الموضوع الرسمي للمواضيع العشوائية (Random Threads) الجزء الثاني

[Saadawii]

ما لقيت مكان أنسب غير هالموضوع

اليوم بالجمعيه عند الكاشير ... كنت حطط اغراضي * كانوا وايد * على السير ألي يتحرك ببطئ تبع المكينه .. بإتجاه الكاشير..... وبينما الكاشير قاعد يحاسب شخص قدامي .... جت وحده ... معاها غرضين *عدد2* ... وحطتهم ورا اغراضي ... بحيث هي تنتظرني أنا لما اخلص حساب وادفع يالله يجي دورها .....
ومن نزاهتنا أحنا العرب .... نحب نطبق مفهوم ( السيدات اولاً ) مع الغرب بس مع الزوجات ما نطبقه XD

شلت لهم اغراضها ... وخليتهم قدامي ... يعني طمرتها وخليتها تاخذ مكاني ...... طبعا مو اهني المشكله !!!
المشكله صارت لما شلت الأغراض ملوتها !! .. ما كنت اعرف شنو نوعيتهم .. بس لما شلتهم بأيدي ... ما أحس ولاا عيوني صاروا مثل هالمخلوق

وحسيت قشعريره بجسمي ... ووجهي أنقلب اصفر ... حسيت بالأحساس الخوف والرعب ألي كان يجيني وينتابني لما كنت اسوي غلط وألي كان هالشي بيأدي إلى ....ضربي من ابوي

شعور ما اقدر اوصفه ... بتقولون طيب شنو شلت !! .. بقول لكم شلت بطلين من ألي يحبونه الشعب

محتوى مخفي

المشكله ما حسيت وما استوعبت هالشي إلا لما مسكته بأيدي >_______< .... كنت متصوره علبه زيت زيتون ولااا ماي ورد ... كنت متصور أي شي ... إلا أنه يكون خمر !!!!!!!!

حسيت بأنه لوني قلب شاحب ..... وانا ماسكهم ... وبالقوه قدرت امسك روحي من الرعشه وحطيتهم قبل اغراضي ..... كل هذا صار ثواني بس بداخلي حسيت الشي استمر دهر ...

طبعا ما اشوف ولااا الأنسه قاعده تتبسم بوجهي .... وتتشكر ... وانا نفسيتي ما كان تساعد حتى أني انزل سب فيها ولو بقلبي لأنه خلتني امسك الخمر ....

حسيت روحي ارتكبت شي فادح ... معصيه .... اغضبت الله ... وخنت أهلي ألي وثقوا فيني وطلعوني للغربه :crying:
حسيت روحي صغير .... وبدت الشكوك تراودني ... بالله شباب ألي سويته غلط ولا صح !! بتحاسب عليه ولا لأ !!!
حاسس بتأنيب الضمير ... :crying:

يمكن بعضكم يتصور بأني ابالغ بس والله ما قاعد ابالغ ... ولا احاول ارسم صوره حسنه لي ... الشغله وما فيها بأني خفت من ألي سويته وابي من يشور علي

أما لو عيونك مثل هالمخلوق وتلبس برقع وتتمشى في النسيم، ما يبيلك يومين عشان تنخطب لول.

احسبها كذا: لو كنت داري انها خمر، كنت بتشيلها أو لا؟ ما كنت، يعني ما عليك ذنب والله أعلم، لأن الأعمال بالنيات.

يا حليلك بس، فيه ناس لو مكانك بيقطون معها عشان تعطيهم جغمه.

 

[Yaz3D]

لحظة. شفيه الآدمي مفجوع؟ الخمر شربه هو اللي حرام, مو لمس القارورة اللي شايلته. =\

 

[Saadawii]

لحظة. شفيه الآدمي مفجوع؟ الخمر شربه هو اللي حرام, مو لمس القارورة اللي شايلته. =\

فيه ناس يخافون من شبهة الإعانة عليه. زي اللي مثلاُ يشتغلون في محلات ويرفضون يحاسبون عن الخمر والخنزير.

