشين, مثل والد جاك. برضو كانت فيه تلميحات على وجود ناس natives في الجزيرة واللي بعدين اطلق عليهم اسم الـOthers
نهاية السيزن احتوت على بعض الأحداث مثل بناء القارب و واكتشاف الـHatch, وأيضاً موت ليزلي آرزت بالديناميت اللي أحضروه جاك وجون لفتح باب الhatch


الموسم الثاني:
الموسم الثاني كان تعريف أكثر بالأشياء اللي في الجزيرة مثل وجود Desmond Hume في الهاتش,الجزء الثاني من الناجين في الطرف الآخر من الجزيرة. بينجامين لاينس وسجنه من قبل الناجين, برضو مايكل لما أنغسل مخه من الOthers وقتل Ana lucia و Libby.. جون يقرر إنه يترك الزر نهائياً, والهاتش تتدمر. وفي الأخير سجن جاك وكيت وسوير عند الـOthers.

الموسم الثالث:
في الموسم هذا تفاصيل أكثر عن مجموعة الOthers. برضو الكشف عن محطات أكثر للـDharma Initiative في الجزيرة. برضو في الموسم هذا, الفلاشات المستقبلية تبدأ مع ديزمند. نايومي توصل في نهاية الموسم, وتجيب معها التيليفون. جاك والباقيين ينصبون فخ للOthers ويروحون يطفون إشارة استغاثة دانييل الفرنسية. تشارلي وديزمند يروحون المحطة اللي تحت البحر علشان يطفون الـJamming. وتشارلي يموت موتته الملحمية. آخر حلقتين من الموسم يتحول نظام الFlashbacks إلى الـFlashforwards.

الموسم الرابع:
بداية الموسم هذا, الطاقم يوصل من السفينة, دانيال فارادي, شارلوت, مايلز, فرانك لابيدس. بعدها نكتشف إنهم جابتهم السفينة علشان يجيبون Ben معاهم. لما يفشلون, Keamy يجي الجزيرة هو وجيشه ويقتلون في خلق الله. بين في آخر الموسم وصلت له أوامر من Jacob إنه "يحرك الجزيرة", فيروح تحت محطة اسمها The Orchid ويحرك عجلة خشبية, وبووم. الجزيرة تختفي. في الموسم هذا تنشرح قصص الـOceanic Six في الفلاش فورروردز. برضو, قارب Penny الحقيقي يوصل وينقذ اللي كانوا موجودين في الهيليكوبتر لما اختفت الجزيرة

الموسم الخامس:
في الموسم هذا, يظهر إختفاء الجزيرة من وجهة نظر اللي ما حالفهم الحظ وجلسوا. اكتشفوا إن لما Ben حرك الجزيرة, اللي سواه فعلاً, هو إنه خلاها واللي داخلها "يسافرون عبر الزمن" .. الكتاب استغلوا هذي النقطة وشرحوا أشياء كثيرة على مر المسلسل. سوير, جولييت, مايلز, دانييل, جون, شارلوت, صاروا يواجهون فلاشات متكررة تخليهم يروحون لـ نقطة أخرى في تاريخ الجزيرة. جون لوحده يتكمن من إدارة العجلة الخشبية مرة ثانية ويوقف الفلاشات, وصاروا الباقيين "عالقين" في سنة 1977 "الظاهر" .. جون يرجع للحاضر ويحاول يقنع اللي نجوا إنهم يرجعون للجزيرة. بعد ما رفضوا, جون ينهار نفسياً ويقرر إنه ينتحر. بين يلحق عليه في شقته ويوقفه, وبعد ما ياخذ منه معلومات, يروح ويقتله بنفسه. مع الوقت, جاك يقتنع إنه يرجع الجزيرة لما شاف جثة جون. ويقنع الباقيين -مع الوقت- إنهم يرجعون معاه. يروحون يكلمون Eloise Hawking أم دانييل وتعلمهم شلون يرجعون. جاك والباقيين ما طبقوا الكلام اللي قالته 100%, فـ هالشي خلا نصهم يروحون الجزيرة في الوقت الحاضر, ونصهم الثاني يروحون الجزيرة مع الباقيين في 1977. القصة هنا أخذت منحيين وكلهم أنتهوا بتويستين مفاجئين في السيزن فينالي. الحاضر إنتهى بإن جون لوك طلع مزيف وإنه هو كان ميت من أول, والماضي إنتهى بالcliffhanger حق تفجير القنبلة الهيدروجينية.


