المزعج بيتزوج

[Huda]

السلام عليكم ورحمه الله وبركاته














نعود بالحادثه الى الخلف خخخخ
اول ماطلعت الجوال كنت ناجحه من ثالث ثانوي الى اولى كلية يعني قبل ثلاث سنوات
طبعاً معروف ان النحس ملازمني من طفولتي خخخخخ
لصق فيني رقم مزعج
ازعاااااااااج رسايل اتصالات مابقى احد مارد عليه ابوي اخوي امي مافي فايده ...
ضليت كم شهر مع هالرقم بعدين ابوي قطعه
وطلع لي رقم جديد
بعد كذا يوم مااحس الا نفس الرقم يرجع يزعجني من جديد !
انهبلت
والمشكلة رسايلة حقيره يسوي انه يعرفني مثلاً (وينك مادقيتي امس ؟ ) خخخخ بيطحيني بورطة
ابوي خلى عنده الجوال وصار كل مايدق يرد عليه ابوي
ومافيه فايده
ابوي قطع الرقم الثاني
وقال بطلع لك جوال بأسم اخوك علشان مايعرف الرقم
طلعته
وارسلت للبنات برقمي الجديد
من بكرة الصبح قبل لااطلع للكليه يرسل لي خخخخخخخخ
وقتها غبت عن الكلية من القهر :yuck:
بس بعدها قلت بكيفه ماراح اغير رقمي طفشني !
والكل جزم ان في بنت اعرفها معطيه رقمي لأحد والله اعلم لأن السالفه مو طبيعيه ..
مع العلم ان رقمي مايعرفه الا الاقارب والصديقات المقربات
ماعلينا
ضليت مع هالأزعاج لين قبل كم شهر
فجأه قطع عني !
قلت شكله مات خخخخخ :yuck:
لكن يافرحه ماتمت رجع ارسل لي من كذا يوم اسف على القطاعه كنت مشغول خخخخخ

بس جت لي رسالة اليوم منه ماادري استهبال ولا من جده يطلب اني احلله لأنه بيتزوج هههههه :yuck:
البيت انقسم معه قسمين
ناس يدعون عليه ومنهم ابوي:yuck:
وناس يدعون له بالهدايه ومنهم امي :yuck:
وناس مو مصدقين ومنهم انا :yuck:
هالولد يستحق انه يدخل كتاب للأرقام القياسية كأطول مزعج بالتاريخ :embarrassed:​

 

[SHABASH]

تعيشي وتاخذي غيرها ...

 

[Leon]

أن أخس ما عندي واللي يرفع ضغطي من جد هذولا العينة من الناس , أقسم بالله ماني عارف كيف يقدروا على تلقيطة الوجه هذي .. لكن فعلا إن لم تستح فاصنع ماشئت ..

بالنسبة لصاحبنا هذا أعتقد إنه مقرب من العائلة ولا مستحيل يعرف أرقامك كلها , طيب ليه ما تتصلي على 902 وتستفسري عن صاحب الرقم ؟!

 

[Mr.3B]

تعيشي وتاخذي غيرها ...

شكلك انت المزعج :slant:


على العموم الحمد لله على السلامة :yuck:

 

[pacino]

بسيطه..روحي لاقرب مركز شرطة اشتكي على الرقم و راح يروح في خبر كان..

 

[Huda]

SHABASH
اخذ غيرها ؟:gasp:
حرام عليك :cryy:

Leon
ايه والله صدقت :cryy:
انا شاكه بناس لكن ان بعض الضن اثم الشكوى لله :embarrassed:
المشكله انه يزعج من كذا رقم + كما هو معروف من المزعجين الجوالات مو بأسامائهم ببطاقات سوا او موبايلي ...

Mr.3B
الله يسلمك شكله بيعزمني بعرسه :yuck:

pacino
مثل ماقلت للأخ ليون للأسف الجوال مو بأسمه :embarrassed:

 

[Khalid-S]

خخخخخخخخخخخخخخخخخخ صدقيني .. الاشكال هذي .. ما ينفع معهم الا شي واحد ..

بس طبعا من النوع الاسود والرخيص ..

او الحركه الي سووها في حلقة طاش ما طاش الموسم الاخير .. خخخخخخخ فله الحلقه ذيك.

 

[pacino]

الحركه الي سووها في حلقة طاش ما طاش الموسم الاخير .. خخخخخخخ فله الحلقه ذيك.

وانت تقول موسم رجعت عيوني بالقرائة..حسبت اني قرات طاش ما طاش بالغلط!!

