المحادثة الجماعية في PS4 لا تتطلب اشتراك PS+

[Rain]

قناة بلايستيشن اكسس اصدرت فيديو Q&A يوضح بعض النقاط الصغيرة في شبكة البلايستيشن ..

اهمها ان البارتي شات ما يحتاج اشتراك بلس..
وايضا استخدام تطبيقات الشبكة ( نت فلكس وغيرها)

بالاضافة الى ان قائمة الاصدقاء ستسع 2000 شخص.

المصدر والفيديو هنا: http://bit.ly/11pMuHu

 

[L.O.R.D]

2000 شخص عدد كبير جدا
انا يا دوب وصلت الى 50 صديق..لكن اللي يدخلو دائما يكونو 7 بالكثير
تخيل محادثة جماعية بين 2000 شخص ؟ الأن صار اسمها بارتي

 

[The Doctor]

^ماله داعي تفتح الباب

 

[Nasser]

اذأ البلس فقط لخدماته المعتاده و اضيف لها الاونلاين جيمنج .. الله كريم.

 

[ALaWi xX]

طيب باقي حاجة وحدة

المحادثة الجماعية كم شخص تدعم ؟

( كم لاعب يقدر يدخل الـ Party Chat ؟ )

 

[L.O.R.D]

^ماله داعي تفتح الباب

اي باب ؟
اسمه بارتي شات معروف
انا قصدت بارتي حقيقي...ماقصدت اقارن

 

[kiryu]

^
ما كان يقصدك

 

[Punished Noctis]

جيد.سوني مانسخت طمع مايكرو كامل هالجيل لحسن حظنا.

 

[Emirates]

^

Lol بس اتبعت سياسة اللعب بفلوس اللي هو مربط الفرس

خطوة جيده لكن شو الهدف اذا ما العب اون لاين هل بستخدم هالخاصية فقط اتصال ؟

 

[Nasser]

^

شو الهدف منها ؟

فرضاً انا انسان ما احب شيء اسمه الاونلاين جيمنج والعب بس سينجل بلاير واوف لاين .. وابي اسولف مع الفرندز اللي عندي بدون محد " يفرض " علي شيء ما ابيه. هنا الفايدة.

ثانياً سياسة الاونلاين بفلوس صارت ستاندرد و انت تعرف شو السبب اللي خلاها ستاندرد. لولا مزايا البلس اللي تسكت الواحد كان جد الامر يضايق .. ولو ان الموضوع لا زال يضايقني لاني اكاونتات البلس ابلي عندي الامريكي والاوربي هي غير اكاونت الاساسي ..

اوه نسيت .. اي اكاونت بلس بالجهاز كافي ان كل الاكاونتات الثانية تدخل اونلاين.

 

[Emirates]

هذي احسن ميزة اشوفها في البلاس واللي يخليني متحمس اكاونت واحد يشغل الاكاونتس

ممكن مثل ما قلت لكن عن نفسي حتى لو تضمنت فشي عادي لاني اغلب محادثاتي لما العب مولتي كود او اي لعبة ثانية،، ممكن انا ما بتفيدني هالميزه وبتفيد غيري اللي بيعتبرونها وسيلة اتصال مجانية

 

[Nasser]

ايش فايدة الكروس جيم شات مع كود ؟ ترى اسمه كروس جيم (&).

ع العموم ، اتمنى ما يتم رفع سعر البلس في المستقبل القريب ، ولو انه سعره يعتبر " بخس " على الأشياء اللي يقدمها.

 

[Sir Guts]

ممتاز. هذا الخبر قتل الإشاعة و لو ان اغلب مستخدمين الPSN الآن مشتركين في البلس.

 

[XORO]

اهم شي يكون مشابه للـ XBOX بحيث اني اقدر اتكلم مع اي شخص
بمجرد ما يكون اونلاين سواء كان يطالع فيلم او يلعب لعبة

 

[L.O.R.D]

اهم شي يكون مشابه للـ XBOX بحيث اني اقدر اتكلم مع اي شخص
بمجرد ما يكون اونلاين سواء كان يطالع فيلم او يلعب لعبة

هذا اللي اسمه cross chat
واعتقد انه مدعوم في الفيتا
واعتقد رح يندعم في الـ PS4 بسبب الرام حقه

 

[ASWD]

حريقة تحرقهم مع لكروس تشات حقهم.خلهم يرجعون الاونلاين المجاني هذ المهم مش محادثات.لابوهم لابو اللي تسبب في تحول الملتيبلاير بفلوس النصابين

 

[CODE-X]

حريقة تحرقهم مع لكروس تشات حقهم.خلهم يرجعون الاونلاين المجاني هذ المهم مش محادثات.لابوهم لابو اللي تسبب في تحول الملتيبلاير بفلوس النصابين

و اللي هي مايكروسفت و كان بيصير نفس الشي مع الدرم لو نجحت فيه ...
الحقيقة ما الومهم اذا كان هذا يعني شبكة افضل، السيرفرات و الشبكة و تصليحها و تحسينها اليومي مكلف و يعطونك عليه مميزات البلس على 3 اجهزة ايضاً و اهم الشي الاشتراك عالجهاز مش الحساب ...

 

[ASWD]

^

عارف انها الزفتة مايكرو هي ساس البلاء في ذا الموضوع بس ما حبيت اجيب اسمها المقدّس عند البعض وبعدها تعال فك عمرك من الترقيع والتلزيق ووجع الراس.لكن الشره علينا احنا الجيمرز لو من البداية وقفنا بوجه هالجشع مثل ما حصل مع الدرم وصارت مقاطعة للاشتراكات چان الوضع مختلف الحين بس وش تسوي مافي فايدة الكلام فالوقت الضايع..ومع هذ بيجيك جم واحد وبيبدا الترقيع الاهبل

 

[Zesky]

حريقة تحرقهم مع لكروس تشات حقهم.خلهم يرجعون الاونلاين المجاني هذ المهم مش محادثات.لابوهم لابو اللي تسبب في تحول الملتيبلاير بفلوس النصابين

طول عمرها الخدمات من النوع هذا مدفوعة مش مجانية.