من أكثر الأشياء اللي كنت انتظرها من سنة! الانتظار قرب يخلص! :crying:

فيدي من 8 دقايق يختصر أحداث المسلسل من الأول للأخير.. "شكر خاص للأخ Black لول"
[youtube]yIFL104E9Ts[/youtube]
​

 

[Id]

من سمحلك تفتح الموضوع !!!

و أنا شغال على كم شيء و متحمس جداً علشان أنزلهم ..

موضوع سامج من جد .. خلوهم لكم <_<

 

[The Doctor]

من سمحلك تفتح الموضوع !!!

و أنا شغال على كم شيء و متحمس جداً علشان أنزلهم ..

موضوع سامج من جد .. خلوهم لكم <_<

:laugh::
أحلى شي السيزن بيبدي قريب الفاينلات :\

 

[nbnt]

الموعد اقترب.. بعد 26 يوم من الآن

على فكره, هذا هو الميجاطون على اصوله:
http://www.digitalspy.co.uk/cult/s10/lost/news/a194285/producers-lost-sequel-a-possibility.html

 

[Id]

استغفر الله العظيم ..

 

[Snake-87]

إلي يبي معلومات إضافية انصحه ما يطوف نسخة البلوري من الجزء الخامس ... جامعة لوست شي رهيب رهيييييييييييييييييييب.

 

[BioMario]

حماااااااااااس اخيراً بينهون المسلسل

 

[SALAH]

Lost بعده عايش ؟ اذكر تركته على نهاية السيزن الرابع تقريبا وحتى ماخلصته..حكاية

محتوى مخفي

السفر عبر الزمن

وجعت راسي وبطلت قادر استوعب القصة بالضبط..

برجع اشوفه مرة ثانية ان شا الله..لعل وعسى افهم كم شي eeved:

 

[Black]

سيكول !! ماهذا ! :tongue:
عموماً بانتظار السيزن الأخير :crying:
تعديل:
من قدي :smug:

 

[Dark soul]

بالإنتظار .. متحمس لهالسيزن !

عسى ما يخبصون في النهاية >_>

 

[SPIRIT X360]

على فكره, هذا هو الميجاطون على اصوله:
http://www.digitalspy.co.uk/cult/s10/lost/news/a194285/producers-lost-sequel-a-possibility.html

حلو .. حلو ... يعني ممكن نشوف موسم سابع , رأيي الشخصي انه وضعهم تمام ولسى المسلسل مافلب فيمديهم يسوون سابع وثامن أو سيكول ,, ممكن :whistle:

 

[ABUALI]

أبغي المسلسل ينتهي وهو بطل وقوي مثل ما اعدتنا عليه. أما سالفة تمديد المسلسل لمواسم تذكرني بفشل برزن بريك اللي تحول من أفضل مسلسل إلى أفشل مسلسل.

 

[nbnt]

حلو .. حلو ... يعني ممكن نشوف موسم سابع , رأيي الشخصي انه وضعهم تمام ولسى المسلسل مافلب فيمديهم يسوون سابع وثامن أو سيكول ,, ممكن :whistle:

مش شرط يكون موسم

أبغي المسلسل ينتهي وهو بطل وقوي مثل ما اعدتنا عليه. أما سالفة تمديد المسلسل لمواسم تذكرني بفشل برزن بريك اللي تحول من أفضل مسلسل إلى أفشل مسلسل.

اذا فيه شي اتمنى حلبه طول العمر, فهو لوست.

