Zero
فريق الأنمي
عمر أنا هالأشياء تتوقع أني مو منتبه لها؟ أنا أبغى "الشركة" تسوي شيء، مو حلول بديلة ما تسوي شيء ولا تغير من أسلوب الشركة، اللي أبغاه هو تغيير في أسلوب الشركة (سواء كانت سامسونج أو غيرها ممن بتتبعوا هالأسلوب).حسن الجهاز تقدر تغير خلفيته بأي لون تبغى بحكم انها قابلة للاستبدال (اللون الابيض ترى مجرد كوفر خلفي فقط), التصميم كتصميم حلو جدا ومايصنف كعيب بصراحة وحتى اذا كان مستوحى من جهاز ثاني, الكاميرا مشكلتها الفلاش وهاذي اتفق معاك انه عيب من سامسونج وخصوصا انه اجهزتها القديمه ماكانت تعاني من ذي الشغله.
مع كذا الشركة يحسب لها اشياء كثيرة جدا, الشاشة والمعالج وحجم الجهاز ونحافته والسامسونج ستور (لول من الاشياء اللي من غير صالح الشركة هو التوتش ويز اللي مصممين عليه رغم مشاكله), وغجمالا الجالكسي اس واحد من افضل اذا ماكان افضل جهاز جوال صدر بالعام الماضي واعتقد الجوائز اللي حصل عليها الجهاز والنجاح الضخم له تثبت ذا الشئ.
والأشياء اللي تتكلم عنها مادري ليش تقول تحسب لصالح الشركة؟ أتفق وياك أن الشركة مسوية شغل كويس، لكن هذه أشياء موجودة وقياس على اللي يقدمه السوق في تلك الفترة، المعالج هذا ستاندرد العام 2010، والشاشة ترى نوكيا عندها شاشة AMOLED (خصوصا آخر شيء نزلوه) ممتازة جدا... كأمثلة فقط.
أنا أتمنى سنة 2011 تكون أفضل، الجالكسي إس مو ذلك الجهاز الجبار اللي ما أحد يقدر يسوي زيه ويستحسن سامسونج ما تصدق نفسها بزيادة لول، برأيي السوق مفتقر بقوة للأجهزة المتزنة من ناحية المواصفات وعددا ما فيه تنوع كافي، هالأمر لوحده + كثرة الإصدارات للجالكسي إس ساعدته أنه يكون في الصدارة.
للأمانة أتمنى LG ترجع هالسنة تسوي شيء مثير للاهتمام بعد عامين مملين بشكل غريب جدا (2009 و2010 -___-)، بنشوف ويش يسووا في 2011، أتمنى فوق ما يعملوا أجهزة كويسة أيضا يعرفوا يبرزوها إعلاميا مثل ما تعمل سامسونج، ترى LG قتلت نفسها بنفسها لما تكاسلت وطنشت السوق شوي، لكن لو الشركة اشتغلت كويس أتمنى ما تخلص السنة إلا والماركت شير حقها 10% على الأقل.