 

[Noah`s Ark]

^
اهو لما يكون قاصد وعارف الإعانة عليه
اخونا في الله هنا ما يدري , ما صار شي بعد ..
صل على النبي واتعوذ بالله وخلاص .. الهايب الي مسويه ليش ؟ :sarcastic:

 

[Majeed]

الرجال جزاه الله خير ورع .. وهذا شي جيد أنه يكون عنده حساسية من الحرام لهالدرجة .. لأن مع التعود المسألة ممكن تهون عليه ..

 

[Saadawii]

^
اهو لما يكون قاصد وعارف الإعانة عليه
اخونا في الله هنا ما يدري , ما صار شي بعد ..
صل على النبي واتعوذ بالله وخلاص .. الهايب الي مسويه ليش ؟ :sarcastic:

لول. معك حق، بس أعجبني إحساس صعروره.

 

[Still Alive]

لول صعرورة .. قول لي انك تبالغ ؟ كل هذا عشان مسكت بطل يعني عيل لو شربت خمر بالغلط لا سمح الله ايش كان سويت !

الرجال جزاه الله خير ورع .. وهذا شي جيد أنه يكون عنده حساسية من الحرام لهالدرجة .. لأن مع التعود المسألة ممكن تهون عليه ..

:laugh::

ادري انك تقصد ورِع بكسر الراء :razz::

 

[Noah`s Ark]

لول. معك حق، بس أعجبني إحساس صعروره.

انا بعد , بس يوم قال لي في المسنجر انه الموقف تبعه اصعب من موقفي حسيته موقف أليم اكثر صج
بس طلع شي عادي :tongue:

:laugh::

ادري انك تقصد ورِع بكسر الراء :razz::

+1 :laugh::

 

[Snake-87]

لول صعرورة .. قول لي انك تبالغ ؟ كل هذا عشان مسكت بطل يعني عيل لو شربت خمر بالغلط لا سمح الله ايش كان سويت !

أهو جزاه الله خير الظاهر تذكر حديث الرسول صلى الله عليه وسلم:
"لعن الله الخمر شاربها، وساقيها، وبائعها، وبمتاعها، وعاصرها، ومعتصرها، وحاملها، والمحمولة إليه، وآكل ثمنها" أبو داود.

 

[KOTSHY]

[YOUTUBE]HUll5SnavOw&feature=sub[/YOUTUBE]

 

[Bakloyd]

"لعن الله الخمر شاربها، وساقيها، وبائعها، وبمتاعها، وعاصرها، ومعتصرها، وحاملها، والمحمولة إليه، وآكل ثمنها" أبو داود.

همممم، اتوقع المقصود بحاملها هو اللي يوصل الخمر، لكن كل اللي سواه صعروره انه شال الكيس وحطه بنية حسنه!

مدري ليش الحساسيه الزايده، انا متأكد ان اللي سواه صعروره "مستحب" خاصتاً وانه ماكان داري، لكن اذا كان داري ما ابغى افتي بس ما اشوف فيها شي، و ايضاً لها ايجابيات :normal:

 

[Still Alive]

أهو جزاه الله خير الظاهر تذكر حديث الرسول صلى الله عليه وسلم:
"لعن الله الخمر شاربها، وساقيها، وبائعها، وبمتاعها، وعاصرها، ومعتصرها، وحاملها، والمحمولة إليه، وآكل ثمنها" أبو داود.

بس المعنى من "وحاملها" في الحديث يعني المساعد على توصيلها .. يعني انك تشبلها لأحد عشان يشربها ، مش انه بمجرد ما الشخص يشيل قنينة خمر في يده يلعنه الله

 

[Photon]

[YOUTUBE]HUll5SnavOw&feature=sub[/YOUTUBE]

:laugh::

عندي سؤال .. كم مرة انمسك ريمي من الشرطة و اترمى بالسجن على حركاته ؟ :laugh::

 

[Snake-87]

همممم، اتوقع المقصود بحاملها هو اللي يوصل الخمر، لكن كل اللي سواه صعروره انه شال الكيس وحطه بنية حسنه!