 

[Rare Games]

لاااااااااااااااااا

لازم يخلص هالموسم خلاص طفشنا

 

[Unknown]

اذكر على ايام السيزن الثاني .. الكاتب قال انه بيخلي المسلسل 6 اجزاء وبيختمها بفلم للوست
عاد مدري لحد الان الكلام ماشي معه او تغير مع السنين ؟

 

[ryo hazuki]

انا مش راضي بهذا الموضوع ,,,لوست يستحق شغل اكثر و احسن من هذا

داركساينو شكرا على الملخص الممتاز

 

[Yaz3D]

^
متفق معاك, بس أنا ما عندي خبرة في شغل التصاميم والأشياء هذي.. لو عندك شي ودك تضيفه, أرسلي إياه.

 

[Bounty]

ماقصرت اخوي و شكرا عالموضوع .. بس اتمنى الاخ Id اذا عنده اشياء يضيفها و يصير الموضوع مشترك (من بعد اذنك طبعا ) فراح يكون احسن بوايد .. لأن فعلا بما انه موسم اخير و قاعدته بالمنتدى ضخمه فأعتقد الموضوع يكون اكبر و احلى من جذي (طبعا انت الي سويته شغل متعوب عليه .. لكن انا اقصد الكماليات والتفاصيل فلا تزعل ) ..

بالنسبه للوست .. متى بس ينفتح نقاش الحلقه الاولى ...

 

[Gladiator]

ماقصرت اخوي و شكرا عالموضوع .. بس اتمنى الاخ Id اذا عنده اشياء يضيفها و يصير الموضوع مشترك (من بعد اذنك طبعا ) فراح يكون احسن بوايد .. لأن فعلا بما انه موسم اخير و قاعدته بالمنتدى ضخمه فأعتقد الموضوع يكون اكبر و احلى من جذي (طبعا انت الي سويته شغل متعوب عليه .. لكن انا اقصد الكماليات والتفاصيل فلا تزعل ) ..

بالنسبه للوست .. متى بس ينفتح نقاش الحلقه الاولى ...

+1

.......

 

[nbnt]

تحذير: الرد هذا سبويلرات للمواسم السابقه, لكن بما ان الموضوع عن الموسم السادس والاخير, فالمفروض الاشياء هذي ماتكون في سبويلر تاج

و بما ان موعد الموسم السادس قريب, خليني ابدا شوية توقعات و نظريات هنا P:

جيكوب؟ من هو جيكوب فعلاً؟

*جيكوب هو آآرون, شعر أشقر, عيون زرقاء, وعائلة شبيرد كلها سبيشل نوعاً ما, و في الحلقه الاولى من الموسم الخامس شفنا كايت تلمس "أنف" آآرون وكان يشاهد "تشو تشو" وقطار (قطار.. مايذكركم بـسموكي؟) وفي الحلقه الاخيره من الموسم الخامس شفنا جيكوب يلمس كايت بنفس الطريقه

*جيكوب هو جيكوب, وهو الجد الاكبر لـ آآرون, يعني ابو Ray, النظريه هذي تمشي على كلام البايبل Aaron son of Amram, Son of Kohath, Son of Levi, Son of Jacob

Loophole؟

بكل بساطه بين, بين هو الـLoophole لأن عدو جيكوب لسبب ما ماعنده القدره على قتل جيكوب, لازم يكون القاتل زعيم "الاذرز" ويكون عنده دافع, وكلنا نعرف ان الوقت اللي دخل فيه بين على جيكوب كان هو زعيم الاذرز لأن جون لوك مات, لكنه مايدري عن الشي هذا, رؤية بين لـجيكوب كانت هي الرؤيه اللي ينتظرها بين من سنين

نهاية المسلسل هي بدايته؟

بالوقت هذا المفروض نعرف ان الشخصيات في دوامه زمنيه, لكن لاننسى ان جيكوب قال "It only ends once" و ان الاحداث السابقه مجرد بروجرس

لو نرجع للعبة لوست (اللي على فكره لعبت نصها وماتحملت اكملها) و نشوف نهايتها:
http://www.youtube.com/watch?v=NclOOQ4iZDo

وبدايتها:
http://www.youtube.com/watch?v=x2aI-Xow5J0

مع العلم ان اللعبه ماكان فيها افكار عن التايم ترافلنج, و Lisa اللي شفناها في النهايه كانت في الواقع ميته قبل رحلة الطياره, طبعاً ما اقدر اقول ان نهاية المسلسل بتكون نفس النهايه هذي, لكنها تعطيك فكره عن الدوامه الزمنيه اللي يتغير فيها الاحداث.

