الموضوع الرسمي للـ iPhone

[xxamerxx]

^^ حاول تعمل باكآب من الايتون

سويت باكاب لكن وين احصل نسخت الباكاب فيه
لازم انقل النسخة لهارد دسك خارجي وبعد الفرمته ارجعها لنفس المسار صح ؟

 

[Photon]

لاحول و لا قوة إلا بالله .. يعني لازم سيرفر تي جي يستهبل و يضيع وقتي بكتابة رد طويل عشان يضيعه علي :sarcastic:

عموماً ..

إشاعات متفرقة عن الآيفون الجديد :rockon:

Gruber then sarcastically (but not really) listed out a number of new features expected to show up in the next iteration of the iPhone, including a 960×640 double resolution display, a front facing camera, multitasking support in iPhone OS 4, and last but not least, the inclusion of Apple’s in-house A4 processor.
​

أول إشاعة هي شاشة دبل ريزولوشن 960×640 مع كاميرا أمامية ودعم للملتي تاسكنج في الـ iPhone OS 4 و بروسيسور آبل الخاص المسمى A4 >> نفس معالج الآيباد .. إذا الأداء من الفيديوات اللي شفناها للآيباد كان ممتاز عليه فما بالكم على الآيفون الصغير .. الجهاز بيصيح من السرعة و جبروت الأداء و بيشتغل بالنية قبل لا تلمسه :laugh::

Wow. That’s a lot to take in, but remember that Steve Jobs has already called the next iPhone release an “A+ upgrade” and Gruber’s predictions, if true, would certainly fit the bill. And adding fuel to the iPhone rumor fire is an Engadget report stating that the next-gen iPhone will be dubbed the “iPhone HD.”
​

إسم الجهاز الجديد بيكون iPhone HD و كما وصفه ستيف جوبز إنه راح يكون نقلة كبيرة بعبارة “A+ upgrade” .. أهم شي أهم شي أهم شي بطارية بعمر طويييييييل يا آبل عشان أكرف الجهاز بملتي تاسكنج و تصفح و تويتس و ثري جي بدون أفكر بالبطارية و همها ..

Omnivision announced a 5 megapixel OV5650 Image Sensor for mobile devices capable of capturing 720P quality video at 60 fps. So while it’s admittedly to early to tell if that’s the specific image sensor Apple will include in the next iteration of the iPhone, you’ve gotta imagine that if Apple is planning to release what sounds like a pro version of the iPhone, it’s gonna dress to impress.​

معلومات عن الكاميرا الجديدة اللي أطلقتها شركة Omnivision اللي تصنع كاميرا الآيفون .. كاميرتهم الجديدة بحساس صور و بقدرة 5 ميغابكسل قادرة على تصوير فيديوات بجودة 720P و 60 إطار في الثانية ..

أيضاً كانت الإشاعات اللي تتكلم عن الشكل المتغير كلياً تقول إنه حجم الشاشة بيكون أكبر من الحالية .. الحالية 3.5 إنش و الجديدة بتكون 3.7 إنش و طالع و بشاشة OLED بدل الـ LCD الحالية ..

قرأت أول إنهم بيغيروا البلاستيك الرخيص الحالي و يبدلوه بجسم ألومنيوم Unibody مثل أجهزة الماك الحالية و بشكل أنيق أنيق أكثر من الحالي اللي شخصياً حسيته مستهلك خلاص ..

حمااااااااس يا ناس ... مو قادر أنتظر أكثر حتى أحط يدي على الجهاز اللي صبرت له سنة عشانه .. بعد شهرين موعدنا يا آبل :lebb: :rockon:

 

[mario0o]

بانتظاره اكيد :rockon:

انا اول ما اعلنو عن ال3GS ما تريته واشتريت الـ3G واستانست بالجهاز. مع انه كمل الحين معاي سنة بس ما حسيت اني شبعت منه xD

بس اكيد بننتقل على طول للiPhone HD :rockon:

 

[Da S.O.S]

^
تقدر تقول .. بس ليش كل شوي حاذف لي بعض ملفاتي ؟!
وش هالبرنامج الاهبل .. لاحول ولا قوة الا بالله