مدري ليش الحساسيه الزايده، انا متأكد ان اللي سواه صعروره "مستحب" خاصتاً وانه ماكان داري، لكن اذا كان داري ما ابغى افتي بس ما اشوف فيها شي، و ايضاً لها ايجابيات :normal:

بس المعنى من "وحاملها" في الحديث يعني المساعد على توصيلها .. يعني انك تشبلها لأحد عشان يشربها ، مش انه بمجرد ما الشخص يشيل قنينة خمر في يده يلعنه الله

ما أفسر بالحديث ولكن كنت أقول إنه الظاهر أخونا تذكر الحديث .
أما تفسيره ماعندي علم وإن شاء الله الأعمال بالنيات ^^.

 

[s3rorh]

لول صعرورة .. قول لي انك تبالغ ؟ كل هذا عشان مسكت بطل يعني عيل لو شربت خمر بالغلط لا سمح الله ايش كان سويت !

يعل أيدي يصيبها الشلل ولااا أني اشرب خمر : حتى ولو بالغلط ...

شباب أنا ما امجد و امدح لكم بنفسي ... لأني بأول والأخير ... ما راح أحط شي بجيبتي !! ولا راح احصل فايده من ألي اقوله بتعود علي بالنفع !! ... ولا اسعى بأني اكوّن شي لنفسي وابيكم انتم تتصورونه عني .

أمس كملت سنه بأوروبا وأنا مفارق أهلي !! ... والحمدلله طول هذي السنه ما فكرت ولو للحظه أني أتبع أو تغريرني ملذات الحياه .... لأنه الحمدلله صحيح بأني مو رجال دين وملتزم 100% واسمع اغاني وإلخ ... بس في شغلات الواحد مرات يقع فيها ويدعي بأنه الله يغفر له ويخليه يبتعد عنها مع الوقت .... وفي شغلات خطوط حمراء وبهذا الكلام أقصد فيه *المعاصي الكبرى* طبعا
وطول هالفتره ... ما عمري تجرأت أمسك زجاجه خمر ولااا حتى بسبيل المزاح !!! وكان أمس هو أول مره بحياتي امسك فيها زجاجه خمر ... وبإذن الله بتكون الأخيره بعد !
يمكن البعض حس بأني ابالغ بس والله لا بالغت ... وياخذ الأمر مزحه ... بس شباب .. لا تستهينون بهذي الأمور !! حتى لو كانت بالمزاح

ذكرت حادثه قصها لنا المدرس ... وكان محتواها ... *بحاول أقول ألي اذكره طبعا*
بأنه في رجل ملتزم بالدين ومعروف عنه هالشي بالقريه والكل يدري مدى تمسكه بدينه وخيّر ويحب يساعد الكل من غير مقابل .... وكانت في وحده *عاهره* أجلكم الله ... عندها بنت ... ركبها الشيطان !! قالت بأنه تبي تشوه سمعت هالرجل الملتزم ...
في يوم من الأيام مر هذا الرجل من قدام بيت المرأه ... فجأه ولااا شافها تستغيث له من ورا الباب !!
فزع الرجل ... ولا إرادياً دخل لبيتها علشان ينقذها من الشي ألي تستغيث له ...
وأول ما دخل .... تفاجأ بأنه مافي شي !!! وكل ألي موجود هو البنت الصغيره .. وأمها العاهره ... و خمر !!!
وقالت له المرأه عندك 3 تختار فيهم !!
1- يا أنك تزني فيني !!
2- يا أنك تذبح بنتي !!!!!!
3- يا أنك تشرب الخمر !!!!!!!!!!!!
وإلا راح أصارخ وألم الجيران عليك وافضحك قدام الكل !
أرتعب الرجال من ألي قاعد يصير معاه ... شلون موقفه بيصير لما ينفضح قدام الكل ... خصوصا من بعد ما كانت له سمعه بين اهل القريه ... وأخذ يفكر بخيارات المرأه
وشاف بأنه الزنا ... من الكبائر ... وهالشي ما يجوز .... فا صرف النظر عن هالشي
وفكر بذبح البنت ... ويخصلها من هذه الحياه البائسه ومن أمها العاهره بس ما طاعت له نفسه يقتل نفس بريئه !!!
وشاف الخمر بأنه افضل حل واقلهم معصيه من الباقين ... علشان يشربه ويخلص من هذا الهم كله ... ومن ثم يدعي ربه بأنه يغفر له
وشرب الخمر ... ولما شرب الخمر ايش صار !!!
من بعد شربه للخمر .... الرجال عقله زال !! وكل معتقداته ألي كان متمسك فيها راحت !!!
ومن غير ما يشعر .... حصل ألي ما كان يتوقعه !!!
زنا بالمرأه ... ومن ثم ذبح البنت ... ومن بعدها خرج عند باب المرأه العاهره مترنح وجلس عند الباب ... وصار حالته صدمه للرايح وللجاي بالطريق !!