 

[Snake-87]

بعض الأسئلة إلي تذكرتها مو مجاوبينها :

محتوى مخفي

- شسالفة علامة الدارما على سمك القرش ؟ (السيزن الأول أو الثاني)
- شسالفة الحصان الأسود إلي كان يطلع حق كيت بالجزيرة وكان يطلع لها بديرتها .
- وولت كان يتكلم لغة غريبة حق جون لوك .
- شسالفة أم الرقم .
- داخل الإنجيل الي لقوه حصلو فيه شريط مال الدارما إلي يطلع فيه الكوري ؟؟؟ شالسالفة؟
- خزير يبي راس سوير ؟؟؟؟؟
- إيكو الخال كان يحط علامات على الشجر.
-إيكو يكتب أشياء على الخشب .
- الدخان (يطلع أصوات حيوانات وأصوات فيلة وصوت شي مثل جهاز إلي تركب عليه السلسلة مالت السفينة )
- العرّاف الي يقول سافري بعدين غير رايه قال لا تسافرين او العكس (نسيت اسمها ام آرون) .
- وولت عنده قدرة يشفي الحيوانات وحظه صخر .
- أم جون لوك حملت فيه بدون أبو @@ !؟
- في واحد الي عينه مربوطة مات لما عبر حاجز الصوت بعدين رد مرة ثانية حق تشارلي بمحطة الإرسال إلي تحت الماي . شلون رد حي مرة ثانية ؟
- شسالفة الـwhispers ؟ من وين يطلع هالصوت ؟
- طير يمشي ويقول اسم هارلي ؟؟؟؟؟؟
- جاك لما كان محبوس وكان يمه انتركم سمع صوت ابوه يكلمه .
- الدخان تشكل على هيئة يد عملاقة ؟
- بين خذى حبيب بنته وحطه بغرفة ولبسه سماعات وحاط له سينما .. ؟؟؟ليش؟
- كلمة (آلوها) موجودة بمكتب ابوحبيبة ديزموند وهالكلمة يقولونها بهاواي للترحيب وموجودة لما رجعوا بالزمن للجزيرة . ونفس الوقت كان معلق صورة دب قطبي بمكتبه والدب أيضا طلع بمجلة كوميكس فرنسية وولت كان يبي يقراها بالسيزن الأول وفي أشياء بهالمجلة تحولت واقع بالجزيرة .

- الصندوق السحري : في غرفة يسميها بن الصندوق السحري وفيها بلاوي ومنها ياب أبو جون لوك .. شلون وصل الجزيرة ؟؟؟؟؟؟ بعدين لما سوير كان يعذبه قبل لا يذبحه قال انتوا مصدقين إنه انتوا احياء ؟ علبالكم هذي جزيرة صج ؟
- السوار إلي على إيد نايومي نفسه إلي على إيد سعيد !
- السفية (الصخرة السوداء) كان فيها كتاب وعرضوه بالمزاد ماقالو شسالفته وكان ابوحبيبة ديزموند يزايد عليه .
- توم (الشاذ- بولحية تركيب أيام الأوذرز) كان ميت بعدين طلع حي .. شلون ؟
- أحافير بتونس شسالفتها ؟ شعار دارما ؟
- الكوخ المتنقل مال جيكب ؟
- جيكوب ليش لمس أغلب الأبطال ؟ زار كل واحد فيهم ولمسه (جون لوك لما طاح من فوق - جين ومرته بالزواج - جاك لما عطاه كاكاو - سويرلما كان ياهل - هارلي لما عطاه الجيتار (جيتار صح (&)؟؟) وانت رايح .
- الدخان شلون تحكم فيه أول مرة بن ؟
- بوعيون مكحلة شلون ما يموت ولا يكبر ؟

