Sage
True Gamer
انا توني متخرج من الثانوية الحمدالله, و ناوي اقدم على بعثة. عشان اقدم لازم احط 8 رغبات حق التخصصات, و انا بخاطري اتخصص بعلم الوراثة (genetics) و مو موجود الا بدولتين (استراليا و أيرلندا).. اللي بأستراليا اسمه بس "علم الوراثة", لكن اللي بأيرلندا اسمه "علم الوراثة و المعلومات الحيوية" (genetics & bioinformatics).. دورت عن معنى البايوأنفورماتيكس او المعلومات الحيوية و لقيت انه معظمها اشياء software و تعتمد على علوم الكمبيوتر و الرياضيات.. و انا اكره الرياضيات و سيئ فيها و ابي اتفاداها بأي شكل من الأشكال و هذا سبب من الأسباب اللي يخليني ابي اتخصص بالأحياء قبل اي شي ثاني. فهالسالفة مخوفتني شوي, و انا بخاطري أيرلندا اكثر من استراليا, فبغيت أسأل.. شنو المعلومات الحيوية بالضبط؟ و شلون دراستها؟ و هل هي تعتمد اعتماد كلي على الرياضيات و علوم الكمبيوتر ولا شنو؟
و ثاني شي هو الكيمياء الحيوية biochemistry. انا درست الكيمياء العضوية بالثانوية و عجبتني لكن ما درست الكيمياء الحيوية, و حبيت اسأل اذا هي من طقة الكيمياء العضوية ولا شلون؟ و شلون دراستها؟
و يعطيكم العافية مقدما.
و ثاني شي هو الكيمياء الحيوية biochemistry. انا درست الكيمياء العضوية بالثانوية و عجبتني لكن ما درست الكيمياء الحيوية, و حبيت اسأل اذا هي من طقة الكيمياء العضوية ولا شلون؟ و شلون دراستها؟
و يعطيكم العافية مقدما.