البس3 كان مجرد استثناء.. لانه في بداية البسن ما كان يستاهل انك تدفع له بسبب البدائية بس تطور مع الوقت.

سياسة البسن حتى الان اشوفها عادلة جداً من ناحية المبلغ.. والقيمة المكسوبه من الاشتراك.

 

[ASWD]

^

طووول عمرها مسالة اللعب اونلاين مجان باستثناء الالعاب على شاكلت واركرافت فمدري من وين جبت انها طول عمرها مدفوعة.انا ما طالبت باشتراك بلس مجان انا طالبت بخدمة انا دافع قيمتها الريدي بما ان الملتيبلاير متضمن في قرص اللعبة ولا الافضل ينزلو الالعاب بدون ملتي واللي يبغاه يشتريه كباكيج من لستور ويدفع للعب ساعتها مالي حق اتكلم

 

[GYWN]

^

عارف انها الزفتة مايكرو هي ساس البلاء في ذا الموضوع بس ما حبيت اجيب اسمها المقدّس عند البعض وبعدها تعال فك عمرك من الترقيع والتلزيق ووجع الراس.لكن الشره علينا احنا الجيمرز لو من البداية وقفنا بوجه هالجشع مثل ما حصل مع الدرم وصارت مقاطعة للاشتراكات چان الوضع مختلف الحين بس وش تسوي مافي فايدة الكلام فالوقت الضايع..ومع هذ بيجيك جم واحد وبيبدا الترقيع الاهبل

مادري وش مزعلك لأنك بنهاية المطاف راح تشترك بالبلس بسبب الألعاب المجانيه الي يعطونك كل شهر.

 

[ASWD]

^

واللي مو حاط فباله لبلس اصلا وش يسوي؟

لو كان ودي اشترك فذي الخدمة كنت الحين عضو فيها

 

[The Last Lombax]

في سياق متصل، ألعاب الفري تو بلاي ما تحتاج بلس للعب.

 

[Zesky]

^

واللي مو حاط فباله لبلس اصلا وش يسوي؟

لو كان ودي اشترك فذي الخدمة كنت الحين عضو فيها

ترا سعرها 50$ يعني ارخص من بعض الالعاب واول ما تشترك تحصل العاب مجانية لك وتخفيضات وخدمات خاصة.

فاذا الشغله مادية بالنسبة لك فالامر مو منطقي إلا لو كنت ما تشتري العاب اصلاً.

 

[Xx XxxX xX]

هذي احسن ميزة اشوفها في البلاس واللي يخليني متحمس اكاونت واحد يشغل الاكاونتس

الXbox One راح يكون نفس الشي - اشتراك واحد لكل الحسابات

ترا سعرها 50$ يعني ارخص من بعض الالعاب واول ما تشترك تحصل العاب مجانية لك وتخفيضات وخدمات خاصة.

فاذا الشغله مادية بالنسبة لك فالامر مو منطقي إلا لو كنت ما تشتري العاب اصلاً.

يا رجل بكرة راح تنزل NEED FOR SPEED MOST WANTED فري . هذي الحالها سعرها 69.99 دولار في الستور السعودي ::::

 

[Rakan HD]

بس كم شخص كحد اقصى ممكن يحتويه البارتي ؟

الاكس بوكس اضن حدك 8 ..اتمنى ما يكون اقل من 5 .

 

[SAUD~F-16]

ترا سعرها 50$ يعني ارخص من بعض الالعاب واول ما تشترك تحصل العاب مجانية لك وتخفيضات وخدمات خاصة.

فاذا الشغله مادية بالنسبة لك فالامر مو منطقي إلا لو كنت ما تشتري العاب اصلاً.

غالباً الشغلة مو مادية؛ الشغلة شغلة مبدأ-شخصياً-. شخصياً مشترك في البلس و اشتراكي ساري المفعول والPS4 راح يشمله وكنت راح اشترك في البلس على اي حال لكن مع ذالك تضايقت جداً ومازلت اتنرفز جداً اذا تذكرت انه الأونلاين صار بفلوس؛هالأمور تجر معها اشياء اعظم وتفتح أبواب كثيرة لا يحمد عقبها.مثل ما سوني تبنت هالحركة الله اعلم ايش راح تتبنا مستقبلاً.
البلس خدمة اكثر من رائعة واشكر سوني عليها لكن الأن شوهتها للأسف

 

[JOKER MASK]

الXbox One راح يكون نفس الشي - اشتراك واحد لكل الحسابات​

وين اول مره ادري ممكن المصدر

 

[ASWD]

ترا سعرها 50$ يعني ارخص من بعض الالعاب واول ما تشترك تحصل العاب مجانية لك وتخفيضات وخدمات خاصة.

فاذا الشغله مادية بالنسبة لك فالامر مو منطقي إلا لو كنت ما تشتري العاب اصلاً.

مو سالفت فلوس انا اشتغل وفلوسي بيدي.وعارف مزايا لبس وياما مدحتها..المسالة بالمختصر ربط شي مجاني انا دافع قيمته بكل الاحوال بخدمة مدفوعة الاجر تحت ذريعة تحسين وتهبيل ومدري ايش وكلها تصريفات لا اكثر عيب اصلا اروج لشي مجان على اساس انه جزء من خدمة مدفوعة هذ يسمونه استغلال