لوست مسلسل حلو ولكن ما يخلو من الأشياء العبيطة
أشياء عبيطة:
- لما الياهل المحبوس بقفص الدببة كسر القفل اشتغل الإنذار وراحو صادوه بس لما كيت تنحاش وتكسر القفل وتروح حق سوير بالسجن معاه ما يشتغل الإنذار ليش ؟ المخرج عاوز كده .
- مرت جين (نسيت اسمها) تروح تدرس انجليزي مع واحد أصلع بشــــقــــــــة . ليييش؟ تقول : its too complicated xD .
- دب يمسك إيكو من هدومه ويسحبه لي كهفه ويخليه وما يسويله شي ... مو يوعان ؟ حاطه بالثلاجة يعني وإلا شنو بالضبط ؟

- العالم قال حق ديزموند لما كان مريض ومو راضي يوقف الزمن كل شوي منتقل لازم تروح حق واحد تحبه حيل وراح تنشفي من المرض ... والله السبب غبي جدا جدا جدا على أي أساس العالم إكتشف هالشي ؟ على أي أساس ؟ مجرب يعني وإلا شنو ؟ لازم تروح حق أحد تحبه حيل علشان الإنتقال بالزمن يوقف عندك !

 

[moshakis_nl]

^^^^^^^

حياك الله في عالم لوست .. لوست المسلسل الوحيد الي اتفرج الحلقه مرتين وراء بعض و بعدين ارجع احك راسي

كم باقي علئ ما ينزل الجزء الاخير ؟
وهل الحلقه الاولئ ساعتين ؟

 

[Yaz3D]

Snake - 87 بحاول أجاوب على اللي أقدر من أسئلتك:

محتوى مخفي

- شسالفة علامة الدارما على سمك القرش ؟ (السيزن الأول أو الثاني)الدارما كانت تسوي تجارب على حيوانات في الجزيرة. عشان كذا كانت فيه دبب قطبية وأحصنة وأسماك قرش مختوم عليها. وعشان كذا فيه أقفاص عند الOthers. الحيوانات كانت محطوطة داخل.

- شسالفة الحصان الأسود إلي كان يطلع حق كيت بالجزيرة وكان يطلع لها بديرتها .
نفس جواب فوق. بس يمكن الحصان له سالفة ثانية ما انشرحت.

- وولت كان يتكلم لغة غريبة حق جون لوك .
أتوقع المفروض نعرف كلنا من الحين إن كل الأشخاص الغريبين اللي كانوا يطلعون من بداية المسلسل هذولي كلهم مزيفين. عدو جيكوب اللي أخذ هيئة جون لوك في سيزن 5, هو اللي سوا الحركات هذي كلها. يحاول يضبط أوضاع الشخصيات عشان في الأخير يوصل للـLoophole حقته. تتذكر يوم جون لوك راح للـCabin عشان يعرف وش اللي لازم يسويه, لقى عدو جيكوب ماخذ صورة أبو جاك وقاله "يحرك الجزيرة". كل هذا عشان يوصل لمطلبه.
تتذكر يوم في الموسم الأول, يوم جاك لقى بقايا عفش وشناط طايحة وسط الغابة, ومن ضمنها تابوت أبوه. يوم فتحه ما لقاه موجود. عشان عدو جيكوب أخذه وقام يتصور على شكله.