ولما استفاق اكتشف بأنه ارتكب كل شي !!! وخسر كل شي !!!

كل هذا حصل له لأنه استهان بالخمر و ما عمل له ألف حساب

شباب ... وين ما بتروحن .... خلوا عينكم على الله ... ولا تنجرفون ورا الشهوات والملذات ... لأنه الإنسان ما يدري جم من الوقت ممكن يعيش !!! وما يدري بأي وقت ممكن الله ياخذ روحه !!
فا علشان يبعد نفسه عن الشبهات ... لازم يكون صادق مع الله ... ومع اهله ... ومع نفسه .

 

[Jonas]

باسل مو تحس نفسك تبالغ شوي ؟
إنت شلت البطول و ما شربتها , و قلنا لك انه عادي لأن نيتك كانت طيبة !
و ما يحتاج تدعي على نفسك بالشلل عشان نصدقك

 

[Death Note]

المسألة مو مسألة مباغلة بالعكس شي زين انه حط إنتباهه وحذر لمثل هذا الشي..بس اهو ماكان قصده ..وكن على حسن نية يعني بذمتك ياصعروره لو انك دريت انه خمر جان شلته ؟ وانت متقصد شي اكيد من كلامك لا ..لذا ماعليك خوف ولا عليك شي بأذن الله ..درسنا الفقه وكل شي وخذنا ان الشخص إذا في مثل احلات هذي ماعليه شي ..حتى لو مثلا شخص غص بلقمه او شي ولا شعورياً ماكان يه إلا كاس خمر وشربه عشان يمرر الي في بلعومه ماعليه حرام هذا كه خذناه في المدرسه مو جايب كلام من عندي .

 

[Jonas]

شرايكم تقفلون السالفة المثيرة هذي ؟

 

[Bakloyd]

لو انك دريت انه خمر جان شلته ؟

يعني انا لو شلت الكيس وخليته قدامي هذا شي حرام؟

 

[G7Ga7]

"إنّما الأعمال بالنيّات, وإنّما لكل امرئٍ ما نوى"

ما يحتاج الدراما هذي صعروره. انت مكبر الموضوع ومخلي الي سويته كبيره. عارف انك ما تقصد, بس طالما نيتك صافية, الحمد لله, ما يحتاج تفكر فيها.

 

["a7mad"]

"إنّما الأعمال بالنيّات, وإنّما لكل امرئٍ ما نوى"

ما يحتاج الدراما هذي صعروره. انت مكبر الموضوع ومخلي الي سويته كبيره. عارف انك ما تقصد, بس طالما نيتك صافية, الحمد لله, ما يحتاج تفكر فيها.

:laugh::

صعروره ابقول لك الصراحة..

بالغت شويه بالموضوع..و اللي سويته ماهو حرام او مكروه او اي شئ.. شلت شئ ما تدري وشو و يوم شلته عرفت انه خمر و زي ماقال جح جاح انما الاعمال بالنيات ..

 

[Yaz3D]

أصلاً حتى لو داري. ما فيها شي لو تشيل القارورة.