ما تعرف تستخدمه =/= برنامج اهبل
لمن تشبك آيفون او آيبود بجهاز كمبيوتر غير الي تشبكه عليه دايما رح يقولك ان الآيفون مرتبط مع مكتبه بجهاز ثاني..
لمن توافق رح يمسح لك كل شئ وينسخ لك المكتبة الجديده.. الآيتونز يتعامل مع الألعاب والبرامج والأغاني على انها مكتبه مو برنامج او اغنيه لحالها.. والتحذير هذا يطلع كل مرة تشبكه بمكتبه غير, ما ادري كيف فاتك هذا الشئ او انك كنت مجرد تتجاهله وبعدها تتبلى على البرنامج المسكين.
اذا هالشئ مزعجك تختار خيار Manually manage music and videos وتصير تسوي Drag and drop للأغاني والملفات الي تبغاها من اجهزه كمبيوتر مختلفه..

عمليه إرجاع الباك اب لازم تشبك جهازك بالكمبيوتر طبعا
لمن يظهر لك اسم الآيفون بالآيتونز بالقائمه اليسرى.. اضغط عليه بزر الماوس اليمين.. واختار Restore from Backup.

الآيتونز برنامج استخدمه من خمس سنوات تقريبا ومستحيل استخدم أي مشغل او مدير ملفات غيره.

 

[Da S.O.S]

انا ودي افرمت جهازي الـpc فيه طريقة اقدر اسويها ترجعلي كل البلاي ليست والشغلات الثانية بالايتيونز وما ابدأ من جديد

File>Library>Export Library
رح ينسخ لك ملف XML تخزنه بمكان بعيد عن الفورمات او بهارديسك خارجي.. بعد الفورمات رجع فولدر الآيوتنز حق الأغاني والفيديوز بنفس المكان بالكمبيوتر قبل الفورمات..
وبعده ما تنزل الآيوتنز مرة ثانيه تسوي Import وخلاص.

 

[haMod07]

ما تعرف تستخدمه =/= برنامج اهبل
لمن تشبك آيفون او آيبود بجهاز كمبيوتر غير الي تشبكه عليه دايما رح يقولك ان الآيفون مرتبط مع مكتبه بجهاز ثاني..
لمن توافق رح يمسح لك كل شئ وينسخ لك المكتبة الجديده.. الآيتونز يتعامل مع الألعاب والبرامج والأغاني على انها مكتبه مو برنامج او اغنيه لحالها.. والتحذير هذا يطلع كل مرة تشبكه بمكتبه غير, ما ادري كيف فاتك هذا الشئ او انك كنت مجرد تتجاهله وبعدها تتبلى على البرنامج المسكين.
اذا هالشئ مزعجك تختار خيار Manually manage music and videos وتصير تسوي Drag and drop للأغاني والملفات الي تبغاها من اجهزه كمبيوتر مختلفه..

عمليه إرجاع الباك اب لازم تشبك جهازك بالكمبيوتر طبعا
لمن يظهر لك اسم الآيفون بالآيتونز بالقائمه اليسرى.. اضغط عليه بزر الماوس اليمين.. واختار Restore from Backup.

الآيتونز برنامج استخدمه من خمس سنوات تقريبا ومستحيل استخدم أي مشغل او مدير ملفات غيره.

أهوو كذا ! .. طيب .. أنا أستعمل الايتونز بس ادا باسوي باكب أب و باحط أغاني جديدة ..
كيف أحط أغاني جديدة بأفضل طريقة و أضمن ان مايمسح اي شي من ملفاتي ؟
وعملية الباك أب سهلة طبعاً مايحتاج شرح لها ..

 

[Da S.O.S]

أهوو كذا ! .. طيب .. أنا أستعمل الايتونز بس ادا باسوي باكب أب و باحط أغاني جديدة ..
كيف أحط أغاني جديدة بأفضل طريقة و أضمن ان مايمسح اي شي من ملفاتي ؟
وعملية الباك أب سهلة طبعاً مايحتاج شرح لها ..