- شسالفة أم الرقم .
ما أنشرحت بالضبط للحين.
- داخل الإنجيل الي لقوه حصلو فيه شريط مال الدارما إلي يطلع فيه الكوري ؟؟؟ شالسالفة؟
كيف يعني شالسالفة؟ واحد حطه داخل الكتاب عشان يحميه أو شي. لول
- خزير يبي راس سوير ؟؟؟؟؟
حيوانات تستهبل. لول
- إيكو الخال كان يحط علامات على الشجر.
كان يبغى يبني كنيسة ويحدد الأشجار اللي بينشرها.
-إيكو يكتب أشياء على الخشب .
كلام من الإنجيل.
- الدخان (يطلع أصوات حيوانات وأصوات فيلة وصوت شي مثل جهاز إلي تركب عليه السلسلة مالت السفينة )
للحين ما أنشرحت.
- العرّاف الي يقول سافري بعدين غير رايه قال لا تسافرين او العكس (نسيت اسمها ام آرون) .
في حلقة أخرى من السيزن الثاني, يطلع نفس العراف في فلاشباك إيكو ويقول إنه كذاب وإنه بس يجمع معلومات حول الناس ويستخدمها ضدهم.
- وولت عنده قدرة يشفي الحيوانات وحظه صخر .
ما أنشرحت.
- أم جون لوك حملت فيه بدون أبو @@ !؟
لول.. أجل شلون أبوه طلع بعدين وسرق كليته؟ الفلاشباك هذاك, أم جون كانت طالعة تقابل خويها, أبو جون, اللي هو Anthony Cooper. http://lostpedia.wikia.com/wiki/Anthony_Cooper

- في واحد الي عينه مربوطة مات لما عبر حاجز الصوت بعدين رد مرة ثانية حق تشارلي بمحطة الإرسال إلي تحت الماي . شلون رد حي مرة ثانية ؟
هو قاله بنفسه. الحاجز ما كان محطوط على درجة قاتلة.

- شسالفة الـwhispers ؟ من وين يطلع هالصوت ؟
ما أنشرحت.
- طير يمشي ويقول اسم هارلي ؟؟؟؟؟؟
هيرلي كان يتخيل إنه يقول اسمه. بس الطير هذا نفسه للحين محيرني وش سالفته. لول
- جاك لما كان محبوس وكان يمه انتركم سمع صوت ابوه يكلمه .
يمكن عدو جيكوب؟
- الدخان تشكل على هيئة يد عملاقة ؟
متى؟ :surprised:

- بين خذى حبيب بنته وحطه بغرفة ولبسه سماعات وحاط له سينما .. ؟؟؟ليش؟
بيغسل مخه علشان يخليه ينسى بنته.

- كلمة (آلوها) موجودة بمكتب ابوحبيبة ديزموند وهالكلمة يقولونها بهاواي للترحيب وموجودة لما رجعوا بالزمن للجزيرة . ونفس الوقت كان معلق صورة دب قطبي بمكتبه والدب أيضا طلع بمجلة كوميكس فرنسية وولت كان يبي يقراها بالسيزن الأول وفي أشياء بهالمجلة تحولت واقع بالجزيرة .
أبو بيني كان هو من الجزيرة أصلاً, فيعرف وش الأشياء اللي فيها. أما المجلة فـ مدري.

- الصندوق السحري : في غرفة يسميها بن الصندوق السحري وفيها بلاوي ومنها ياب أبو جون لوك .. شلون وصل الجزيرة ؟؟؟؟؟؟ بعدين لما سوير كان يعذبه قبل لا يذبحه قال انتوا مصدقين إنه انتوا احياء ؟ علبالكم هذي جزيرة صج ؟
بين بنفسه قال إن الصندوق السحري مجرد "Metaphor". كلام فاضي. أما أبو جون فـ الظاهر خطفوه هم. مدري. هو كان يهذي في النهاية أصلاً مجنون من يومه.

- السوار إلي على إيد نايومي نفسه إلي على إيد سعيد !
والله؟ لول ما انتبهت.

- السفية (الصخرة السوداء) كان فيها كتاب وعرضوه بالمزاد ماقالو شسالفته وكان ابوحبيبة ديزموند يزايد عليه .
اكيد كان يعرف إنه تبع السفينة اللي في الجزيرة.