 

[Solay]

لووووول اتوقع انها وحدة من صديقاتك حبت تتسلى شوي^_^

 

[Khalid-S]

موسم 13 .. جزء 13 .. الي تسميه لول.

 

[G7Ga7]

قلت شكله مات خخخخخ :yuck:

هههههههه اضحك جملة في الموضوع

أما عن هذولا الأشكال , ناس غريبة ما تستسلم مهما كان -__-"

او الحركه الي سووها في حلقة طاش ما طاش الموسم الاخير .. خخخخخخخ فله الحلقه ذيك

الاسمنت الي بالسطح >_> ??

 

[Suzuki Yu]

من اكثر الاشياء اللي أحتقرها بالدنيا هذي , هي الترقيم والمعاكسات وقطة الوجه , من جد وجوه قوية ماتستحي من أحد :evil:

أصلا حركة من جد ان دلت تدل على مدى التخلف والرجعية والانحطاط , تقليل من قيمة الشخص لنفسه وكبريائه

 

[Huda]

Khalid-S
ههههههههه والله من جد :yuck:
تصدق انا تأقلمت مع الوضع بس الي مرتفع ضغطه ابوي فلو مسكه بياكل له طق مو طبيعي :yuck:

SOLAY
تتسلى شوي ؟ :cryy:
عموما هو ولد مو بنت بس الأكيد انه جاي من طرف بنت أعرفها ..

G7Ga7
جد غريب اصراره !
اموت واعرف انا من قتلت ولا ايش سرقت علشان ابتلي كم سنه :yuck:


Yu Suzuki
الترقيم والمعاكسات شيء وهذا شيء ثاني واضح انه في احد بيدخلني بورطه :slant:
بس بائت محاولاته بالفشل :cooool:​

 

[m7tram]

الله يعينج , بس اكيد وحده من البنات الي تعرفينهم اهي الي تعطي ولا اشلون يوصل له الرقم والله أعلم .

بس زين فكه يبي يتزوج وتفكين منه .

 

[Zero]

ناس قليلين حيا بشكل وما يخافوا ربهم ، عموما هالإنسان المتخلف شكله يشتغل في شركة اتصالات وإلا مو معقولة كل مرة تصير .. عموما الله لا يوفقه ( فضلت أني أدعي عليه خخخ )

 

[ZiZ]

عودة المقص الأسطوري!!!

خخخخخخخخخخخخخخخخخخ صدقيني .. الاشكال هذي .. ما ينفع معهم الا شي واحد ..

بس طبعا من النوع المصدي والكبير ..

او الحركه الي سووها في حلقة طاش ما طاش الموسم الاخير .. خخخخخخخ فله الحلقه ذيك.

...Fixed

عموماً ناس مثل ذولي من جد ما ينفع معهم إلا المقص... هذا تجاوز انحطاط المغازل إلى مستوى جديد كلياً...

أرسلي له رسايل علشان تنكبينه مع زوجته >.>;... أو أنه هذا الشيء اللي يبغاه...

 

[DeViL MiNd]

آفا ماعرفتيني انا وتزوجت وخلصت شوفي بيتنا بالشميسي جمب الي يبيعون افلام خخخخخخخخ

انا لو احد يزعجني اتصل عليه واسب فيه ذاك السب الين يصك بوجهي ولاعاد يدق

 

[Mada Mada Dane]

سمعتي صوته؟ احسه وحده من صديقاتك تستهبل على المدى الطويل ..

 

[Colorization]

لول، أتوقع والله أعلم إنها مزحة ثقيلة من أحد يعرف رقمج، والحركة بايخة حيل :\ لو تصير لي، إما أدق على شركة الإتصالات وأقول لها، أو أدق سلف لأقرب مخفر (المخفر لازق بطوفة بيتنا لول)

كانت تصير وياي بس مو جذي، إنه ناس يدقون "عبدالله موجود"، "أوه آسفين النمرة غلط". بعدها لما يسألون "إنت فلان" أقول لهم "إي"، يخترعون ويصكونه بويهي لول

 

[Mr.3B]

...

...Fixed

عموماً ناس مثل ذولي من جد ما ينفع معهم إلا المقص... هذا تجاوز انحطاط المغازل إلى مستوى جديد كلياً...

أرسلي له رسايل علشان تنكبينه مع زوجته >.>;... أو أنه هذا الشيء اللي يبغاه...