اذا كنت تحمل اشياء من اجهزه مختلفه.. خليه Manually ورح يمشي تمام معك.. لأن الاضافه ما رح تصير إلا بسحب الأغاني واسقاطها بالآيفون.

انا شخصيا مريح نفسي ومخليه على جهاز واحد ويسوي Sync اوتوماتيكلي.. ولو فيه اغاني او فيديوز ابغاها من احد اخذها بهارديسك خارجي واحطها بجهازي واضيفها للمكتبه.

 

[Leon]

عجبني الإسم "iPhone HD" .. أنا ضد عملية التسمية المتسلسلة للأجهزة "1G،2G,3G,4G إلخ"، المواصفات خرافية على الرغم من إنها مجرد إشاعات ويمكن ما راح نشوفها فعلياً في الجهاز ، شخصياً مستبعد موضوع قدرة الكاميرا على التصوير العالي التعريف للفيديو 720p .. مو لسبب معين لكن دائماً لمن يتعلق الموضوع بإشاعات لجهاز معين تكون هذه الخاصية في مقدمة الإشاعات وغالباً ما نشوفها ، لكن كالعادة الهايب الحماسي في محله دائماً لمن يتعلق الموضوع بالأيفون ، عندي فضول كبير عن كيف بيكون شكله .. لول حماس .

 

[Photon]

^
من متابعتي لأخبار الآيفون ريان من سنوات أثبتت لي إنه دايما تطلع الإشاعات حوله صحيحة بنسبة 90 % و دايما نسبة المفاجآت تكون أقل ..

السبب لأنه المواقع التقنية تتبع مكاتب براءات الإختراعات و الشركات المتعاونة المصنعة للقطع المختلفة للجهاز و أحيانا يحصلوا على صور مسربة ماتدري من وين فالمرة هذه نسبة تحقق الإشاعات تتخطى الـ 90% و خصوصا بموضوع الكاميرا لأنه شركة أوميني فيجين قدمت كاميرتها سابقاً .. طبعا الخيار راجع لآبل إذا بتستخدمها أو لا لكن ليش ما يستخدموها و وقت ثورة هاردوير الآيفون حانت .

أنا يكفيني لو حطوا فيه معالج A4 الخارق و بقعد ثلاث سنين بجوالي و أكثر بدون ما أحس بأي داونجريد :inlove:*

 

[Leon]

^ ذكرتني بخبر Omnivision لمن كشفت عن بدء عملية تصنيعها لكاميراتها للجهاز الجديد .. لو عملتها فعلاً بتصير حاجة رهيبة ، لو فعلاً تأكدت المواصفات المذكورة في الإشاعات وقتها بيكون day1 بإذن لله .. مالي إلا كم شهر من يوم ما أخذت الـ3GS وما عندي أي مانع أبداً إني اَخذ الجديد .

 

[Noah`s Ark]

شباب , أنا مقبل على شراء آيفون الفترة القادمة
فما أدري حاير بين 3G أو 3Gs
لأن بصراحة الفرق 940 ريال و أبغى مبرر مقنع للزيادة هذي
يا ريت تساعدونا

 

[itachi]

June 22nd
ننتظر هذا الموعد بأحر من الجمر ...
صحيح اغلب الأشاعات اللي تطلع اغلبها صحيحه وشي متوقع الجهاز يساير الموجود في السوق حاليا ..وهم كذلك يطلع التقنيات الجديده قبل الكل

 

[Bakloyd]

بعد مقلب الـiPad ما برفع آمالي، ننتظر ونشوف، اذا كان يستحق بشتريه في اوكتوبر ١١ -لازم تمر سنة على جوالي عالاقل:annoyed:-

 

[عاشق 360]

شباب انا هاليومين طاقه براسي اشتري تلفون الجديد ...
بالبدايه كنت مقرر اخذ لي الـ " Htc HD2 " مع الاي بود تاج " للبرامج والالعاب "
بس ماعرف محتار هل انطر الايفون الجديد " خوفي يتأخر عندنا بالسوق فوق موعد طرحه او ينزل بأسعار خرافيه " او اتوكل على الله واخذ الجهازين الي فوق ؟ " ماعندي مشكله اصبر 3 او 4 شهور زود علشان الايفون .

 

[Nintendo]

^^^

نصيحة لوجه الله لاتفكر بأي جوال يستخدم نظام تشغيل ويندوز القديم (خصوصا انه الHtc HD2 بحسب الاعلان الرسمي ماراح يشغل نظام ويندوز موبايل7), ابعد عن الجهاز وخذلك شئ بنظام الاندرويد او انتظر للايفون الجديد.

 

[Photon]

بما إنه الإشاعات خفت حول الآيفون فجأة و العالم مشغول بالآي باد قامت آبل بشكل صامت بحجز قاعة موسكون بسان فرانسيسكو يوم 22 يونيو باسم مؤتمر المطورين السنوي و هو نفس المؤتمر اللي دايما يكشفوا فيه الآيفون الجديد كل سنة ..

موعدنا مع الآيفون يوم 22 يونيو بإذن الله

 

[IBrAhiM_86]

شباب عندي مشكله بالايفون و اهي انه مايشبك عالوايرليس ..
يشبك و يحط لي علامه انه يشبك بس لما ادخل على سفاري يعلق على شاشه رماديه و كلمة connecting وبعدها بس ما يشتغل ..

 

[itachi]

^^
- حاول تعمل اعاده تشغيل للايفون
- حاول تحذف الشبكات forget this network وأشبك من جديد
- حاول تعمل ريست لأعدادات الشبكه rest network

 

[Still Alive]

شباب متى تتوقعوا نزول الايفون الجديد ؟

ناوي اشتري الايفون 3GS تنصحوني ولا انتظر الجديد ؟

 

[Painkiller Q8]

شباب متى تتوقعوا نزول الايفون الجديد ؟

ناوي اشتري الايفون 3GS تنصحوني ولا انتظر الجديد ؟

يعمي اخذ 3GS اليوم وستانس ... ال4G تو الناس عليه ... + يبيله وقت يالله يصير سعره معقول !

عن نفسي اول ماينزل Windows Phone 7 راح ابيع الايفون .. بس راح اخذ iPod touch لان العاب الايفون مالي غنا عنها !!!

 

[Photon]

شباب متى تتوقعوا نزول الايفون الجديد ؟

ناوي اشتري الايفون 3GS تنصحوني ولا انتظر الجديد ؟

موعد الإعلان عن الجديد بيكون بيوم 22 June و حسب الشائعات الجهاز فعلاً يستاهل هذه المرة تنتظر عشانه .. إصبر كلها شهرين بس و بتحصل جهاز بيفرق كثير عن أول .

يعمي اخذ 3GS اليوم وستانس ... ال4G تو الناس عليه ... + يبيله وقت يالله يصير سعره معقول !

عن نفسي اول ماينزل Windows Phone 7 راح ابيع الايفون .. بس راح اخذ iPod touch لان العاب الايفون مالي غنا عنها !!!

لول متأكد أنك تتكلم عن الآي فون ؟ .. الجهاز هذا ماينزل و لا يرتفع سعره إلا لما ينزل موديل جديد فينخفض سعر القديم و الجديد ياخذ سعر القديم بالضبط بدون زيادة دولار واحد ( ما أتكلم عن النصب حق المحلات و المستوردين و غيره ) و بعدين باقي له شهرين فكيف تو الناس عليه ؟!!

أجل بتاخذ آيبود تتوش عشان الألعاب و معاه ويندوز فون 7 اللي ما جاب شي جديد و بالعكس قاعد يكرر عيوب الآيفون أو إس القديمة مثل مافي كوبي كت بيست و ملتي تاسكنج ؟!! ..

لول نصيحة خليك على الآيفون إذا كان كذا عشان ماتشيل جهازين بنفس الوقت بينما واحد يؤدي نفس الغرض لإثنين طالما عندك آلريدي.

 

[Still Alive]

يعمي اخذ 3GS اليوم وستانس ... ال4G تو الناس عليه ... + يبيله وقت يالله يصير سعره معقول !

عن نفسي اول ماينزل Windows Phone 7 راح ابيع الايفون .. بس راح اخذ iPod touch لان العاب الايفون مالي غنا عنها !!!