- توم (الشاذ- بولحية تركيب أيام الأوذرز) كان ميت بعدين طلع حي .. شلون ؟
ما رجع حي.. إذا شفته حي بعد ما مات, فأكيد مجرد فلاشباك.

- أحافير بتونس شسالفتها ؟ شعار دارما ؟
ما أدري. يمكن الدارما كانت لها محطات حول العالم.

- الكوخ المتنقل مال جيكب ؟
ما أنشرح للحين.

- جيكوب ليش لمس أغلب الأبطال ؟ زار كل واحد فيهم ولمسه (جون لوك لما طاح من فوق - جين ومرته بالزواج - جاك لما عطاه كاكاو - سويرلما كان ياهل - هارلي لما عطاه الجيتار (جيتار صح (&)؟؟) وانت رايح .
لول, هذي ما طلعت إلا في الفينالي حق السيزن الخامس, أكيد بيشرحونها بعدين. عموماً هو أكيد عنده خطة. عشان كذا زارهم.

- الدخان شلون تحكم فيه أول مرة بن ؟
الدخان نظام دفاعي, تقدر تتحكم فيه من بيت بين. بس برضو, الدخان له علاقة بعدو بين. سالفة الدخان ما أنشرحت بشكل مضبوط إلى الحين.

- بوعيون مكحلة شلون ما يموت ولا يكبر ؟
لول, كلنا متعقدين. ما أنشرحت للحين.

- العالم قال حق ديزموند لما كان مريض ومو راضي يوقف الزمن كل شوي منتقل لازم تروح حق واحد تحبه حيل وراح تنشفي من المرض ... والله السبب غبي جدا جدا جدا على أي أساس العالم إكتشف هالشي ؟ على أي أساس ؟ مجرب يعني وإلا شنو ؟ لازم تروح حق أحد تحبه حيل علشان الإنتقال بالزمن يوقف عندك !

قال له لازم تلقى Constant خاص فيك. سالفة معقدة لها علاقة بالـQuantum mechanics.

 

[Snake-87]

^

محتوى مخفي

الدارما كانت تسوي تجارب على حيوانات في الجزيرة. عشان كذا كانت فيه دبب قطبية وأحصنة وأسماك قرش مختوم عليها. وعشان كذا فيه أقفاص عند الOthers. الحيوانات كانت محطوطة داخل.

ذكروا الدببة بس ما ذكروا أسماك القرش .
والدببة الموجودة شفناها ما عليها علامة الدارما .

نفس جواب فوق. بس يمكن الحصان له سالفة ثانية ما انشرحت.

اتوقع ماراح تنشرح .. لأنه الحصان نفسه بالجزيرة شافته كيت بديرتها .

حيوانات تستهبل. لول

بس يروح حق سوير ؟ ما يروح حق أي خيمة ثانية ؟ لوول المخرج عبيط .
الخنزير على ما اعتقد سوير كان يتهيئ انه ابوه أو واحد كان يكرهه دخلت روحه داخل هالخنزير فعلشان جذي قاعد يلحق سوير بس .

كان يبغى يبني كنيسة ويحدد الأشجار اللي بينشرها.

بس الكنيسة ما كان الخشب الي عليها أي علامات .. انا أول شي علبالي علشان الكنيسة .. لو مسويه مصلى xD .

لول.. أجل شلون أبوه طلع بعدين وسرق كليته؟ الفلاشباك هذاك, أم جون كانت طالعة تقابل خويها, أبو جون, اللي هو Anthony Cooper. http://lostpedia.wikia.com/wiki/Anthony_Cooper

امم في احتمال انها الكلام صح وهي حامل بدون أبو >.> وهذا نصاب أو شي ثاني.

متى؟ :surprised:

ما أذكر والله بس اعتقد لما بن استدعاه .. حتى انبطت جبدي قلت هذا سموكر من ون بيس >.> .

عندي نظرية بسيطة بخصوص الدخان والجزيرة

محتوى مخفي

الدخان لما طلع أول مرة قدام إيكو ماكان خايف منه وقعد يطالعه وكان حاط له الماضي قدامه والأشياء البشعة الي سواها (يقتل علشان اخوه) ولما طلع قدامه احس يكون الجزيرة تحاكمه أو (تحاكمهم) لأنه يقول انه مو ندمان ... ونفس الوقت كيت تقول انها مو ندمانة انها قتلت زوج امها وناس وايد عندهم شغلات سووها غلط ولي الحين (مو ندمانين) عليها . الي يتحكم بالدخان مهما كان هو الي قاعد يحاكمهم .

شي آخر ما تفسر :

محتوى مخفي

لما سوير كان بالغرفة وطايح غشيان كانت كيت عنده قعد من النوم وقام مسكها من رقبتها يبي يقتلها وكان حلمان .. ما اذكر شنو الحلم بالضبط بس ..شالسالفة ؟؟؟

 

[Yaz3D]

محتوى مخفي

الدخان لما طلع أول مرة قدام إيكو ماكان خايف منه وقعد يطالعه وكان حاط له الماضي قدامه والأشياء البشعة الي سواها (يقتل علشان اخوه) ولما طلع قدامه احس يكون الجزيرة تحاكمه أو (تحاكمهم) لأنه يقول انه مو ندمان ... ونفس الوقت كيت تقول انها مو ندمانة انها قتلت زوج امها وناس وايد عندهم شغلات سووها غلط ولي الحين (مو ندمانين) عليها . الي يتحكم بالدخان مهما كان هو الي قاعد يحاكمهم .

اللي هو 99% جون لوك المزيف, أو عدو جيكوب.

تتذكر يوم قبل ما يموت مستر إيكو, يوم كان قدامه عدو جيكوب ماخذ هيئة أخوه, قال له: You speak to me as id I were your brother.

 

[Yaz3D]

شباب. ما أتوقع يحتاج سبويلر تاجز هنا إذا كان الشي اللي تكتب عنه من المواسم الخمسة الماضية.

 

[Dark soul]

سؤال :
في السيزون الاول او الثاني .. مب متذكر بالضبط

في القطب الجنوبي كان في شي مثل مرصد للزلازل .. و التقط اشارات كبيرة حق شيء ما .. شسالفتهم هالمرصد ؟

 

[Yaz3D]

^
اللي فهمته أنا إنه كان مرصد تبع Penny. يرصد أي "Electromagnetic Anomaly" للجزيرة. الجزيرة مالها مكان محدد على الخريطة, تتحرك كل شوي.. أتوقع بيني كانت تدور على ديزمند وتستنى إلين ما يجي يوم وينسى يضغط الـButton وتصدر الـEM Anomaly ويكشفون مكان الجزيرة الحالي.

أنت لو تلاحظ لما طاحت الهيليكوبتر وقت ما اختفت الجزيرة, قارب بيني اللي جاء وشال جاك والباقيين كانوا راكبين فيه نفس الاثنين الروسيين اللي كانوا في المحطة أو المرصد اللي في القطب الشمالي. أو الجنوبي مدري لول.

 

[G7Ga7]

[YOUTUBE]7XCcMwJNT08&feature=player_embedded[/YOUTUBE]

تلميحات:
http://twitpic.com/z7zi9
http://www.sl-lost.com/claire_badass.jpg
http://twitpic.com/z7zhj

 

[Fahad Al-Shareef]

واخيراً بيخلص .. وبنفتك من وجع الراس ..

سخاافه ..

محتوى مخفي

طلعوا من الجزيرة ، بس لازم يرجعون ليه ؟ لأن الجزيرة تحتاجهم .. تموت الجزيرة ,, هم يحتاجون الجزيرة والجزيرة تحتاجهم ؟؟!! ..

صراحة بديت احس ان اللي كاتب القصه ناس في منتصف الاربعينات او حتى الخميسنات خرفانين مايدرون وين ربي حاطهم ،،


شباب نو افينس للفاااانز ، ، اكتب كلامي هذا مع كامل احترامي لهم ،،