فيه أشياء كثيرة تنقص بالمقص .. وش ودك تقص بالضبط ؟؟ :yuck:

 

[ZiZ]

فيه أشياء كثيرة تنقص بالمقص .. وش ودك تقص بالضبط ؟؟ :yuck:

شعره... >.>;

 

[itachi]

ما عليه الواحد ما ياخذ إلا نصيبه

 

[king zell]

في حركة حلوة.. طلعي لك أكثر من رقم جديد.. و كل وحدة من صديقاتك عطيها رقم مختلف.. و شوفي في النهاية من وين يتصل عليك

 

[Evolution]

اذا تبين نصيحتي ،

سامحيه بينك وبين نفسك ، لا ترسلين له شي

ممكن يدعي لك دعوة خالصة من قلبه ما يكون بينها وبين ربي أي حجاب ، تكونين أنتِ في أمَسّ الحاجة لها .

وبالتوفيق

 

[Lunar Poet]

أرسلي له رسايل علشان تنكبينه مع زوجته >.>;... أو أنه هذا الشيء اللي يبغاه...

خخخخ كنت بقول نفس الشي P:

ممكن يدعي لك دعوة خالصة من قلبه ما يكون بينها وبين ربي أي حجاب ، تكونين أنتِ في أمَسّ الحاجة لها .

هالأشكال وجهها وجه دعاء :roll: ؟

 

[hussien-11]

في حركة حلوة.. طلعي لك أكثر من رقم جديد.. و كل وحدة من صديقاتك عطيها رقم مختلف.. و شوفي في النهاية من وين يتصل عليك

لوول و الله فكرة خطيرة

 

[خالد 333]

لوول و الله فكرة خطيرة

بس مكلفة :yuck:

 

[Futrus]

فيه أشياء كثيرة تنقص بالمقص .. وش ودك تقص بالضبط ؟؟ :yuck:

أحسن شي يقصون اصابعه اللي يدق فيها على الرقم :evil:

 

[Huda]

m7tram
صحيح وانا شاكة 90% بوحده اعرفها بس برضو صعبة وبتصير مشاكل لو قلت خخخخ
انا بنتظر شهر لو ماجا منه ازعاج فهو فعلا تزوج :yuck:

Zero
انا قايله انك مثل ابوي تسوق سياره مثله وانضميت لحزب الي يدعون عليه مثله :yuck:

Yoshi SD
فكرة مش بطاله خالص
اول مره اطقه بالعقال بعدين اقص رقبته بالمقص :yuck:
لا وين ارسل له مستحيل خله يولي انا ابي الفكه بس:yuck:

DeViL MiNd
انا قلت المسألة مو ازعاج :yuck:
السالفه ان في احد بيطيحني بورطه وترى كثير صارت مع صاحباتي
بعدين المزعجين هم يبغون البنات يعصبون ويصارخون عليهم :slant:



Mada Mada Dane
سمعت صوته زمان
صوت رجال
وبرضو ابوي واخواني كم مره ردوا عليه


Colorization
المشكله المخفر ماراح يسوي شيء الجوال مو بأسم المزعج ! :embarrassed:
تصير ارقام مزعجه ابوي يرد عليهم كم يوم ويقفون هذا لا ازعاج اصلي :embarrassed:



itachi
هههههههههههه حلوه :yuck:


king zell
للأسف ابوي رقم واحد ويالله شوف شروط ابوي بس :
1- الرقم مايتطلع الا بعد الثنوي
2- لازم يكون فاتوره
3- ممنوع سوا او موبايلي منعاً باتاً


Evolution
طبعا انا ماراح ارسل ولا في مره ارسلت له لا سب لا دعواي سافهته سفهه اصليه :roll:
خله يولي ماابي دعوته :embarrassed:



Lunar Poet

هو يبيها يبي ارسل له بس يخسي لو يموووت :yuck:
والله افكاركم يالشباب وحده حتى اخوي مثل فكرتكم خخخخ

Futrus
اصابعه ماتكفي اخاف يزعجني بأصابع رجوله :embarrassed:
يبغى له قص رقبة :embarrassed:​

ـــــــــــ

حبيت اوضح نقطه
يمكن السالفه صايره بسبب بنت ويمكن غصبن عنهاا وهي ماتدري
يعني اذكر وحده من صاحباتي بالثنوي تقول اخوها اخذ رقم من جوالها وصار يزعج صاحبتها والغبي بنفس رقمه فأنعرف انه هو ..

ويمكن وحده معطيه رقمي لأحد !
بس ماتوقع هالشيء سويت انا علشان هالحقد كله :cryy:

والله عالم البنات مصايب :cryy:​

 

[Mr.3B]

...

أحسن شي يقصون اصابعه اللي يدق فيها على الرقم :evil:

أنا ودي شي ثاني ينقص :yuck: