ههههههههههههههههههههههههههه هههههههههههههههههههههههههه عطوه لايك لو تحبون تضحكون اكثر xD
والله العالم هذي حتكون ماريو لو إنها من إخراج ورؤية كريستفور نولان...>_>
مستعد اقطع يدي أنه هذا الشخص قاعد يمثل و يتغابى على المشاهدين !!
اصلا هو كاتب بيوتيوبمستعد اقطع يدي أنه هذا الشخص قاعد يمثل و يتغابى على المشاهدين !!
لزبده من المقطع : حل المشكله بطريقه كوميديه غبيه ، وبنفس الوقت الفيديو كله كوميدي عفوي ، ادعموني سبسكرايب واهم شي لايك وفيفرت ، <~ المفظله .. وحياكم الله جميعاً .. واهم شي الردود تكون محترمه
ههههههه توقعت بس انا الوحيد ,,مين العضو الي لسه ما جاله طلب صداقه من العضو MR.RAMBO ؟؟
هههه اعتقد انا ثاني واحد طلب مني صداقه لاني لقيت حمدي ضايفه قبلي دوبي دخلت صفحته لقيت 226 عضو من اصدقائه ما شاء الله عليه شغال تجميع
[video=youtube;G_4dTE8MQWY]http://www.youtube.com/watch?v=G_4dTE8MQWY[/video]
لا تعليق
لول معليش عبدالله بس تتوقع المسألة علشان الحريقة او الموتى؟ اذا كذا ياما سمعنا باصات مدرسات ينقلبوا او حرايق في بيوت و جرايم بنص الشارع...الخ.لا تفهموني غلط بس الموضوع اخد اكبر من حجمه بكثير .. و اهالي جده احسهم يدوروا على جنازه و خلاص
لول معليش عبدالله بس تتوقع المسألة علشان الحريقة او الموتى؟ اذا كذا ياما سمعنا باصات مدرسات ينقلبوا او حرايق في بيوت و جرايم بنص الشارع...الخ.
لكن المسألة مش هنا، المسألة في شي ثاني. اسألك بالله، عمرك شفت مدرسة في السعودية مهيئة و فيها سبل السلامة في حال الحريق/فيضان/عاصفة او اي كارثة طبيعية ثانية؟
ليش المدارس صايره زي السجن؟ المدرسة اللي قدام بيتنا فيها سور طوله يوصل للدور الثاني عندنا، غير الشبابيك المسوّرة وما فيه مخارج طوارئ واكاد احلف بالله انه لما يوظفوا معلم ما يدربوه/يقولوله ايش الاجراءات و وين ممكن يوجه الطلاب في حال حدوث اشياء زي كذا.
تدري ايش اللي رفع ضغطي من السالفة؟ مدى رخص روح الاوادم في السعودية، دائماً ما يسوون شي الا لما يموت واحد وطز في اهله وممكن يموت اكثر من واحد الين ما تتحرك البلدية او الجهة المسؤولة، تبغى مثال؟ التقاطعات و المطبات. ما يحطوا مطب في تقاطع خطير الا لما يصير حادث و يموت كم شخص.
مثال على ذلك التقاطع اللي جمب بيتنا، تقاطع مره خطير و تصير حوادث كل مره لكن طفيفه، لما ماتوا اثنين ذيك الساعه تلعلعوا و حطوا مطب و اشارات مرورية. و الله العظيم دم اخوك المسلم زي رخص التراب هنا، حوادث و موت و كوارث وغرق مدن كامله و تدمر ولحد يتحرك، ياخي ليش كذا؟ مش احنا ديرة الاسلام؟ مش دم المسلم اغلى من كل شي ثاني في الدنيا؟
يا ناس اوعوا، فيقوا و شوفوا قد ايش السلامة مرمية على جمب هنا. كلها من باب "يا رجل كل واحد قدره منقوش، يعني راح تفوّت وقتك المكتوب؟"
عبدالله انت عارف طموحك صح؟ اهدافك؟ ايش كنت ووين رحت وايش عملت؟ كم كمية التعب اللي بذلتها؟ سنوات مرت عليك و الوقت مشي شوي شوية في لحظات، لكنها تنفرج علشان لحظة الفرح اللي كنت تنتظرها؟ زي التخرج، لقاء عائلتك، الزواج، اول ولد لك، مكان عملك..الخ، طيب تخيل كل هذا يروح؟ بس كذا يروح.
يروح و محد يهفلك خبر، محد يجلس يقول "بس عبدالله جلس سنين كثيره، الجهد ذا حق امة كاملة!" لأ، راح تندفن و خلاص. علشان ايش؟ والله علشان واحد اصله و نخاعه فساد، عدم اخلاص و امانة، جالس في مكتبه يسرق الفلوس و يحضن كرسيه.
ايش بتكون ردة فعلك تجاه واحد سلبك كل طموحك و امالك و احزانك و افراحك، علشان كم الف و شغل حرام؟ الشعب ليش عصب وقت فيضان جدة؟ ليش عصب علشان المدرسة؟ لأنه حس انه مسروق، حس انه فيه ناس يعاملونهم كغنم، ناس بدون قيمة.
خلاصة كلامي: لا تعامل الموتى كارقام على ورقة الجريدة، او على قناة اخبار، حس فيهم و اعرف السبب اللي خلاهم ينحرموا من كل شي، وايش اللي دفع المسؤول لسرقتهم.
الله يرحم موتى المسلمين.
احب اعلق على هذي النقطة .. فعلا الكلام هذا صحيح و بقوة بعد ، يعني لفت انتباهي بعد يوم او يومين من الحادثة ان مدري جهة معينة تنفي ان يكون عدد الشهداء 40 و تقول انه بس 2 الي توفوا (فقط) !! يعني هذولا الإثنين عادي لو ماتوا بس اهم شي ان الكلام الي يقول 40 خطأ .. لهالدرجة ارواح هذولا الإثنين رخيصة حتى يقولوا اثنين فقط ! يعني عادي السالفة ؟!تدري ايش اللي رفع ضغطي من السالفة؟ مدى رخص روح الاوادم في السعودية
انا ما اختلف معاك في اي شي قلته .
بس في ماسي و حاجات اكبر من كذا و تصير ... مهي اول مدرسه انحرقت... تقدر تشوف اكثر من كذا و اسوأ و محد يتكلم عنه .. طيب حادث الباص -اللي في حائل اتوقع- ليش ما اخذ نفس الزخم ؟ مع ان اللي اتوفوا 12 و مو 2 ؟؟؟
انا ما استرخص حياه البشر و العياذ بالله . بس اللي يصير من نواح و دراما كثير صراحه . في دول ثانيه مو حياه البشر رخيصه لا مالها قيمه اساسا .
ممكن مو عارف اوصل فكرتي بس صراحه اللي يصير اوفر.
و الله يرحم موتى المسلمين اجمعين