 

[Death Note]

يعني انا لو شلت الكيس وخليته قدامي هذا شي حرام؟

مادري شنو دخل هذا السؤال في الكلام الي قلته :laugh:: انا مابي افتي واحلل على كيفي انا اتكلم عنه اهو لأنه يقول شلت البطول فا قلت له لو تدري انهم خمر جان اكيد ماشلتهم من كلامك وبس (&)

 

[s3rorh]

-__-

شكله غيرتي الأسلاميه طافحه بزياده ... على العموم في شغلات وايده ما راح تحسون فيها إلا لما تطلعون لأوروبا .. وفجأه تحصلون كل شي مباح قدامكم .... و اهني الواحد يقدر يعرف اذا كان مؤمن ولا لأ *ما اقصد بكلامي بأحد وما قاعد اشكك بإيمان أحد *
اسأل الله انه يثبتنا على دين رسول الله ليوم الدين


اوكي .... ما حبيت اتكلم وايد بالموضوع ... مع انه قلبي متروس ترس ....
بحاول اغير الموضوع

اقتبس من احد المنتديات

*
*
*






بسم الله الرحمن الرحيم


مساء أو صباح الخير على الجميع

شلونكم طيبين

اليوم عندنا مغامرة من نوع خاص



طبعا يوم أنطردنا من الاستراحة وعفشنا انحاس :icon10:

قمنا ندور حنا يالشلة المكونة من :

1- وليد

2- سعد

3- عاشق غلاه

4- لمسات فنان

5- واحد مانعرفه بس لقيناه يأشر :icon10:



..


طبعا كلنا مجركلين , حتى اللي ركب معنا ومانعرفه أخذ له رشفة :icon10:





طبعا السواق البروفيشنال ,, أبو مدحت :icon10:





الجيب هذا سارقينه من مزرعة , وريحته كلها كراث :icon10:










..


هالحين حذرت الشباب

وشغلت موسيقى حقت توم كروز ,, المهمة المستحيلة :icon10:








طبعا هذا سعد ,, تهور وقال بسوي حركة انتحارية , عشان يثبت حبه لحبيبته :icon10:

مدري وش دخل الحبيبة بهالحركة , بس شكلها مهبولة زيه :icon10:






...


ويدق تحية بمناسبة رجوع سلطان الخير إلى أرض الوطن :icon10:






وهنا يطلع لسانه , مدري وش يقصد منها , بس مالها دخل بالترحيب بسلطان الخير

كنت أبي أمسح هالصورة , بس للأمانة حطيتها << إلا تبي تنكب خويك :icon10:







في هذه الأثناء أبو مدحت يتهور :icon10:











..


وبعد حركة سعد لحبيبته , صمم لمسات أنه يسوي حركة لحبيبته بعد

وعاشق معه , بس عاشق ماعنده حبيبه , بس يبي يسوي هالحركة لأمه الغالية :icon10:






















متهورين هالشباب , كله في سبيل الحب , عشان كذا أنا ما أحب إلا جركلي :icon10:














..


بعدها نزلنا كلنا بالشارع وتركنا السيارة في قارعة الطريق :icon10:


شوفوا لنا استراحة تضفنا


والا تبون تشوفوننا بالتريلة اللي ورانا نرفعها على كفرين

وشوفوا للشباب حل بهالحب اللي دهورهم :icon10:


...







..



..




..




..



..




خلاص وش تبون , يالله روحوا ناموا :icon10:



..





..

:wow::w00t::wow:

 

[Yaz3D]

 

[Wild Fox]

[YOUTUBE]dBuzDvD68M8[/YOUTUBE]

 

[53]

 

[Majeed]

http://shinypixel.co.uk/wp-content/uploads/2009/05/well_well_well.jpg[IMG][/quote]

خخخخخ عالبياخة :laugh:: ..

 

[CyberMaster]

تنبيه ياشباب تنبييييه !!!

محتوى مخفي

 

[The Last Lombax]

^

فكم كلمة تنبيه في هذه الصورة (&)