للآسف فوتون اقنعني :tongue: شهرين والقى جهاز أفضل وبنفس سعر الحالي .. انتظر احسن

بس فوتون يا ويلك يا سواد ليلك اذا ما صدر بعد شهرين او ما كان بنفس سعر الحالي :laugh::

 

[Photon]

للآسف فوتون اقنعني :tongue: شهرين والقى جهاز أفضل وبنفس سعر الحالي .. انتظر احسن

بس فوتون يا ويلك يا سواد ليلك اذا ما صدر بعد شهرين او ما كان بنفس سعر الحالي :laugh::

لا تخاف لول .. أعرف آبل كيف تخطط و من زمان أتابعهم و أتابع كل إشاعة تخصهم فتقدر تقول صرت أعرف كيف يفكروا :tongue:

بالنسبة لموعد 22 June فمثل ما قلت فوق :

بما إنه الإشاعات خفت حول الآيفون فجأة و العالم مشغول بالآي باد قامت آبل بشكل صامت بحجز قاعة موسكون بسان فرانسيسكو يوم 22 يونيو باسم مؤتمر المطورين السنوي و هو نفس المؤتمر اللي دايما يكشفوا فيه الآيفون الجديد كل سنة ..

هذا الخبر مؤكد .. الشي اللي يخليني متأكد و كل المواقع متأكدين من الآي فون الجديد هو إنه آبل تحجز نفس القاعة كل سنة بنفس التاريخ و كل مرة يعلنوا فيها عن الآي فون الجديد فما تشيل هم :

بالنسبة للسعر لو تتابع أسعار الأجهزة القديمة وقت إصدارها مع الأجهزة الجديدة بتلاحظ إنه مافي فرق بالسعر و الموديل القديم يطيح سعره للنصف تقريبا فحتى لو صار فأنت مو خسران شي لو شريت الثري جي إس بنصف سعره .. صفقة مربحة بالنهاية مقابل شهرين إنتظار بس :

 

[Bakloyd]

عن نفسي اول ماينزل Windows Phone 7 راح ابيع الايفون .. بس راح اخذ iPod touch لان العاب الايفون مالي غنا عنها !!!

لول من اسوأ القرارات اللي شفتها...

 

[Shot]

اليوم صدر Opera Mini بشكل رسمي تقدرون تحملونه من الـ App Store

جربته شويه وما شاء الله سرييييع

 

[Solay]

اليوم صدر Opera Mini بشكل رسمي تقدرون تحملونه من الـ App Store

جربته شويه وما شاء الله سرييييع

سريع والأنترفيس رهيب بس مشكلته ان اللغه العربيه مو مضبوطه وتجي مفصله والمشكله الثانيه الزوم واللي هو مستويين بس

فياليت شباب تسوي ريبورت بروبلم لهالمشكلتين عشان يعدلونها بأبديت.

 

[Arkan]

http://www.true-gaming.net/boards/showpost.php?p=635266&postcount=13088

شي انيق

 

[kInGsIzE]

اذا هالشئ مزعجك تختار خيار Manually manage music and videos وتصير تسوي Drag and drop للأغاني والملفات الي تبغاها من اجهزه كمبيوتر مختلفه..

هذا الشي بيصير بس للملتميدا ولا حتى الابز؟ ومن وين اعدلها

 

[The Blue King 9]

للخبراء بالآي بود ادري السؤال بمحلة بس مالقيت موضوع للآيبود والآي فون اقرب شيء له

انا عندي ملفات كثيرة بالآيبود من اللابتوب لكن صارت مشكلة غبية وانمسحت من اللابتوب والحين متوهق ما ادري كيف ارجعها من الآيبود للابتوب

فيه طريقة اقدر ارجع فيها الملفات او برنامج ولو كان غير قانوني ولا خلاص راحت علي كلها ؟

 

[i7asan]

^

بالنسبة للبرامج تقدر ترجعها للأي تونز حتى لو كانت غير قانونية

روح لFile بعدين Transfer Purchases from iPod
راح يسوي باك اب لكل برامجك من الاي بود الى الاي تونز